الصندوق السيادي للاستثمار - عقبات ومشاكل وحلول

[Salam L]

اقتباس: المشاركة الأصلية كتبت بواسطة فهد    طبعاً انا ما بعرف إذا الصندوق راح يشتري بميتين مليون بالاسلامي أو القطري لا كن ميتين مليون (استثمار) بترفع سعر أي سهم 30% الى 50% هذا لا يعني أنني أوكد ارتفاع الاسهم بهذه النسبة مجرد دخول الصندوق لاننا لا نعلم الطريقة التي سيتبعها الصندوق بالاستثمار

اخي كيف ميتين مليون بيرفعوا السهم 50%؟
اذا عندك حدا.. اي حدا.. بدو يشتري ب200 مليون سهم معين... في حدا تاني بدو يبيع اسهم بقيمة 300 مليون.... من وين لوين بدو يرتفع السهم؟؟

واذا ارتفع كم جلسة رح يرجع للاسعار متل اسعار هلق..


طبعا مابعرف اذا كلامي صحيح من ناحية النسبة... ياريت حدا يعطينا معلومات اكيدة

[فهد]

اقتباس: المشاركة الأصلية كتبت بواسطة salam    اخي كيف ميتين مليون بيرفعوا السهم 50%؟ اذا عندك حدا.. اي حدا.. بدو يشتري ب200 مليون سهم معين... في حدا تاني بدو يبيع اسهم بقيمة 300 مليون.... من وين لوين بدو يرتفع السهم؟؟ واذا ارتفع كم جلسة رح يرجع للاسعار متل اسعار هلق.. طبعا مابعرف اذا كلامي صحيح من ناحية النسبة... ياريت حدا يعطينا معلومات اكيدة

طولي بالك علينا أخت سلام
يعني أنتِ شو رأيك انو الصندوق ما راح يسوي شي
علماً انني لا أعرف الآلية التي سيعمل بها الصندوق
وفي مشاركاتي السابقة وضحت شو يعني 2 مليار

[ahmad37]

اقتباس: المشاركة الأصلية كتبت بواسطة مجد    اخي احمدالمهم ان ندعم الفكرة العامة .بان لاندع الهواميريبتلعوا ال 2 مليارليرة .وبعدها تكتشف الهيئة ان هناك ثغرة دخل من خلالها الهامور ليستنفذ ال 2 مليار بكم جلسة .وقتها يفرغ الصندوق من محتواه

من الهام تقيد حركة التصريف الفجائي ... وعندها سيرتفع السوق بدافع من قواه الطبيعية (العرض والطلب) ...

فترة تأثير القوى الطبيعية ستبقى طالما بقيت القوى الخارجية متعاكسة ... الأوضاع العامة السيئة تعاكسها قوة السيولة بالصندوق ... وكلما بقيت السيولة بالصندوق لفترة أطول ... سيقى السوق بحالة صحية لفترة أطول ...

[Salam L]

اقتباس: المشاركة الأصلية كتبت بواسطة فهد    طولي بالك علينا أخت سلام يعني أنتِ شو رأيك انو الصندوق ما راح يسوي شي علماً انني لا أعرف الآلية التي سيعمل بها الصندوق وفي مشاركاتي السابقة وضحت شو يعني 2 مليار

الهدف من كلامي التفكير بما لم نفكر به سابقا

النا عم ننتظر خبر الصندوق مدري قديش وخسرنا بسببه زيادة عن خسارتنا السابقة بلاوي... لولاه انا كنت طلعت من زمان....

وهلق وقت صار اكتشفت انو يمكن في بعض التفصيلات نحنا مالنا منتبهين الها.... ويمكن تفرغ قصة الصندوق من محتواها...

اكيد رح يطلع السوق شي 15% بشكل فوري.... لكن كل تصريف رح يخرب الموضوع.... واللي محتفظ باسهمه للاستثمار كان على اساس مابيهمه الموضوع...على مبدأ الصندوق رح يضمن ارتفاع مستقبلي..

لكن صدقني اذا قصة ال 200 مليون صحيحة... مارح يقدر الصندوق يحافظ عليها اكتر من كم شهر شو ماكانت آلية عمله....

معقول لهلق ماحدا عطانا المعلومة الصحيحة عن نسبة الاسهم فيه؟؟؟

[فهد]

اقتباس: المشاركة الأصلية كتبت بواسطة salam    الهدف من كلامي التفكير بما لم نفكر به سابقا النا عم ننتظر خبر الصندوق مدري قديش وخسرنا بسببه زيادة عن خسارتنا السابقة بلاوي... لولاه انا كنت طلعت من زمان.... وهلق وقت صار اكتشفت انو يمكن في بعض التفصيلات نحنا مالنا منتبهين الها.... ويمكن تفرغ قصة الصندوق من محتواها... اكيد رح يطلع السوق شي 15% بشكل فوري.... لكن كل تصريف رح يخرب الموضوع.... واللي محتفظ باسهمه للاستثمار كان على اساس مابيهمه الموضوع...على مبدأ الصندوق رح يضمن ارتفاع مستقبلي.. لكن صدقني اذا قصة ال 200 مليون صحيحة... مارح يقدر الصندوق يحافظ عليها اكتر من كم شهر شو ماكانت آلية عمله.... معقول لهلق ماحدا عطانا المعلومة الصحيحة عن نسبة الاسهم فيه؟؟؟

