سعر صرف الدولار والذهب مقابل الليرة السورية اليوم السبت 04 -01- 2014

[جوليت]

اقتباس: المشاركة الأصلية كتبت بواسطة hasobman    انا كتير بحب اسم هالبنك بيب لوس( بيبلوص يعني بيسرق) ههههه

مرحبا سيد :
حاول تحطلنا مشاركات (مو شرط تكون مفيدة ) اقتصادية ... اقتصادية متتداخلة سياسيا .. معلومة لا سياسية ولا اقتصادية بس بتفيد الاغلبية (متل كهربتي مبارح ) ... بس يعني بعد اذنك انا مضطرة اقرا كل المشاركات منشان استفاد منا (طبعا لاتواخذني مو قصدي كلياتا تكون مفيدة بس يعني شي منو وفي ) اما هيك مشاركة حضرتك حاططها ممكن مواقع التواصل الاجتماعي احق فيا ... هون كل مشاركة الادارة حاجزتلا مساحة مدفوعة الاجر منشان الكل يستفيدو ويفيدو (مو شرط التوازن في الافادة والاستفادة
شكرا لك

[جوليت]

سيد الياطر تحية لك وكل عام وانت بخير بالهسنة الجديدة :
بعد اذنك عا ارتفاع الاونة لهيك رقم (1237 ) ... سعر الذهب محليا اليوم 5100 .. برأيك الرقم كنت متوقعو حضرتك يكون اكبر من هيك ..مثلا 5200 ؟؟؟؟ ولا هادا هو السعر المتناسب مع ارتفاع الاونصة عالميا وشكرا جزيلا لك

[hasobman]

اقتباس: المشاركة الأصلية كتبت بواسطة جوليت    مرحبا سيد : حاول تحطلنا مشاركات (مو شرط تكون مفيدة ) اقتصادية ... اقتصادية متتداخلة سياسيا .. معلومة لا سياسية ولا اقتصادية بس بتفيد الاغلبية (متل كهربتي مبارح ) ... بس يعني بعد اذنك انا مضطرة اقرا كل المشاركات منشان استفاد منا (طبعا لاتواخذني مو قصدي كلياتا تكون مفيدة بس يعني شي منو وفي ) اما هيك مشاركة حضرتك حاططها ممكن مواقع التواصل الاجتماعي احق فيا ... هون كل مشاركة الادارة حاجزتلا مساحة مدفوعة الاجر منشان الكل يستفيدو ويفيدو (مو شرط التوازن في الافادة والاستفادة شكرا لك

مو على اساس اتفقنا انو انتي فهمانة مبارح
انا كل مشاركاتي مفيدة للي بيفهمها
بالمشاركة الاولى انا عم انبه انو ممكن البنوك بكرة تعلن افلاسها وقدري حصلي فرنك منهم
وبالمشاركة التانية انا عم احذر انو البنوك شغلتها بلص اصلا هيي البنوك هدفها الاساسي البلص
وانا اذا معي 100 ليرة سورية ماني مستعد احطها بالبنك وخاصة بالاوضاع الحالية
لذلك انا كلي فوائد ولا فخر
واحيانا ما في فايدة من مشاركتي غير رفع الضغط لبعض الشخصيات الي معنا هون بالمنتدى
وهيك بكون عم ارد الدين لانو مشاركاتهم رفعت ضغط كتير عالم هون بالمنتدى
وبالاخر بتمنى تكوني استفدتي من مشاركاتي

[hasobman]

يا شباب الرجاء الدعاء لي يمشي حالي بالماجستير
فانا بامس الحاجة للدعاء الان

[نورالهدى]

اقتباس: المشاركة الأصلية كتبت بواسطة hasobman    يا شباب الرجاء الدعاء لي يمشي حالي بالماجستير فانا بامس الحاجة للدعاء الان

مساء الخير :
نتمنى لكم التوفيق في امتحانكم .
ونتذكر معكم الدعاء :
"رَبِّ اشْرَحْ لِي صَدْرِي* وَيَسِّرْ لِي أَمْرِي* وَاحْلُلْ عُقْدَةً مِّن لِّسَانِي * يَفْقَهُوا قَوْلِي"

سورة طه، الآيات: 25-28 .

