صالة أسعار صرف الدولار وباقي العملات و أسعار الذهب مقابل الليرة السورية ليوم الأربعاء 10-7-2013

[expert]

اقتباس: المشاركة الأصلية كتبت بواسطة لقماان    أخي باسل انت نيتك صافية ... بس النية لحالا ما بتكفي ... انت مبارح المسا و اليوم ...سوق حلب ما واضح عندك منيح.. و هاد واقع و تم قطع حسابات مع تجار كبار بحلب و تصفية أرصدة على الأسعار يلي ذكرت ..... اليوم ظهرا لم يكن يوجد دولار بمبالغ جيدة في حلب تحت 310 عصرا و مساء لا أعرف .............. اليوم أخونا محمد صابوني راح اشترا خضرا و أكل ب 3000 ليرة من حلب الشرقية و قاموا (المعارضة المسلحة )بمصادرة الخضار و الأكل و رموها أمام عينه كما قال لي و هو في غاية الاحباط و الانزعاج ---------------------

اخي بالنسبة للوضع المعيشي بحلب حتى اليوم مساءا ما قبل الافطار كما يلي:
هاد الكلام مني انا نزلت على الجميلية والفيض وثم الى المشارقة ولم ادخل المعبر
الاسواق خالية من الخضار واللحوم والفواكه بشكل تام تقريبا
الخبز لم يتوفر وذهبت الى فرن الرازي وحاولت الحصول على ربطة ممن اشترى من الفرن باي سعر ولم يرضى احد ان يبيعني مع انها كانت تباع امام الفرن البارحة ب 300 ل 8ارغفة(1100غرام) (من الفرن مستحيل تحسن تاخد)
محلات الفطائر تقوم ببيع خبز صغير باسعار عالية وهناك ازدحام وطابور
قرص معروك صغير حوالي 400 غرام 150 ليرة
خيار متوفر لدى بائع واحد 350 ليرة
لحمة - باي نوع - فروج -بيض لايوجد
محلات الاكل الجاهز معظمها متوقف وبعضها يبيع كبة بالسياخ مشوية على الفحم (لا يوجد غاز ابدا) بسعر 1000-1200 للكيلو بدون اي سلطو او رغيف خبز او سرفيس من اي نوع
نصف كيلو حمص مخفوق 175 ليرة
فواكه لا يوجد مطلقا - لم اشاهد ولا حبة بندورة-والبعض يقول ان وجدت فسعرها 400 للكيلو
عندما توجهت نحو المشارقة حوالي الساعة 5 شاهدت ناس يحملون خضار وبطاطا وغيها من انواع الطعام بكميات قليلة لكل شخص قادمين من جهة معبر الموت (كراج الحجز)
متل ما قلتلكم كميات الطعام مع كل شخص قليلة من كل نوع 2 كيلو من الصنف الواحد لكن ممكن يكون معه عدة اصناف ويادوب يقدر يشيلهم بسبب مسافة المشي الطويلة ووعورة الطريق وخطر القنص ومع ذلك فابتسامة النصر تعلو الوجوه فقد استطاع ان يؤمن فطور العائلة
عدد الاشخاص القادمين من المعبر كبير وكانها مسيرة ولكن بدال اللافتات اكياس طعام
خلاصة الكلام
الحصار مازال مستمر والوضع سيزداد سوءا يوم غد مع الاسف
لان ما دخل من طعام عبر المعبر مع كل شخص لا يكفي سوى لسد رمق عائلة لمدة يوم واحد
المشكلة الكبرى هي فقدان مادة الخبز ومعظم الافران متوقفة اما الافران العاملة فيذهب معظم انتاجها للعسكريين

[SyrianWolf]

اقتباس: المشاركة الأصلية كتبت بواسطة najm    منورة بوجودك حبيبنا نحن بألف خير والحمد لله مقارنة بأوضاع أهلنا في حلب وحمص وغير مناطق فرج الله عن الجميع ورمضان كريم عالكل انشاء الله .. الله لا يشغلك بال كان عندي شوية ظروف عائلية وفاة جدتي وحزن امي الكبير عليها شغلني شوي عدا ضغوط العمل وغيره مالنا غنى عنكم صديقي وشكرا للسؤال

العمر لإلك أخ نجم ويجعل مثواها الجنة بإذن ربنا.

