صالة أسعار صرف الدولار وباقي العملات ليوم الاحد 21-7-2013

[مجرد إنسان]

اقتباس: المشاركة الأصلية كتبت بواسطة غسان    فاصل رمضاني دولاري اشار ابو الطيب لتكسي ليستقله من سوق الهال الى بيته في قدسيا ... ابو الطيب : على قدسيا اديش بدك معلم ....؟؟ السائق : مابنختلف حجي طلاع طلاع ...الدنية رمضان ابو الطيب : يا الله خلال الطريق استمع ابو الطيب للديباجة المعروفة ( الدنيا غليانة وماعم توفي معنا وماعم نلاقي بنزين ومن وين بدنا نلاقيها من الشرطة ولا من الكازيات ولامن الزباين الكحتة ولا,,...ولالا .... ولا .... ابو الطيب صار راسو متل الطبل وعم يرد عالسائق .... بايوا وبهزة راس كل مرة..... حتى انشكلت رقبتو من كتر الهز وصلت السيارة لقدسيا ... ابو الطيب : ايه معلم.... اديش بتريد ؟؟ السائق : خلي علينا حجي والله انا حبيتك رمضان كريم كل عام وانت بخير مافي شي من قيمتك 3000 ليرة بس ..... ابو الطيب : نعما يضرب جوز عيونك ضرب ( بقلبو طبعا ) ليش 3000 ؟ السائق : له ياحجي الدنيا رمضان...!! ابو الطيب : يعني اذا الدنية رمضان بتسرقني ..؟؟ رمضان ولا ذو الحجة ولا ذو الهمة شو دخل هي بهي ؟؟ السائق : لك الدولار ب325 يعني 9 دولار ضربون ب50 عالقديم يعني 450 والله مو كتير حجي بالزمن الاغبر ابو الطيب : نعما على الحسبة الخرائية ... ليش ماتحسبون على طريقتي 3000 ليرة عالقديم يعني 60 دولار ضربون ب300 بيطلعوا 18 الف ليرة ......يخرب بيك شو حرامي شو موصلني على روسيا انت ؟؟ ........ ( حاليا ابو الطيب والسائق عم يتسحروا بالمخفر والمركزي بعت مندوب من قبله ليحكم بينهم )

استاذ غسان ياريت موضوع بحلقات : رمضانيات ..
خلي ينزل ضغط الناس شوي حاكم شوب وخناق وحرب ومضاربات بالدولار مع جوع وعطش وغلا اسعار بهد الحيل
بتكسب فينا ثواب

[انس الحموي]

اقتباس: المشاركة الأصلية كتبت بواسطة غالب    اخي انس صباح الخير هل تقصد قبل الافطار وببالك السحور الان ام ان حماة سهرانة للصبح وهناك تداول ؟؟

صباح النور اخي غالب ...قصدي واضح التداول عالهاتف عما يتم عنا للسحور بطريقة التثبيت سواء بعمليات البيع والشراء ....ويلي معنا بحماة بقولوا لك لايمتى عما يتم الشغل عالدولار ...خصوصا من اسبوع ولهلئ ماهدي السوق بحماة وبكل عملية بيع وشراء عما يدخل عدة سماسرة ..لانو البيع والشراء عما يتم بالموبايل وبطريقة التثبيت

[مجرد إنسان]

اقتباس: المشاركة الأصلية كتبت بواسطة جوليت    يعني العالم لما باعت دولاراتا الاسبوع الماضي نزل الدولار كل هالكمية؟ , جد اذ هالكلام صحيح معناتا الشعب السوري معبا دولارت طيب لشو النق لكان انت ممكن تصدق انو كم مية الف دولار لشركات الصرافة بنزلو سعر الصرف هيك , وبخلو العالم يركضو يبيعو دولارتون , والصرافين المتوسطين الكبر ( يعني مو كبار كتير) وشن يصير اصفر وتجار معها ملاييين من الدولارات ترتعب ,,,,,, وووووووووو..ز معقول!!!! كل شي بصير بالهل أيام

