سعر صرف الدولار والذهب مقابل الليرة السورية ليومي الخميس و الجمعة 27 & 28 -03- 2014

[غسان]

اقتباس: المشاركة الأصلية كتبت بواسطة عابر مجيب    لما حصل اقصاء للشرعية بمصر ، على اساس انها لم تكن شرعية لم يكن التغيير بانقلاب عسكري والدليل أن قائد الجيش الثاني الميداني ( لاحظوا الاسم الطنان ) نعم هذا القائد صرح ان لو اصبح السيسي رئيسا للحكومة ، أو رئيسا للجمهورية ، فيمكن ان نقول عما حصل ، أنه انقلاب عسكري . اليوم كانوا عم يطرحوا هالدليل ، على انه يثبت وجود انقلاب عسكري . مو طلع ان مجريات الأحداث أخذت السيسي على عين غرة ، ودفعته مرغما على الترشح للرئاسة ، أمام ضغط واصرار الشعب على زجه في هذه المسؤولية وهو مكره . إلى الآن الرجل متضامن مع الفقراء ، لنشوف بعد النجاح رح يضل مع هالشراشيح ،أم سيتحول للتحالف مع الاغنياء الأكابر ، والمبررات جاهزة . حفاظا على هيبة البلد !

عنجد بيحرء القلب كيف غصبو على هالشغلة المعته
الله يكون معو .....
بس كيف هيك لحس كلامو وقت الشعب طالبو يحبس الرئيس قال انا مارح صير رئيس بس نفذت طلب الشعب
كتير تأثرت من مشاعرو كيف هيك اضطر غصبن عنو يصير رئيس
ياحرام بيزعل عنجد الشعب مالو حق يجبر حدا يصير رئيس شو هالشعب هاد مافي ذوق واتيكيت

[المسار]

اقتباس: المشاركة الأصلية كتبت بواسطة ابو رفيف    السلام عليكم بحب اتشكر كل الاعضاء بهالمنتدى الي عم بزودنا بمعلومات التصريف وبوجه رساله لكل شخص عم يبالغ بسعر الصرف النشرة 164 -166 معقوله لحد ما فوق سعر 165 مانباع بس تحت 164 انشرا وكتير نحنا بدرعا منطقه حدودية السعر فيها 160 شراء162 مبيع والتجار عندنا ببيعو للشام ب 163 بس كل يوم في بيع مبالغ ضخمه وقت الارتفاع مافي هالمبالغ الضخمة الي بتروح عالشام والسبب الخوف المستمر من النزول صار التاجر يدق ويقول بدي ارخص والله اذا نزل بخسر ومبارح الخميس المسا انباع 50الف للشام ب 162والتجار عنا صارو بدهم يبيعو ومقتنعين انو المركزي مابخلي هالسعر يرتفع فوق هيك يعني الي خايف ينطر ولا يبيع وبنفس الوقت انا توقع مو اكتر العمليه مجرد عرض وطلب بس يخف الطلب دغري بنزل وشكرن الكم

(دخيل اللي خلقك)
شايف ما احلاك
اي هاه هيك الحلوين بيحكو
الشغله مو بالدفش

[المسار]

اقتباس: المشاركة الأصلية كتبت بواسطة غسان    عنجد بيحرء القلب كيف غصبو على هالشغلة المعته الله يكون معو ..... بس كيف هيك لحس كلامو وقت الشعب طالبو يحبس الرئيس قال انا مارح صير رئيس بس نفذت طلب الشعب كتير تأثرت من مشاعرو كيف هيك اضطر غصبن عنو يصير رئيس ياحرام بيزعل عنجد الشعب مالو حق يجبر حدا يصير رئيس شو هالشعب هاد مافي ذوق واتيكيت

سلامة قلبك

في سبيل الشعب
لسا بيتحمل اكتر من منصب سوا قلبو كبير

هوي اصلا خلق لهيك صعوبات
(هوي هيك قال بالزمانات مو انا)

[عبدالقادر]

استاذ عابر حاسس انك زعلان عترشح السيسي .بالعكس لازم تزعل عليه .هاد تورط .وفات بملاصة الا اول مالا اخر .تبين لي اني الشعوب العربي .حكاما القدامي هنن .الوحيدين .الي حسنو يديروا .لان عنجد مابيعرفو شو بدون.مصر وغير مصر ماعاد عجبون شي ولا بيعرفو شوبدون .وعين شهرين للسيسي .لساتو عريس .جديد.

[البحر الهائج]

ميشان يلي ماانتبه عتحليل الاستاذ رامي العطار
ماذا بعد الوصول إلى 166؟؟؟؟


بقي الدولار محافظاً على مسار أفقي بعد الهبوط الذي حققه قبل نهاية العام الفائت لكي يحقق بعد صعودا ثم مساراً أفقياً .
وعادة ما نقول ان المسار الافقي يحتاج لتحديد نقطتين لا حاجة لاختيار غيرهما، لان أي عمل ما عداعما سيكون بدون عوائد للطرفين.

