سعر صرف الدولار والذهب مقابل الليرة السورية ليومي الخميس و الجمعة 27 & 28 -03- 2014

[mite mite]

اقتباس: المشاركة الأصلية كتبت بواسطة عابر مجيب    نهنئ انفسنا خاصة ، وكافة الشعب المصري عامة على قبول السيسي الترشح للرئاسة تضحية يشكر عليها هذا العملاق الملهم ، مكشوف عنه الحجاب ، لم يطالبه الكثيرون بالترشح ولكنه علم بإلهامات ربانية ما يدور في خلد وضمير كل مواطن من المحيط إلى الخليج أتمنى التوفيق من كل قلبي للمرشح حمدين صباحي ، مو حبا به ولكن نكاية بالآخر . ايمتى حنخلص من ركوب الهبل مع الشيطنة ؟! سمعت الكثير من المتحدثين المصريين حول الموضوع ، وأصبت بالاحباط ، فعلا أمة ضحكت من جهلها الأمم !

المشكلة استاذ عابر انو نحنا كشعب وقصدي عالشعوب العربية عنا جهل صح بس مين اللي خلاتا جاهلين مين اللي خلانا نعتقد انو نحنا لاحول لنا ولا قوة ؟ اكيد الانظمة اللي حاكمتنا هههه اقنعونا انو هنه وبس وانو عم يضحو بكل منشان شعوبهم, بكل دول العالم اللي فيها ديموقراطية الحزب او المرشح من قبل الانتخبات بسن بقدم برنامجو للشعب وهو اللي بقرر اي برنامج او سياسي بدو ينتخب ,. ةهنيك كل انسان بحس انو من واجبو يسلم بلدو لاولاده بشكل افضل مم استلمها هو وذلك بياختياره المرشح المناسب للحكم شخصا كان او حزبا وبعد اربع سنوات يقيمه من جديد فاذا احسن الحكم يعاد انتخابه لمرة ثانيه فقط حتى لايظن بان البلد والكرسي اصبح ملكه الخاص
لذلك لازم مانتهم الشعب بالجهل علمو بيتعلم مافي احلا من الديموقراطية مافيها طريق مسدود ابدا نقاش ونقاش ووصول الى الافضل دائما .
على فكرة بالبلاد العربية اذا طالبت بالديموقراطية
بتصير مندس متامر ارهابي وبحاولو يقتعوك
انك جاهل ومابتفهم والديموقراطية ضارة
مع احترامي لشخصك

[mite mite]

اقتباس: المشاركة الأصلية كتبت بواسطة abd73fr    من عندكم أقرب أخ رشاد ... هههههه أخي الشبح الأسود... من موقعه الكاشيو https://www.cashu.com/site/en/topup ضع lebanon وشوف شو بيعطيك.. طبعا لا يوجد موزع في سورية حتى من قبل.. فما بالك في هذه الأيام...

-------------------------
اذا موجود كريديت كارت فيزا مانك بحاجة للكاش يو

[عابر مجيب]

انعدام الطلب على الدولار بدمشق
لانقطاع الأمل من إيجاد بائع
على قولة كبيرهم ( القذافي )
أهم اسباب الطلاق ، هو الزواج .

[نورالهدى]

اقتباس: المشاركة الأصلية كتبت بواسطة جوليت    صباح الخيرات وايضا كل التمني منا (أنا ) بالخير لك وعائلتك الكريمة سيد نور

صباح النور :
تسلمي ويسلم أحبابك ،
فرصة طيبة لتهنئتكم بخصوص السيد جوني .
برجاء التفضل بقبول أطيب تمنياتنا لكم ولعائلتكم الكريمة .
أنور

[عابر مجيب]

غريب كيف المصريين بينسوا بسرعة
كانت مسرحياتهم ومسلسلاتهم ، تنشر الوعي في البلاد العربية
ما حدا منهم تذكر :
يا ابني انا مش أبوك أنا أمك !
انا لا أنا بلاش ،أنا عباس ، أنا جوز عديلة اللي تحت !
طيب ما في شي ينعش ذاكرتهم ؟
وقال شو ؟ ما حدا بيجبر المصريين على اختيار رئيسهم
طيب مين جاب سيرة الاجبار يا جماعة ؟
الله يرحم أهل الحكم : ومهما تكن عند امرئ من خليقة ، وإن خالها تخفى على الناس تعلم
كل مالنا لورا
مكتوب علينا نطلع من جورة نوقع بطابوسة
يعني خيارنا يا تطرف وتخلف ديني ، يا تخلف على كافة الصعد
طيب ما كان الكحل أهون من العمى ؟
على كل حال أبلة عزيزة بتعطينا شوية أمل ، الست كمّل ما شاء الله عليها ، وشهادتها بنعتز فيها .
أخيرا الله فرجها وحنشوف استعادة مصر لهيبتها .

