سعر صرف الدولار والذهب مقابل الليرة السورية اليوم الاربعاء 27 -11- 2013

[Ayhamalh]

اقتباس: المشاركة الأصلية كتبت بواسطة aymtal    السلام عليكم كيف الجميع حصل الاتفاق الايراني الغربي ..... البعض استغل هذا الاتفاق و قام ببث اشاعته للم الدولار الرخيص ( علماً لن هذا الاتفاق ليس له اي صلة بالوضع الاقتصادي السوري ) لكن هذه المرة لم يتم جمع سوى كمية صغيرة و استمر ذلك عدد من الساعات فقط حيث ظهر جلياً ان حاجز 140 حديدي الوضع العام للمشهد العام بدأ يتغير و بشدة و بعكس ماكانت عليه تسير عقارب الساعة و هذا لا بد ان يؤثر على سعر الصرف و ربما يكون تأثيره كبيراً لذلك يجب مراقبته بدقة الايام القادمة ستحمل لنا ربما تغير بقواعد اللعبة الان قاعدة الصرف الاساسية ( 140-160) و هذه المرة قاع حديدي و سقف قاسي و المركذي يحاول بكل أدواته الامساك بسعر الصرف ضمن هذه القاعدة دمتم بكل خير

السلام عليكم ورحمة الله وبركاته
صباح الفل لجميع الأعضاء والزوار..
اصبحت الصالة ممتعة وعلمية ومفيدة جدا.. واخبارها غزيرة بفضل الأعضاء المحترمين..
شكرا لك aymtal على الصباحية الصحيحة واشترك مع السادة بالسؤال حول نظريتك بالسقف الحديدي 160...
لك كل التحية... وخالص الاحترام للجميع

[-mouhamad]

صباح الخير جميعا

[خيرو الشامي]

نهاركم عربي بالصلاة على النبي
انا واحد ما بحب احكي كتير ومع ذلك حطيت على انفي بصلة وحكيت المسا (هوب)طارت المشاركة ههههههههههه
خايف يصير فيي متل العجوز يلي عمرو 100سنة --كل ما بيسألو حفيدو شواخبارو لجدك بقلهم
من شهر رحنا على البحر وركبنا فلوكة لنروح لجزيرة ارواد واذ جدي بيقع بالبحر قالولو ومات قلهم لاوالله شباب طرطوس انقذو-- ومن اسبوع انخطف وطلبو فدية مليون قلنالهم ما بندفع ولا ليرة قالولو وقتلو قلهم لاء تركوه لانو هلكهم بحكيو وطلباتو ومن يومين كان عطشان راح شرب دواء السعلة كلو قالولو ومات قلهم لا والله عملولو بالمشفى غسيل معدة وطاب قالولو لحفيدو وبعدين شو صار مع جدك قلهم والله اضطرينا نذبحو بالسكين لحتى يموت
المهم مبارح الصبح الساعة12الظهر كان السعر142---144وبعدها بلش اللعب
متل ما قال السيد ايو محمد ديناميك وصل السعرلل145-----148
والمسا لامس السعر متل ماقال السيد الترنتيف 147-----150
ونصيحتي اليوم تحتمل احتمالين اما بتربحو او بتخسرو
اذا بلش يطلع --ركضو بيعو !!!!

[-mouhamad]

لنفترض أنو الارتداد يلي صار مبارح حقيقي وليس مخادع ليش كان خجول يعني ارتفع السعر من143 صباحا لل148 مساء بالعادة بيطلع السعر اسرع من هيك.يعني مثلا لما طلع من ال170 لل300 ماتحمل الارتفاع اكتر من 3 ايام ووقت نزل نزل ببطىء عشرة عشرة اوخمسات وهلق صرلو شهر ونص ما طلع فوق ال165 . طيب الناس يلي كانت عمتنصح عال270 انو ماحدا يبيع وبعدين 250 انو راجع يطلع وبعدين 200 نفس السيرة و180 و170 و160 و150 و140 يعني بصراحة في ناس خسرت نص مصرياتها ولسا في ناس عمتنصح انو ماتبيعوا أنا ما بنكر انو بيجوز يطلع طلعة ماكنة وماحدا يلحق يشتري بس بنفس الوقت في ناس باعت عال 270 وهلق اشترت عال 150

[خيرو الشامي]

اقتباس: المشاركة الأصلية كتبت بواسطة shereen    صباح الخير الكريم كلامك كلو صح بس شو السبب السقف 160 قاسي (انا ماكتير بوافقك عليها)

اختي الكريمة (حطي المصلحة على جنب بتصيري كتير بتوافقي عليها)ولا انا غلطان

[جوليت]

اقتباس: المشاركة الأصلية كتبت بواسطة -mouhamad    لنفترض أنو الارتداد يلي صار مبارح حقيقي وليس مخادع ليش كان خجول يعني ارتفع السعر من143 صباحا لل148 مساء بالعادة بيطلع السعر اسرع من هيك.يعني مثلا لما طلع من ال170 لل300 ماتحمل الارتفاع اكتر من 3 ايام ووقت نزل نزل ببطىء عشرة عشرة اوخمسات وهلق صرلو شهر ونص ما طلع فوق ال165 . طيب الناس يلي كانت عمتنصح عال270 انو ماحدا يبيع وبعدين 250 انو راجع يطلع وبعدين 200 نفس السيرة و180 و170 و160 و150 و140 يعني بصراحة في ناس خسرت نص مصرياتها ولسا في ناس عمتنصح انو ماتبيعوا أنا ما بنكر انو بيجوز يطلع طلعة ماكنة وماحدا يلحق يشتري بس بنفس الوقت في ناس باعت عال 270 وهلق اشترت عال 150

خلينا نشوف اليوم اذا شركات الصرافة بدا تغير سعرا تبع مبارح ( 140 --- 141 طبعا وكسور ) وخلينا نشوف اذا المركزي او التجاري (بدو يغير ) , وبالاصل خلينا نشوف اذا العالم رح تصدق

[ابن الجبل]

طلب صغير يا ريت حد من المشرفين يكتبوا سعر الصرف الموضوع أعلى الشاشة كمشاركة
( سعر الصرف أعلى الشاشة .............. ) لأن بعض الأشخاص لا يظهر لديهم السعر
و تحديثة كل ما تغير و لكم الشكر حاولت اكثر من مرة غير و بدل بس للحين ما طلع معي
مشكورين سلفاً

[جوليت]

اقتباس: المشاركة الأصلية كتبت بواسطة ساحرالقلوب    أسعار الإغلاق شراء : 144 بيع : 148 هذا السعر لمدينة دمشق هذا لا يمنع وجود حالات لبيع و شراء بأسعار أقل أو أكثر من ذلك

-------------------------------------------------------------------------
صباح الخير والشكر عالافتتاحية
سيد ساحر اخر سعر كان موجود بأعلى الصفحة قبل عملية صيانة الموقع هو 147 -----143
هذا ماأعلمه

[arnouri]

اقتباس: المشاركة الأصلية كتبت بواسطة ابن الجبل    طلب صغير يا ريت حد من المشرفين يكتبوا سعر الصرف الموضوع أعلى الشاشة كمشاركة ( سعر الصرف أعلى الشاشة .............. ) لأن بعض الأشخاص لا يظهر لديهم السعر و تحديثة كل ما تغير و لكم الشكر حاولت اكثر من مرة غير و بدل بس للحين ما طلع معي مشكورين سلفاً

ولا نحن يظهر عندنا


تحت الصيانه تكرم حبيب

[kayalij]

إغلاق سوق حلب
شراء 145 - 146 مبيع 147 - 148