صالون سيرياستوكس للعطلات للايام(4-5-6-7)نيسان2013

[ميرا]

اقتباس: المشاركة الأصلية كتبت بواسطة لقماان    شكرا مدام و الله يخليلك ابنك و تفرحي فيو بالنسبة للخمسينين أنا ما حكيت شي عنون هون بالمنتدى في كذا شخص خمسيني و منون أخونا عابر كانوا عميواسوا بعضون عن موضوع النسيان و العصبية ......و يؤولوا عادي هي مظاهر عمر الخمسين.... أمت دعيتلون الله يعينون و يئطعوا هالمرحلة بسرعة و يفوتوا بالستين...... كأنو صار لازم ادعيلك كمان موهيك.. التيلنا خمسةوعشرين سنة و كام شهر ماهيك

مع اني لسه مصرّة عل 25 سنة وكم شهر..... بس معليش دعيلي كمان ، الدعاء خير لكل الأعمار

[Hany Basha]

اقتباس: المشاركة الأصلية كتبت بواسطة mouayad    مو مهم بس يخلص الكابوس .. المهم ما نطلع منو معطوبين وبلا احساس ... من اقوال صديقي الفيسبوكجي

أخي مؤيد
الوضع يلي عايشينو يمكن أصعب من كابوس
الكابوس ممكن ينتهي تاني يوم الصبح
وعنجد كتيييييير تعبنا
صدقني مابدي ومابتمنى من ربي غير تخلص هالأزمة الغيير عادية هلأ قبل بعد ثانية
بس آخ
وعنجد الكلمات مابتكفي لتصف حال شعبنا بس الله كريم
آآآآآآآآآخ

[Hany Basha]

اقتباس: المشاركة الأصلية كتبت بواسطة biso    بلا كهربا ... تعلمنا نبرمج حياتنا اليومية و نقعد مع الأهل ونحكي مع بعض أكتر... بلا مازوت ... تعلمنا نقرب على بعضنا أكتر.... بلا خبز ... تعلمنا ننحف... بلا شغل ... تعلمنا نفكر بولادنا و ببلدنا أكتر..... بلا أمان .... تعلمنا نرجع على بيتنا بكير.... بلا شي.... تعلمنا نعيش ورح نعيش ليرجع كل شي أحسن... تحية للشعب السوري العظيم

أخي العزيز
أول دعاء كان لنبي الله إبراهيم عليه الصلاة والسلام بعد بناء الكعبة المشرفة
(اللهم وإجعل هذا البلد آمناً)
الأمن و الأمان وراحة البال عنجد أغلى من كل شي

[ميرا]

اقتباس: المشاركة الأصلية كتبت بواسطة om omar    كُن بَسِيطاً ، تَكُن سَعِيداً ، وَخُذ الحَيآةْ بَطِيبةٍ مُتجَاهلاً ظُلم مَنْ حَولك .♥.

مساء الخير أخت أم عمر
معك حق ، دائما في البساطة سعادة ومنها يشع الجمال
ولكن كم نستطيع أن نتجاهل ظلم من حولنا ؟؟

[Hany Basha]

اقتباس: المشاركة الأصلية كتبت بواسطة Ship World

هههههههههههههههههه
صحيح أنا ماشايف الفلم بس كتير بعملوا عليه نهفات
بس أنا بحب البطل
The Rock

[Hany Basha]

اقتباس: المشاركة الأصلية كتبت بواسطة biso    الأقدار اجمل ما قد يصيبنا ... نظنها غير عادلة دائماً..... ثم نكتشف بعد حين أنها خبأت لنا الأفضل والأجمل ....!

وعسى أن تكرهوا شيئاً وهو خير لكم
هذا هو توقيعي
وهذا قبل كل شيء كلام الله
ولي تجارب كثيرة جداً في الحياة تترجمها هذه الكلمات
ولأنها تختصر مبدأ الإيمان بقضاء الله خيره وشره فهي تختصر الجزء الأكبر من العقيدة

[Hany Basha]

اقتباس: المشاركة الأصلية كتبت بواسطة غسان    اهلين ابو رأفت ,,,الصالون للجميع والترحيب حار ...,,,وانسى الحواجز اصلا كان تعارفنا عن طريق الموقع وليس العكس ..,,,.... شاركنا بمالديك ..,,,,,, ومن شاور الناس وخالطهم ....شاركهم بعقولهم

شكراً أستاذ غسان وهذا من لطفك
شكراً مرة أخرى أستاذي غسان أبو يزن على ماأذكر ويعطيكم العافية

[Om Omar]

لا تيأس من المحاولة، فمتعة الوصول للهدف لا تقدر بثمن.

[عابر مجيب]

انقطع النت وداق خلقي بانتظارو ، وهلأ وقت اجا نعست ، بكرا عندي مهام كتيرة ولازم نام بكير مع ان الساعة 12:05
يلا تصبحوا على خير

[ميرا]

مع الوقت يتعلّم المرء أن يعرف ذاته من خلال كلّ قراراته، الصغيرة منها والكبيرة، فاتّخاذ القرار كما يقول فرانسوا فاريّون، «هو عمل الحرّية. وحيث لا قرار لا بناء للإنسان"