سعر صرف الدولار مقابل الليرة24-4-2012 بالسوق السوداء

[GoldMan$]

اقتباس: المشاركة الأصلية كتبت بواسطة expert    قلتلكم من زمان و اكدت مبارح ---المركزي عم يتهرب من الشراء---

يعني برايك الهوامير هنن اللي عم يربوا المركزي وعم يجبروه ينزل السعر
يمكن ليش لا ... لاني لاحظت شيء مهم من فترة الصبح بتكون الاسعار هادية وبس يسكروا البنوك الخاصة ببلش السعر ينزل ؟؟؟؟ ليش ؟؟؟؟
مع العلم اذا في فائض دولار بالسوق فيهن الصرافيين يبيعوا الصبح للبنوك الكمية الفائضة ؟؟؟؟

[expert]

اقتباس: المشاركة الأصلية كتبت بواسطة svush    ياترى أديش رح يستمر نزوله هالمرة؟

انا رايي
لحتى يامنوا رواتب الموظفين من بيع الدولار
وبعدها طلعة صغيرة يوم قبض الرواتب
وبعدها استقرار نسبي
هاد اذا ما صار تطورات سياسية او ميدانية حقيقية
والله اعلم

[zinarez]

‎68 سعر البيع والشراء 67.5
طبيبك الاقتصادي على الـ facebook

في تحديث للسعر شباب وصبايا؟؟؟؟؟

[expert]

اقتباس: المشاركة الأصلية كتبت بواسطة a_khateeb82    يعني برايك الهوامير هنن اللي عم يربوا المركزي وعم يجبروه ينزل السعر big grin يمكن ليش لا ... لاني لاحظت شيء مهم من فترة الصبح بتكون الاسعار هادية وبس يسكروا البنوك الخاصة ببلش السعر ينزل ؟؟؟؟ ليش ؟؟؟؟ مع العلم اذا في فائض دولار بالسوق فيهن الصرافيين يبيعوا الصبح للبنوك الكمية الفائضة ؟؟؟؟

والله 100 % متل ما فهمت مني
هاد راي
ولازيدكم من الشعر بيت
موبس المركزي عم يتهرب من الشراء
لا ومضطر للبيع كمان
اليوم حاول ينزل سعر التدخل اقل من سعر اغلاق البارحة بليرة وربع
لعل وعسى يشتروا الصرافين منه ويبيعوا للسوق
بس السوق لما شم ريحة سعر التدخل الواطي نزل اقل منه
وطبعا مافي صراف مغفل رح يشتري الخميس و يستلم الاحد والسوق بنزول
يعني اذل المركزي ما كسر سعره بكرا كمان مرة تانية راحت عليه للاحد (فرصة اخيرة) لحتى يرجع يكسر ويستلم الاثنين ويتاخر قبض الرواتب الى 2 ايار لانو 1 ايار عطلة كمان
يمكن فيه الان فرصة للبيع (جزئي وليس كل المبلغ) والشراء بعد كم يوم
بالاخير هاد تحليل شخصي وقد اكون مخطئ اضافة الى انو اي تغيير سياسي ممكن يعكس النتائج
والله اعلم

[MERO]

اقتباس: المشاركة الأصلية كتبت بواسطة zinarez    ‎68 سعر البيع والشراء 67.5 طبيبك الاقتصادي على الـ facebook في تحديث للسعر شباب وصبايا؟؟؟؟؟

بنرجع ونسأل نفس السؤال

كم ألف دولار مستعد الصراف يبيع بسعر 68
يعني يبيع 1000 دولار غير لما يبيع 100 ألف ؟؟؟
هلأ صرنا نقدر نقول في ناس عم تلاعب المركزي كمان... لكن وين الهدف

[Ahmad Hamdi AlSharif]

سعر صرف الليرة السورية أمام ال$
شراء 68
بيع 68.75
سعر صرف الليرة السورية أمام اليورو
شراء 89
بيع 90
المحافظة : دمشق - التوقيت 1:20 ظهرا متوفر بيع وشراء
مع توقعات باستمرار الهبوط قليلا

[expert]

غريزة القطيع يللي استفاد منها المركزي لما باع للصرافين ملايين فوق ال80 رح تجبره يبيع للصرافين خلال الايام القادمة بسعر الصرف النظامي 62 ويمكن اقل كمان
والله اعلم

[Ahmad Hamdi AlSharif]

ملاحظة بالنسبة لأختي شيرين انا صرت معاكي بالهوا سوا لانه شاري ب72.65 واشتريت بكل شي مصاري كاش كانوا معي يعني كمية كبيرة وفي خسارة حالية كبيرة بالنسبة ئلي بس انا مع ذلك فرحان ومتقبل الامر بروح رياضية لانه بالنهاية نحنا المستفيدين الاكبر في حال ارتفعت قيمة الليرة لان رواتبنا بالليرة وعقاراتنا مقومة بالليرة وكافة الاصول التي نملكها مقومة بالليرة تحياتي للجميع و إن شاء الله يكون هذا الهبوط فيه خير للفقراء ولجميع المواطنين

[ابراهيم طاهر]

شو القصة اليوم صباحا" احد معارفي حامل دولارات وراكض ليبيعها حتى سلامه كان سريعا" معي , شو صار هجوم على البيع حد يقول لي شو القصة
مبارح منتج لاحد اصناف المعكرونة وقد رفع سعر كغ الى115 ليرة وثبتها على الكيس كتابتا"وقلت له لا تثبتها الدولار نازل فضحك وقال لي باللهحة المصرية ( لو شاف الشعب السوري حلمة اذنه واصبح الدولار ب 45 ليره مابنزل السعر والدوله موفاضيه تحاسبنا)

[حسان]

اقتباس: المشاركة الأصلية كتبت بواسطة ahmad hamdi alsharif    ملاحظة بالنسبة لأختي شيرين انا صرت معاكي بالهوا سوا لانه شاري ب72.65 واشتريت بكل شي مصاري كاش كانوا معي يعني كمية كبيرة وفي خسارة حالية كبيرة بالنسبة ئلي بس انا مع ذلك فرحان ومتقبل الامر بروح رياضية لانه بالنهاية نحنا المستفيدين الاكبر في حال ارتفعت قيمة الليرة لان رواتبنا بالليرة وعقاراتنا مقومة بالليرة وكافة الاصول التي نملكها مقومة بالليرة تحياتي للجميع و إن شاء الله يكون هذا الهبوط فيه خير للفقراء ولجميع المواطنين

بس المشكله مافي دلائل تشير الى انه ارتفاع صحي شاهد الاسعار الحاليه واحكم على الامر !!!.