[عابر مجيب]

اقتباس: المشاركة الأصلية كتبت بواسطة mite mite    المشكلة استاذ عابر انو نحنا كشعب وقصدي عالشعوب العربية عنا جهل صح بس مين اللي خلاتا جاهلين مين اللي خلانا نعتقد انو نحنا لاحول لنا ولا قوة ؟ اكيد الانظمة اللي حاكمتنا هههه اقنعونا انو هنه وبس وانو عم يضحو بكل منشان شعوبهم, بكل دول العالم اللي فيها ديموقراطية الحزب او المرشح من قبل الانتخبات بسن بقدم برنامجو للشعب وهو اللي بقرر اي برنامج او سياسي بدو ينتخب ,. ةهنيك كل انسان بحس انو من واجبو يسلم بلدو لاولاده بشكل افضل مم استلمها هو وذلك بياختياره المرشح المناسب للحكم شخصا كان او حزبا وبعد اربع سنوات يقيمه من جديد فاذا احسن الحكم يعاد انتخابه لمرة ثانيه فقط حتى لايظن بان البلد والكرسي اصبح ملكه الخاص لذلك لازم مانتهم الشعب بالجهل علمو بيتعلم مافي احلا من الديموقراطية مافيها طريق مسدود ابدا نقاش ونقاش ووصول الى الافضل دائما . على فكرة بالبلاد العربية اذا طالبت بالديموقراطية بتصير مندس متامر ارهابي وبحاولو يقتعوك انك جاهل ومابتفهم والديموقراطية ضارة مع احترامي لشخصك

الله يسعد صباحك
بتفق معك على اغلب اللي كتبتو
طيب الناس الواعيين مين وعاهم ؟ ما حدا لحالهم
هاد معناه ان العرب شعب كسلان وما بدو يحرك عقله ، وتارك مصالحو الموقتة تتحكم فيه هي وغرائزه .
بلاد غنيه بمواردها الطبيعية ومياهها وأجواءها وموقعها المتوسط . فاعتمد الناس فيها :
دع المكارم لا ترحل لبغيتها ، وأقعد فإنك انت الطاعم الكاسي .
وين في بلد بالدنيا ، بيعمل فيها شخص واحد وبيصرف على كافة افراد العائلة ، وهنن مقضينها شم هواء وانترنيت على اشياء بلا طعمة . لأ ، وبيزيد معو مصاري !
بالدول اللي بنحلم نروح عليها ، إذا كل فرد ما اشتغل ، ما حدا بيقدر يصرف عليه .
وطبعا لاضافة خبطة على الظهر فوق الغصة ، بيجيك الحاكم وبيمننك بالموارد الطبيعية وبالجو المعتدل ، على اساس عطانا ياها من عندو، وإذا أخلاقنا حلوة ، بيقول هوه نشر الأمان بيناتنا .

[omar1964]

صباح الخير
اكتر من شغلة ببالي بس كلها متخربطة و عم حاول سطرها
بالنسبة لحمدين حصته محسوبة و دورو مو أكتر من دور تكميلي ( ما قلت كومبارس ) بالعرس الديموقراطي ....!!!
بس شغلة قبل ما انسى رجاء عدم كتابة إن شاء الله بشكل خاطئ ( بدمج إن مع شاء ) فيختلف المعنى
و يصبح فيها اساءة لله عز و جل

[محمد سامر]

صباح الخير للجميع
يوم مبارك إن شاء الله

[hamod.kopani]

صباح الخير والفل والياسمين للجميع
وافتتاحية مباركة من اخ ابو عمر

[ahmad z]

صباح الخير للجميع

يوم سعيد و مبارك ان شاء الله