صالة أسعار الدولار والذهب مقابل الليرة السورية ليوم الثلاثاء 28 -1-2014

[محمد سامر]

صباح الخير للجميع
إنشاءالله يوم مبارك

[hamod.kopani]

صباح الخيرجميعاًوافتتاحية مباركة من اخ ابوعمر

[رشاد حج علي]

اخ عابر بالنسبة للاسعار دقيقة ١٠٠٪ خلافنا مع كل الاعضاء عبكون لشغلتين وهنن انكن شكاكين وبتظنو كتير يعني لازم قلك انو الدولار بدو يصير ٤٠٠ ل س بكون عاقل وعين الله عليي وشي انو نحنا تلاتة شخص واحد يعني شو رايكن تعطونا رقم هاتف حضرتكن وندقلكن التلاتة بنفس الدقيقة لتصدقو ( التشكيك والتخوين ) عندكن بشكل مابعرف ليش يعني شو اعملكن اذا شارين دولار بالغالي بس انتو مقتنعين انو بدو يرجع يصير الدولار ٥٠٠ فبتمنى منكن لاتاخدو برأينا ولا تقرو مشاركاتنا ولاتاخدو بالاسعار اللي من حطها ونحنا ماعد نحط شكر وسبق قلنا انو الشكر لمجرد المشاركة مو شرط انكون موافقين عالكلام اللي فيها

[المبتدئ]

معك حق أخ رشاد مية بالمية ((كلام العاقلين))

[المبتدئ]

اقتباس: المشاركة الأصلية كتبت بواسطة رشاد حج علي    اخ عابر بالنسبة للاسعار دقيقة 100٪ خلافنا مع كل الاعضاء عبكون لشغلتين وهنن انكن شكاكين وبتظنو كتير يعني لازم قلك انو الدولار بدو يصير 400 ل س بكون عاقل وعين الله عليي وشي انو نحنا تلاتة شخص واحد يعني شو رايكن تعطونا رقم هاتف حضرتكن وندقلكن التلاتة بنفس الدقيقة لتصدقو ( التشكيك والتخوين ) عندكن بشكل مابعرف ليش يعني شو اعملكن اذا شارين دولار بالغالي بس انتو مقتنعين انو بدو يرجع يصير الدولار 500 فبتمنى منكن لاتاخدو برأينا ولا تقرو مشاركاتنا ولاتاخدو بالاسعار اللي من حطها ونحنا ماعد نحط شكر وسبق قلنا انو الشكر لمجرد المشاركة مو شرط انكون موافقين عالكلام اللي فيها

معك حق أخ رشاد مية بالمية ((كلام العاقلين))

[-mouhamad]

ارتدت تداولات سعر الذهب هبوطاً يوم أمس بعد الاقتراب من مقاومة القناة الصاعدة التي تحمل التداولات الإيجابية اللحظية، وبحسب قواعد التداول داخل القنوات السعرية، فإن هذا الانخفاض يعتبر طبيعي، بانتظار ارتكاز على دعم هذه القناة عند 1240.00 قبل العودة للارتفاع من جديد.

المتوسط المتحرك 50 يقدم دعم لحظي قوي الآن، يعزز قوته مؤشر ستوكاستيك، مما قد يدفع بالسعر لاستئناف الاتجاه الصاعد من المناطق الحالية.

الآن، نحن نفضل التوقف على الحياد بشكل مؤقت لمراقبة تصرف السعر بالنسبة للمستويات المحورية التي تتمثل بالمقاومة 1260.00 والدعم 1251.00 ثم 1240.00، حيث إن اختراق هذه المقاومة سيدفع السعر لاستئناف مساره الصاعد من جديد، وأهداف تبدأ عند 1300.00، بينما كسر مناطق الدعم سيضغط على السعر لتأكيد عودة التداولات داخل القناة الرئيسية الهابطة


نطاق التداول المتوقع لهذا اليوم ما بين: الدعم 1240.00 والمقاومة 1290.00

الميل العام المتوقع لهذا اليوم: حيادي

[غسان]

اسعد الله صباحكم بالخير والبركة
شكرا ابو عمر على الافتتاحية
الادارة تتمنى الابتعاد عن المهاترات الشخصية والاكتفاء بالتنبيه عن الخطأ عند وجوده
نحاول تقديم خدمة نقل السعر الحقيقي لفائدة الجميع مع الترحيب باقتراحاتكم المفيدة
وندعو الله أن يفرج عن سورية انه على كل شيء قدير

[Sameh]