أخت سلام انت عم تأكدي وتقولي راح يطلع السوق 15%
يعني باسوء الاحتمالات الصندوق سيرفع السوق بنسبة 15%
ويشتري أسهم الكبار الذين خربو السوق كما تقولين
هاي طلعنا بفائدتين
بس عنجد الصندوق الو فوائد أكثر من هيك

[فهد]

جميع الأخوة عم يفكروني متفائل جداَ
لا بالعكس جميع مشاركاتي بخصوص هذا الموضوع هي تحليل
وكي استفيد من مشاركات جميع الاخوة
لا كن أكيد انو الصندوق ما راح يضر السوق

[فهد]

أخت سلام فيني اعرف الاسهم التي تملكيها

[Salam L]

طبعا الصندوق مارح يضر السوق!!

لكن السؤال لأي مدى رح ينفعه؟

يعني هلق فرضا طلع السوق 15% واجت بعدها موجة تصريف بعشرات الملايين.... ورجع نزل السوق شوي شوي... مارح قول ينزل بسرعة لانو المفروض الصندوق يحاول يفرمل الامور.... (على فرض ادارته حكيمة وقدر يتصرف بسرعة)...

طيب والسؤال بعدها... وقت يوصل الصندوق لحالة تشبع شرائي..

شو رح يصير؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اذا ماقدرنا نجاوب من هلق بوضوح وشجاعة على هالسؤال فالاحتفاظ بالاسهم هو مالو امر مربح (اذا قلنا مالو امر بيخسر)

[BROKER]

على الرغم من حذرنا من التصريف الكبير وبسعر السوق وبكميات كبيرة من قبل بعض المساهمين الذين ينتظرون فرصة تهافت طلبات الشراء ، ولكننا نسينا في نفس الوقت إدارة الصندوق وعلمها تماماً بماهية السوق وأحداثه .

ولكن هذا لا يمنعنا من تقديم الحلول للخروج من المشكبة او درءها التي يعاني منها اليوم جميع الأطراف من ( مستثمرين وإدارة وشركات وساطة ) بمعنى أن المشكلة من طرف واحد والجميع ضدها ، وهذا شيء ايجابي في تبني الحلول المقترحة .

منذ أسبوع تقريباً اجتمعنا على ايجاد حل يعطي الاحقية للبائع أن يبيع الكمية التي يريد وبنفس الوقت ألا يغدر الشاري .... وبالتالي تكون عمليته قانونية ولكنها غير مشروعة (استغلالية) .

فإذا كان هناك مستثمراً يريد بيع 100 ألف سهم على سبيل المثال ، وطالبنا بمنعه فسوف نمنعه من حقه بالبيع وهذا غير وارد ..

بينما إذا استطاع بيع كامل كميته وبجلسة واحد ولكن بعرضها على دفعات ، حيث لا يحق له عرض أكثر من عدد محدد وليكن 10 الاف سهم مجزء ... وان تم بيعها فيمكنه عرض عشرة أخرى حتى نفاذ كامل الكمية .

بالتالي يكون قد أخذ حقه كاملاً في البيع و بجلسة واحدة وبنفس الوقت لم يغدر السوق ويقوم على الضرر به والشاري يستيقظ لرؤيته العرض الأول ، فإما يسحب طلبه أو يدعه على الشاشة للتنفيذ.

العملية كالتالي :

- المستثمر ....... أعطى أمر بيع 120 ألف سهم بسعر 100ل.س
- مهمة الوسيط ..... إدخال 10 ألاف سهم فقط لا غير .

في حال سحبها ولو بثانية واحدة، يقوم الوسيط باعادة ادخال 10 الاف سهم أخرى ، فإن كان هناك عرض على الشاشة بنفس السعر يأخذ هذا المستثمر الدور الذي يليه وهكذا حتى نفاذ الكمية .

- ولكن السؤال في رسم إدارة السوق:

هل يتمكن جهاز الرقابة من اتمام هذه العملية على الشكل السليم فربما يكون للبائع عدة حسابات في شركات وساطة مختلفة أو يقوم الوسيط بوضع الكمية كاملة دون علم جهاز الرقابة ؟؟


الموضوع سوف تجيب عنه إدارة السوق في أقرب وقت ممكن


( يرجى من السادة المستثمرين اقتراح حلول واجراءات والنقاش بها وذلك لهدفنا غي سلامة سوقنا واستمراه ) ...

[مجد]

انا اييدالاقتراح
وممكن التنفيذ بشكل فوري حتى قبل ان يبدا تفعيل الصندوق وسنرى ارتفاع اسعار الاسهم فور تطبيق هذا الاقتراح .ومن الملاحظ ان احد اسباب انخفاض اسعار الاسهم الاخيرة سببها التصريف الكبير وليس المضاربة .وممكن اعطاء تعليمات لشركات الوساطة بذلك (ان يبيع كل عميل 10 الاف سهم بكل امروبعد تنفيذهذا الامر يحق له ادخال امراخروجميع حساباته بشركات الوساطات تعامل وكانها حساب واحد )ولا تحتاج الى اجراءات معقدة تمتد لاسابيع او لاشهر .
نرجو من الهيئة الاستجابة لهذا الطلب فورا