صالة أسعار الدولار والذهب مقابل الليرة السورية ليوم الأحد 3-11-2013

[shereen]

الشيء المضحك المبكي انو بيطلع رئيس الوزراء بيقول انو سعر 200 للدولار سعر جيد ومنيح اللي صامد على 200 تاني يوم بينزل لل 180 وبتكر المسبحة وهيك بيوصل لل 138 وبالسوق السودا كمان وخدو على تحليللات شي بيقول العملة السورية قوية وكان السعر وهمي طيب والدمار اللي صار اي هادا مادخلو لانو العملة قوية طيب والناس اللي اشترت بالعالي شو تعمل بحالها والناس اللي خسرت مدخراتها كان عنا زبون باع بيتو بمشروع دمر على العضم ب 14 مليون واشترا دولار(انو كان في اشاعة لح يطلع لل500) ب 311 عاساس يشتري بيت بالضاحية والباقي اقساط جامعات ومصاريف اليوم حكاني اللي بقيانين معو مابيشترولو بيت بقدسيا المحاصرة واللي بيتفرج اليوم عالاخبار انو الجيش استعاد اجزاء كبيرة من المعضمية وبرزة ودير الزور والسفيرة والعزيزية بريف حلب ومع شوية عوامل نفسية بيبيع لو كان خسران بلاوي عفكرة البيوت محافظة على اسعارها والاجارات طايرة واللي كان ابنو عم يبعتلو من برا اجار بيت 200 دولار بالشهر على نزلة الدولار صار بدو يبعتلو 400 والسيارات بعد مامرقت الحكومة المزاد الخيالي تبع السيارات المكسرة ولبسوه للعالم لح بيجيبو سيارات مستعملة وبظن تنباع متل الموبايلات عسعر الدولار اليومي والسيارات بالسوق مانزلت لانو بالحرب الملاذ الامن هوة السيارات ههههه

[عابر مجيب]

اقتباس: المشاركة الأصلية كتبت بواسطة mak    تمام بس انا بتوقع العكس.....يقولو و الله تخورفنا بسعر الشراء ..و بعناها بخسارة...و طار المال و الرسمال

هاد إذا لقو محل يخبوهم ، بعد ما صار في تكنولوجيا حديثة و ويكيلكس

[M-PMP]

مسااااالخير للجميع
دولار سوق اللاذقية الساعة 10.30 م
جملة "كميات" شراء 137.5 مبيع 143.5 متوفر ...

للمساعدة باللاذقية نحنا جاهزين ..

[علاء 2]

مسا الخير شو اخبار الدولار في حماه بدنا مساعدة

[Amjad_S]

حبيت أهديكن هل قصيدة لشوقي ..

كانت النَّملة تمشي مرة ً تحتَ المُقطَّمْ فارتخى مَفصِلُها من هَيبة ِ الطَّوْدِ المعظَّمْ وانثنتْ تنظرُ حتى أوجد الخوف وأعدم قالت : اليوم هلاكي حلَّ يومي وتحتم ! ليت شعري : كيف أنجو ـ إنْ هوى هذا ـ وأَسلم؟ فسعت تجري ، وعينا ها ترى الطَّود فتندم سقطتْ في شبرِ ماءٍ هو عند النّمل كاليمّ فبكت يأساً ، وصاحت قبل جري الماء في الفمّ ثم قالت وهي أدرى بالذي قالت وأَعلَم: ليتني لم أتأخَّر ليتني لم أتقدَّم ليتني سلَّمت ، فالعا قل من خاف فسلَّم ! صاح لا تخش عظيما فالذي في الغيْب أَعظم

تقبولي تحياتي وما بين سطوري ...

[expert]

اقتباس: المشاركة الأصلية كتبت بواسطة جوليت    طيب , وبلكي صاحب السر المو فاضي عاطي مفتاحو (تبع الدخول للمنتدى لحدا من قرايبينو مثلا اختو ..ابو امو مثلا ) وهو تلفوناية صغيرة بألون انا مو فاضي فتحو الباب وفوتو باجركن اليمين وشاركو ... وهو بشغلو وبس يفضا هو بيدخل على المنتدى بس برجلو اليسار ......يعني عادي

بنقدر نعتبر انك عم تسبي صاحب السر حسب الكلمات المعلمة بالاحمر
مما يعني لازم ينعملك بلوك وحجب ووضع تحت المراقبة
شو اختو وامو منيح ما قلتي مرتو كمان

[expert]