[باسل غ]

اقتباس: المشاركة الأصلية كتبت بواسطة raffi    أخ باسل بعتت على بريدك الخاص جدية اهتمامي لشراء مبلغ معقول من الدولار باسعارك و لم يصلني ردك . ارجو تزويدي عل الخاص ايضا مصدرك اذا امكن ولك جزيل الشكر ------------------------------------------ لو كان غيرك كاتب هل الحكي كنت ما رديت يحكي لخلص كرمال هيك لا زم تعرف عند بكون السوق ما واضح بكتب ما واضح وما في سعر بس عند بكون فيه سعر متداول بكتب السعر المتداول يلي بتم عليه الشراء والبيع بس يكون السعر 320______330 وعند البيع بقلي هيك السعر بس ما عندي سوري اكيد ما بكتبه او واحد باع 500 دولار او اشترى 1000 دولار على سعر ما بكون هيدا هو السعر من مبارح العالم المتحرفه عبتكب الدولار كرمال ما تزيد خسارتها ويلي ماسك الدولار ليرجع يطلع ليعوض خسارته ما باخد سعره وبنشره ومين خبرك ما في دولار بسوق ؟؟؟ ما بهزوا حالهم اصحاب القرار الاقتصادي لتشوف الكتله النقديه بالسوق ارقامها العجب العجاب

[/quote]

تكرم عيينك

محرك البحث عندي فيه مشكله هلى لشفت رسالتك

حددك اشخاص ما بقدرلسبب كتير بسيط انا ما بعرفك وما بدي سبب مشاكل لا الك ولا الهم

فيك تنزل على شارع الاكسبريس بالفرقان وتسال وفيك تسال نواحي جامع بدر بالفرقان

وفيك تنزل على شارع وردي شان بالمرديان وفيك تنزل ناح حلويات دياب بالسليمانيه

وانشاء الله يرتاحو لملاامح وشك وما يخافوا منه ويبعوك

انت بتعرف وضع السوق السوداء بحلب واذا ما بتعرف انشا الله بتعرف بعد هل الجوله

[أبو العلاء المعري]

اقتباس: المشاركة الأصلية كتبت بواسطة عابر مجيب    مستحيل ! لا تقولها نصحنا العالم يروحوا يحطوا كرسي بالمطار وينتظروا الجمال بيجو بالبر آسف النصيحة كانت غلط . الجمال بسنم ولا بسنمين دخيلك

يشيلوا الكرسي و بوشون على معبر نصيب، قوام لا يتأخروا.
هههههه هههههه هههه ههه

[najm]

اقتباس: المشاركة الأصلية كتبت بواسطة أبو العلاء المعري    عظم الله أجركم.

شكر الله سعيكم أخي العزيز .

[omar1964]

مساء الخير
مثل قديم عند التجار بيقول " السوق بيكسر راس السلعة"
تأكيدا لما تفضل فيه الاخ باسل و الاخ ابو حكيم والنقاش الدائر حول السعر الحقيقي
السعر الي المفروض نذكره و ينور للآخرين وضع السوق
هو السعر الي صار بموجبه بيع او شراء فعلي
مو اتصال تلفون او سؤال ع الماشي
نحنا بالسوق تبع السلع التانية ( كمون ، زيت ، حمص ،سكر.........الخ )
ما مناخد مقياس للسعر الكميات القليلة
و لا سؤال عالماشي او حتى نشرة وزارة التموين النظرية لسعر اي مادة
السعر الي مناخد فيه عادة انو فلان ( تاجر معروف ) اشترا او باع كمية معقولة من هالمادة ...!!!
ما بعرف اذا كان ممكن تطبيق هالحالة على الدولار ..!!
بس بالنسبة للسعر الي ذكرته اليوم مثلا
كانت منطبقة الفكرة تماما .

[najm]

اقتباس: المشاركة الأصلية كتبت بواسطة SyrianWolf    العمر لإلك أخ نجم ويجعل مثواها الجنة بإذن ربنا.

ممنون لطفك شكرا اخي syrian wolf


وأعتذر للادارة على زج الموضوع عن غير قصد بصالة الدولار

[عابر مجيب]

اقتباس: المشاركة الأصلية كتبت بواسطة adib    وخلصت الكمية

معقول ؟
الحجي كتير ابن حلال ، ممكن يبيع ما فوقو وتحتو ويلبي المحتاج .
على كل حال المركزي رح يطرح 250 ألف على 250 ليرة
ما فهمت لكام زبون هدول ؟
بس الحسنة القليلة بتدفع بلاوي كتيرة
نص نصيص من الصرافين أو التجار ما بيكفوه .
بس خلونا نشوف الناحية الإيجابية .
الطرح نفسو والأرقام ميتين وخمسين ، وكمان مرة مكرر الرقم .
يعني متل ما تقول :
حلاوتها زايدة حته ***** ياكلوها الساعة ستة

[tarek]

انا اللي بعرفو بحلب انو الظهر كان الدهب 11100 محسوب على دولار 312 و العصر الساعه 4.30 كان 315 و من شوي سألت على الماشي قال السوق سكر على حالو ..... و اﻷه أعلم .... مع العلم انو مراكز الدهب كلا سكرت تحسبا للتطورات اﻷمنيه

[tarek]

عظم الله أجركم اخ نجم و الحمد لله على السلامه