النقطتان هما 145 للشراء و 168 للبيع بشرط العمل بنصف رأس المال.
ثم استمرت هذه النقاط لأشهر، بعدها قمنا برفع نقطة الدخول الى 155 بأنه الدعم الجديد وأبقينا على 168 - 165 كنقطة الخروج على حالها .

فما هو العمل الآن بعد تحقق نقطة المقاومة ؟
ان العمل تماماً كما كان العمل عند لامسة نقط الدعم، فهو بالخروج بنصف رأس المال، أو الثلث في حال كانت الموجة صاعدة بقوة .

الترقب يكون عند ملامسة القمة -+2 لتكون عندها نقطة الخروج.
وبما ان السعر تحقق قبل يوم عطلة رسمية ، أي لا وجود لتدخل متوقع بهذا اليوم، فهذا يحملنا على التوقع بأن السعر ممكن له ان يحقق سعر الخروج تماماً بل وربما يكون بتجاوزه أيضاً .

نقطة الهدف محددة منذ فترة وتأتي الاسئلة والاستشارات بالبيع ادنى منها ولكن نجيب بأن النقاط لا تحتاج الى عواطف بل تحديد للهدف وصبر عليه .

فنحن الآن في مراحل ومناطق الخروج من الدولار وشراء الليرة السورية هذا واقع .

ولكن السؤال الآخر
أين تكمن نقطة الدخول بعدها ؟
ان نقطة الدخول لن تكون اقل من \155\ القاع السابق وفي حال ضعف التدخل فلن تون اقل من 160 .

يمكن العمل بتقسيم الثلثين فثلث للخروج بالقمم واعادة شرائه من احدى القيعان .
بالتوفيق للجميع

[hash]

اقتباس: المشاركة الأصلية كتبت بواسطة غسان    عنجد بيحرء القلب كيف غصبو على هالشغلة المعته الله يكون معو ..... بس كيف هيك لحس كلامو وقت الشعب طالبو يحبس الرئيس قال انا مارح صير رئيس بس نفذت طلب الشعب كتير تأثرت من مشاعرو كيف هيك اضطر غصبن عنو يصير رئيس ياحرام بيزعل عنجد الشعب مالو حق يجبر حدا يصير رئيس شو هالشعب هاد مافي ذوق واتيكيت

انا بتوقع جائزة نوبل من نصيب السيسي(جائزة نوبل من اجل التضحية)حرام بئطع القلب تخلى عن احلامو وطموحاتو كرمال الشعب المصري بس كمان الشعب المصري مالازم يكون كتير اناني يحس شوي بالسيسي المسكين صحيي شعب اناني وما بهمو إلا مصلحتو

[عبدالقادر]

ليش يوم الاربعاء اناحكيت كل السوق والمحللين كان عم يحكي عن ارتفاع.ل175 بس في صوت جواتي عم يقول التدخل له تأثير .وكان في ايدين بحلب عم تعرض وتكسر .وكررت باكتر من مشاركة .له تأثير .له تأثير .هيك الحيتان بكونو اكلو صواب .

[فهد]

الحسكة و القامشلي
161- (163- 164)

[bright blue]

اقتباس: المشاركة الأصلية كتبت بواسطة عبدالقادر    استاذ عابر حاسس انك زعلان عترشح السيسي .بالعكس لازم تزعل عليه .هاد تورط .وفات بملاصة الا اول مالا اخر .تبين لي اني الشعوب العربي .حكاما القدامي هنن .الوحيدين .الي حسنو يديروا .لان عنجد مابيعرفو شو بدون.مصر وغير مصر ماعاد عجبون شي ولا بيعرفو شوبدون .وعين شهرين للسيسي .لساتو عريس .جديد.

الهيئة جازة الدهر اللهم لا حسد
هلق هيك بيبين شقد كان مرسي درويش و عبيط بده يحكم هالأشكال إذا الرقاصة طلعت عندهم أم مثالية ممكن تقول الله أكرمه أنهم انقلبوا عليه

[omar1964]

اقتباس: المشاركة الأصلية كتبت بواسطة عبدالقادر    ليش يوم الاربعاء اناحكيت كل السوق والمحللين كان عم يحكي عن ارتفاع.ل175 بس في صوت جواتي عم يقول التدخل له تأثير .وكان في ايدين بحلب عم تعرض وتكسر .وكررت باكتر من مشاركة .له تأثير .له تأثير .هيك الحيتان بكونو اكلو صواب .

مساء الخير
مظبوط عم تحكي بيجوز التأثير المقصود من التدخل هو الايحاء بعدم التأثير..
اذا كان المركزي يفكر بعقلية استخباراتية متل ما قالت جوليت باكتر من مرة
ما الك غير تحط موسيقى رأفت الهجان و تستعير عقلية محسن ممتاز وتعصر بصلة أو ليمونة
و تصير تكتب مشاركاتك بالمي تبعهون ( اقدم حبر سري ) ..
بس قبل كل شي خبي مصرياتك منيح تحت شي بلاطة ... ههههههه