جلسة صالون سيريا ستوكس ليومي الخميس9 والجمعة 10-12-2011

[Salam L]

اقتباس: المشاركة الأصلية كتبت بواسطة mouayad    قالت الشركة العامة للألبسة الداخلية (الشرق) إنها عاجزة عن تحقيق الربح ضمن الظروف والمعطيات الحالية، لكنها ستصبح قادرة على ذلك في حال تغيير القوانين والظروف التي تعمل فيها, مشيرة إلى أن عدم وجود موزعين ووكلاء يمثل أكبر مشكلة لتسويق منتجاتها في المحافظات . وذلك رغم تخفيض أسعارها بنسبة 50% بهدف تسويق المخازين. ‏ و بحسب صحيفة "الثورة ", أوضحت أن قيمة مخازينها تبلغ 393 مليون ليرة وأنها أنتجت ما قيمته 266 مليون ليرة بنسبة تنفيذ 51% من خطتها الإنتاجية. بالأمس ذكرت لك ابو معاذ السبب بتخلفنا و خسارتنا يعني الشركة صدقا نوعية انتاجها جيدة و القطن تبعها نفس القطن الذي تصنع منه شركة حنين وهي افضل ماركة قطنيات و لكن أين المشكلة هنا يكمن السؤال ؟؟؟؟؟؟؟؟؟ كما ذكر ابو حازم و ابو طارق لن اطيل اكثر من انه يا حراااااااااااام عليكم ايها المسؤولون عن هذه الشركات الخاسرة و اعلموا ان الشعب و الله لن يسامحوكم بهذه الأموال لا اعلم ماذا اكتب ولا لماذا اكتب يمكن لحرقة في قلبي مما قرات لك ليييييييييييييش و اخر شي بتيجي وزارة الصناعة بتسدد خسائر هذه الشركات و بتدفع رواتب العمال طيب اذا ما بدكم تفصلوا العمال و يبقوا بدون شغل خففوا خسارة و عطوهم رواتب و هنن بالبيت على الأقل بتخففوا خسائر المعمل اما العمال فمنعتبرهم من الزكوات و الصدقات شو رأيكون بالفكرة ؟؟؟؟

هلق عم تحكوا شي على شركة بزمناتها كان الها دعاية بالتلفزيون السوري بتقول (لا تتدققوا كتير رح اكتب على هوا مابتذكر)


خفي رجلك يا سوسو... كل العالم سبقونا... ولبسوا ملبوسات الشرق... وعلى الشرق سبقونا....

كلها ملبوسات قطنية... من احلى واجود الخيوط....

طبعا وقتها صاروا كل الناس تغنيلي خفي رجلك يا سوسو.....

لعمى هلكوني فيها....

بالمناسبة وين بتنباع متنجات هي الشركة العظيمة؟؟؟

[arnouri]

• «مو معقول»
  في مازوت وغاز وبكثرة .. ركزوا على كلمة «كثرة» لأنو هالكلمة تحديداً بتجلط وبتعمل حرقة بالدماغ وطفح جلدي بالأوعية الدموية ..
  صرنا نحكي بالمقلوب لأنو مافي غير بنسمع عالتلفزيون في غاز ومتوافر بكثرة وفي مازوت وفائض ..
  يمكن بيقصدوا بكثرة أنو في صور كتير لجرات الغاز وبكافة الوضعيات وفي جرات فاضية بعدد رمل البحر..
  من هالشي في ظاهرة غريبة عم تصير وهي انو كل جرة غاز عم تنشرا عم يكون معاها مرافقة بتتألف من 4 زلم ومافوق يعني صايرة الجرة المليانة أهم من ممثل هوليوودي.
  أما المازوت، فهو موجود وبكثرة فعلا بس لأصحاب الامتيازات ويلي بيعرفوا حدا فاسد بهالبلد والدليل أنو الناس يلي ناطرين بالدور
  وبالزور ليعّبوا مازوت بيتفاجأوا بموظف «سادكوب» سائق صهريج المازوت عم يعبي للناس ربع يلي لازمها وأقل من حصتها
  وبس يسألوه بيقول«الشغلة مو من عندي في أسماء معينة حددولي ياها لازم عبيلها قبل الكل وبمقدار محدد والباقي بيتوزع على المواطن العادي» .. وفهمكن كفاية.
  
