سعر صرف الدولار ليوم الأحد 30/12/2012 بالسوق السودء

[lord1983]

يعني كيف صار هيك.. و كيف يعني بافضل سعر؟؟ و كيف يعني الصرافه بدهم يبيعوا باي مبلغ!! يعني يبيعوني ب ٨٥ مثلا"!! و كيف باقي الصرافات عم تشتغل و تبيع و تشتري!! من شوي باع ابن خالتي ع ب٩٢.٥ حوالي الالفين دولار.
بعدين الدولة بامس الحاجة للعملة الاجنبية.. و مهما رقعوا مارح يمشي الحال بدون حل موازي ينقذ ما تبقى من الاقتصاد او بالاحرى البلد..مهما نزل سعر الدولار الا ما يطلع لفوق حاجز ال ٩٥ و هالنصيحه من صراف مو مني..

[tarek]

اخ ابراهيم بتتذكر لما كان الدولار ب 69 وحضرتك قلت انو عندك معلومات موكده انو الدولار رح ينزل وو قنا سالتك شو مصدر هالمعلومات و انت ما رديت هلا وقتها كان عندي شويه دهب وبعتون و اخذت كلامك صدق و هلق صار الدولار فوق ال90 و لسا حضرتك عمتعزف على نفس الاسطوانه منك لله يا شيخ '''''''''''''''''' على كل اللي سال على الذهب فسعروا حاليا في حلب 4200 4250

[الاسمر]

قلتلي نصيحة صراف؟!! معناتها لا تشتري.

[expert]

اقتباس: المشاركة الأصلية كتبت بواسطة tarek    اخ ابراهيم بتتذكر لما كان الدولار ب 69 وحضرتك قلت انو عندك معلومات موكده انو الدولار رح ينزل وو قنا سالتك شو مصدر هالمعلومات و انت ما رديت هلا وقتها كان عندي شويه دهب وبعتون و اخذت كلامك صدق و هلق صار الدولار فوق ال90 و لسا حضرتك عمتعزف على نفس الاسطوانه منك لله يا شيخ '''''''''''''''''' على كل اللي سال على الذهب فسعروا حاليا في حلب 4200 4250

يسلم تمك ويرحم امواتك قلت يللي بقلوبنا وما قصرت.

كان فيه بزمانوا وزير خارجية اسمحو الصحاف وكان دائما يقول قضينا على العلوج وهرب الامريكان كالطراطير ........ وكان في ناس بدها تضرب صواريخ الى ما بعد بعد حيفا والى ما وراء تل ابيب .................وفيه ناس كل يوم بتقول دمرنا 6 دوشكا بحلب بمن فيها من ارهابيين وذخيرة ..........
المهم فيه ناس الله يعزكم بتضل بتحكي وصواتها بتصرع و على الفاضي تسمع جعجعة ولا ترا طحينا وتسمع نباحا ولا نحس عضا
بس مو الحق على هدول الحق على المغفل يللي بيصدق بدون ما يشغل عقله بعيدا عن العواطف.

[احمداحمد]

مساء الخير

شباب حلب الطيبين وشباب دمشق الطيبين

شو الاسعار افيدونا

[احمداحمد]

السعر الان في اللاذقيه

شراء 92 -------مبيع 92.75---93

والسوق بارد جدا لا عرض ولا طلب وعلى الاغلب بسبب الاعياد

[ملك]

حلب

92.5
93

[GoldMan$]

اقتباس: المشاركة الأصلية كتبت بواسطة احمداحمد    السعر الان في اللاذقيه شراء 92 -------مبيع 92.75---93 والسوق بارد جدا لا عرض ولا طلب وعلى الاغلب بسبب الاعياد

شكرا أخ أحمد أحمد ...

بتصور انو موضوع الاعياد ما كتير الو تأثير لانو الاعياد هالايام متل قلتها وما حدا مبسوط لحتى يعيد ولو كنا بمناطق لا توجد بها مشاكل او اشتباكات ... بس اذا قصدك لانو في ايام عطلة اضافية ممكن حق معك ...
على ما اعتقد نحن بمرحلة ترقب اللي بدو يبيع بااااع لما وصلنا لحدود ال 98 وهلق ناطر عم يشتري مع ترقب لاي نزووول محتمل ...
واللي كان بدو يبيع وما باااع بيقلك اذا نزل لل 88 ما كتير مستاهلة المغامرة وخاصة بالاوضاع اللي عم نمر قيها ...
واللي اشترى لللادخار اشترى وخلص وحطهم تحت البلاطة وقاعد يتفرج مريح راسو ..
عدا عن ذلك هم من يحركون السوق لهيك الحركة خفيفة ... كلو قاعد وعم يراقب ...

