هل يجوز شراء أثاث بيت مسروق ان كان منزلك قد سرق

[لقماان]

اقتباس: المشاركة الأصلية كتبت بواسطة tarek    قبل ما نناقش الموضوع من ناحية اعادة الحقوق لاصحابها خلينا نناقش الموضوع من ناحية اخرى ...ونتسائل لماذا اسعار المسروقات اقل بكثير من سعرها الاصلي .... طبعا الجواب لانو ما حدا عمبيرضا يشتري شي مسروووق إلا ما ندر و حسب العرض والطلب تكون قيمة المسروقات ولو انو ما حدا رضي يشتري اي شي مسروق اتاكد انو رح تخف السرقات بشكل كبير جدا ... اما عن استرداد الحق وقت بعرف انو هادي حقي ففي طرق اخرى بحسن استرجع حقي فيها ...

شكرا لك أخ طارق على المداخلة ....
بس أسعار المسروقات أقل من الأصلي
لكثرة العرض .....و كثرة العرض لم تأتي من ضعف في التسويق و انما من كثرة في الانتاج
...أي الانتاج وفير (السرقات )و هي حاصلة حاصلة ........و لو سيقوم بعدها السارق باحراقها .......
نناقش الموضوع على مستوى البلد ...و في هذه الخصوصية .....
و استرجاعنا لحقوقنا في اللحظة الحالية غير ممكن ....قد تحتاج الى بعض الوقت ........
و في هذه الحال ان لم نجد حل اسعافي ستخرج هذه السلع من دورة الاقتصاد الكلي.. للناس الشرفاء .................
هذا اذا لم نرد الدخول في نقاش حول ضرورة الناس لاستخدامها ............

[najm]

الموضوع لا علاقة له لا بالتشدد ولا بكيل الاتهامات
بالقانون الامريكي حسب ما سمعت وهي دولة علمانية لا تعتمد بقوانينها على الفتاوى ولا التعليمات السماوية عقوبة السرقة من سنة الى 3 سنوات وتعبر جنحة للمرة الاولى أما شراء المسروقات أو المتاجرة بالبضائع المسروقة تعتبر جرم فيدرالي ادنى سقف 7 سنوات سجن نظرا لما يتسبب فيه من تشجيع على السرقة والسطو على املاك الناس وتعريض حياتهم للخطر وتأكيدا لكلامي مرة ماشي بأحد شوارع لوس انجلس لحقني شاب اسود بيده مجوهرات يريد بيعها لشراء مخدرات على الأغلب بعد رفضي المتكرر أمسك بكتفي وأصر على بيعي سوار (بلاك) ايطالي وطلب فيه 150 $ وهو يعادل بقيمته أضعاف هذا المبلغ وحتى أأمن شره وهو بالتأكيد مسلح وأنا في منطقة معزولة نوعا ما والشرطة نادرا ما تتدخل الا في حالات الضرورة دفعت له 20 دولار وقبل .
بقي عندي لسنوات مرميا في الدرج والله كلما كنت أنظر اليه يخطر في بالي هل ياترى قتل صاحبه قبل سرقته وهكذا الى أن
أهديته لجارتي وهي أرملة ولديها أولاد وجدت هذا أجدى لي من ارتدائه او الأحتفاظ به وهي من أخبرني بخصوص القانون وماجر .
بالنتيجة لولا هذا القانون لما رضي فيه ب 20 دولار وهو يزن ما يقارب 100 غرام ذهب ولا أعتقد بأنه سوف يعرض حياته للخطر مرة ثانية لقاء هذا المبلغ الزهيد او انه سوف يفكر مرتين قبل الاقدام على السرقة .

[Salam L]

اخي الكريم نجم.. نحنا عم نحكي على بلد او مدينة بحالة حرب... مو بحالة سلم واستقرار

تانيا الشخص اللي بده يشتري هو بذاته تعرض لسرقة...

تالثا ... احتمال حياته او حياة ولاده او صحتهن بتعتمد على شراء بعض هي الاساسيات المسروقة...

رابعا... نحنا عم نحكي عن حالة بلد لا يسود فيها القانون وشريعة الغاب هي الماشية....

بعتقد هي الامور بتخلينا نعيد النظر ... ببعض الحالات الخاصة على اقل تقدير....

[لقماان]

أخ نجم
لم أجد ما أزيده عن رد الأخت سلام الوافي .....

[tarek]

اقتباس: المشاركة الأصلية كتبت بواسطة salam l    اخي الكريم نجم.. نحنا عم نحكي على بلد او مدينة بحالة حرب... مو بحالة سلم واستقرار تانيا الشخص اللي بده يشتري هو بذاته تعرض لسرقة... تالثا ... احتمال حياته او حياة ولاده او صحتهن بتعتمد على شراء بعض هي الاساسيات المسروقة... رابعا... نحنا عم نحكي عن حالة بلد لا يسود فيها القانون وشريعة الغاب هي الماشية.... بعتقد هي الامور بتخلينا نعيد النظر ... ببعض الحالات الخاصة على اقل تقدير....

