manar

اقتباس:

المشاركة الأصلية كتبت بواسطة zinarez من وجهة نظري...... كلام مزبوط 100 بـالـ 100 أنا أول العالم اللي كنت أقعد على سيرياستوكس 15 ساعة باليوم، أما الآن ماعم أشتهي أفتحوا وصرت دوّر على مواقع تانية للفائدة. طيب: سؤال...: ممكن حدن ينصحني بأفضل طريقة لإدخار الذهب...!!!؟ يعني أشتري ليرات أم سبائك، أم ذهب كسر...!!!؟ وشو هاد السحب؟؟ ومن وين بدي اشتريهون ..؟ بمعنى أخر : شوفي مافي ههههههههههههههههه

كسر

__________________

Barbie

مرحبا للكل ويسعد مساكم
بتمنى تقبلوني فرد جديد من عائلتكم الكبيرة

شوفي مافي

أنا برأيي الشخصي الإدخار يجب أن يكون دائماً مطابق لمتل العوام القديم (يا شاري عريف حالك بياع)

أنك تاخدي أونصات او ليرات و إعتزت إنك تسيليهن ممكن تلاقي صعوبة خاصة بالأونصات ناهيك عن خسارة الصياغة للقطعة الواحدة واللي بتعرفي صياغنا هالأيام ما بيرحموا فيها فبرأيي الشخصي الكسر أحسن شي وخسارته محدودة أو حتى معدومة.

والله يوفقك

__________________
(وقل إعملوا فسيرى الله عملكم ورسوله والمؤمنون)

ماهر محمد

السبب الرئيسي بتخيل أنو الدولة بلشت اطلع استثناءات للتجار المستوردين بإعادة البضائع المستوردة و إنخفاض الطلب بشكل كبير
و هذا يؤدي إلى عودة كمية كبيرة من القطع الأجنبي

__________________
لسنا ننشد عالماً لا يُقتَل فيه أحد، بل عالماً لا يمكن فيه تبرير القتل

f.fatina

أولشي مسا الخير عالكل وبالأخص ع أختنا العزيزة زينة وأخي "شوفي مافي"

تاني شي مشان الإتحاد النسائي يلي حاسة أن مدايقكن رح قلك كم شغلة

1. أول شي نحن وقت كنا نفوت ونحكي بالمنتدى حكي مفيد أو غير مفيد برأيكن ببساطة كان وضع الدولار ثابت لا طلوع ولانزول يعني مافيها شي إذا حكينا شي برا السيرة أو غيرنا الموضوع طالما مافي شي جديد ع سعر الدولار.
2. تانياً إذا عم تستنو أن الإتحاد النسائي تبعنا يححلكم سبب نزول الدولار فبحب خبركم أن أعظم المحللين ماعم يعرفو يحللوا نزول الدولار وكل واحد عم يحكي من وجهة نظر خاصة غير مبنية على حقائق وأسس علمية.
3. تالتاً نحن ماقربنا ع حدا ولا أذينا حدا بالعكس كنا حابين نعمل بس جو حميم بالمنتدى لأن مو معقول كل يوم فوت قلكن مرحبا شو الأسعار وامشي، نحن هون متل العيلة الكبيرة منفرح سوى ومنزعل سوى ومنربح ومنخسر سوى

أخر شي حابة احكي أن نحن بالإتحاد النسائي مامنحب حدا يدايق أو يزعل مننا وكلياتنا منحب نكون ودودين مع الكل ومنتأسف إذا أزعجناكم بشي
بس ع كل لو كتبنا شي بخالف تقاليد المنتدى كانو المشرفين نبهونا

وشكراً لتقبلكم النا (كإتحاد نسائي كامل)، ولانتقادكم النا لأن هالشي بطورنا.
سنفورة

__________________
من خيرك ياشام ربينا، بلش حبك يكبر فينا

f.fatina

طبعاً طبعاً أهلا وسهلا فيكي، عني وعن كل أخواتنا الموجودين بالمنتدى
وهي عم يكبر الإتحاد النسائي تبعنا

__________________
من خيرك ياشام ربينا، بلش حبك يكبر فينا

حسان

الشيء المضحك في موضوع نزول الدولار رغم كل التعليقات ان بعض الاسعار مازالت كما هي منذ هبِِة ايام ال 105-110 .

اعتقد ان السر في نزول الدولار يكمن وراء معرفه من هو الفاعل فيه واظن انه من القوه انه حافظ على الاسعار من ايام ذروة صعوده.. وياجبل مايهزك ريح...!!!

rima hijazy

السبب الحقيقي هو ارتفاع الذهب عالميا
لأنو كل شي عنا بالعكس

Barbie

أنا من زمان بتابعكم وهلأ اسمو الدولار عم ينزل حابة شارككم

بس ياترى شو السبب
ليش هيك عم ينزل الدولار؟؟؟؟؟؟؟؟؟؟؟؟؟
يعني خراب ودمار ورصاص وقتل وضرب
والدولار عم ينزل والله ماعم تفوت بمخي

Abu Amr

شكرا على ردك المحترم صاحب الالفاظ اللبقة ولو انه في نقطنين لازم تحطيهن ببالك

1- هناك بعض الاشخاص الذين لا يفهمون معنى اللطف واللباقة بالحديث فلا تعتبي عليهم

2- هناك بعض الاشخاص من عجزهم ان يكونوا مصدرا للحركة والبهجة في المنتدى في ايام ثبات الدولار و بالتالي الحفاظ على الزوار والاعضاء فهم ينتقدون مصادرها ليضيفوا بؤسهم على المنتدى