ياسمينة

ونحنا اشتقنالك جدا ) .. انت تحديدا الك معزة بقلبي وخاصة انو دخلنا تقريبا بوقت واحد للمنتدى .
بتخيلك متلي من بعيد لبعيد بتابعينا ^_^

شكرا كلك ذوق .. والله عم احكي نص الي حابة قولو او يا دوب فتفوتة صغيرة .. وجعنا واحد وعلى امتداد الوطن :(

__________________

حكيم الزمان

قصة قصيرة : الأفعى والاتفاق مع الفأر
يحكى أن غابة تعرضت لحريق كبير ، فهربت الحيوانات خارجها ومن تلك الحيوانات كانت أفعى تحاول الزحف بأسرع ما يمكنها لعل وعسى نجت من النار.. وأثناء هروبها وحال خروجها من الغابة مرهقة مصابة بالعطش نظرت فوجدت فأراً.

في تلك اللحظة خشي الفأر على نفسه منها ، فأراد الهرب فنادته وقال : " لا تهرب أيها الفأر ، فإنني نجوت الآن ولن أقتلك بعد هذا الخوف الذي رأيته".

توقف الفأر وقال لها : " لم أفهم".

قالت له : " أنا عطشى وأريد أن أكون صديقتك منذ الآن ، فقط اسقني الماء".

قال لها الفأر الحقيني.

مشى الفأر ومن خلفه الأفعى تزحف متعبة ومصابة بالعطش ... حتى وصلا إلى بيت كان قد أعده وتعب عليه لفترة طويلة فدخل وخرج ومعه بعض الماء ليسقيها منه.

شربت الأفعى حتى ارتوت .. ثم قالت له : " أريد النوم ، هل من مكان هادىء؟"

فأجاب الفأر الطيب " ادخلي إلى بيتي فهو معد بعناية".

دخلت الأفعى ونامت واستيقظت بعد ساعات مستعيدة عافيتها كاملة فنظرت إلى الفأر فوجدته في البيت وقالت " اسمع ، أنا أعقد اتفاق معك على أن أعيش هنا فلا نعتدي على بعضنا ونعيش براحة وأمن وسلام".

أجاب الفأر متردداً " نعم .. نعم .. أنا موافق".

بعد دقائق وبعد أن جالت الأفعى في بيتها الجديد حسب ما وصفته ، قال لها الفأر أنا ذاهب لإحضار بعض الطعام فقالت له : " لا تتأخر!"

وصل الفأر باب بيته وعندها التفت إلى الأفعى وقال " وداعاً إلى الأبد مبارك عليك بيتي ، حياتي أهم".

فنادته الأفعى " لماذا تشك بي؟".

فأجابها " هذا اتفاق بين قوي وضعيف ، ليس لي في حول ولا قوة بل إنني وافقت عليه خوفاً على حياتي والآن أنجو بها".

الحكمة : ليست كل الاتفاقيات تضمن حقوقنا ، ويجب أن نكون أذكياء فإن كان الاتفاق لا يحمينا علينا الهرب إلى اتفاق أخر يحمينا أو مكان يضمن حقنا.

حكيم الزمان

نصائح لكي تبدع في مقابلات طلب الوظائف
قد يتساءل العديد منا عن أفضل وسيلة يمكن اتباعها لإبداء أفضل إنطباع عن الفرد خلال مقابلات طلب الوظائف، وهنا نقدم لكم عددا من هذه النصائح بحسب ما نشر على مجلة تايم الأمريكية

- أولا وقبل كل شيء عليك التحضير مسبقا والبحث عن الشركة المراد العمل فيها عن طريق الانترنت بالإضافة إلى قراءة المزيد عن متطلبات الوظيفة التي تريد التقدم إليها.
- خلال المقابلة وزع نظرك بشكل جيد سواء كان من يجري المقابلة معلك شخص احد أو عدد من الأشخاص، وحاول أن لا تزيح نظرك عند الإجابة على الأسلة كالنظر إلى اليمين أو اليسار أو خارج النافذة مثلا لأن ذلك سيعطي انطباعا بعدم الأمان أو ضعف الشخصية.
- حالو أن تجد طبيعة اللباس الذي يرتديه الموظفون في هذه الشركة واذهب إلى المقابلة بلباس شبيه، الأمر الذي يسهل من عملية اندماجك مع محيط العمل وهو الأمر الذي سيعطي من يقابلوك انطباعا جيدا.
- حاول أن تسأل بعض الأسئلة "الذكية" لمن يقابلك، وهذا يمكن الحصول عليه بالتحضير المسبق للوظيفة والبحث على الانترنت.
- لا تنسى شكر الشخص أو الأشخاص الذين قابلوك، سواء عبر رسالة بالبريد الالكتروني أو من خلال شكرهم شفهيا بعد المقابلة.

ياسمينة

يسعد اوقاتك سيد عمر
تحديدا انت حاسة تجاهك بتأنيب ضمير وبيجي يوم بقلك ليش
بالنسبة للمشاركات هي فردت رد خص نص لهي المشاركة الفكرة وما فيها انو عندي عقدة من الاقتباسات المتعددة كل عمري ما بعرف اعملها ومدام رندة بتذكر علمتني ياها ومن وقتا بحب استخدمها ههههه انو بعرف اقتبس اكتر من مشاركة .... :p
والصراحة بما انو قليل عم ادخل وقت بحب شارك بصير اقرا.. والمشاركة الي بحب علق عليها بكبس هي تبع الاقتباس بروح بلف سندويشة فلافل.. بنام ..باكل بزر.. بحكي تلفون.. بعيش حياتي ...وبكمل بالمنتدى هيكك لبين ما وصل لاخر صفحة يا برد... يا بيروحو ..وياما رايحين الردود ...بتكون قطعت الكهربا.. خلص اليوم .. ونسيت وما رديت .. هي قصتي مع مشاركاتي بس رح ابقى اهتم اكتر وقت فكر شارك مع انو بظل هالظروف بشك حاسة الصمت احسن لغة
مع خالص الاحترام ^_^

