صالون سيريا ستوكس لجلسة الخميس 18-8-2011

[غسان]

ذكرتني مؤيد باعظم دولة امريكا كيف ينام مئات الالاف من المشردين في الطرقات صيفا شتاءا
الحمد لله لم نصل لهذه المرحلة ...

[غالب]

اقتباس: المشاركة الأصلية كتبت بواسطة broker    مساكم خير ... كيف الجميع طيب خلونا نعمل موضوع للنقاش فيه .... وأكيد لأي ضيف أو زائر بيقدر يسأل عن أي شي عن البورصة والاسواق وكل شي ..... يعني موضوعنا الأصلي للنقاش مختلف لكل جلسة مع بقاء الحديث بالبورصة والاسواق ..... موضوع اليوم شاغل بالي من فترة وعم فكر فيه ليل نهار ..... وبصراحة صرت حس حالي سلبي كتير ، يلي هو عبارة عن سؤال ( شو في شي ايجابي ببلدنا ؟؟؟ ) أنا بصراحة ومن الآخر دورت كتير من أصغر شغلة لأكبر موضوع وما عم لاقي شي محرز ، وبنفس الوقت ما بحب كون سلبي بتفكيري لأن التركيز على الأشياء السلبية يمكن يولد الشعور بالاحباط ..... فممكن من حضرتكم نخلي النقاش اليوم بذكر أي شي ايجابي ببلدنا .؟؟ أي شي مو المهم يكون سياسي أو خدمي بس ... بدنا نحكي بالاجتماعي والاقتصادي وكل شي كل شي ...

اخي رامي شكرا لطرح الموضوع ...

بصراحة ما عاد فينا نفصل بين الاشياء السياسي والاجتماعي وغيره .

1- اول شيء ايجابي لمسته بعد عودتي من العراق سنة 2004 وبعد غربة 26 سنة هو امتياز سوريا بالوضع الامني المستقر نسبيا اكثر من كثير من الدول وطبعا كان الوضع بالعراق سيء جدا فوجدتها ميزة رغم انه هكذا كان بالعراق قبل الغزو والاحتلال الامريكي للعراق ورغم كل ما قيل عن سطوة وسلطة وقسوة صدام حسين واجهزته الامنية الا انني لم اتعرض يوما لاي ازعاج في العراق من رجال الامن المهم بعد عن الكرسي واشتغل شو ما بدك وحب مين ما بدك واطلع مع مين ما بدك .

مما جعلني افضل الدكتاتورية مع قبضة امنية قوية افضل بالف مرة من ديمقراطية مع الفوضى . وعندما تفقد الامن والامان ستجد ان الدنيا لا معنى لها وستتغير كل اولوياتك في الحياة وذهاب اولادك للمدارس والى الدكان المجاور ومن مروا بهذه الظروف بغض النظر عن السبب والمسبب يفهم بدقة معنى كلامي واهميته . ولكن الافض من الاثنين هي الديمقراطية مع الامان وهذه تحتاج لفترة طويلة .

2- وجود الكهرباء 24/24اي ان الكهرباء لم تكن تنقطع وعندما اصابتنا العدوى قبل سنتين كانت الناس ممتعضة وانا كنت اراها عادية . في العراق كانت الكهرباء مع كل الجداول تاتي 2 ساعة وتنقطع اربع او ست ساعات وكان لدي مولدتين صغار في المنزل ومشترك بمولدة كبيرة 10 أمبير في الحارة وكانوا بعد 12 ليلا لا يشغلون مولدة الحارة . وكنا احيانا ننقطع من الكهرباء ونسيت ان اخبركم انه كان لدي عاكسة مع بطارتين كبار تبع لوري تريلا وكنت اشغل عليها المراوح والانارة ليلا وتعمل اتوماتيك بحالة قطع الكهرباء وعند عودة الكهرباء تفصل وتشحن البطاريات ولكن قلة مجيء كهرباء الدولة لم يكن تشحن البطاريات فكانت الكفاءة متدنية .
كل رب اسرة وربة منزل يجب ان تصبح خبيرة بالتوصيلات الكهربائية وفصل الوطنية وتشغيل على مولدة الشارع او مولدة المنزل وفصل الوطنية ومولدة الشارع والعاكسة ايضا .

ومع ذلك كنا ننقطع احيانا من الكهرباء .

3- الجو - ارسلت عائلتي الى سوريا قبل حضوري بثلاثة اشهر فذهبوا الى السويداء عند اخوتي وفي المساء اخذوهم على حديقة الفيحاء في السويداء طريق قنوات ومن شدة البرد عادوا مبكرا الى المنزل وفي الليل يتغطون ب لحاف من الصوف وهذا كان في شهر 6 -7-8 وعندما كنت اكلمهم وكانت الكهرباء مقطوعة عندي والحرارة داخل المنازل مثل نار جهنم والعرق يمصي من كل نتوء في جسمي وهم يرتجفون من البرد والمسافة بين بغداد والسويداء بحدود 1000 كم .

