صالة أسعار صرف الدولار وباقي العملات مقابل الليرة السورية ليوم الثلاثاء 23-7-2013

[tareq773]

مساء الخير جميعا

[حلبية]

اقتباس: المشاركة الأصلية كتبت بواسطة مجرد إنسان    السلام عليكم رح احكيلن قصة الشقيعة وصارت معي أكتر من مرة هلأ أوقات ما بيقدر الواحد يوصل لناس حريفة ونضاف وبلاقي القريبب منو شقيعة .. المهم شوفو يا جماعة الخير رحت اصرف مصروف ..100 دولار .. لفيت مشان واحد قريب ولتا عالمرجة .. صراف صراف .. بقديش اليوم ب 237 -240 شو معك؟ 100 دولار .. تفضل معي .. طلعنا ببناية .. فتحنا الاصنصير وبدنا نطلع طلع واقف .. خجل الصبي وقلي بنطلع عالدرج وصلنا .. قامت المعلمين .. اهلا وسهلا تفضل .. فتت لعندو .. شو معك ؟ 100 دولار نط الولد وقلو 237 ابتسمت انا ، كنت بعرف انو الشراء عند الكبار اكتر بليرة .. الظاهر في شي للولد .. عد المعلم (شقيع كبير شوي) المصاري ..تفضل .. مسكت المصاري وبلشت عد وراه .. طلعو ناقصين 500 .. يعني 23200 قلتلو لسا في 500 يا معلم .. هات لعدن مرة تانية .. عدن .. قلي معك حق تفضل .. ناولني اياهن .. وناولني بعدن 500 ليرة لحالا .. محسوبكن محاسب .. وكتير غلبة .. مسكت المصاري منو حطيت فوقن ال500 ليرة وعديت ... صفن صاحبنا .. خلصت ..قلتلو هدول ناقصين 5000 هالمرة مو500 ..فتح عيونو وقلي ليش هدول مو إلك ؟ كان صار حاططن عالطاولة عأساس أنا ما أخدتن منو .. وكل مرة عندو وعند غيرو نفس الشي بالزبط حتى شقيعة الحميدية .. اول مرة غلط ب 500 تاني مرة غلط ب 5000 .. فبدك تعد بعد كل مرة بيمسكلك اياهن حتى لو مسكن مشان يحطلك مطاطة ويدعمك واذا بتطلع راحت عليك .. في واحد قرايبي بهاللعبة هي خسروه 50000 ليرة بس .. صرف وقتا 1000 دولار .. فتخيل يا رعاك الله وانتبه .. بظن يمكن بسموا هالحركة : فعس او هيك شي .. ما انتبهت ونازلين كمان يفعسوا من بعض هههههههه بتمنى تنتبهوا وتركزوا على العد خصوصي اخر مرة قبل ما تطلعوا مو بس عالسعر والمفاصلة .. والكلام المعسول او الصلاة والقصص والحيل التانية .. بالتوفيق للجميع ..

حسبنا الله ونعم الوكيل .. بهالشهر الفضيل والشياطين مصفدة ! تاري شياطين الانس ابشع والعن .. الحمدلله على سلامة مصاريك و منيح انك طلعت مفتح و عديتهم مرة تانية
بصراحة انا ما عندي ثقة بالسوق السودا ابدا .. ولا اي صراف غير نظامي .. لانو كان الي تجربة مع واحد والظاهر لما بيشوفو بنت جاي تصرف .. بيعطوها سعر من قفا الكيل .. و بيفكروها هلأ فتحت باب بيتها المسكر من عشرين سنة واجت لعندهم !! لهيك توبت
مو لسبب غير انو لما بشركة الصرافة النظامية ما بيقدرو يلعبو بذيلهن اول شي .. وتاني شي ما في شي جاي لجيبتهن ومو من مصلحتهن تطلع سمعة مو كويسة عالشركة
لهيك ما بضمن اخذ لا سوري ولا دولار الا من شركة صرافة نظامية
كنت اتعامل مع ديار من قبل .. وحاليا الهرم .. بسبب انه الوحيد اللي بيسلم حوالات ويسترن واللي بحكم عملي بضطر الها دايما ..
المهم مبروك عليك و بالهنا والعافية مصروفك

[علوش الحمصي]

مساء الخير للجميع

[علوش الحمصي]

الدولار في حمص الساعة 6 مساء
190_____________200
متوفر بالاتجاهين

[مجرد إنسان]

