سعر صرف الدولار مقابل الليرة 10-1-2013 سوداء

[النسر]

اقتباس: المشاركة الأصلية كتبت بواسطة jack pot    مرحباً للجميع ، بعد متابعتي لكلمة الوزير البريطاني شايف أنو الأقتصاد السوري رح يتحسن ، فحسب أجتماع الغد بتوقع يوصل لأسعار بحدود 80 أو 85 و الله أعلم

الف تصريح ما بيحسن الاقتصاد...
ما انخرب الاقتصاد غير وقت انحرقت المعامل وانتهبت المحلات وصار الطرقات بين المحافظات خطرة
فاليوم المشكلة مو مشكلة استيراد المواد بل مشكلة توزيعها بعد وصولها وتسعيرها على اساس
....الاهواء والطمع مو على اساس الدولار..
ارتفع الدولار 100% وارتفعت المواد 300 % ( الله يساعد هالدولار صار شماعة )
ما عدا....وجود تجار الحروب التي تلعب بارزاق الناس واقواتهم دون رحمة

[GoldMan$]

اقتباس: المشاركة الأصلية كتبت بواسطة Jack Pot    يعطيكم العافية ، حكى أنو بريطانية ما بدا تأثر على الأقتصاد السوري عن طريق العقوبات يلي فرضتها ، رح يرجعو يدرسوا العقوبات و كل شي عم يأثر على الشعب السوري و الأقتصاد رح يتم رفع العقوبة و بالتالي بيرجع بيتحسن الأقتصاد ، و هي وجهة نظري طبعاً ، مجرد توقع و ما عم أدعي حدا لا ليبيع و لا ليشتري ، بس منطقياً تحسن الأقتصاد يحسن الليرة و سامحونا

برأي الشخصي موضوع رفع العقوبات حكي فاضي ومجرد تتضيع للوقت ... شو هنن العقوبات بالاساس ...
بس التغت عقوبات المصارف بتزيد عملية تهريب العملة الى الخارج ...
الغاء عقوبات التصدير الى سوريا معناها التجار صار عندهم اريحية بالاستيراد معناها دفع عملة اجنبية للخارج ...
الاقتصاد الداخلي منهار بسبب تدمير المصانع والبنى التحتية وتضرر قطاع الزراعة والصناعة والتجارة الداخلية .... ولا ننسى الفقر المتزايد والبطالة المتزايدة ...
وغيرها وغيرها .............................الخ الخ الخ
على اي اساس بدو يتحسن الاقتصاد السوري ... الشيء الوحيد المؤثر هو القرار على الارض ....
...................
بس ما يكونوا بدون يلغوا عقوبات الكافيار وعقوبات الاحذية الاوربية وعقوبات العطور الفرنسية هيك بيتحسن الاقتصاد كتير ............

[GoldMan$]

تراجع مؤشر الدولار

dxy:ind

79.923 \\ 0.625- \\ 0.79%-

[najm]

Gold
1676

يقاوم على 1678
ومنها الى المقاومة الاهم 1694
1700 الحاجز النفسي
الدعم يستقر بمناطق ال 1650 تحتها قد يغير نطاق سعر التداول

[mak]

د.همكي......بظن الجواب موجود بعد سطرين من يللي انت معلمو بالاحمر...و هو انو الحكومة الرشيدة و التجار المحتكرين (بيحاولو يزيدو اثر العقوبات) يعني في اثر على المواطن لكن غير مباشر و يمكن تلافيه

مثال ازمة المحروقات الحالية.....لعلمك ما في حظر على توريد المحروقات السوريا بس في حظر عالتعاملات مع شركة محروقات السورية التابعة لوزارة النفط......يعني لهلأ لتحركت الحكومة و سمحت للتجار باستيراد المادة بشكل مباشر.....لو اتخذت هالقرار من كذا شهر ما كانت الناس عم تموت من بردها و ليتر المازوت فوق المية و ما في......بس طبعا لازم ناس تستفيد و ناس تتربى خصوصا انو الكبار مازوتاتون مأمنين و مو فارقا معهم

بتمنى تكون وضحت الفكرة.....و قيس على هالقياس

[عابر مجيب]

[QUOTE=د. همكي;249150]

اقتباس: المشاركة الأصلية كتبت بواسطة mak    اخ جاك.....لا تنسا انو هاد الحكي مو جديد.....اساسا من يوم ما حطو امريكا واوربا العقوبات قالو لنو عم يختاروها بعناية لكي لا تؤثر على المواطن!.....بس طبعا اكيد رح يكون الها اثر بفضل عقلية تجارنا و حكومتنا يللي بتحاول جهدها لتزيد الاثر على المواطن مشان تفرجيه انو هاد بسبب العقوبات الغربية مو تقصير منها ابدا......يعني على على مبدأ بدكن حرية! انتهى الاقتباس يبدو أخ ماك إنك مقتنع بمقولة إنو فيه عقوبات اقتصادية بتأثر عالنظام وما بتأثر عالشعب، (هيك فهمت من طرحك).... إذا كان هيك رأيك، ممكن تشرحلنا كيف فيه عقوبات اقتصادية بتأثر عالنظام وما بتأثر عالشعب (غير العسكرية طبعاً .... وحتى هي بالأساس الدول الغربية ما بتسلح سورية) مع جزيل الشكر سلفا