4- السيران الدمشقي خصوصا والسوري عموما . وهو مناسب لجميع افراد المجتمع الفقراء ومتوسطي الدخل والاغنياء وكل ما تحتاجه هو سفير وماء وابريق شاي وقهوة و و و شوية سندويشات ويمكن ان تذهب سيران وتعود لبيتك دون ان تدفع ليرة واحدة .
ورغم تدين وتعصب احيانا المجتمع الدمشقي الا ان الناس تتالف وتخرج وتجلس قريبة من بعضها البعض دون اي ازعاج .

5-العلاقات الاجتماعية وصلة الرحم موجودة بشكل جيد وهذا ما يفتقده السوري المغترب في الخليج واوربا وامريكا الشمالية والجنوبية

6- رغم كل الفساد الذي نراه ونعرفه الا ان المجتمع ما زال افضل بعشرات المرات من كثير من المجتمعات وهذا ما يستدعي عودة المغتربين وخصوصا الملتزمين منهم خوفا على بناتهم واولادهم بعمر المراهقة

ولنا عودة وتكملة .

[ام محي الدين]

اقتباس: المشاركة الأصلية كتبت بواسطة BROKER    ليش صعب .... عن جد انا مو ناوي بس سلط الضو على الاشيا السلبية .... بدي شارك الافكار لحتى ترفع الروح المعنوية .... ولازم يكون النقاش بين مختلفين لحتى كل واحد يشوف من زاوية ، مو كلنا نشوف من زاوية واحدة ...

مسا الخير اخي رامي
والله الموضوع يلي طرحته مهم كتير
بالنسبة لأي إنسان وحاولت فكر بشي
ايجابي خرج ينحكى فيه ما لقيت بل
وجدت انو نحن متأخرين عن العالم
فلو نظرت الى الامارات مثلاً علما انها
دولة حديثة بالمقارنة بنا ستجد انها تسبقنا
بسنين وهذا بحد ذاته بهز البدن والسوأل هو لماذا؟؟؟؟؟؟؟؟؟
عندنا العقول النيرة والمفكرين والاطباء والمهندسين
وشعبنا طيب ويحب بعضه البعض ولكن لماذااااااااا؟؟؟؟؟؟؟؟
c111rc111rc111r

[BROKER]

اقتباس: المشاركة الأصلية كتبت بواسطة غسان    على المستوى الشخصي يجب ان اكون راضيا بواقعي متأقلما معه محاولا ان اطوره للافضل دوما .. على المستوى العام كل انسان عليه ان يكون صالحا متعاونا مع من حوله باخلاص لنبدأ نرى الايجابيات هي الغالبة ... اما اذا كنا نريد بلدنا من افضل الدول في كل المجالات ولكن كل واحد همه نفسه فعشر تجار يغشون وواحد صادق وموظفون مرتشون وشباب لايعلم شيء من شيء والقصر العدلي مليء بالقضايا بين الناس وخاصة بين الاهل انفسهم فكيف نريد بلدا نفخر به ؟؟؟ اذا لم نغير ما بأنفسنا فلن يتغير شيء

أنا خايف العب دور المحبط .... للكلام الايجابي

- بداية كلامك ابو يزن ... فلسفي مو هلأ وقتو ... هاد كلام عام على عيني وراسي من فوق .... ولازم لحتى غير العالم ابدأ بنفسي .... لكن السؤال هو ... عطيني شي ايجابي ؟؟؟

آخر شطرين عندك رجعك للموضوع وذكرت خمس شغلات سلبية

[غسان]

هنا الصعوبة الايجابية لا تأتي الي أنا ...... علي انا ان اوجدها وانت وكل واحد حتى تكتمل الصورة
وهنا المغزى كل شيء بحاجة الى بذل جهد وتعب للوصول اليه هذا منطق الناجحين اما من يفشل فيبحث عن اي سبب لفشله الا نفسه
مواجهة نفسي اصعب ما في الامر

[BROKER]

اقتباس: المشاركة الأصلية كتبت بواسطة mouayad    مسا الخير جميعا بالنسبة للأشياء الإيجابية بالبلد - انوا برغم كل شي لسه الأسعار عنا بالنسبة لكلشي ارخص شوي من غير مكان يعني الفقير بياكل و الغني بياكل يعني ب 25 ليرة سندويشة فلافل صاروخ بياكل الفقير و بيشبع - انوا لسه الناس على قلب واحد بشكل عام و بس تصير شي مصيبة لا سمح الله الكل بيلتموا على بعض هي من الناحية العاطفية - لسه عنا ربطة الخبز مدعومة وب 15 ليرة - نحنامن الدول القليلة اللي بتفتح فيها حنفية المياه و بتشرب منها

هلا مؤيد باشا كيفك ...

- ربطة الخبز فعلاً شي ايجابي مشكور .... بس الشغلتين التانيات مالي معك فيون ...... لانك كل الناس قلبهم لبعض او لا يسألون عن بعض فالامر نسبة وتناسب في كل دولة ..... بل ان التكاتف الاجتماعي والترابد الاسري في مجتمعنا صار قليل جداً او معدوم .... خلينا نتذكر قبل 15 سنة كيف كان كل يوم بالاسبوع تجتمع العائلة من الصبح للمسا ... والسيران والطلعات كيف كانت عائلية ...بينما بالفترة الاخيرة صار الواحد يادوب بالعيد بيتصل او بيرسل sms لخاله او خالته او عمته .... والزيارات العائلة وصلة الارحام تزول .... والسبب الوضع المعيشي والتسارع يعني الوضع على كل المنطقة مو بس عنا ....