اقتباس: المشاركة الأصلية كتبت بواسطة حلبية    حسبنا الله ونعم الوكيل .. بهالشهر الفضيل والشياطين مصفدة ! تاري شياطين الانس ابشع والعن .. الحمدلله على سلامة مصاريك و منيح انك طلعت مفتح و عديتهم مرة تانية بصراحة انا ما عندي ثقة بالسوق السودا ابدا .. ولا اي صراف غير نظامي .. لانو كان الي تجربة مع واحد والظاهر لما بيشوفو بنت جاي تصرف .. بيعطوها سعر من قفا الكيل .. و بيفكروها هلأ فتحت باب بيتها المسكر من عشرين سنة واجت لعندهم !! لهيك توبت :stickouttongue مو لسبب غير انو لما بشركة الصرافة النظامية ما بيقدرو يلعبو بذيلهن اول شي .. وتاني شي ما في شي جاي لجيبتهن ومو من مصلحتهن تطلع سمعة مو كويسة عالشركة لهيك ما بضمن اخذ لا سوري ولا دولار الا من شركة صرافة نظامية كنت اتعامل مع ديار من قبل .. وحاليا الهرم .. بسبب انه الوحيد اللي بيسلم حوالات ويسترن واللي بحكم عملي بضطر الها دايما .. المهم مبروك عليك و بالهنا والعافية مصروفك big grin

تسلمي : وان شالله بيوصلوكي وبتصرفيون بالهنا ..
الحاصل : صارت معي كتييير .. مو مرة وحدة وصايرة موضة ..
صرافي الثقة استشهد الله يرحمو ويجعل مثواه الجنة وكنت مستعد ما عد ولا ساوي شي من وراه كإنو أخي .. بس النصيب مو بايدنا ..
ما حكيت القصة الا مشان الناس تنتبه بالعد .. سوق سودا ، نظامي ، شو ما كان يكون ..
قرايبي اللي عم احكيلكن عنو ونصبوا عليه ب 50000 بنفس الحيل .. من يوم يومو بيقلب دولار بس غلطة الشاطر بألف ..

وفي حيل تانية كمان بيستعملوها .. المهم لا تمسكوا الصراف شي مو عادينو قبل ما تسلموه ولا تثقوا بحدا منن .. الا اللي عندكن ثقة فيه من زمان ..
حتى بلبنان في هيك حركات ..
وفوق كل هاد كمان في ناس بتمسك وبتهرب وفي ناس بتقلك هالمية شكلا قديمة بدنا ننزلك فيها شي 500 ليرة وشي مدري شووووووو
المهم حتى اذا استلمتو من البنك عدوا ..هههههههه
3 مرات استلمت باكيت من البنك التجاري على اساس 250000 يطلع على العد اليدوي ناقص شي 5000 ..
فالانتباه والحذر ..والعد هو الاب والاخ والام ههههههههههه

[ابو فهمي]

اقتباس: المشاركة الأصلية كتبت بواسطة مجد    كلامك صحيح بالمجمل اخي عمر ولكن اصبحنا نميز الذين دخلوا للمنتدى بغرض توجيه الناس لراي يخالف الواقع ويتماشى مع اهداف المركزي وهي دفع الناس لبيع الدولار ليقوم هو بشراء الدولار بشكل مباشر او غير مباشر .وسيرجع نفس الشخاص الدخول باسماء جديده .اقول للدراويش مونوا احتياجاتكم الاساسيه وتعلموا درس من ارتفاع الدولار ل 330 ليرة . دواء .حليب اطفال .وغيرها من الاساسيات . الحقائق اصبحت واضحة وضوح الشمس اخي عمر

نعم نعم اصبحنا نميززز الفرق ما بين النصح والضرر ما بين البيع ما فوق 250 وبين الشراء فوق 300 وصولا الى 1000 كما ذكرت سعادتك مرارا

[EngShaam]

اقتباس: المشاركة الأصلية كتبت بواسطة جوليت    يعني كمان شركات الصرافة بشر فساعة الك ساعة لربك اخي العزيز انا قلت بمشاركة سابقة مبارح او اولت مبارح انو هناك نزول (طبعا حدث قبل جلسة 5)وصعود ممنهج (بعد الخمسة) حضرتك اعتبرالتوقعات كلام ولا تاخد فيه يعني معقولة مابحقلي حتى مشاركات توقعية متل كتار .. برأي عادي والدليل مجرد توقعات ماعم تصير بس كلشي وماتكون مفكر مشاركاتي رمز لهبوط الدولار اما اختنا العزيزة الليرة السورية .. سمحلي بتكون غلطان انا بالحياة بهمني المعلومة الصحيحة شو ماكانت ...وكيف طرق الاستفادة منها وانا سبق والت بمشاركة سابقة ستحدث امور اذا عرف الواحد يفهما رح يكون كسبان وبعتقد في ناس فهمتا وبأكدلك انو فهمتا فما مشكلتي اذا حضرتك مفكر انو عم روج لهبوط الدولار .. أكيد لأ ...... المهم المعلومة فقط لاغير انا لابهمني تحليل منطقي وتنظير ( عابد فضيلة) او تتدخل غير عقلاني بنظر البعض (ميالة) مايهمني المعلومة الصحيحة تقبل احترامي وخلي جوليت بياء وحدة مو تنتين

