صالون سيرياستوكس ليومي الخميس 7والجمعة 8-6-2012

[najm]

اقتباس: المشاركة الأصلية كتبت بواسطة رندة    وأنت من أهله صورة مميزة نحترم صمتك لكننا نفضل مشاركاتك القيمة تحياتي لك

شكرا مدام
وجودي بينكم مشاركة
فرحي لفرحكم وألمي لحزنكم مشاركة
وان بصمت..

[Ship World]

اقتباس: المشاركة الأصلية كتبت بواسطة broker    أهلا بالقبطان الغالي مسا الخيرات في أي بحر أنت ؟؟ اعتقد انك في الشاطئ السوري والاستنتاج من سوء النت طبعاً ومبرووووك وسامك وسام المبادرة ... لانك شخص مبادر بسهولة

شكرا اخي ابو حازم الغالي
و صحيح , انا في البلد و الحمد لله
و كلك ذوق ابو حازم الغالي و ارى جميع الاعضاء في المنتدى يستحقون اوسمة بما اننا عائلة واحدة

و من محاسن مساوىء النت انك تعرف اين انا

[BROKER]

وهي شوية مقارنات تم ذكرها بصالون "قديم" ...استمتع ابو طارق

.................................................. .......................

يا زلمة تقول الاردن بعيدة عن سوريا شي 50 الف كيلو متر

وين الاردن وبلدنا وين يا حسرة .... شي بيدبح القلب دبح

الجماعة مي للشرب ما عندون ...... ارض خصبة مافي .... سهل واسع كالشام مافي ..... ومع ذلك عينك ما تشوف الانفاق والجسور يلي ما بتخلص رغم طبيعة البلد الجبلية .......

ولا ما تشوف الخدمات والبنية التحية رغم ان البلد فقير بالنفط والموارد وكل اشكال الطاقة ما عد هالفوسفات يا خطي ..... ورغم كل هالشي بتشوف الابنية الرائعة كلها حجر طبيعي ...... وكل بناء شكل احلى من التاني ..... والفيلات كل وحدة منون منحوتة فنية .......

النت كيبل .... وباورباند ..... وشرطة المرور بكامل اللباقة .... واشارات المرور نادرة ...... والسيارات بتشوف البي ام دبليو متل ما بتشوف كيا ريو عنا ....... وبتشوف المارسيدس الحديثة كانك شايف سيراتو بسوريا ..... وبتشوف الهوندا كأنك شايف سابا عنا .......

وكلو كووووووم يا خال ....و الشركات كووووم تاني
بتلاقي كل شركات العالم ... اذا انت في عمان فالعالم مفتوح لك

وحتى القوة الشرائية قوية ..... يعني في مول قريب مني اسمو ( سامح مول ) هاد عنا اسمو مول .... بس هون عبارة عن سوبر ماركت ...... يا خالي بس توصل لمكان بيع اللحمة بدك توقف عالدور شي ساعة بدون مبالغة ..... والسبب انو هون النشامة ما بيشتروا كيلو لحمة بس... بيشتروا خاروف كامل ...... مع انون ناس متوسطي الحال وليس ومن الميسورين .....

ولا ما تشوف الكازيات ...... بتعرف كازية المجتهد عنا اديشها حلوة وفخمة وكلها اجهزة الكترونية .... وعمالها لابسين موحد ؟؟؟؟؟ هي هون الكازيات متل عنا بفرد شكل ....... ومو بس هيك .... يا زلمة طول مالك ماشي بتشوف كازيات يعني مستحيل تنقطع من البيزين ....... وفي مول ببعض الكازيات او سوبر ماركت ........ واحلى شي وقت تدخل بسيارتك عالكازية بتلاقي العامل نظفلك البلور بكم بخة وبعدين مسحون ..... وبتمشي بدون ما يدق عليك البلور بدو اكرامية ........

وشفتلك وكالة اللمبرغيني شخصي واخيراً شفتا شخصي كنت بدي اتصور معها بس كنت راكب تكسي ..... لواحد فقير جداً سعر سيارتو 3000 دينار ..... قلي عندكون ارخص ..... قلتلو ما بدي اصدمك والله بس ضروب رقمك بــ 2 ...... كنا رح نهور من هول الرقم يلي فاجأ الزلمة .....

اما يا خيي في مكان بآخر شارع مكة اسمو ( مجمع الشركات ) مجمع كبير وضخم وكلو ابنية محترمة وحلوة .... وعالمدخل في حرس وكأنك داخل لشي بيت مسؤول ببلدنا الحبيب ...... او بالاحرة لحارة فيها مسؤول ..... المهم هاد التجمع تبع الشركات فيه كل الشركات العالمية هدول ما عدا المنتشرين بشوارع عمان .... لااااء هدول عالميات بتلاقي جوا ( غوغل - مايكروسفوت - سامسونج - ال جي - وشركات كتييييرة كتيييير ..... ) وهي المنطقة فيها اسرع خطوط النت (يعني اسرع من المتوفر للعالم ) بس 20 ميغا السرعة متل عنا .... وبدون موافقات امنية ....

