آخر اخبار الاكتتاب على 50 الف شقة في دمشق (التل - معرونة)

[سندباد]

اقتباس: المشاركة الأصلية كتبت بواسطة iass    لا عزيزي سندباد، لاحظ شو قلتلك، انو الحكي من زمان مو من هلق، هلق في مناطق بمعرونة صارت فيها فيلات. هلق في شغلة لازم ما ننساها، الناس صارت تسكن برنكوس وصيدنايا، فأكيد معرونة منيحة بالنسبة لرنكوس وصيدنايا. لانو الطريق سهل مو متل صيدنايا ورنكوس وبدا. يلي الطريق فيهن طلوع وبينقطع بالتلج. شغلة تانية. من شي 4 سنين، كان في مشروع لإعمار الشام أو هيك شي اسمها الشركة، عاملتو برنكوس. ورنكوس أبعد بكتير من معرونة. معرونة قريبة عالتل، وهيك مشروع رح يساهم بتحسين الطريق يلي بيوصل لهنيك. مثلا ضاحية قدسيا أختلف كتير الوضع بعد ما صار في الجسر يلي بين نهاية المشروع والضاحية. أنا ما بشوف المنطقة ممتازة، بس مانها سيئة. فينا نقول لأبأس بها. يمكن أحسن بكتير من مناطق كتير عطريق المطار، صحيا على الأقل. أو مناطق كتير بحرستا ودوما ومحيطها، بسبب الزحام طبعا. بس مانها أحسن من ضاحية قدسيا. ولا أحسن من السكن الشبابي الحالي يلي على امتداد ضاحية قدسيا.

طيب مو مشكلة قطاعين الطرق...

بس لوضح شغلة انو المناطق البعيدة متل رنكوس والزبداني و صيدنا صحيح في ناس اشتروفيها

بيوت وفلل لكن هي البيوت هي مصايف مو مشان يسكنو فيها شتاء وصيفا...

اما عن التل فالتل تبعد عن دمشق حوالي 15 كلم

اما حسب شرحك لموقع معرونة فتبعد معرونة عن دمشق ممممم حوالي 25-26 كلم....يعني يلي شغلوا بالشام بدو يطرق 50 كلم روحة رجعة يوميا ...!!!

نقارن ضاحية قدسيا بمعرونة من ناحية الخدمات ..ضاحية قدسيا صرلها حوالي 15 سنة ولسة بدها شي 5-6 سنين لتتخدم مزبوط بالمولات و النقل والشوارع...الخ

السؤال بدي اشتري بيت بمنطقة متل معرونة بدها 20 سنة مشان شوفها مخدمة من جميع النواحي....هون السؤال

ولا بدي اطرق مشوار للتل 10 كلم مشان جيب كم غرض جرزة بقدونس و كيلوا فجل...!!!

و تحياتي

[yasser world]

المشروع عباره عن سحب مال الشعب
150 ألف دفعة أولى عن الشقة الواحد كحد ادني
x
50 ألف وحدة سكنية
تعني 7,500,000,000
7.5 مليار ليرة سورية

أنا لن أشارك بليرة تدعم فيها إيران أو روسيا أو الصين أو من يمثلونهم عندنا

[وائل77]

في شي مهم ان مؤسسة الاسكان وبعد ما شافت انه الناس عم تبيع البيوت بسكن الشباب باعداد كبيرة قررت تخفيف من الاستفادة المالية للناس من مشاريعها فمن حيث التكلفة عام 2003 قدر كلفة المتر ب 7000 ليرة وسلم عام2009 ب حوالي 12000ليرة وعام2011 حوالي 14000ليرة اما في المشروع الحالي فاكثر من 20000ليرة مع ارتفاع اكيد بالسعر
ايضا موضوع تسديد 50 بالمئة قبل استلام الشقة يرفع الدفعات ويزيد الاعباء المالية للشقة
الواضح ان الاكتتاب الحالي لا يحمل اي منفعة مادية للمكتتب الا في حال رغبته بادخار ماله في شقة للمستقبل مع عدم وضوح وضع المشروع في ظل احوال البلد واوضع التعيس للحكومة

[ابراهيم طاهر]

هل ادلكم على تجارة رابحة :
ان تنجزوا سكن الشباب المتعثر اولا" من اجل مصداقيتكم وبعدها نتكلم
احبكم وتحبونني ويحب ناقتكم بعيري
سلموني ملف السكن اونا اتعهد لكم بحل مشكلت السكن بعام فقط في سورية وانا عند وعدي .

[rana-h]

شو هلق نسجل ولا لا

[iass]

اقتباس: المشاركة الأصلية كتبت بواسطة سندباد    طيب مو مشكلة قطاعين الطرق... بس لوضح شغلة انو المناطق البعيدة متل رنكوس والزبداني و صيدنا صحيح في ناس اشتروفيها بيوت وفلل لكن هي البيوت هي مصايف مو مشان يسكنو فيها شتاء وصيفا... اما عن التل فالتل تبعد عن دمشق حوالي 15 كلم اما حسب شرحك لموقع معرونة فتبعد معرونة عن دمشق ممممم حوالي 25-26 كلم....يعني يلي شغلوا بالشام بدو يطرق 50 كلم روحة رجعة يوميا ...!!! نقارن ضاحية قدسيا بمعرونة من ناحية الخدمات ..ضاحية قدسيا صرلها حوالي 15 سنة ولسة بدها شي 5-6 سنين لتتخدم مزبوط بالمولات و النقل والشوارع...الخ السؤال بدي اشتري بيت بمنطقة متل معرونة بدها 20 سنة مشان شوفها مخدمة من جميع النواحي....هون السؤال ولا بدي اطرق مشوار للتل 10 كلم مشان جيب كم غرض جرزة بقدونس و كيلوا فجل...!!! و تحياتي