[الياطر]

اقتباس: المشاركة الأصلية كتبت بواسطة جوليت    سيد الياطر تحية لك وكل عام وانت بخير بالهسنة الجديدة : بعد اذنك عا ارتفاع الاونة لهيك رقم (1237 ) ... سعر الذهب محليا اليوم 5100 .. برأيك الرقم كنت متوقعو حضرتك يكون اكبر من هيك ..مثلا 5200 ؟؟؟؟ ولا هادا هو السعر المتناسب مع ارتفاع الاونصة عالميا وشكرا جزيلا لك

وانت بالف خير
حسب كل الطرق المتبعة بحساب سعر الذهب محليا بيطلع السعر بحدود ٥٠٥٠هون بيجي عامل العرض والطلب
بكل الاحوال
سعر الذهب الكسر في اللاذقية الان
٥٠٥٠للمبيع ٥٠٢٥للشراء

[Ryad]

شركة طيران جديدة في سورية تبدأ عملها منتصف الشهر

4 يناير 2014 - 13:49 مصدر: الشركة ستقوم بعملها من خلال استئجار طائرات من الخطوط الملكية الأردنية
الاقتصادي سورية – خاص:

أعلنت شركة خطوط كنده الجوية " KINDA Airlines‎"‏، عن حصولها على ترخيص كناقل وطني في سورية، بموجب قرار وزير النقل رقم رقم 8/3/5100 تاريخ 5-12-2013.

وقالت الشركة، إن: "علمها سيكون من خلال القيام برحلات جوية منتظمة داخل وخارج القطر"، مبينةً أنها ستبدأ العمل في العاشر من الشهر الحالي، وستتخذ من دمشق مركزاً لها.

وعلم موقع "الاقتصادي سورية" من مصارد مطلعة، أن الشركة ستهدف إلى خدمة حلب محلياً، كما ستخدم الشركة مطارات "القاهرة الدولي" "الاسكندرية" "برج العرب"، "الرياض"، "جدة" "الدمام"، "الكويت"، "أبوظبي الدولي"، "مطار دبي الدولي"، "الشارقة"، "بغداد" "مطار رفيق الحريري" إقليميا.

وأفاد مصدر خاص لموقع "الاقتصادي" أن: "الشركة ستقوم بعملها من خلال استئجارها طائرات من الخطوط الملكية الأردنية".

وأضاف المصدر، أنه تم تعيين إسماعيل شرف نائباً للمدير التجاري في سورية، في حين تم تعيين دولامة مسالخي مديراً لعمليات الطيران.

وأوضح شرف على صفحته على "لينكد إن"، أن "خطوط كنده الجوية"، هي شركة طيران خاصة ستبدأ قريباً عملياتها من دمشق لتقديم جدول خدمات كامل، مضيفاً "نحن نؤمن أنه من خلال العمل مع شركائنا وGSA سنطور منتجاتنا في مجال الخدمات والمبيعات، إضافةً لمنتجات شركائنا، ونتطلع دائماً للحصول على مستويات أداء عالية من شركائنا وGSA، بهدف توصيلها إليكم، جنباً إلى جنب مع مستويات متقدمة من الخدمات، لقاء أسعار مناسبة، بهدف توفير وقت ومال جميع الأطراف وتحقيق سمعة طيبة والحصول على حصة من السوق".

وأوضحت الشركة على صفحتها على موقع التواصل الاجتماعي "فيسبوك"، أنّ هدفها "إعادة الحياة لمطار دمشق الدولي".



هاد يعني زيادة الطلب على الدولار

[سيوار كوباني]

عين العرب الدولار:143 143.5
الليرة التركية:65.75 66.25

[رشاد حج علي]

خلافا لتوقعات الاعضاء الاكارم هبوط طفيف بالاسعار
بيروت الآن شراء ١٤٢،٥ مبيع١٤٣

[رشاد حج علي]

في مشاركة سابقة لاحد الاعضاء الاكارم تحدث عن مصيدة الثيران والله اعلم هذا ما سنشاهده في قادمات الايام