__________________

عابر مجيب

سلام قول من رب رحيم ، قول بعد عمر طويل ههههههههه

حكيم الزمان

اقتباس:

المشاركة الأصلية كتبت بواسطة عابر مجيب سلام قول من رب رحيم ، قول بعد عمر طويل ههههههههه

يسعدلي مساك اخي
انو توقعتك تعلق على كل شي بالتصبيحه الا هي انو اني نهار واني اطيار واني ازهار اي والله عما على قلبنا البلدي والخيار

ومع هيك اطال الله عمركم ومتعكم بالآمان والصحة والسعادة ومن قرأئها

آمين

omar1964

مساء الخير
شغلة كتير حاولت افهما ما قدرت ..!!
لما بتمر جنازة ( شهيد ) بصير اطلاق نار كثيف جدا و بشكل هستيري ..
عادي منشان لفت الانتباه للجنازة و الموكب المهيب..
بعدين صارت الامبيلانص لما تجيب مصابين كمان يصير اطلاق نار نفس الشي ..
ممكن منشان الناس تفتح الطريق و ما يتأخرو المصابين عالمشفى ..
بس اذا كان في عبوة ناسفة بحاوية الزبالة ليش اطلاق الرصاص بغزارة و كثافة ..
يعني بلكي العبوة الناسفة بتهرب .. او بتخاف و بتبطل تنفجر ...!!

__________________

omar1964

اقتباس:

المشاركة الأصلية كتبت بواسطة ياسمينة يسعد اوقاتك سيد عمر تحديدا انت حاسة تجاهك بتأنيب ضمير وبيجي يوم بقلك ليش بالنسبة للمشاركات هي فردت رد خص نص لهي المشاركة الفكرة وما فيها انو عندي عقدة من الاقتباسات المتعددة كل عمري ما بعرف اعملها ومدام رندة بتذكر علمتني ياها ومن وقتا بحب استخدمها ههههه انو بعرف اقتبس اكتر من مشاركة .... :p والصراحة بما انو قليل عم ادخل وقت بحب شارك بصير اقرا.. والمشاركة الي بحب علق عليها بكبس هي تبع الاقتباس بروح بلف سندويشة فلافل.. بنام ..باكل بزر.. بحكي تلفون.. بعيش حياتي ...وبكمل بالمنتدى هيكك لبين ما وصل لاخر صفحة يا برد... يا بيروحو ..وياما رايحين الردود ...بتكون قطعت الكهربا.. خلص اليوم .. ونسيت وما رديت .. هي قصتي مع مشاركاتي بس رح ابقى اهتم اكتر وقت فكر شارك مع انو بظل هالظروف بشك حاسة الصمت احسن لغة مع خالص الاحترام ^_^

لا يعذبك ضميرك ولا شي اذا كانت الشاحنة الي انسرقت عندك رجعيها و سماح ..هههههه

منجي عالجد كلنا عم نعاني يوميا و بأشكال كتيرة و مختلفة
يمكن ضعف النت و انقطاع الكهربا اهون من باقي المعاناة بكتير..
أنا عم حس حالي كل يوم عم اكبر سنة ..
الصمت أجمل لغة اخترعها الانسان ..
أنا لما بزعل من حدا بالبيت بتجيني السكتة بقفل ما عاد احكي شي لا منيح و لا قبيح بس بالآخر الواحد بدو يبق البحصة ..
في حلقة من حلقات كان ياما كان لداوود شيخاني تبع الحلاق يلي بيروح يحكي لبير المي عن اذني الوالي..كانت حلوة و فيها حكمة و مغزى ..
الحكي بيريح الانسان بس بدك مين يعرف يحكي ...
يوم الخميس صارت معي قصة و اتخربت بيعة و الضرر المادي كبير كتير عصبت و انقهرت حتى ما فيني نمت للصبح .. و لما قريت رد الاستاذ عابر
و تناسيت القصة .... هدأت أعصابي و ارتحت .
بتمنى تكملي سارة
تحياتي

__________________

حكيم الزمان

اقتباس:

المشاركة الأصلية كتبت بواسطة omar1964 مساء الخير شغلة كتير حاولت افهما ما قدرت ..!! لما بتمر جنازة ( شهيد ) بصير اطلاق نار كثيف جدا و بشكل هستيري .. عادي منشان لفت الانتباه للجنازة و الموكب المهيب.. بعدين صارت الامبيلانص لما تجيب مصابين كمان يصير اطلاق نار نفس الشي .. ممكن منشان الناس تفتح الطريق و ما يتأخرو المصابين عالمشفى .. بس اذا كان في عبوة ناسفة بحاوية الزبالة ليش اطلاق الرصاص بغزارة و كثافة .. يعني بلكي العبوة الناسفة بتهرب .. او بتخاف و بتبطل تنفجر ...!!

اخي انا بظن هالشي بيصير من الجهل ومن قلة التقنيه - حط حالك محلون بتعرف ليش هي العبوه الناسفه ايام بتشتغل عن بعد ومداها عادة مو بعيد لأن اللي عم يساويها عم يستعمل اللي متوفر بين ايديه ورخيص مثلا جهاز تحكم تبع قفل السياره وبتعرف مداه مو بعيد فبيبدوا بأطلاق النار مشان اذا هو بهل مدا يخلي - والروح حلوه

حكيم الزمان