سعر صرف الدولار مقابل الليرة2-2-2012 (السوقي)

[محمد s]

ارجو من الاخوة الاعضاء تزويدنا بسعر سوق في دمشق وحمص وحماة ولكم جزيل الشكر

[GoldMan$]

اللاذقية شراء 71 - 70,75 بيع 72 - 72,5

الذهب عيار 21 3500 ل س

[GoldMan$]

اقتباس: المشاركة الأصلية كتبت بواسطة محمد s    ارجو من الاخوة الاعضاء تزويدنا بسعر سوق في دمشق وحمص وحماة ولكم جزيل الشكر

ما بيمشي الحال السعر باللاذقية ....

[محمد s]

تراجع الدولار إلى 72 ليرة في السوق السوداء وارتفاع في العرض
الخميس - 2 شباط - 2012 - 9:06:21

التفاصيل

إعلانات

ارتفع مستوى العرض في السوق مقارنة بالأيام الماضية، ما أدى إلى كسر سعر صرف الدولار بحدود ليرة سورية و انخفاض سعر الشراء إلى 72 ليرة والمبيع إلى 72.60 ليرة.
وبحسب صحيفة "الوطن" ، وحافظ سعر صرف الدولار في المصارف على مستواه السابق بين 69.65 و70.15 ليرة ، فيما سجل تقرير مصرف سورية المركزي اليومي أمس ﺍﻨﺨﻔاﺽ ﺍﻟﻴﻭﺭﻭ ﻤﻘﺎﺒل ﺍﻟﻠﻴﺭﺓ ﺇﻟﻰ ﻤﺴﺘﻭﻯ 76.13 ﻟﻴﺭﺓ مقارنة ﺒـ 76.53 ﻓﻲ ﺘﺩﺍﻭﻻﺕ أول ﺃﻤﺱ.
وكشف التقرير ارتفاع الطلب ﻋﻠﻰ ﺍﻟﺩﻭﻻﺭ ﺇﻻ ﺃﻨﻪ ﺒﻘﻲ ﺩﻭﻥ ﺍﻟﻤﻠﻴﻭﻥ، وﺘﺭﺍﻓﻕ ﺫﻟﻙ ﻤﻊ ﺍﺭﺘﻔﺎﻉ ﺍﻟﻌﺭﺽ ﻤﻨﻪ ﺇﻟﻰ ﻤﺴﺘﻭﻯ 1.5 ﻤﻠﻴﻭﻥ ﻤﻘﺎﺭﻨﺔ ﺒﻤﺎ ﺩﻭﻥ ﺍﻟﻤﻠﻴﻭﻥ ﻓﻲ ﺘﺩﺍﻭﻻﺕ أول ﺃﻤﺱ، ﻭﺴﺠل ﺍﻟﻁﻠﺏ ﻋﻠﻰ ﺍﻟﻴﻭﺭﻭ ﺍﺴﺘﻘﺭﺍﺭﺍ ﻋﻨﺩ ﻤﺴﺘﻭﻯ 6 ملايين ﻴﻭﺭﻭ.

[zinarez]

اقتباس: المشاركة الأصلية كتبت بواسطة shereen    الاخت العزيزة zinarez انتي الاسبوع الماضي بعتي دولراتك ب 69,75 وقعدتي اتدوري مين بدو يشتريهم وحزرتي وقلتي الدولار نازل لل 62 واليوم انا بعت ب 72,5وندمانة فياريت تحليلاتك تكون واقعية اكتر وتبتعد عن العاطفة

الأخت شيرين.
أولاً: اللـه يباركلك بأموالك بغض النظر عن سعر الصرف، وعن اجمالي المبلغ المصروف. وإنشاللـه بالهنا يارب.
ثانياً: أنا بعت صح، بس كنت مضطرة. وما بعت ألف ولا ألفين دولار، بعتقد الرقم اللي بعتو إذا رح تعرفيه رح تلوميني كتير على تصرفي (في البيع) لأنه رقم أكبر من هيك بكتييييير بكتييييييير.
ثالثاً: أنا لسا معي دولار أكتر من اللي بعته...، وبيناسبني يرتفع السوق للـ 100 ل.س. بس بدك تقولي إذا بدي بيع بـ 100 ل.س ساعتها راتبي مابقى يكفيني غير فواتير، لأنه كلشي بدو يغلا. فالشي الطبيعي أني أتأمل نزول الدولار شأني كشأن أي مواطنة سورية عادية، مو لحتى أرجع أشتري.
رابعا: بشأن تحليلاتي:
ابن جيراننا حكى كتييييييير معي بقصص النزول والهبوط. بس أنا فضلت أبني تحليلاتي على تصريحات حاكم مصرف سورية المركزي، اللي أظن العملة الورقية اللي بجزدانك موقعة باسمه، مو بناء على تحليلات ابن جيراني.
خامساً: أنا كتير مبسوطة لمناقشتك، وبتأسف عالإطالة وعن الخروج على موضوع المنتدى. وبتمنى إذا بتحبي تردي علي يكون عن طريق الفايسبوك. فقط لعدم ازعاج الآخرين ممن لايرغبون مشاهدة نقاشات خارجة عن الموضوع.