عجبني الرد عدفعات وعشي خمس تعديلات
معؤول لهالدرجة كلامي شغلك
لدرجة فكرتي وغيرتي رأيك 5 مرات
وبعدين انا ألتلك متابع ومن أول يوم مداخلاتك كانت تأكد وتحذر من هبوط الدولار وفي منا حكيتي بصراحة للعالم إنو يبيعو احسن ما يندمو وعن ال150 وال 100 ويمكن أكتر
وكتير ناس تأثرت بحكيك
هلأ صرتي مزود وناقل معلومة وبس
والأكتر من هيك لتخلي الناس تستفيد
لك دخيلو لله انو ناس
كرمال الله
الاعتراف بالذنب فضيلة
والتهرب من الفعل ذنب
وحلاوة النت والمنتديات إنو تعتبر أرشفة كاملة
فيكي تسألي التقنيين الفنيين تبعوتك
يعني مافي مهرب وأنا ألت وانا مابعرف شو
ويا ستي مصر
اسم جولييت يلي كلنا بنعرفو يائين
مو وحدة
بس التقدير والاحترام إلك موزون موصوف وإنشالله واصلك
وانشالله ما بنحترمك بهالمنتدى

[مجرد إنسان]

اقتباس: المشاركة الأصلية كتبت بواسطة عابر مجيب    لعبة قديمة عملها معي صراف بمصر بالاسكندرية تحديدا قبل 24 سنة ، بس مو معلم ومكتب كنا نصرف ونحنا بالسيارة ويجي يحاكينا من الشباك ، لوكنت عاطيه الدولار قبل ما عد كان أخدهم وطار

ان شاء الله العمر كلو يا استاذ عابر مجيب ..
مدري ليش لهلأ ما عم نعرف شو بدنا ننادي استاذنا وناصحنا الامين وصاحب وسام النشاط معنا ..

[حلبية]

اقتباس: المشاركة الأصلية كتبت بواسطة مجرد إنسان    تسلمي : وان شالله بيوصلوكي وبتصرفيون بالهنا .. الحاصل : صارت معي كتييير .. مو مرة وحدة وصايرة موضة .. صرافي الثقة استشهد الله يرحمو ويجعل مثواه الجنة وكنت مستعد ما عد ولا ساوي شي من وراه كإنو أخي .. بس النصيب مو بايدنا .. ما حكيت القصة الا مشان الناس تنتبه بالعد .. سوق سودا ، نظامي ، شو ما كان يكون .. قرايبي اللي عم احكيلكن عنو ونصبوا عليه ب 50000 بنفس الحيل .. من يوم يومو بيقلب دولار بس غلطة الشاطر بألف .. وفي حيل تانية كمان بيستعملوها .. المهم لا تمسكوا الصراف شي مو عادينو قبل ما تسلموه ولا تثقوا بحدا منن .. الا اللي عندكن ثقة فيه من زمان .. حتى بلبنان في هيك حركات .. وفوق كل هاد كمان في ناس بتمسك وبتهرب وفي ناس بتقلك هالمية شكلا قديمة بدنا ننزلك فيها شي 500 ليرة وشي مدري شووووووو المهم حتى اذا استلمتو من البنك عدوا ..هههههههه 3 مرات استلمت باكيت من البنك التجاري على اساس 250000 يطلع على العد اليدوي ناقص شي 5000 .. فالانتباه والحذر ..والعد هو الاب والاخ والام ههههههههههه

جزاك الله الخير اخي عالتنبيه ورحم كل انسان شريف .. وسبحان الله نحن بالحلال ما عم نخلص فكيف اللي عم ياكل حرام ..!!!
الله لا يطمعنا الا بدينه وطاعته وعبادته
وشكرا عالنصيحة

[omar1964]

على ما يبدو خلصت موجة الترويج للهبوط
و بلشت موجة جديدة الترويج للارتفاع ..
و مرة بعد مرة .. هبوط كبير بعدو ارتفاع كبير
المهم ما يصير ثبات بالسعر
و الثبات بالنسبة للناس هوي الاهم ...
و المسلسل مستمر لحتى ما يبقى حدا معو شي لا دولار و لا ليرات
صار المسلسل متكرر كتير و بايخ كتير ..
بيكفي و الله الناس ملت