أستاذي العزيز أبو بساط طائر
بالنسبة لقطاع الطرق قلت أنو من زمان كان في هيك شي. حاليا ما بعتقد لأنو المنطقة تخدمت إلى حد ما. أما بالنسبة للسكن. في قرية موجودة على الأرض أسمها معرونة. وفي ألها خط ميكرو وكل شي. وخدمات من أحلى ما يكون بالقرية. يعني مانك مضطر تنزل عالتل منشان هاد الموضوع. طبعا بتقديري أنو مكان المشروع رح يكون قريب لمعرونة. مو قريب للتل. بالنسبة للناس يلي ساكنين بالقابون وبرزة والعباسيين وهي المناطق وعملهن هنيك. رح تكون المسافة أقرب لألهن كتير من ضاحية قدسيا. ونسيت قول شغلة كنت نسيانها. أنو يمكن يكون في طريق من معرونة على المتحلق الشمالي. هلق سكان معرونة معظمهن بيشتغل بالشام. متل كتير من سكان صيدنايا وسكان رنكوس. في ناس ساكنة بالسويداء أنا بعرفها وبتشتغل بالشام. الوضع الحالي كتير من الناس ما معها مصاري تشتري بيت. منهم أنا :-) بس الحمدالله قدران لحد هلق أستأجر.
أنا من ناحيتي. ما معي مصاري حاليا لسجل. لو كان معي زيادة. أكيد كنت سجلت. بس يلي معي ما بدي فرط فيهن.
مع المودة

[iass]

اقتباس: المشاركة الأصلية كتبت بواسطة وائل77    في شي مهم ان مؤسسة الاسكان وبعد ما شافت انه الناس عم تبيع البيوت بسكن الشباب باعداد كبيرة قررت تخفيف من الاستفادة المالية للناس من مشاريعها فمن حيث التكلفة عام 2003 قدر كلفة المتر ب 7000 ليرة وسلم عام2009 ب حوالي 12000ليرة وعام2011 حوالي 14000ليرة اما في المشروع الحالي فاكثر من 20000ليرة مع ارتفاع اكيد بالسعر ايضا موضوع تسديد 50 بالمئة قبل استلام الشقة يرفع الدفعات ويزيد الاعباء المالية للشقة الواضح ان الاكتتاب الحالي لا يحمل اي منفعة مادية للمكتتب الا في حال رغبته بادخار ماله في شقة للمستقبل مع عدم وضوح وضع المشروع في ظل احوال البلد واوضع التعيس للحكومة

يعني غريبة سياسة الدولة عنا. بتغص إذا الواحد استفاد أو ربح. بتحس أنو عم تركض ورا الناس المعترة منشان ما تستفيد بقرش. وتاركة هالحيتان عم ينهبو البلد نهب. بتحس أنو ما بدها العالم يكون معها قرش زيادة. أكبر مثال سوق الأسهم. وقت فائض بنك الدولي للتجارة والتمويل. غصو. رح تجيهن الجلطة. رح يموتو. رح يصفرنو. قامت الدنية وقعدت. كانو رح يسكرو البورصة لأنو الناس ربحت. كيف ربحو والحرامية الكبار ما ربحو؟ ما بيصير. كل الإنهيار الحالي بالبورصة بلش من هالغصة والجلطة يلي أجتهن لأنو ربحنا من فائض الأسهم.

[غسان]

اقتباس: المشاركة الأصلية كتبت بواسطة iass    يعني غريبة سياسة الدولة عنا. بتغص إذا الواحد استفاد أو ربح. بتحس أنو عم تركض ورا الناس المعترة منشان ما تستفيد بقرش. وتاركة هالحيتان عم ينهبو البلد نهب. بتحس أنو ما بدها العالم يكون معها قرش زيادة. أكبر مثال سوق الأسهم. وقت فائض بنك الدولي للتجارة والتمويل. غصو. رح تجيهن الجلطة. رح يموتو. رح يصفرنو. قامت الدنية وقعدت. كانو رح يسكرو البورصة لأنو الناس ربحت. كيف ربحو والحرامية الكبار ما ربحو؟ ما بيصير. كل الإنهيار الحالي بالبورصة بلش من هالغصة والجلطة يلي أجتهن لأنو ربحنا من فائض الأسهم.

اخ لاتذكرنا ...........كلامك صح

احلى اياس اشتقنالك

[فهد]

اقتباس: المشاركة الأصلية كتبت بواسطة iass    يعني غريبة سياسة الدولة عنا. بتغص إذا الواحد استفاد أو ربح. بتحس أنو عم تركض ورا الناس المعترة منشان ما تستفيد بقرش. وتاركة هالحيتان عم ينهبو البلد نهب. بتحس أنو ما بدها العالم يكون معها قرش زيادة. أكبر مثال سوق الأسهم. وقت فائض بنك الدولي للتجارة والتمويل. غصو. رح تجيهن الجلطة. رح يموتو. رح يصفرنو. قامت الدنية وقعدت. كانو رح يسكرو البورصة لأنو الناس ربحت. كيف ربحو والحرامية الكبار ما ربحو؟ ما بيصير. كل الإنهيار الحالي بالبورصة بلش من هالغصة والجلطة يلي أجتهن لأنو ربحنا من فائض الأسهم.

اخ على زيادة التمويل
كلامك ذهب اخ اياس

[وائل77]

حسب كلام مسؤولي المؤسسة تنفيذ المشروع يعتمد على تسديد دفعات المواطنين من جهة والتزام الحكومة بتسديد نسبة 30 بالمئة من كلفة المشروع سنويا
والاسعار قابلة للارتفاع في حال ارتفاع اسعار مواد البناء