ثق مداخلتي يا دكتور هي لصالحك قبل ان تكون حمل كتف عن السيد ماك ، لأوصلك لحقيقة المشكلة ولا أجامل وأضلل علك تجد نصيحة لمحيطك البعيد عن حقيقة المشكلة كما يتضح من سؤالك .
ليش ؟
لأن سؤالك كمن يمسك مواطن مسحوق في الحياة ويسأله ما مشكلتك ؟ أو هو طبيب يسأل المريض لماذا تشعر بوخزة في قلبك ؟! في حين أن العارف عليه أن يجد الحل لا أن يطرح الأسئلة .
ببساطة هنا أرد على تساؤلك بما يلي :
المواطن المسحوق الذي لا يذوق اللحم ما الذي يضره في غلاء اللحم ؟
المواطن اللي لا عنده موبايل ولا كومبيوتر ولا تلفزيون شو بيكلفه قطع الكهرباء ؟
اللي ما عنده دخل بالمليارات شو مشكلته إذا وقفت التحويلات للخارج ؟
اظن صار سهل ضرب أمثلة مشابهة وتخيل عكسها للغني الانتهازي المستثمر المستأثر بكل الخيرات هو واعوانه واصدقاءه من تجار وموظفين وقضاة وتجار ورجال دين وووو ... وضحت الصورة ؟ ! بقا في لزوم نحكي أكتر من هيكي ؟

[احمداحمد]

السلام عليكم ورحمة الله وبركاته

الى من توضات ارواحهم بماء الصالحين

وسجدت جباهم لرب الارض والسماوات

وتعطرت انفاسهم بالذكر والشكر والاقوال الطيبات

بارك الله في اوقاتكم واعماركم وزينها بالطاعات


جمعة قبول وسرور باذن الله (آمين)

الرجاء الرجاءمن الاخوه الاعضاء والاخوه المتواجدين الدعاء الدعاء للبلاد والعباد عسى ان تكون ساعة اجابه من الله

[shereen]

اقتباس: المشاركة الأصلية كتبت بواسطة broker    اليوم عيد ميلاد الانسة شيرين .... فكل عام وانت بخير .... والله يجعل ايامك كل متل هاليوم "بيضا"

يييييي شكرا ياادمن الله يحفظك ويسلمك وانت بخير كمان تفاجئت انو اتذكرت عيد ميلادي الله يحفظك انت واهللك وانشاء الله باقرب وقت يكون عنا بورصة حقيقية وتاخود مكان مهم فيها وشكر خاص كمان للاخ والصديق عابر مجيب اللي عندو حكمة باغلب اجاباتو وقلبو عالبلد وشكر كمان لجميع اعضاء المنتدى الرائعين وسبب قلة مشاركتي بالمنتدى مو شغلة كهربا او نت الحمد لله قليل عنا قطع الكهربا والنت ماقطعوها نهائي بس مشغولة شوي وماعاد تابعت الدولار متل اول عكل حال قريبا لح بفضالكم وقولو شيرين قالت ومرة تانية كل عام وانتم بخير جميعا

[د. همكي]

اقتباس: المشاركة الأصلية كتبت بواسطة mak    د.همكي......بظن الجواب موجود بعد سطرين من يللي انت معلمو بالاحمر...و هو انو الحكومة الرشيدة و التجار المحتكرين (بيحاولو يزيدو اثر العقوبات) يعني في اثر على المواطن لكن غير مباشر و يمكن تلافيه مثال ازمة المحروقات الحالية.....لعلمك ما في حظر على توريد المحروقات السوريا بس في حظر عالتعاملات مع شركة محروقات السورية التابعة لوزارة النفط......يعني لهلأ لتحركت الحكومة و سمحت للتجار باستيراد المادة بشكل مباشر.....لو اتخذت هالقرار من كذا شهر ما كانت الناس عم تموت من بردها و ليتر المازوت فوق المية و ما في......بس طبعا لازم ناس تستفيد و ناس تتربى خصوصا انو الكبار مازوتاتون مأمنين و مو فارقا معهم بتمنى تكون وضحت الفكرة.....و قيس على هالقياس

وضحت تمام.... مشكور أخ ماك.....
بس سؤال تاني: هالدول يلي مابدها تضر الشعب السوري وقت عملت "حظر عالتعاملات مع شركة محروقات السورية التابعة لوزارة النفط" حسب قولك (وغيره وغيراتو) ما بتعرف إنو هاد رح يأثر على الشعب؟؟؟؟؟ أكيد بتعرف....مو هيك؟ وإلا هني متل جماعتنا أغبياء كماني....؟؟؟؟ يعني كان قصدهم يعذبو المسؤولين يلي حكا عنهم الأخ "عابر مجيب" قام بالصدفة تعذب الشعب بدالهم!!!!!؟؟

طبعا أنا ما عم ناقش التقصير الواضح من قبلنا كحكومة وتجار وخلافه ..... أنا عم ناقش نوايا يلي فرضوا العقوبات لما فرضوها....

[عاشق سوريا]

مساء الخير للجميع

من الواضح للجميع أن الدولار أخذ منحى تصاعدي في الأيام القليلة الماضية (أقصد بالنسبة للمركزي )
في محاولة للوصول إلى هدف 84-85 بحيث يتوازى سعر الصرف مع سعر التجاري الذي عهدناه في الأيام الماضية (بمعنى أصح ) المركزي يحاول الوصول قدر الإمكان إلى سعر السوق السوداء بحيث يبقى قريبآ منه أو أدنى بقليل وتوقعاتي الشخصية عند وصول سعر الصرف الرسمي إلى حدود 84-85
سوف يتدخل المركزي بقوة ليعود الدولار أدراجه و بقوة لهذا الخط .