صباح الخير على الجميع

بخصوص الاسعار وهل عم ينزل الاسعار ويكتب الاسعار ويجيب الاسعار
اهداف المنتدى والصالة واضحة هي نقل الصورة والواقع نحكي بصراحة وصدق الكل بيعرف انه ستوكس هو المصداقية بنقل السعر وخاصة بالفترة الاخيرة صارت الاسعار هل بتنزل على صفحة الفيس معتمدة بشكل رسمي باغلب المناطق وخاصة المحافظات لتسعير الدولار يمكن غلط ينحكى هاد الشي بس ضروري ينحكى ولو لمرة وحدة وخاصة بدمشق لانه هي المؤثر على حركة السوق بالفترة الحالية ولانه عم تكون الاسعار "دقيقة 100%" رجاء ياشباب خلينا ننقل السعر صح 100%
انا بعتذر عن التقصير بنقل الاسعار بدمشق لانه الشباب مومقصرين

يحق للادارة حذف المشاركة ان لم تكن مفيدة

[عابر مجيب]

اقتباس: المشاركة الأصلية كتبت بواسطة رشاد حج علي    اخ عابر بالنسبة للاسعار دقيقة ١٠٠٪ خلافنا مع كل الاعضاء عبكون لشغلتين وهنن انكن شكاكين وبتظنو كتير يعني لازم قلك انو الدولار بدو يصير ٤٠٠ ل س بكون عاقل وعين الله عليي وشي انو نحنا تلاتة شخص واحد يعني شو رايكن تعطونا رقم هاتف حضرتكن وندقلكن التلاتة بنفس الدقيقة لتصدقو ( التشكيك والتخوين ) عندكن بشكل مابعرف ليش يعني شو اعملكن اذا شارين دولار بالغالي بس انتو مقتنعين انو بدو يرجع يصير الدولار ٥٠٠ فبتمنى منكن لاتاخدو برأينا ولا تقرو مشاركاتنا ولاتاخدو بالاسعار اللي من حطها ونحنا ماعد نحط شكر وسبق قلنا انو الشكر لمجرد المشاركة مو شرط انكون موافقين عالكلام اللي فيها

حرام حقيقي حرام يكون هيك فهمك لمشاركتي .
أنا نصحت ، وحابب ساوي تقارب بين الناس ، كلنا بنعرف الحق والباطل ، مو ضروري فصّل بكل مداخلة سبقت حتى حطلك النقاط على الحروف ، وشوف كيف انت عم تخاطبني على اني شكاك مثلا بس عم تحكي بصفة الجمع ومابقى إلا تقول انو نحنا ( كل أهل المنتدى المناوئين لأفكارك ) نعم كلنا شخص تاني بيكره الليرة وحابب تنهار وحابين المركزي يفلس ، لأننا بنكره بلدنا وبنكره حالنا .
ما مطلوب تقول الدولار لا بأربعمية ولا بألف ، انت يا غشيم وما بتعرف بالاقتصاد ، وبهيك حرام تكتب من أصلو ، أو انك بتعرف وعم تروج لارتفاع الليرة بدون أي سند علمي او اقتصادي أو منطقي ، وهاد بحد ذاتو كافي لافقادك المصداقية وبخليك تتصنف مع المتسببين بالاضرار بالناس .
واللي غريب انك مفكر إذا قلنا الكلام اللي بيرضيك بنكون مقتنعين !
بلد داخلة بأزمة ما بدنا نفصّل فيها ونطيل الكلام عن الآثار على المصاريف ، ولا عن انعدام المداخيل من صناعة وسياحة .... ، وبدك تعتبر ان اللي عم يقول الليرة على نزول غلطان ، واللي عم يروج لارتفاعها هوه الصح !
طيب اشرحلنا بالتفصيل الممل لنفهم .
يا أخي كلامك ما بيورط غير المساكين اللي ما لهم ناقة ولا جمل ، ليش مصر على الاضرار فيهم ؟!
يعني ازمتنا أهون من لبنان البلد المنفتح واللي ضعف عدد سكانه مغتربين وعم يضخوا عملة وشفنا وين صارت ليرتهم ؟!
يا حبيبي ما شايف الدينار العراقي اللي كان بأكثر من ثلاث دولارات شو صار فيه ؟!
طيب ليش مصر على ان نحنا خارجين عن القوانين الاقتصادية والطبيعية والمنطقية ؟!
ما بدنا كل هالحكي
قال المي بتكذب الغطاس
العملة قوية ورح يرجع الدولار للـ 50 وان شاء الله أقل ، يفتح المركزي كيسو ويبيع قبل ما تنزل قيمة موجوداته ، يعني يبيعنا على 150 وبيرجع يشتري على 50 وبتتضاغف موجوداته 3 مرات ، ونحنا بنخلص من القيل والقال .

[ADIB]

صباح الخير جميعا