  
  
  
• مو معقول

ب بلدنا

[غسان]

بالحريقة في فرع بيع لشركة الشرق

بس شو خمس نجوم .....الفرع

اخر مرة شفتو كانت الديكورات من زمن ستي وانستي

[arnouri]

إن خدَعتك الحياة فلا تحزن، ولا تغضب. في اليوم الشجي اهدأ. يوم الفرح، ثِق، لا بد آتٍ. القلب يحيا في المستقبل.
فالحاضر كئيب. كل شيء عابر، كل شيء سيمضي سيصبح أجمل»

(بوشكين).

[Salam L]

اقتباس: المشاركة الأصلية كتبت بواسطة غسان    بالحريقة في فرع بيع لشركة الشرق بس شو خمس نجوم .....الفرع اخر مرة شفتو كانت الديكورات من زمن ستي وانستي

ههههه

اهم شي الديكور.... يعني لو وفروا حق الدعاية وعملوا ديكور منيح مو كان احسن ههههه

[Salam L]

قصة ملبوسات الشرق واسعارها خلت شغلة تخطر ببالي....

مين صاير متلي مابدو يوفر اي مصاري ومستعد يصرف كل اللي بجيبته؟؟؟

اكتشفت انو المصاري يا رح تروح بالبورصة... يا بسبب سعر الدولار والليرة.... يا بالتخضم... يا رح يجي الحرامي يسرقها....

ولذلك احسن انو نصرفها .....

فليسقط التوفير ....يسقط يسقط يسقط

[غسان]

ذكر في الاخبارية السورية ان معمل النسيج في حلب بدون تأمين

فعلا امر غريب
هل يعقل معمل بهذا الحجم بدون تأمين
واذا كانت الحجة بعدم التعامل مع شركات التأمين صار في شركات تأمين اسلامي ...

في .........ان ... وكأن ولعل وليس ..........ولا

[غسان]

حدا ...............لحدا ؟؟؟؟؟؟

صالون الخميس

ماحدا ..................لحدا ؟؟؟؟؟؟

أين القوم ؟؟؟؟

[غسان]

سوريا تغلق بوابتي عبور مع تركيا .. وأنقرة تعلن عن ضريبة 30% على كل السلع السورية

دمشق- أنقرة..
أغلقت السلطات السورية، اليوم الأربعاء، بوابتي عبور مع تركيا في شمال شرق البلاد "بداعي الصيانة".
وقالت مصادر سورية مطلعة ليونايتد برس إنترناشونال، إن "السلطات السورية أغلقت اليوم بوابة تل أبيض في محافظة الرقة والتي تقابلها بوابة (أقجي قلعة) التركية، كما أغلقت بوابة القامشلي في محافظة الحسكة التي تقابلها بوابة (نصيبين) التركية".
وأوضحت المصادر أن "سبب إغلاق البوابتين يعود الى أمور تتعلق بالصيانة".
وكانت صحيفة الوطن السورية الخاصة نقلت عن مصادر مسؤولة قولها إن أزمة الشاحنات على الحدود السورية - التركية - الأردنية في طريقها الى الحل وفق مبدأ المعاملة بالمثل.
وأضاف أن "عدد الشاحنات المتوقفة على الحدود التركية في معبر باب الهوى وحده فقط تجاوز الـ1000"، مبيناً أن عدد الشاحنات التي مرت منها وصل إلى نحو 150 شاحنة عدا عن بقية المعابر الخمسة الأخرى".
وأشار الى أن عدد الشاحنات المتوقفة على الحدود الأردنية إرتفع من 300 الإثنين إلى نحو 600 شاحنة أمس وهي في أغلبيتها من الشاحنات التركية المتجهة إلى تركيا كبلد مقصد أو إلى إحدى دول أوروبا الشرقية كبلد مقصد".
إلى ذلك أعلن وزير التجارة التركي عن فرض ضريبة بنسبة 30% على كل السلع السورية، بحسب ما أفادت وكالة "رويترز".

[رندة]

اقتباس: المشاركة الأصلية كتبت بواسطة Salam    قصة ملبوسات الشرق واسعارها خلت شغلة تخطر ببالي.... مين صاير متلي مابدو يوفر اي مصاري ومستعد يصرف كل اللي بجيبته؟؟؟ اكتشفت انو المصاري يا رح تروح بالبورصة... يا بسبب سعر الدولار والليرة.... يا بالتخضم... يا رح يجي الحرامي يسرقها.... ولذلك احسن انو نصرفها ..... فليسقط التوفير ....يسقط يسقط يسقط

هادا شعار أبو معاذ الحالي