صالة أسعار صرف الدولار وباقي العملات و الذهب مقابل الليرة السورية ليوم الثلاثاء 25-6-2013

[BROKER]

الله يمسيكم بالخير جميعاً أخوة وأحباء وأصدقاء

وعلى راسي كل سوري

فكرة حسم الخمسين ليرة من السعر من المبتكر استاذنا عابر مجيب حلوة
بس بتمنى ما تنتشر لاكتر من جلسة او خليها حتى ما قبل افتتاح السوق حتى ما نخربط العالم ويمكن حدا يكون مارر مستعجل ويكون شاري بسعر عالي فلا سمح الله يصرلو شي من جراء الرعبة ... ونكسب خطيتو .

والله يعطيكن العافية جميعاً

التحليل بعد شوي عم اشتغل عليه

[Dynamic Pulse]

اقتباس: المشاركة الأصلية كتبت بواسطة ابو المجد    مسا الخير اخي ابو محمد فكرة الــ - 50 أو الــ - 100 حلوة بس بعتقد رح تسبب كتير لخبطة و مشاكل للشباب الي ما بتابعوا كل المشاركات

ليش اللخبط
قيم خمسين وكتوب جنبها عابر فيثاغورث
أو مية وكتوب دايناميك أقليدس
أو ولا قلك قيم مية وكتوب قدري أفلاطون
بلكي بيرجع لل100
ومنرجع منعيش بالمدينة الفاضلة

[BROKER]

اقتباس: المشاركة الأصلية كتبت بواسطة سوريا الله حاميها أكيد    عتبي كبير عا السيد رامي

خير حبيبنا ... الله لا يجيب العتب

انا آسف لاني أتأخر كتير بالرد على الجميع
صدقاً عقلي ما عم يتحمل التركيز بأكتر من خمسين قصة بالدقيقة وعالواحد وخمسين بيفصل فاعذرني اذا كان هذا هو السبب .

[عابر مجيب]

من خلال متابعة التصريحات على اختلافها
ومقارنة ما يحصل
نستنتج ان هنالك أخطاء ويتم اتهام الغير بها
فالمركزي مثلا يتلاعب ويلقي بالملامة على الصرافين
طيب كيف بيتلاعب الصرافين ؟
ياسيدي تلاعب الصرافين بليرتين بخمسة بعشرة ، كيف تلاعبو لوصلوا لمية وخمسين ؟

[BROKER]

اقتباس: المشاركة الأصلية كتبت بواسطة سوريا الله حاميها أكيد    امانة كل شي مابيخدم سييييييييييييييييييييييييييييييييييياسة المنتدى خلوه بالرقابة والتفتيش

ماعنا سياسية ليتم خدمتها
رؤيتنا هي ( الاحترام والمصداقية ) فقط بين كل السوريين وكل الاعضاء

[سوريا الله حاميها أكيد]

اقتباس: المشاركة الأصلية كتبت بواسطة broker    خير حبيبنا ... الله لا يجيب العتب انا آسف لاني أتأخر كتير بالرد على الجميع صدقاً عقلي ما عم يتحمل التركيز بأكتر من خمسين قصة بالدقيقة وعالواحد وخمسين بيفصل فاعذرني اذا كان هذا هو السبب .

مسا الخير والله يعطيك العافية انا نتيجة مشاركتي عم تتأخر كتير (ببعض الاحيان) طيب كم مشاركة لحتى تنرفع الرقابة عالمشاركة لازم الواحد اخلاقو هي يلي تراقبو

[عابر مجيب]

اليوم لعبة جديدة
رح نترك الدولار ونتجه للين مثلا
وهل هذا سيرفع قيمة الليرة ؟
طبعا بالأول حنشوف سعر جديد اسمو اليرة مقابل الين ونمسك آلات حاسبه متل اللي مسافر لليابان .
بعد شوي بنتعود وبنصير نحكي ياباني كمان .
يعني الليرة مارح تنزل أمام الين ؟
شو النتيجة ؟
بس شوية تشويش على العقول وتأخير للشعور بالتراجع .
ورح ينخفض الدولار ؟
لو هيك كان انخفضت الفضة أو البلاتين طالما ما عم نتداول فيهم ، مو هيك ؟!

[سوريا الله حاميها أكيد]

اقتباس: المشاركة الأصلية كتبت بواسطة broker    ماعنا سياسية ليتم خدمتها رؤيتنا هي ( الاحترام والمصداقية ) فقط بين كل السوريين وكل الاعضاء

حبيبنا مستحيل كل حدا عندو سياسة معينة وانا ماقصدت شي لاسمح الله

[fh142007]

الاخوه الاعزأء نتمنى تغير السعر لان سعر الدولار اصبح 195 197 وشكرا لتفهمكم

[سوريا الله حاميها أكيد]

حلو كتير طيب شو بتفسر مشاركات بتنعرض ومشاركات مابتنعرض كو كلو واحد حر بكلامو بس طبعا الكلام الو اصول واكيد انا ماخرجت عن الاصول بس مو شرط يعجب الرقابة لتعرضو