صالة أسعار صرف الدولار وباقي العملات و أسعار الذهب مقابل الليرة السورية ليوم الأربعاء 10-7-2013

[لقماان]

اقتباس: المشاركة الأصلية كتبت بواسطة باسل غ    اذا هيك رائيك انا بحترمه وفيك تختار مصدر للسعر يلي بناسبك انا ما بعتمد الا على الكاش يعني الف سعر بخيط هيدا بخصوص السعر اما بخصوص الحاله المعيشيه كانت لمبارح صح بس من اول نهار اليوم انفك الحصار وبلشت تنزل الاسعار وبس تشتري بايدك بنحكي غير حكي ما بدي سود الصفحه اكتر ما هيي سودا بس الواقع فارض نفسه الاخ عبياكل اخوه ولو تغيرت نظرتك عني انت ووكل اعضاء المنتدى ما كتير مهم عندي مقابل انا نام مرتاح البال وما كون كتبت حرف يكون فيه اذى لايا حدا __________________________________________________ ____ في كتير اسعار للبيع احسن سعر الساعه 7 كان 277 واحسن شراء على 270 يلي ما بتناسبه هيدي الاسعار يطنشها وفقكم الله لخير الدنيا والاخره

أخي باسل
انت نيتك صافية ...
بس النية لحالا ما بتكفي ...
انت مبارح المسا و اليوم ...سوق حلب ما واضح عندك منيح..
و هاد واقع و تم قطع حسابات مع تجار كبار بحلب
و تصفية أرصدة على الأسعار يلي ذكرت .....
اليوم ظهرا لم يكن يوجد دولار بمبالغ جيدة في حلب تحت 310
عصرا و مساء لا أعرف
..............
اليوم أخونا محمد صابوني
راح اشترا خضرا و أكل ب 3000 ليرة
من حلب الشرقية
و قاموا (المعارضة المسلحة )بمصادرة الخضار و الأكل و رموها أمام عينه
كما قال لي و هو في غاية الاحباط و الانزعاج

---------------------

[باسل غ]

اقتباس: المشاركة الأصلية كتبت بواسطة لقماان    أخي باسل انت نيتك صافية ... بس النية لحالا ما بتكفي ... انت مبارح المسا و اليوم ...سوق حلب ما واضح عندك منيح.. و هاد واقع و تم قطع حسابات مع تجار كبار بحلب و تصفية أرصدة على الأسعار يلي ذكرت ..... اليوم ظهرا لم يكن يوجد دولار بمبالغ جيدة في حلب تحت 310 عصرا و مساء لا أعرف .............. ---------------------

لو كان غيرك كاتب هل الحكي كنت ما رديت يحكي لخلص


كرمال هيك لا زم تعرف عند بكون السوق ما واضح بكتب ما واضح وما في سعر

بس عند بكون فيه سعر متداول بكتب السعر المتداول يلي بتم عليه الشراء والبيع

بس يكون السعر 320______330 وعند البيع بقلي هيك السعر بس ما عندي سوري

اكيد ما بكتبه او واحد باع 500 دولار او اشترى 1000 دولار على سعر ما بكون هيدا هو السعر

من مبارح العالم المتحرفه عبتكب الدولار كرمال ما تزيد خسارتها

ويلي ماسك الدولار ليرجع يطلع ليعوض خسارته ما باخد سعره وبنشره

ومين خبرك ما في دولار بسوق ؟؟؟

ما بهزوا حالهم اصحاب القرار الاقتصادي لتشوف الكتله النقديه بالسوق ارقامها

العجب العجاب

[مجد]

اقتباس: المشاركة الأصلية كتبت بواسطة rafek    يا اخي الخبر مو من عند بيت ابي جايبو وانا نقلت خبر من موقع سيريا ستيبس وليس بالضرورة أن أكون مصدق أو مؤيد لهيك خبر بعدين أنا حطيت الخبر مشاركة بالصالة وكيف صار موضوع بقسم اقتصاد سوريا بعنوان انا ما كتبتو ما بعرف!!!!!!!!

كل عام وانتم بخير

كان القصد اخي الكريم هو ان لك الفضل بنقله لا اكثر

والموقع الذي نشر الخبر موجود بالموضوع واسف

على سوء الفهم .بس بالعادة ننقل الموضوع ونسمي

من كان له الفضل بنقله

[عابر مجيب]

اقتباس: المشاركة الأصلية كتبت بواسطة moh_b    لم أجد مجلة اسمها economists european magazine و بالبحث في غوغل لم أجد اسمها سوى في روابط المقالات المنقولة و باللغة العربية , فيبدو أن المقال لا مصدر له بل هو اختلاق أو أن اسم المجلة غير صحيح , و ان كنت أرجح الاحتمال الأول لأن من لديه معرفة بسيطة باللغه الانكليزيه يلاحظ أن اسم المجلة فيه مشكلة من يفبرك المقال كان عليه اختيار اسم أفضل و أول ظهور لهذا الاسم الركيك على مواقع البحث كان اليوم

