سعر صرف الدولار ليوم الثلاثاء 12 تشرين الثاني 2013

[expert]

اقتباس: المشاركة الأصلية كتبت بواسطة تيسير ابو محمد    مساء الخير يا شباب اؤكد ان الموجة في الصعود بدأت من ريف حلب وكنت اول من نقل سعر المبيع 150 وذكرت في مشاركة في صالة اليوم ان حركة الطلب البارحة تنبأ باجتياز 150 ويمكن ان تعودو للصفحات الاولى من صالة اليوم اغلاق ريف حلب 152 للشراء 155 للمبيع ندرة في العرض و الطلب اقوى لكن الحق يقال ان الدولار متوفر لأن اغلب الصرافين يخافون اعلان جلسة تدخل فان اعلنت توقف الصعود وان لم يعلن اعلم ان المركزي هو من يريد الصعود الحسم غدا اما جلسة تدخل والوقوف عند 150 او التحليق مابعد 160

تنويه صغير بالنسبة لحلب
فيه علان من فصائل المعارضة المسلحة ان المعبر الوحيد بين قسمي حلب مغلق بشكل كااااااااااامل حتى اشعار اخر
يعني:
- رح يتوقف انتقال المال بين القسمين بشكل كامل بشقيه قطع اجنبي وليرة
يعني رح يسير هناك سعرين مختلفين بشكل كبير
-لن يستطيع الموظفون والطلاب الموجودون في مايسمى من قبلهم (مناطق المحررة) الالتحاق بجامعاتهم ووظائفهم ضمن مناطق سيطرة في مايسمى من قبلهم(النظام)
طبعا هاد الحكي اله مببراته العسكرية واللوجستية من وجهة نظرهم لكن له انعكاسات خطيرة على المدنيين الذين سيقعون ضمن مشكلة خطيرة وخاصة ان تغيب الموظفين عن عملهم قد يؤدي لفصلهم من عملهم وهذا ما جرى في حالات كثيرة في مدن اخرة
(انا انقل الخبر بسبب انعكاساته الاقتصادية على المدنيين فارجوا عدم مناقشته من ناحية سياسية او عسكرية او غيرها خارج اطار الاقتصاد وفي حال خروج النقاش عن السيطرة افوض الادارة بحذف المشاركة وكل من يرد عليها باي رد )

[mak]

اقتباس: المشاركة الأصلية كتبت بواسطة adib    والله ليك يا خي لي دخل بحيطان 135 -140-150 لحق حالو انا ليبعرفو انو طالع لا محال دون اي تشويش وبعتقد بهل كام يوم بدك تشوف 200 اذا بدك تدخل عل الادخار اشتري ولا تتردد

مشكور اخ اديب......و انا من رأيك مع انو مو هاد كان قصدي بالسؤال..لأنو اساسا انا ما طلعت لحتى ادخل.....بصراحة ما بحب اطلع خصوصا بهاالجو ...بخاف آخد برد...او شي قذيفة طايشة

انا كان سؤالي عن الذهب و هو بحيطان 1267 للأونصة اذا كان وقت مناسب للدخول.....هو الحق معك تخربط لأنو ما كنت موضح ...بصراحة حاولت عدل السؤال بس النت ما ساعدني

[جوليت]

اقتباس: المشاركة الأصلية كتبت بواسطة خيرو الشامي    المركزي وما ادراك ما المركزي الدولار بينهار وقت بيسمع بالمركزي وبصير بدو انعاش بس المركزي سمحلو ياخد راحتو شوي وقلو اذا بتقرب لفوق الستين بدي شكك بالسكين

سيد خيرو مسا الخير اولا
تاني شي وينو المركزي ؟؟؟ نايم؟ اخد غفوة ؟يعيني مو شاطر غير بالتصريحات ؟ صحي انا من اشد المعجبين فيه , يعني ليش اخد من العالم 148 وترك السوق يطلع , هي اسما سرقة يسمحلنا فيا , بعدين اذا دخل برأيك اديش السعر يلي رح يأتحفنا فيه , ليكو هي احد الاعضاء المشهود الهن بالتحاليل قال ممكن السعر ينط 200 بيومين , وعم تألي ستين وسكين

[mak]

اقتباس: المشاركة الأصلية كتبت بواسطة خيرو الشامي    المركزي وما ادراك ما المركزي الدولار بينهار وقت بيسمع بالمركزي وبصير بدو انعاش بس المركزي سمحلو ياخد راحتو شوي وقلو اذا بتقرب لفوق الستين بدي شكك بالسكين

قصدك فوق ال 160 لأنو ال 60 طحشها من زمان ...و بدون سكين.....و الله يجيرنا من ال 260

[sam sam]

صباح الخير
الكلام ليس للترويج او التخويف سكر سوق الشام 165 فعليا وكلام تجار شترت بالسعر هاد

[خيرو الشامي]

عندما وصل سعر الذهب الكسر 5600شراء--------------5750 مبيع قمت ببيع الربع بسعر 5650

وغدا ان شاء الله سابيع الربع الثاني اذا استمر الصعود وهكذا وساعوضهم عندما تبدأ بركات المركزي

[عمار اللامي]

اقتباس: المشاركة الأصلية كتبت بواسطة adib    قصدك خي عمار ربط الاحزمة

حياتي إن عبرنا نقطة 165 بالإغلاق
الجواب نعم

[روميو]

اقتباس: المشاركة الأصلية كتبت بواسطة خيرو الشامي    عندما وصل سعر الذهب الكسر 5600شراء--------------5750 مبيع قمت ببيع الربع بسعر 5650 وغدا ان شاء الله سابيع الربع الثاني اذا استمر الصعود وهكذا وساعوضهم عندما تبدأ بركات المركزي

يعني اخي انت تطبيلك وتزميرك للمركزي منشان ربحك الشخصي؟؟؟؟؟؟؟؟؟؟؟؟؟؟
كنت مفكرك خايف على لقمة هالشعب الفقير والله!!!!!!!!!!!!!!!
بركات المركزي مشان يتباركو مصرياتك
يعني بتبيع وبتصير تروج انو المركزي رح يتدخل وما رح يسمح انو يطلع السعر فوق ال 160 لانو حضرتك بعت تحت ال 160
من زمان عم تشتغل هالشغلة؟؟؟؟؟؟؟؟؟؟؟؟

[عمار اللامي]

اقتباس: المشاركة الأصلية كتبت بواسطة shereen    بتظن اخي عمار نركب القطار السريع بنهاية الاسبوع بدل الباص

بعد التهديد بالتدخل القادم
الجواب نعم

[روميو]

لازم نتذكر شغلة يا جماعة المركزي ما رح يعلن عن جلسة تدخل حتى يبيع ال 20 مليون اللي تدخل فيهن بالجلسة الماضية وما حدا اشتراهن
شو رايكن؟؟