سعر صرف الليرة السورية مقابل الدولار في السوق السوداء ليوم 23-1-2013م ‏

[انس الحموي]

اقتباس: المشاركة الأصلية كتبت بواسطة باسل غ    السلام عليكم السعر الان 93.50_____93.75 حلب متوفر بعتذر عن الغياب بسبب انقطاع النت من مراجعتي للاسعار الدولار بحلب بالايام السابقه المنشوره بالموقع غير دقيقه الرجاء من الاخوه اعضاء المنتدى توخي السعر الصحيح قبل نشره لمصداقية المنتدى في كتير من اصدقائي عبيحكوا معي على الموبايل وبكل صراحه عبخبروني شو هل المنتدى يلي اسعار الصرف فيه غير صحيحه القائمين على المنتدى تعبوا كتير لوصل المنتدى لهل الدرجه من الثقه بتمنى من كل الاعضاء وانا اولهم نقدر هل التعب

اخ باسل كل الشكر والتقدير لجهودك الرائعة في المنتدى ولكن السعر متقارب في الموقع وبين مايتم نشره من الاعضاء لاتنسى انو السعر بيختلف من محافظة لمحافظة وكمان حسب الطلب والعرض .. وكمان لاتنسى انو عما يتم احتساب الدولار بالموقع بشكل متوسط بين المحافظات الرئيسية ومافينا نعتمد على سعر حلب وبس لانو نحن بحالة حرب وكل محافظة والها أعضاء بالمنتدى ومتابعين وزوار يهمهم سعر محافظتهم بالدرجة الاولى

[az4ever]

دمشق الشهبند سعر الدولار سوداء 93 / 93.5 قبل ساعة

[انس الحموي]

اقتباس: المشاركة الأصلية كتبت بواسطة باسل غ    السلام عليكم السعر الان 93.50_____93.75 حلب متوفر بعتذر عن الغياب بسبب انقطاع النت من مراجعتي للاسعار الدولار بحلب بالايام السابقه المنشوره بالموقع غير دقيقه الرجاء من الاخوه اعضاء المنتدى توخي السعر الصحيح قبل نشره لمصداقية المنتدى في كتير من اصدقائي عبيحكوا معي على الموبايل وبكل صراحه عبخبروني شو هل المنتدى يلي اسعار الصرف فيه غير صحيحه القائمين على المنتدى تعبوا كتير لوصل المنتدى لهل الدرجه من الثقه بتمنى من كل الاعضاء وانا اولهم نقدر هل التعب

اخ باسل كل الشكر والتقدير لجهودك الرائعة في المنتدى ولكن السعر متقارب في الموقع وبين مايتم نشره من الاعضاء لاتنسى انو السعر بيختلف من محافظة لمحافظة وكمان حسب الطلب والعرض .. وكمان لاتنسى انو عما يتم احتساب الدولار بالموقع بشكل متوسط بين المحافظات الرئيسية ومافينا نعتمد على سعر حلب وبس لانو نحن بحالة حرب وكل محافظة والها أعضاء بالمنتدى ومتابعين وزوار يهمهم سعر محافظتهم بالدرجة الاولى

[GOLDMAN]

اول الشي الحمد لله عل سلامه سيد باسل لانو فعلا شغل بالي عندك

تاني شي بالنسبة للاسعار اللي عم تنحط بالمنتدى ومع احترامي التام للكل كانت غلط وبعيدة كتير عن الواقع

والفرق دوم يكون ليرة زيادة او ليرة وربع حتى

اليوم كاتبين السعر 94.5 وكان السعر 93.5

ويوميا هل حاله بتكرر

[expert]