[غسان]

منذ اعلى قمة للدولار في 19/1 بقيمة 74 او 75

وهبوطه الى 67 في 22/1 بقي الدولار بين هذين

السعرين مايدل على الترقب للانطلاق باحد الطرفين ..........

حاليا وفي الايام القليلة القادمة لايوجد مايدل على تغير السعر عن مركزه 71 -72 ليرة..........

[ماهر محمد]

السعر الآن بدمشق مبيع 72.50 شراء 71.50
الساعة 1:00 بعد الظهر

[mustafa s]

اقتباس: المشاركة الأصلية كتبت بواسطة ماهر محمد    مع احترامي الكامل لرأيك ميالة هاد<<< بمكتبي ما بحطو <<< وشاطر بالكذب هلأ تزكر يدخل بعد شو؟!؟! يعني بعد الفيتو بينزل شوي شي يومين بس و بعدين بيرجع بيطلع المركزي دولار مالح يطلع منو وحياتك كذب و نصب ليكون رفعوا الدعم عن تمويل جميع المواد الأساسية عدا الأدوية هاد الدعم يلي عم يحكي عنو , هاي هي الضربة التي وعد بها ميالة للمضاربين بالدولار لك حاج مسخرة أدو شاطر بالحكي مافي ميالة أفندي وشكر خاص جدا جدا جدا يلي عامل هل منتدى لأنو فتح عيون كتير ناس على كتير شغلات ما مننتبهلها وحياتكون الدولار سعرو الحقيقي فوق الـ 70 من زمان من وقت ما بدأت الأزمة بس الدولة كانت عم تدعموا لحتى فرطت كونوا على ثقة أنو الاقتصاد خلص

شكراً أخ ماهر

بيعجبني فيك >> تفاؤلك<< وصراحتك

[oubay2001]

اقتباس: المشاركة الأصلية كتبت بواسطة zinarez    الأخت شيرين. أولاً: اللـه يباركلك بأموالك بغض النظر عن سعر الصرف، وعن اجمالي المبلغ المصروف. وإنشاللـه بالهنا يارب. ثانياً: أنا بعت صح، بس كنت مضطرة. وما بعت ألف ولا ألفين دولار، بعتقد الرقم اللي بعتو إذا رح تعرفيه رح تلوميني كتير على تصرفي (في البيع) لأنه رقم أكبر من هيك بكتييييير بكتييييييير. ثالثاً: أنا لسا معي دولار أكتر من اللي بعته...، وبيناسبني يرتفع السوق للـ 100 ل.س. بس بدك تقولي إذا بدي بيع بـ 100 ل.س ساعتها راتبي مابقى يكفيني غير فواتير، لأنه كلشي بدو يغلا. فالشي الطبيعي أني أتأمل نزول الدولار شأني كشأن أي مواطنة سورية عادية، مو لحتى أرجع أشتري. رابعا: بشأن تحليلاتي: ابن جيراننا حكى كتييييييير معي بقصص النزول والهبوط. بس أنا فضلت أبني تحليلاتي على تصريحات حاكم مصرف سورية المركزي، اللي أظن العملة الورقية اللي بجزدانك موقعة باسمه، مو بناء على تحليلات ابن جيراني. خامساً: أنا كتير مبسوطة لمناقشتك، وبتأسف عالإطالة وعن الخروج على موضوع المنتدى. وبتمنى إذا بتحبي تردي علي يكون عن طريق الفايسبوك. فقط لعدم ازعاج الآخرين ممن لايرغبون مشاهدة نقاشات خارجة عن الموضوع.

طولوا بالكم

[أديب]

ان تم خفض الدولار بسبب القرار المتوقع بشان مجلس الامن .... هل يعقل ان يكون تفكير ميالة بان المستثمرين سيعودون الى بلده او ان الدول سوف تضخ له من العملة الاجنبية مايكفي ليخرجه من هذه الورطة يلي فيها

اعتقد حتى الحلفاء لايستطيعون ان يمدو يد العون في هذه الفترة بعد تدهور العلاقات العالمية مع منطقتنا

الا اذا كان ميالة نايملو على شي 300 مليار دولار وبدو يطرحون بهل كم يوم ساعتها فيها ومافيها

رجاء ان تفيدونا مادور مجلس الامن في صعود الدولار او نزوله ان كانت العقوبات تاتينا من كل مكان وقد اصبحنا في عزلة عربية دولية عالمية وشكرا ... اعتذر ان كان الموضوع خارج نطاق المنتدى