بدي احكي باسعار البيوت بس والله بدي خليكون تناموووووووووو ما بدي يصير عليكون شي من كلامي .... وخصوصي هلا بتكونو متعشيين .....

اما الناس ::: فوالله ما شفت منون الا المزاح والخدمة المميزة ..... صح بس يكونوا ساكتين بتفكرون معصبين او مزعوجين ... بس وقت تحكي معو بتلاقيه عم يحكي ويمزح ......

ذكرتني هون كلون معون اقل شي خطين موبايل (ليش يا حزرك ؟؟؟ ) ..؟؟؟؟؟؟
لانو المكالمة لنفس الشركة تقريباً ببلاش يعني 2000 دقيقة داخلي ... و 50 خارجي ..... ومدري قديش نت بس بــــ 4 دينار كل شهر ......

واحلى شي في عرض اسمو ( الشهامة ) هاد لقوات الجيش والامن ..... تخيلت عنا بفرد شكل الوضع ....؟؟!!!
زين تطلق "خط الشهامة" لمنتسبي ومتقاعدي القوات المسلحة والأجهزة الأمنية
ووفقا للخط الجديد الذي يتوفر في السوق اعتبارا من اليوم، فإن الراغبين بالإشتراك فيه سيتمكنون من التمتع بـ 20 الف دقيقة شهرية على شبكة زين بأربعة دنانير شهريا فقط ، الى جانب 100 دقيقة على الشبكات الأخرى و مثلها على الخط الأرضي، بالإضافة الى 1000 رسالة نصية محلية مجانية و80 ميجابايت إنترنت مجانية على الهاتف المتنقل .

وأحلى شي هون المظاهرات يوم الجمعة ...... بتلاقي قوات حفظ النظام متل عنا تماماً .... عم يوزعوا عصير على المتظاهرين مشان يبوردو وينتعشوا ..... وفي حال انبح صوتون يشربوا ويرجعوا يكملوا تظاهر ........ وكمان بيحموا المظاهرة من المندسين .....

كلو متل عنا .......

[BROKER]

لكن اليوم ما بدنا شي خلص
من جهتي بقول خلينا على ما نحنا عليه .... بس لا بقا يموت لا طفل ولا شاب ولا امرأة ولا ينخرب بيت حدا ولا تخرب البلد

ما عاد في طعمة لتمني التطور والخير لبلدنا .... ووقت ننتقدها ذلك .... لاننا نحبها ونعشقها ... ونريد لها ان تكون في مقدمة الدول ليس أكثر

[BROKER]

اقتباس: المشاركة الأصلية كتبت بواسطة ship world    شكرا اخي ابو حازم الغالي و صحيح , انا في البلد و الحمد لله و كلك ذوق ابو حازم الغالي و ارى جميع الاعضاء في المنتدى يستحقون اوسمة بما اننا عائلة واحدة و من محاسن مساوىء النت انك تعرف اين انا

هلا والله بالقبطان الغالي

ما في احلى من بلدنا بكل شي فيها ... فيها خاصية غريبة بتخليك تحبها
يمكن لانو اهلها غيـــــــــر ... امثالك

[Ship World]

بسم الله الرحمن الرحيم
السلام عليكم ورحمة الله وبركاته
الحمدلله حمدآ يوافي نعمه ويكافئ مزيده ..ياربنا لك الحمد كما ينبغى لجلال
وجهك وعظيم سلطانك .. وصل اللهم وسلم وبارك على حبيبنا
وقدوتنا ورسولنا محمد بن عبدالله عليه الصلاة والسلام ..
وبعد :
هل نعرف لماذا سميت ايام البيض بالبيض ؟!
طبعآآآ الجواب لا الكثير منا لا يعرف لماذا سميت بذالك
لاننا منشغلين عن امور ديننا ولااعطيناه حقه في حياتنا ..
هيا بنا صُحبتى نعرف بماذا سميت ايام البيض بالبيض ؟!
سميت ايام البيض بالبيض لأن لياليها بيضاء من شدة ضوء القمر عند اكتماله
.. ولأنها أشبهت بالنهار لشدة ضوئها واكتماله .. وانسحب الاسم إلى اليوم
لأن اليوم يشمل بياض النهار وسواد الليل .
حَدَّثَنَا عُبَيْدُ اللَّهِ عَنْ زَيْدِ بْنِ أَبِي أُنَيْسَةَ عَنْ أَبِي إِسْحَقَ عَنْ جَرِيرِ بْنِ عَبْدِ اللَّهِ
عَنْ النَّبِيِّ صَلَّ اللَّهُ عَلَيْهِ وَسَلَّمَ قَالَ :
صِيَامُ ثَلاثَةِ أَيَّامٍ مِنْ كُلِّ شَهْرٍ صِيَامُ الدَّهْرِ وَأَيَّامُ الْبِيضِ
صَبِيحَةَ ثَلاثَ عَشْرَةَ وَأَرْبَعَ عَشْرَةَ وَخَمْسَ عَشْرَةَ
رواه النسائى وقال الألبانى حديث حسن
وأيام البيض أطلق عليهن ذاك الوصف
لبياض القمر فى لياليهن .
ويشرح العلماء كيف أن صيام ثلاثة أيام من كل شهر
بانتظام كصيام الدهر كله
فانطلاقا من قاعدة الحسنة بعشر أمثالها :
فصيام الأيام الثلاثة يعدل صيام ثلاثين يوما أى شهر كامل
وهكذا كل شهر فكأنه صيام للدهر كله ..
فسبحان الله إن الصوم وسيلة للسيطرة على قوى النفس
حتى لا يقع في معصية ، فيتقرب إلى الله به ، ويسيطر على قوى جسده
ونزعاتها.وتحصل له بذلك الراحة والصحة النفسية التى يتمناها
كل إنسان فسبحان الله.ما اعظم صنعه وتدبيره ..
منقــــــــــــــــــــــــــــــــــــــول