اقتباس: المشاركة الأصلية كتبت بواسطة غسان    اسعار السلع وسعر الصرف ماهي النسبة بين اسعار السلع وسعر الصرف قبل سنتين والان اذا اعتبرنا ان الليرة خسرت نصف قيمتها تقرببا فهل السلع تضاعف سعرها بنفس النسبة اي ان ماكان ثمنه 48 ليرة اصبح تقريبا 95 ليرة ام اكثر من ذلك مارايكم ؟ ايضا بالنسبة لليرة البعض يقول انه انجاز رائع لليرة ان تبقى في هذه الحدود حتى الان بل ويزاود احدهم فيقول ان معجزة ما حدثت حتى اننا لم نشاهد تدهورا من قبيل 200 ليرة للدولار وتدريجيا 250 ثم 300 وصولا ربما ل1500 للدولار كما في لبنان والعراق في ظل الظروف الحالية التي تمر بها سورية والبعض الاخر يقول ان الليرة منهارة وان وصول الدولار الى 95 ليرة هو امر سيء ولم يكن من المفروض ان يحصل وان هذا الامر لايطاق وياتي دور الاتهامات فالمركزي يتهم المضاربين والمؤمرات الخارجية بما يحدث ومنهم من يتهم المركزي بارتكاب الاخطاء والقرارات السيئة الارتجالية والتلاعب بالدولار ما ادى لانهيار الليرة طبعا هناك اراء كثيرة متنوعه ولكن يمكن ادراجها ضمن العنوانين الرئيسين السابقين فما رأيكم ايضا ؟؟

شكرا لفتح النقاش حول هال موضوع الهام
بالنسبة الى بشوف انو متل ما تفضلت الاراء متناقضة وهاد شي طبيعي والسبب هو عدم وجود اي احصائيات تتعلق بالوضع الاقتصادي واضافة لغياب او بالاصح تغييب مقصود لمعلومات بسيطة ومعروفة لدى المسؤولين الاقتصاديين كحجم الاحتياطي النقدي من مختلف العملات الصعبة والعملة المحلية والمعادن الثمينة والتعامل مع هذه المعلومة كانه سر عسكري خطير هذا يؤدي الى زيادة التاثير النفسي لتذبذبات الاسعار (غريزة القطيع) بيعا وشراءا وهو ما يسبب خسائر فادحة للمضاربين وارباح فاحشة لتجار العملة وزيادة فاحشة باسعار السلع نتيجة هوامش التحوط الكبيرة لتذبدب اسعار الدولار مقابل الليرة
اما بالنسبة للمركزي من وجهة نظري اعتبره كان اجمالا ناجحا في الحد من تدهور سعر الليرة ضد العملات الاخرى لكنه استخدم وسائل دنيئة لذلك من خداع وتدليس ولعب بمشاعر المتفائلين بعودة الامور الى ماكانت عليه قبل الاضطرابات التي تعم البلاد , لكنه فشل في الحد من تدهور القيمة الشرائية للسلع حيث ان السلع ارتفعت اسعارها اكثر بكثير من ارتفاع اسعار العملات والذهب.

[باسل غ]

اقتباس: المشاركة الأصلية كتبت بواسطة انس بكور    اخ باسل كل الشكر والتقدير لجهودك الرائعة في المنتدى ولكن السعر متقارب في الموقع وبين مايتم نشره من الاعضاء لاتنسى انو السعر بيختلف من محافظة لمحافظة وكمان حسب الطلب والعرض .. وكمان لاتنسى انو عما يتم احتساب الدولار بالموقع بشكل متوسط بين المحافظات الرئيسية ومافينا نعتمد على سعر حلب وبس لانو نحن بحالة حرب وكل محافظة والها أعضاء بالمنتدى ومتابعين وزوار يهمهم سعر محافظتهم بالدرجة الاولى

اقتباس: المشاركة الأصلية كتبت بواسطة goldman    اول الشي الحمد لله عل سلامه سيد باسل لانو فعلا شغل بالي عندك تاني شي بالنسبة للاسعار اللي عم تنحط بالمنتدى ومع احترامي التام للكل كانت غلط وبعيدة كتير عن الواقع والفرق دوم يكون ليرة زيادة او ليرة وربع حتى اليوم كاتبين السعر 94.5 وكان السعر 93.5 ويوميا هل حاله بتكرر

الله يسلمك اخي الكريم

السعر الان

93.5______94

مع رغبه بالشراء من قبل الصرافين

_______________________

بمروي السابق كتبت اسعار حلب

ما ذكرت المحافظات

[AYMTAL]

