صالة أسعار صرف الدولار وباقي العملات و أسعار الذهب مقابل الليرة السورية ليوم الثلاثاء 16-7-2013

[Hassan1]

مساء الخير
كمراقب من بعيد للمنتدى افتقدت لوجود شخص كان كثير المشاركة ثم اختفى فجأة
عاد طيفه عدة مرات وبأسماء أخرى تطل علينا أيام أو أشهر ثم تختفي
وأحدث ماحصل أنه عاد أخيرا إلينا بقوة وبنبرة أنثوية ناعمه .

[AYMTAL]

اقتباس: المشاركة الأصلية كتبت بواسطة جوليت    عفوا كل شي التو برأي صحيح الا شغلة وحدة انا أكيدة منا :لان السعر لايصدر الا بعد انتهاء الجلسة "أثناء الجلسة وبعد 20 دقيقة تحدد السعر"

الاخت جولييت
نحن سعيدين بانضمامك للمنتدى و بنتمنالك التوفيق و تضلي معنا عطول

[عابر مجيب]

شكرا لكل ذي ضمير حي وقلب صافي
وصله حقيقة ما أهدف إليه
انا مجرد مواطن محب للجميع وخارج عن المصلحة الشخصية
الحكمة ضالتي وقد اخطئ وقد اصيب وما زال عندي رغبة بالتعلم
لكني صادق مع نفسي ولا اروج لفكرة أو هدف شخصي
حتى في عملي لا انافس احدا ولا خطة لي ببناء مستقبل اصبح خلفي
اكتفيت بما حققته فيما مضى من حياتي ولم يتكلف علي وطني
درست على حسابي واتيت بكل ما كسبته من الخارج وصببته في بلدي
أملك الكثير من خلال قناعتي ولا رغبة لي بالاستزادة
امتدح من يستحق المديح وليس عندي من انزهه من الانتقاد حين يخطئ
أكره التجني حتى على من يعاديني وأحب ان أكون خصما شريفا صادقا
لي سجل طويل اراجعه دوما وأجدني منسجما دوما مع قناعاتي
اعود إلى بعض ماكتبت وأجد خطا واضحا لا غش فيه ولا تدليس
وكل مافي الحياة أجده قابلا للنقاش وأبرر كل رأي مالم يتعدى على الآخرين
أنا صديق وفي، وخصم عنيد، أنا لا اكره ولكنني أحب او لا أبالي
لا امتدح نفسي ولكني ابين حقيقة حالي إذ لا يزعجني شيئا أكثر من اساءة فهمي
معذرة على الاطالة .

[najm]

اقتباس: المشاركة الأصلية كتبت بواسطة rafek    بكل دول العالم يشترون من القاع ويبيعون في القمم إلا عنا الله يصبرهم ولو انو ما باعو هلاء كان احسن لهم

الحمد لله على السلامة في البداية

ذكرتني بأيام الليرة اللبنانية برغم الاختلاف الكبيربالحالتين كتار بوقتها أشتروها مع بداية الانهيار لانهم تعودوا على بريقها وقوتها وما كان يخطر ببال حدا انها تنهار بهالسرعة .
ومن بين هؤلاء الناس جدي وكانت كل ما تنزل اكتر يضاعف المبلغ اكتر لحتى غرق بالليرات اللبنانية عديمة القيمة وخسر مبالغ بهداك الوقت بتشتري بنايات وما كان في توعية وستالايت وانترنت ومحللين بهداك الوقت والكل ماشي ورا القطيع .

[الليرة السورية]

صباح الخير للجميع

شو في جديد ؟
شو كانت اخر الاسعار
سمعنا عن دولار كان ب 210 وفي حدا حكي بـ 195 في بعض المناطق في ساعات المساء و المساء المتأخر كمان

للامانة : الكلام قيل عن قال و ليس لدي اي مصدر يؤكد انا اتساءل لاجد الإجابة

[mak]

سبحان الله كيف كترت السئالات ...قصدي التسائلات عن ما يشاع عن دولار تحت ال200 نقلا عن مواقع ما حدا ذكرها و ما حدا متأكد من القصة بس عم يتسائل بهالمسا ......بقلهن لهدول يللي عم يتسائلو استنو لبكرة بعد 11:30 بتعرفو سعر السوق ...طبعا اذا في شي جلسة سرية للمركزي بكرة بيجوز يطلع السعر بعد ال 2 ...بس هلأ ما في داعي تتسائلو اكتر من هيك

[little_man]

اقتباس: المشاركة الأصلية كتبت بواسطة alternative    اعتقد المركزي لعبها صح هالمرة خلينا نحكي بصراحة بالنسبة لكل يلي عم يحكو عن المؤشرات الاقتصادية كلامكون ما عليه غبار بس الشي يلي لازم ناخدوا بعين الاعتبار الاقتصاد 1+1 لايساوي 2 المركزي حاليا عم ياسس للمرحلة المقبلة هل من مصلحته ابقاء الدولار عند مستوى 200 طبعا لا هل سيهبط الدولار لمستوى 200 ممكن حسب الملاحظ اليوم من الاقبال على البيع هل سيستقر عند 200 او اقل طبعا لا المركزي حاليا اعاد الرهبة ولو جزئيا نتيجة تركه للاسعار وصلا لـ 300 ومن ثم هبوط الدولار لمستوى 220 تقريبا حاليا اعتقد الدولار على المدى القريب جدا انخفاض وعلى المدى المتوسط والبعيد ارتفاع المركزي حاليا عم يلعبنا صارت محفوظة ومعلومة بيع للدولار بالغالي ثم اللم بالرخيص ولن تنتهي اللعبة المكررة الا في حال تغيير الاوضاع العامة الارتفاع المقبل : مجرد ذكر اي اشاعة عن المركزي تاكدوا سيكون هبوط الدولا 25 ليرة على الاقل نامل ليلي بدو يستفيد يقدر يحدد نقاط الدخول والخروج بدقة ولو سمحتو يلي عم يوضع الاسعار توخي الدقة لانو بصراحة اثروا على قراراتنا بالخروج بالوقت المناسب

""الارتفاع المقبل : مجرد ذكر اي اشاعة عن المركزي تاكدوا
سيكون هبوط الدولا 25 ليرة على الاقل ""

اذا ممكن تعيد توضيح هالعبارة؟؟؟

[little_man]

يا اخوان


رجاء اللي مو متأكد من السعر و من 3 صرافين على الأقل ...... رجاء لا يحط سعر.


عبتحطو اسعار ما انزل الله بها من سلطان......


يعني اذا المركزي باع ب 230 !!!!!!!!!!!!!!!!!!!!!! و مافي

كيف ركبت معكون انو في حدا عبيبيع ب 190؟؟؟؟