لو تركت التنبيه كان أفضل ، هلأ الملفق بيتعلم وبيصير صعب كشفو
أحلى شي تقعد بالمسرح ، وتتفرج على الساحر وتكون فاقس كل الخدع
ما بدها كل هالدقة بالتحقق
لا حدا يخاف من الدولارات المزورين كل ما جبلي زبون منهم لشراء تذاكر عم صادرهم وافرمهم
صرت ساحب مليار إلا كم ورقة ، مافي داعي للخوف . هههههههههههههه

[najm]

السلام عليكم ورحمة الله وبركاته
رمضان امن ومبارك وسعيد برغم الحرب نتمناه للجميع


ننصح الاخوة الموظفين ممن يرغب بالمضاربة بالدولارالمضاربة بالبندورة وخصوصا في حلب
لان بعد الزيادة ومع الارتفاع الخيالي بتكاليف المعيشة لا أعتقد بأنه من الممكن ولو بالخيال توفير
3 الاف ليرة لأخر الشهر التي لا تشتري 10 دولار ان ضل السعر هيك .

[مجد]

اقتباس: المشاركة الأصلية كتبت بواسطة الليرة السورية    شو هاد تحريض عاللجوء و للا تسجيل موقف وللا شحادة ؟

عفوا اخي الكريم

انها دعوة لكي يحمي السوريين انفسهم من اي قرارات

قد تصدر ضدهم مستقبلا والتسجيل يحميهم بالقانون

الدولي للامم المتحدة بعد ان اصبحوا لاجئين .......

باريت لقوا السوريين احديشحدهم ماكان اصبح وضعهم

بالمخيمات اكثر من سئ .لعنة الله على الذين كانواسبب

تشردهم بكل الدنيا .

[باسل غ]

اقتباس: المشاركة الأصلية كتبت بواسطة najm    السلام عليكم ورحمة الله وبركاته رمضان امن ومبارك وسعيد برغم الحرب نتمناه للجميع ننصح الاخوة الموظفين ممن يرغب بالمضاربة بالدولارالمضاربة بالبندورة وخصوصا في حلب لان بعد الزيادة ومع الارتفاع الخيالي بتكاليف المعيشة لا أعتقد بأنه من الممكن ولو بالخيال توفير 3 الاف ليرة لأخر الشهر التي لا تشتري 10 دولار ان ضل السعر هيك .

نورت اخي نجم

كل عام وانت وعائلتك الكريمه بالف خير

انشغل بالي عليك طمنا عنك

[عابر مجيب]

اقتباس: المشاركة الأصلية كتبت بواسطة الليرة السورية    هل تؤثر عودة " المبعدين " و العائدين قسرا او طوعا من مصر في زيادة المعروض من الدولار في السوق ؟ حيث ان اغلبهم سيعمل على صرف مبالغ كان قد اشتراها سابقا و هي رابحة في نظره لتغطية مصاريفه سؤال برسم الخبراء

أفضل شي يحط الواحد كرسي بالمطار ويقعد وينتظرالقادمين ويجني ارباح .

[sajed]

لقماان

اليوم أخونا محمد صابوني
راح اشترا خضرا و أكل ب 3000 ليرة
من حلب الشرقية
و قاموا (المعارضة المسلحة )بمصادرة الخضار و الأكل و رموها أمام عينه
كما قال لي و هو في غاية الاحباط و الانزعاج
-----------------------
أخي لقمان شكرا" للنبأ الذي ذكرته وتأكيدا" على ذلك أقول:

أرسلت ولدي الى المناطق المحررة في حلب كي يشتري لنا مايسد به رمقنا في رمضان (لأن المناطق الغير محررة أصبحت خاوية على عروشها بسبب حصار الجيش الحر لها ومنع سيارات الغذاء بالتوجه اليها)

للأسف أشترى ب 20000 مواد غذائية ولكن عند حاجز الجيش الحر صادروها منه وأسمعوه من الكلمات البذيئة ما يستحي المرء عن ذكره.

أقول لهولاء الذين لايتقون الله:

في رمضان تفتح موائد الرحمن لكل الناس وأنتم تمنعون الطعام وتسرقونه ممن يشتريه؟؟؟؟

خسئتم لن نجوع
أصبحنا نكره الأرض التي تسيرون عليها

[عابر مجيب]

اقتباس: المشاركة الأصلية كتبت بواسطة nyfmpha    أبو مروان حبيبي أنا جارك بحماه بس ما شفنا هالشي - دخيل عينك ماتواخذنا

الله يكون بعونك
بدك نظارات
من بكرا اشتري نظارات سود وجريدة مفخوته ، وراقب منيح