اقتباس: المشاركة الأصلية كتبت بواسطة غسان    اسعار السلع وسعر الصرف ماهي النسبة بين اسعار السلع وسعر الصرف قبل سنتين والان اذا اعتبرنا ان الليرة خسرت نصف قيمتها تقرببا فهل السلع تضاعف سعرها بنفس النسبة اي ان ماكان ثمنه 48 ليرة اصبح تقريبا 95 ليرة ام اكثر من ذلك مارايكم ؟ ايضا بالنسبة لليرة البعض يقول انه انجاز رائع لليرة ان تبقى في هذه الحدود حتى الان بل ويزاود احدهم فيقول ان معجزة ما حدثت حتى اننا لم نشاهد تدهورا من قبيل 200 ليرة للدولار وتدريجيا 250 ثم 300 وصولا ربما ل1500 للدولار كما في لبنان والعراق في ظل الظروف الحالية التي تمر بها سورية والبعض الاخر يقول ان الليرة منهارة وان وصول الدولار الى 95 ليرة هو امر سيء ولم يكن من المفروض ان يحصل وان هذا الامر لايطاق وياتي دور الاتهامات فالمركزي يتهم المضاربين والمؤمرات الخارجية بما يحدث ومنهم من يتهم المركزي بارتكاب الاخطاء والقرارات السيئة الارتجالية والتلاعب بالدولار ما ادى لانهيار الليرة طبعا هناك اراء كثيرة متنوعه ولكن يمكن ادراجها ضمن العنوانين الرئيسين السابقين فما رأيكم ايضا ؟؟

مساء الخير استاذ غسان
أسعار السلع و المواد و بشكل عام زادت أكتر من زيادة سعر الصرف بالنسبة لليرة بسبب عوامل خارج سيطرة الدولار منها :
صعوبات نقل البضائع بين المحافظات و زيادة كلفة نقلها بأرقام مضاعفة
كمان كتير مواد نفقدت و زاد سعرا بسبب حدوث احتكار عليها
كمان من أسباب زيادة الأسعار الطلب المتزايد عند الناس بسبب الخوف من فقدانا أو الخوف من عدم القدرة على الخروج من المتزل طبعاً للأسباب الأمنية
باختصار ماعاد سعر الدولار هو المقياس الوحيد لارتفاع أسعر السلع بس أكيد بضل عامل أساسي .

[expert]

اقتباس: المشاركة الأصلية كتبت بواسطة عابر مجيب    صباح الخير اليوم عملت شطارة وبعت دولار على سعر وسط بين البيع والشراء (93.50) صارلي مدة عم استنى 96 بعدين لقيتها بايخة، مع ان السعر حيوصل ويزيد بس ايمتى ؟ ممكن خلال ساعة وممكن خلال شهر. الحمد لله خلصت من هالدفعة . هانت مابقي كتير : دفعة النظافة 3 سنوات اجرة المكتب 6 شهور مقدم تأمين الزامي للسيارة سنة رسوم النقابة ضريبة ريع العقارات 3سنوات رسوم غرفة السياحة 3سنوات رسوم لوحة اعلانات 7 سنوات رسوم المالية واجرة محاسب 4 سنوات تأمينات اجتماعية للعمال 3 سنوات . أما الفواتير الصغيرة متل خدمة البناء ، الفواتير ، صندوق البريد ، اصلاح الحواسب من انقطاع الكهرباء ورمي القديم لعدم توفر قطع فهذه أرقام صغيرة عادية .

والله يا استاذ عابر نحن بحلب مرتاحين من كل هال مصاريف يللي ذكرتها لانو ما بقي دوائر رسمية ولا عم ياخدوا مصاري من حدا حتى فواتير الكهرباء والمي والهاتف ما صدرت من اربع شهور بالنسبة للهاتف ومن اكتر من 6 شهور بالنسبة لباقي الفواتير ومافي مديرية مواصلات بحلب معلومك الجيش الحر مسيطر على منطقتها ومديرية المالية صار تفجير قدامها من 8 شهور وفاتت امور الحسابات عندهم بالحيط بعد ما انسرقت الكمبيوترات بسبب الفوضى الناتجة عن التفجير
ومدير بريد منطقة الجميلية قالو انه سرق مبلغ محترم من فواتير الهاتف وشمع الخيط ومنشان ما حدا يعمل هالحركة مرة تانية بطلوا ياخدوا الفواتير حاليا وربي ييسر..............