اختي الكريمة سلام ان حالة الحرب هي حالة عامة تشمل البلد كله ولكن انعكساتها تختلف من مكان لأخر ومن شخص لأخر ....
تاني شي الامام مالك الله يرضى عنو كان اذا سأل عن سؤال كان قبل ان يفتي يسأل هل وقعت ... يعني هل هناك هذه الحالة اي الشخص الذي سرق بيته وهو يقبل على نفسه ان يشتري بضاعة مسروقة وحياته وحياة اولاده تتوقف على شراء البضاعة المسرووووقة فقط يعني ما ضل في الدنيا شي يمكن يأنقذوا إلا البضاعة المسروقة ؟؟؟؟؟ طيب وين الجمعيات الخيرية وين التبرعات وين الاقارب وين المساجد وين الكنائس على حد علمي في حلب ما في حدا توجه لجمعية او مسجد او كنيسة وردو خايب ( يعني اهل الخير كتير ) حتى بعض الناس صارت شغلتون وعملتون وعلى حسب ما سمعت في ناس صارت يوميتون تقارب ال 5000 ل. س من جمع التبرعات فقط إلا إذا طبعا لاقاها كبيرة على حالو انو يطلب معونة من شي جمعية او من أحد الاقارب اختي الكريمة في بحلب صناعيين فقدوا كل ما يملكو وصاروا يبيعوا على البسطة بس ما يضطروا يوقعوا حالون في الشبهات او يعتازوا حدا بعتقد هل الامور بتخلينا نفكر كتير قبل ما نستبيح شي مو لألنا يعني تصوري تجي لعندك رفيقتك وتشوف عندك في البيت برادها او غسالتها شو رح يكون موقفك !!!! يعني انا متأكد انو لو اجا لعندك انسان رايح يموت وتأكدتي انو محتاج انا متأكد انك رح تتديني وتعطيه حاجته لو ما معك ....

[najm]

أخي لقمان
ليس عندي زيادة على ما قاله الاخ طارق الوافي ههههههه

يا جماعة مو قضية عند ولا حب الجدل الموضع باختصار لا يتقبله عقلي نود أن نسمع أراء لطالما كانت صائبة ممن لم يشارك بالنقاش .

[غسان]

خطرت ببالي حالة وهي ان يجد المسروق ( اغراضه المسروقه ) عند البائع السارق ولم يستطع ان يسترجعها باي طريقة
هنا هل يستطيع ان يشتري ماهو ملكه بثمن بخس ؟؟


طبعا مجرد فكرة التجول في سوق الحرامية (حرامية حرامية جد يعني لانو سابقا كان من يريد ان يبيع اغراض منزله المستعملة يذهب لسوق الحرامية بالبحصة لبيعها ) هذه الفكرة فكرة التجول بغض النظر عن الشراء تبدو شاذة لكن المحتاج ربما لاينظر اليها من تلك الزاوية بل من منظور انه انسرق وهو غير قادر على التعويض الا بتلك الطريقة
طبعا اهل العلم عليهم ان يجيبوا عن ذلك وان كنت اظن وليس لدي علم ......ان الحرمة في ذلك ...
ولكن كما يقول المتل اللي بياكل العصي مو متل يلي بيعدها

[Tareq]

اقتباس: المشاركة الأصلية كتبت بواسطة tarek    اخي طارق انت عمبتقول الا ما رحم ربي يعني ليش ما بتروح لعند اللي رحم ربي وتسألون مو افضل من تعطيل نص صريح في القرأن ( فسألوا اهل الذكر ان كنتم لا تعلمون )

اخي الكريم يا سميي لا نملك او نجروء على تعطيل أية من القران الكريم او حتى اصدار فتوى لعدم أهليتين لذلك. لكن رجائي الحار دلني على من يندرج تحت الا من رحم ربي لأذهب له على الأقدام اين ما كان لحاجتي له في عدة أمور لا اريد ان استفتي فيها أيا كان حتى لو كان من نجوم الصف الاول

[tarek]

اقتباس: المشاركة الأصلية كتبت بواسطة tareq    اخي الكريم يا سميي لا نملك او نجروء على تعطيل أية من القران الكريم او حتى اصدار فتوى لعدم أهليتين لذلك. لكن رجائي الحار دلني على من يندرج تحت الا من رحم ربي لأذهب له على الأقدام اين ما كان لحاجتي له في عدة أمور لا اريد ان استفتي فيها أيا كان حتى لو كان من نجوم الصف الاول

يا اخي طارق انت اللي قلت انو الا ما رحم ربي ؟؟ وهو اكيد هيك لانو ( ما تزال طائفة من امتي ظاهرين على الحق ..... ) او كما قال عليه الصلاة والسلام وان معك 100% انو ما ممكن اطفئ سراج عقلي واتبع اي انسان .... القرأن كمان بيقول ( قل هذه سبيلي ادعوا بها على بصيرة من امري انا ومن اتبعني ) الاية وكذلك الامر لا ننسى الحديث استفت قلبك وإن افتوك وافتوك ..... فلذك ما بيصير نقول انو عنا شي اسمو السلطة الدينية ..!!!!! طبعا اكيد في عالم عقولها مليئة بالخرافات والاوهام وهدول اكيد هنن على خطأ اما عن قولك اذا بعرف حدا ممن رحم ربي يعني الحمد بعرف ناس سألتون عن نفس السؤال اللي سالتوا انت للشخص اللي بتعرفوا وجاوبني بطريقة مختلفة جدا عن الطريقة التي حصلت عليها وان شا الله بتهدى الامور وبعرفك على واحد مننون

[Salam L]

والله للامانة انا اهون عليي روح اشتري بضايع مسروقة اذا اضطريت من اني روح اشحد على باب جمعيات خيرية!!
علما اني ماعندي استعداد اعمل الشغلتين....
الله لا يحطنا بهيك موقف .....