- من جهة الفقير واكلاتو ما بعرف بس كمان بكل الدول نفس الشي ، يعني هي خدعة نحنا مخدوعينها لاننا وقت نطلع لبلد تاني منشوف انو السندويشة عندن اغلى ...بس لا تنسى العائد والدخل ...

نوعية وسعر ربطة الخبز فعلاً مميزة حسب معرفتي .....

مشان الله لا تخلوني العب دور المتشائم ...

[Salam L]

الاكل بألمانيا اسعاره متل هون... او اقل بالنسبة لكل شي فيك تشتريه من السوبرماركت والدخل اعلى بكتير....باستثناء المطاعم الراقية وهي مو كل الناس بتروح عليها وعايشة فيها وبلاها .. والسبب الرئيسي هو وجود منافسة مع الاحتفاظ بالجودة...

صحي لازم نحكي حكي تفاؤل!! ههههه

[غالب]

لعبت وخلصت ومو مطلوب منك تفند كل الايجابيات وتحولها الى سلبيات وهناك اشياء لا يراها ابن البلد ايجابية بينما السوري الذي يعيش بالخارج ويعود لبلده او الاجنبي او السائح يعرف الفرق جيدا .

وهناك نعم كثيرة وهذه الارض معطاءة .

[ABDUL KARIM]

مما جعلني افضل الدكتاتورية مع قبضة امنية قوية افضل بالف مرة من ديمقراطية مع الفوضى . وعندما تفقد الامن والامان ستجد ان الدنيا لا معنى لها وستتغير كل اولوياتك في الحياة وذهاب اولادك للمدارس والى الدكان المجاور ومن مروا بهذه الظروف بغض النظر عن السبب والمسبب يفهم بدقة معنى كلامي واهميته . ولكن الافض من الاثنين هي الديمقراطية مع الامان وهذه تحتاج لفترة طويلة .

مساء الخير للجميع ولو كانت مـتأخره وعذرا على قلة المشاركه بسبب ظروف العمل .
كلام ابو النور عبر عن راي ايضا , يمكن الغربه لها تأثير في الشوق للوطن والاهل .
جميعنا ننتقد السلبيات التي لا تعد ولا تحصى واولها الفساد المقيت والنظام السياسي غير العادل الى .......
لكن لا والف لا لانعدام الامن والامان , لا نريد ان نصبح عراق ثانيه او ليبيا او او....
الشعب السوري واعي ولن يسمح لسوريا ان تصبح عراق ثانية
اعتقد ان لكل منا راي في ما يحصل لكن الكل متفق اننا سنصل الى بر الامان .

[Salam L]

عم حاول انكش ايجابيات من قلب ذاكرتي العميقة

اول شغلة طلعت بعقلي... عم اصفن استنوا شوي..ممممم.....عم فكر....مممممم.....

كنت بدي قول الامن بس هلق بح طار...

لنشوف شغلة تانية..مممممم

عجبتني شغلة ربطة الخبز اللي قال عليها مؤيد... وحنفية المي كمان... هاد طبعا على اعتبار انو المي ما انقطعت كم يوم متل بعض الضواحي...

شغلة تالتة...ممم... رجعت عم فكر... توقف لمدة عدة دقائق للعودة الى الفيسبوك....

عودة الى صفحة المنتدى.... العودة الى التفكير مع وضع اليد على الرأس والنظر الى الاعلى بحثا عن الفكرة الايجابية...
بيصير نقول انو في عنا مسلسلات حلوة وهي شغلة ايجابية!! ممم

عودة الى التفكير مع فاصل فيسبوكي ...

في عنا تاريخ مشرف واثار رائعة واوابد تاريخية خالدة....

مممممم....

في عنا صناعة كونسروة واجبان والبان وبسكوت وبوظة... الخ الخ.... يعني الولد بيقدر لسا ينزل يشتري كيس اكلات طيبة بس ب 25 ليرة!!

في عنا معمل سيارات!! هو صحيح مابسترجي اركبها بس يعني بداية منيحة...

عودة للتفكير ...ممممم.....
الدولار لساته ب 50!!!

يمكن المجتمع عم ينفتح شوي... يعني في افكار رجعية وبالية بلشنا نخلص منها... يمكن هاه مالي متأكدة...

مممم.... المرأة عنا مساوية للرجل بمعظم الحقوق القانونية... انتخاب ورواتب وخلافه... ومشروع الجنسية لأولاد الام السورية على الطريق.. بركي بيطلع بعد عشرين سنة...

اخر شغلة انو التعليم عنا مجاني... هو صحيح فايت بستين مليون حيط بس احسن من انو يكون بمصاري وسيء كمان..
رامي لا تقلي مابنسايرك... شوف شو عم عاني لاكتبلك ...