سعر صرف الدولار مقابل الليرة 10-1-2013 سوداء

[د. همكي]

اقتباس: المشاركة الأصلية كتبت بواسطة jack pot    يعطيكم العافية ، حكى أنو بريطانية ما بدا تأثر على الأقتصاد السوري عن طريق العقوبات يلي فرضتها ، رح يرجعو يدرسوا العقوبات و كل شي عم يأثر على الشعب السوري و الأقتصاد رح يتم رفع العقوبة و بالتالي بيرجع بيتحسن الأقتصاد ، و هي وجهة نظري طبعاً ، مجرد توقع و ما عم أدعي حدا لا ليبيع و لا ليشتري ، بس منطقياً تحسن الأقتصاد يحسن الليرة و سامحونا

مشكور أخ جاك على هالتوضيح
وإذا صدق بكلامه (أقصد الوزير) هذا يعني تخفيف الأعباء عن الناس وتأمين مستلزمات الحياة اليومية وهذا ما يحتاجه معظم الشعب السوري هالأيام

[محمود1986]

وين سعر الذهب اليوم ليش ماحدا جاب سيرتو

[BROKER]

اليوم عيد ميلاد الانسة شيرين ....
فكل عام وانت بخير .... والله يجعل ايامك كل متل هاليوم "بيضا"

[BROKER]

من جهة الدولار:
فمسارنا محدد تماماً كالمسار الحقيقي له.. وهو عندما يقترب من سعر الدعم ينتفض فجأة من عليه الى حدود 94 .
اقتنصوا فرص الدخول عند الدعوم .

[Jack Pot]

دمشق الساعة 3:00 ظهراً

. الدولار : 93.5 مبيع 92.5 شراء. الذهب : 4325 مبيع 4250 شراء. السعر على الأونصة 1662 بس حالياً 1677 ما بعرف أديش سكر السوق نظراً لأنقطاع الكهرباء ، بالنسبة للذهب شخصياً رفعة طبيعية قابل للعودة لمستويات 1660 غداً عند التسكير و دمتم بخير

[عابر مجيب]

اقتباس: المشاركة الأصلية كتبت بواسطة broker    اليوم عيد ميلاد الانسة شيرين .... فكل عام وانت بخير .... والله يجعل ايامك كل متل هاليوم "بيضا"

الله يوفقك ذكرتنا، انا بالصدفة شفت المعلومة بأسفل الصفحة الرئيسية وبعدين انقطعت الكهرباء ونسيت .
الآنسة شيرين من أعمدة المنتدى وكان لها دور فعال لفترة طويلة ، الآن اصبحت أقل مشاركة عسى أن لا يكون السبب أكثر من الكهرباء او سوء خدمة النت .
كل عام وانت بألف خير آنسة ولا تحرمينا من تعليقاتك اللماحة (فتحة يعني وذكية ) .

[az4ever]

اقتباس: المشاركة الأصلية كتبت بواسطة shereen    ماتبهدلت بس السوق تلج وماحدا عم ينزل بس سعرو ركز على ال 92 يعني قريبا اذا بدو يتحرك بدو يطلع فوق ال100 بسهولة وبسرعة

مشكوره على الأمل اخت شيرين الله يطمنك

[az4ever]

اقتباس: المشاركة الأصلية كتبت بواسطة le liooooon    وحياتك رح تشوف اسعار للدولار خلال الايام المقبله ماخطرت على بالك خليك محتفظ بتحويشتك

الله يستر ياباش مهندس....مشكور لأهتمامك ومشاركاتك

[mak]

اخ جاك.....لا تنسا انو هاد الحكي مو جديد.....اساسا من يوم ما حطو امريكا واوربا العقوبات قالو لنو عم يختاروها بعناية لكي لا تؤثر على المواطن!.....بس طبعا اكيد رح يكون الها اثر بفضل عقلية تجارنا و حكومتنا يللي بتحاول جهدها لتزيد الاثر على المواطن مشان تفرجيه انو هاد بسبب العقوبات الغربية مو تقصير منها ابدا......يعني على على مبدأ بدكن حرية!
على كلن انا بعتقد متلك انو رح يكون في انخفاض بسعر الدولار بس لا تحسن ولا شي بالليرة ....بس لعبة جديدة لاكمال تشليح الناس ما بقي معها من سيولة سىواء دولار او سوري.....لانو شكلو قرب وقت الهريبة

[د. همكي]

[QUOTE=mak;249140]اخ جاك.....لا تنسا انو هاد الحكي مو جديد.....اساسا من يوم ما حطو امريكا واوربا العقوبات قالو لنو عم يختاروها بعناية لكي لا تؤثر على المواطن!.....بس طبعا اكيد رح يكون الها اثر بفضل عقلية تجارنا و حكومتنا يللي بتحاول جهدها لتزيد الاثر على المواطن مشان تفرجيه انو هاد بسبب العقوبات الغربية مو تقصير منها ابدا......يعني على على مبدأ بدكن حرية!
انتهى الاقتباس


يبدو أخ ماك إنك مقتنع بمقولة إنو فيه عقوبات اقتصادية بتأثر عالنظام وما بتأثر عالشعب، (هيك فهمت من طرحك).... إذا كان هيك رأيك، ممكن تشرحلنا كيف فيه عقوبات اقتصادية بتأثر عالنظام وما بتأثر عالشعب (غير العسكرية طبعاً .... وحتى هي بالأساس الدول الغربية ما بتسلح سورية)

مع جزيل الشكر سلفا