اقتباس: المشاركة الأصلية كتبت بواسطة عابر مجيب    من يضحك أخيرا يضحك كثيرا بس هيك عم تخوفي أمريكا لأ مو بس أمريكا عم تهددي اقتصاد العالم اللي معتمد على الدولار . ما عرفت عبّر منيح يمكن ، بس فيكي تقولي متل وقت اللي صارت ازمة دول البريكس وطلع واحد فهمان عنا وأشاد باقتصادنا اللي ما تأثر . يعني وقتها حسيت متل ما يكون واحد شحاد وعديم عم يبحش بالزبالة ، وقاعد يشمت بصاحب معمل احترق معملو ! أكيد اللي عم يلعب وبأيدو كل المعطيات وماسك بزمام القوانين وعم يفقس كل توجهاتنا وعم يتمسخر على تحليلاتنا . ما بعرف أديش شي مضحك لما بتحطي قناني على مسافات وبتطلبي من واحد يمشي من فوقها وبعدين تربطي عيونو، وتقوليلو هلأ بدك تمشي على العمياني ، بس امعانا بالحقارة بتشيلي القناني من أصلو ، وكل مارفع رجلو ونزلها بيصيروا الحاضرين بيشجعوه وبيضحكوا .منتهى الامتهان للكرامة . تخيلي لما بقا بيكون هيك لعبة بمقدرات شعب بحالو شو فيكي تقولي عن هالمحترم اللي عم يلاعبنا ويدمر آخر بقية باقية من انتماءنا ، وأكيد عم يتمتع ويعبي جيوبو ويضحك ؟! حتنشال العصبة عاجلا أم آجلا وحنشعر بحسرة ، بس أكيد رح نبكيه دم .

اتوقع انو هي اقوى مشاركة اليوم
واوضح مشاركة

[جوليت]

اقتباس: المشاركة الأصلية كتبت بواسطة expert    بنقدر نعتبر انك عم تسبي صاحب السر حسب الكلمات المعلمة بالاحمر big grin مما يعني لازم ينعملك بلوك وحجب ووضع تحت المراقبة شو اختو وامو منيح ما قلتي مرتو كمان:stickouttongue

لهون وبس مابسمحلك ...... فهمنا... زبط كلامك اذا بتريد

[shereen]

ياترى لح ينزل سعر البنزين والغاز بعد هالتدهور بالدولار لانو التنين محسوبين على سعر دولار 200 او متل العادة سعر لتر البنزين بسوريا ارخص من سعرو بدول الجوار ورفعة معاشات الموظفين كانت على دولار 150 يالله خليهم يفرحو الموظفين

[نورالهدى]

اقتباس: المشاركة الأصلية كتبت بواسطة عابر مجيب    من يضحك أخيرا يضحك كثيرا بس هيك عم تخوفي أمريكا لأ مو بس أمريكا عم تهددي اقتصاد العالم اللي معتمد على الدولار . ما عرفت عبّر منيح يمكن ، بس فيكي تقولي متل وقت اللي صارت ازمة دول البريكس وطلع واحد فهمان عنا وأشاد باقتصادنا اللي ما تأثر . يعني وقتها حسيت متل ما يكون واحد شحاد وعديم عم يبحش بالزبالة ، وقاعد يشمت بصاحب معمل احترق معملو ! أكيد اللي عم يلعب وبأيدو كل المعطيات وماسك بزمام القوانين وعم يفقس كل توجهاتنا وعم يتمسخر على تحليلاتنا . ما بعرف أديش شي مضحك لما بتحطي قناني على مسافات وبتطلبي من واحد يمشي من فوقها وبعدين تربطي عيونو، وتقوليلو هلأ بدك تمشي على العمياني ، بس امعانا بالحقارة بتشيلي القناني من أصلو ، وكل مارفع رجلو ونزلها بيصيروا الحاضرين بيشجعوه وبيضحكوا .منتهى الامتهان للكرامة . تخيلي لما بقا بيكون هيك لعبة بمقدرات شعب بحالو شو فيكي تقولي عن هالمحترم اللي عم يلاعبنا ويدمر آخر بقية باقية من انتماءنا ، وأكيد عم يتمتع ويعبي جيوبو ويضحك ؟! حتنشال العصبة عاجلا أم آجلا وحنشعر بحسرة ، بس أكيد رح نبكيه دم .

مساء الخير :
السيد مجيب :
انت ممكن تتخيل مكانتك وإحترامك لدينا .
إذا فهمتك صح ، اسمح لي أن أخالفك قليلاً _ شوي صغيرة _ :

بالتأكيد حنشعر بحسرة والأدق نحن شاعرين بالحسرة .
ومن الممكن تنشال العصبة عاجلا أم آجلا والمصيبة بعد ما تنشال العصبة _ وفق تعبيركم _ ما هي نسبة من سيغلق عينيه مكانها أو سيعتبرها ما زالت موجودة .
وإنما من الصعب جداَ إننا رح نبكيه دم .

تحملني _ فالكريم من يُقصد _ يمكن إما أنت أو أنا حطينا أصبعنا على الجرح المفتوح وضغطنا وهذا كتير كتير بيوجع .

ملاحظة : إذا وجد المشرف أن المشاركة غير مناسبة فإمكانه حذفها وله أسفي على التجاوز .