ياي
بس ما شفنا صراف وشو اصفر بالشام كلن عيونن عم تقدح قدح

والملاحظ دائما ان حلب سريعة التأثر بالشائعات
اما تهليلك للمركزي والاستاذ اديب ميالة ففعله لا يرقى الى ما تريدين ركب المركزي موجة الهبوط وانفجار الفقاعة السعرية وعطاها دفشة متل وقت ال 105

[مجرد إنسان]

قومو عسحوركن جاي رمضان يزوركن

[غالب]

اقتباس: المشاركة الأصلية كتبت بواسطة ahmad477    خطة من ثلاث مراحل لتخفيض سعر الصرف الى 120 -- المصدر جريدة تشرين بس من كم يوم الدكتور ميالة قال بده يخفضه ل 150 --- يلاه بلش الاعلام ان غدا لناظره قريب

نتمنى ان تضع لنا نص المقالة او المقابلة او رقم العدد من جريدة تشرين حيث بحثت بعدد 21 ولم اجد الخبر . وشكرا لك .

[Quinn]

يعني بستغرب كيف نحنا منغلي الدولار و مننبحت فرد بحتة بأيام العطلة شمعنا غلي الخميس المسا للسبت ؟؟ علمو عكلامي من مساء الأحد لمسء الاثنين شوفو قديش حيصير !! طولو بالكن شباب ! في ناس عل 210 عم تشتري !!!!!!!!!!!!!!!!

[little_man]

تعلم الأدب من... قليل الأدب!!

السلام عليكم ورحـمة الله وبركاته



الجالس على الأرض لايسقط، .. !!


والناس لاترفس كلباً ميتاً !!!


لكنهم


قد يغضبون عليك إن فقتهم صلاحاً، أو علماً، أو أدباً، أو مالاً،


فأنت عندهم مذنب لاتوبة لك حتى تترك مواهبك ونعم الله عليك،


وتنخلع من كل صفات الحمد،


وتنسلخ من كل معاني النبل،


وتبقى بليداً غبياً ،


صفراً ،


محطماً،


والأمر هكذا:


اصمد وكن كالجبل لاتؤثر فيه حبات البرد
بل يظل شامخاً ثابتاً مؤكداً قدرته على البقاء.





إنك إن أصغيت لكلام هؤلاء، وتأثرت به ..


حققت أمنيتهم الغالية في تعكير حياتك وتكدير عمرك،


لكن


اصفح الصفح الجميل، وأعرض عنهم ولا تكن في ضيق مما يمكرون،


واعلم أنه بقدر وزنك يكون النقد، وأن نقدهم لك تعريف جميل بك.

[ahmad477]

مصادر المركزي بصدد اجرائات لتخفيض الدولار اكثر من الايام الماضية --- المصدر الاقتصادي اون لاين

[غالب]

اقتباس: المشاركة الأصلية كتبت بواسطة انس بكور    صباح النور اخي غالب ...قصدي واضح التداول عالهاتف عما يتم عنا للسحور بطريقة التثبيت سواء بعمليات البيع والشراء ....ويلي معنا بحماة بقولوا لك لايمتى عما يتم الشغل عالدولار ...خصوصا من اسبوع ولهلئ ماهدي السوق بحماة وبكل عملية بيع وشراء عما يدخل عدة سماسرة ..لانو البيع والشراء عما يتم بالموبايل وبطريقة التثبيت

شكرا لك اخي الكريم على الايضاح . وبصراحة لم اكن اتوقع واعتقد غيري ان هناك تداولاات تتم بالليل ولكن طبعا يمكن ذلك بطريقة التثبيت ومن خلال المعرفة والثقة والوسطاء المعروفين من الطرفين البائع والشاري . شكرا لتوضيحك.

[alternative]

الله يعين هالمشرفين ويعطيون العافية