[Ship World]

اقتباس: المشاركة الأصلية كتبت بواسطة broker    صرلي ساعة عم فكر شو اكتب ... وما خطرلي شي الســـــــــــلام علــــــــيكم

و عليكم السلام و رحمة الله و بركاته ابو حازم الغالي
و بسيطة ما تحتار
اكتب
شو في , ما في
هيدي الكومبيوتر ما فيه رد عليها

[Ship World]

الضحك على مين ام مخ مافيه!!

في ألمانيا هناك دار نشر عريقة تدعى "شيراند" معروفة باصدار الخرائط والأطالس الجغرافية الدقيقة، وتعد خريطتها عن جبل بروكن (أعلى جبل في ألمانيا) رائجة جدا بين هواة التسلق والتزحلق على الجليد، غير أن أحدث القياسات أثبت أن ارتفاع الجبل هو 3747قدما وليس 3741كما هو مكتوب في الخريطة، وكي تحافظ المؤسسة على دقة معلوماتها - وتتلافى سحب الخرائط من السوق - كلفت شركة انشاءات برفع قمة الجبل ستة أقدام اضافية باستعمال كومة من الصخور الطبيعية، هذه الحركة (التي تنم لأول وهلة عن ذكاء جيولوجي رهيب) هزت ثقة الزبائن بالمؤسسة فانخفضت اسهمها وحققت خسائر متواصلة - رغم أنها عادت لإزالة الصخور وسحب الخرائط!

[فراس السكري]

اقتباس: المشاركة الأصلية كتبت بواسطة broker    لكن اليوم ما بدنا شي خلص من جهتي بقول خلينا على ما نحنا عليه .... بس لا بقا يموت لا طفل ولا شاب ولا امرأة ولا ينخرب بيت حدا ولا تخرب البلد ما عاد في طعمة لتمني التطور والخير لبلدنا .... ووقت ننتقدها ذلك .... لاننا نحبها ونعشقها ... ونريد لها ان تكون في مقدمة الدول ليس أكثر

كبير بروكرنا كبير
جميعنا نريد التغير ولكن لانريد دفع ثمن باهض من اجل هذ التغير
ثمن لن ندفعه نحن فقط وانما اولادنا واحفادنا
دماءنا الان اصبحت مستباحة
بلدنا اصبحت في طي النسيان
شبابنا عرضة للقتل في كل مكان
نسائنا وعرضنا ينهان
فكيف نامل بالغريب الانقاذ
ونحن في بلدنا واقفين عاجزين ومدهشين من رؤية الدماء
واقسى مايفعلونه هو الدعاء وكان الشخص الذي يقتل ويشنع به هو فلم من افلام مصاصي الدماء
الهذا وصلنا
ولو سالنا من هو الذي يقتلنا اومن يسلبنا امننا ويبيح دماء اطفالنا او اعراض نسائنا اليس سورييين مثلنا او انهم اتين من بلد طعامهم الاساسي شرب دم اهلينا فمن يجيبنا بكلمة واحدة فقط سوري او انه كائن فضائي

[BROKER]

اقتباس: المشاركة الأصلية كتبت بواسطة ship world    هل نعرف لماذا سميت ايام البيض بالبيض ؟! طبعآآآ الجواب لا الكثير منا لا يعرف لماذا سميت بذالك لاننا منشغلين عن امور ديننا ولااعطيناه حقه في حياتنا .. هيا بنا صُحبتى نعرف بماذا سميت ايام البيض بالبيض ؟! سميت ايام البيض بالبيض لأن لياليها بيضاء من شدة ضوء القمر عند اكتماله .. ولأنها أشبهت بالنهار لشدة ضوئها واكتماله .. وانسحب الاسم إلى اليوم لأن اليوم يشمل بياض النهار وسواد الليل .

هذا يعني اننا في الايام البيض
لانني من كم يوم وقفت على البلكون فلاحظت شدة ضوء القمر

مشكور عالمعلومة .... وسؤالنا لك قبطان؟
هل تستخدمون القمر في تحديد الاتجاه في البحر ؟؟ او له اي دلالة عالطريق ؟