[najm]

اقتباس: المشاركة الأصلية كتبت بواسطة البلخي    ماذكره الاخ ابراهيم هو صحيح نسبيا في أيام الاعياد يزداد حجم التحويلات من المغتربين الى اهلهم داخل الوطن و خاصة الفطر و الاضحى و رأس السنة ، و هناك حقيقة غائبة عن كثيرين هي أن حجم الضخ بالعملات الصعبة من المغتربين الى الداخل يعتبر أحد عوامل الحد من ارتفاع الليرة و هذه مبالغ لا يستهان بها نسبةً الى عدد السوريين الكبير في بلاد الاغتراب

اذا كان هذا هو الحال في الماضي كلامك وكلامه صحيح .
التراجع الأخير برأي هو كما ذكر الأخ باسل سابقا هو الهلع من التجربة السابقة بعد تحطيم ال 100 من ثم الارتداد على مراحل الى ما دون السبعين . أنا شايف بالوضع الحالي ما يمكن ان يسمى نزاع الروح بالنسبة لليرة لأسباب بات الكل يعرفها !

[باسل غ]

اغلق سوق الصرف

92.5_______93

حلب متوفر
____________________

واشنطن - ا ف ب

الأحد ٣٠ ديسمبر ٢٠١٢


حمّل الرئيس الاميركي باراك اوباما الجمهوريين مسؤولية ازمة "الهاوية المالية"، مؤكدا في مقابلة بثت الاحد ان رفض خصومه زيادة الضرائب على الاكثر ثراء هو السبب في مراوحة الازمة مكانها.
وقال اوباما لشبكة "ان بي سي" ان الجمهوريين غير قادرين على استيعاب فكرة ان "الضرائب على الاميركيين الاكثر ثراء يجب ان تزاد قليلا"، وذلك في الوقت الذي يواصل فيه مسؤولو الكونغرس مفاوضاتهم الشاقة للتوصل قبل منتصف ليل الاثنين - الثلاثاء الى اتفاق يجنب البلاد كارثة مالية تتمثل باجراءات تقشفية صارمة تتضمن زيادة في الضرائب وخفضا في النفقات.
واعرب اوباما، الذي يتفاوض مع الجمهوريين منذ اعادة انتخابه في تشرين الثاني/نوفمبر للتوصل الى اتفاق يجنب البلاد "الهاوية المالية"، عن اسفه لان يكون موضوع حماية عائدات المكلفين الاكثر ثراء هو "على ما يبدو الموضوع الوحيد الذي يوحد" بين الجمهوريين.
واضاف "انهم يقولون ان الاولوية هي لايجاد حل جدي للعجز، ولكن الطريقة التي يتصرفون بها تظهر ان اهتمامهم الوحيد هو كيفية حماية التخفيضات الضريبية التي يستفيد منها حاليا الاميركيون الاكثر ثراء".
وعن احتمالات التوصل الى اتفاق في المفاوضات الشاقة الجارية بين الحزبين قال اوباما "الجمعة كنت متفائلا بعض الشيء، ولكن على ما يبدو ليس هناك من اتفاق بعد".

___________________________________

خاطره .....

يا هل ترى المسؤلين باميركا متل المسؤلين عنا

رح يتركوا اميركا تفوت بالكساد ويضربوا بعرض

الحائط كل النمو يلي تحقق بالفتره السابقه ؟؟؟
او رح يقدم كل فريق تنازلات بالربع الساعه

الاخيره اصلا من مصلحتهم الشخصيه

ما تفوت البلد بالكساد لانهم مدعمين

من اباطره المال بالعالم واذا دخلت البلد

بالكساد رح تتعرض الشركات الداعمه

لخسائر طيب وكلاام اوباما الاخير انو

غير متفائل اي هيدا حكي سياسي ما اكتر

عبضغط على خصومه بالراي العام

انو اذا ما اتفقنا الشعب الامريكي

رح يحملكم السبب .

طيب وانت شو رح تستفيد من هل الحكي

اذا انتفقوا رح يضعف الدولار

ورح يتتنفس الصعداء باقي العملات والسلع
وانت اذا حولت الدولار الى يورو
انشا الله رح تربح كم نقطه
هيك هيك العالم مترقبه .....

تم التحويل على 1,31

سامحولنااااااااااااااا