سعر صرف الليرة مقابل الدولار 8-5-2012

[د.أبو محمد]

اقتباس: المشاركة الأصلية كتبت بواسطة zinarez    يا أخي المنطق بيقول الدولار بكرة رح يصير بالأراضي، لكن أعتقد بأنه سيصبح العكس تماما.... وذلك للمحافظة على سعر مرتفع نسبياً للذهب.

والله نظريتك العكسية عجبتني وكلامك 100% صح بس ايمتا بدو يصير هالحكي مابعرف يمكن يتأخر شوي حسب توقعاتي المتواضعة

[ahmadmmmmm5]

اقتباس: المشاركة الأصلية كتبت بواسطة فراس السكري    اخي الكريم رغم انك لم تجاوبني على سؤالي بس اعجبني جوابك لبعض الاسئلة التي لم تناقش الا الان بطريقة صحيحة وانت عدلت المفهوم اولا فعلا لاعلاقة المركزي بالرواتب لان كل شركة منتجة تاخذ من رصيدها الموضوع لدى اي مصرف حكومي وليس شرط المركزي ولكن مشكلته هي السيولة النقدية فقط ثانياطباعة العملة تؤدي الى انخفاضها ليس من اجل الذهب الموضوع ولكن نتيجة التضخم الحاصل ارجو جواب على سؤالي كيف ستكافح نتيجية قلة السيولة من غير ضخ مع علم ان الاستبدال هو استبدال لاوراق المهترئة وليس لزيادة السيولة الا اذا طرح الاثنيين

مع احترامي لمعلوماتك مين قلك في نقص بسيولة الليرة
بالعكس التضخم الحاصل هو نتيجة لزيادة السيولة النقدية
طبعا في الاقتصاد عنا معادلة يجب المحافظة عليها هي الكتلة السلعية = الكتلة النقدية ضرب سرعة دوران النقود
وعند خلل هذه المعادلة يعني ثبات الإنتاج (الكتلة السلعية) و زيادة الكتلة النقدية سيؤدي إلى زيادة الأسعار وحصول التضخم
فالمسؤول عن الكتلة النقدية هو البنك المركزي
انشالله تكون الفكرة مفهومة

[مجرد إنسان]

اقتباس: المشاركة الأصلية كتبت بواسطة ahmadmmmmm5    أخي الكريم إذا كان تحليلي سطحي هذا لطف منك و بعدين يا حبيبي الغالي هلأ الفائدة أكثر من قبل شهرين لما وصل سعر الدولار ل 100 في واحد مهندس قال لي بأن هناك إشاعة كبيرة يوصل سعر الدولار لحد 1500 ليرة و أنا اضحكت كتير على كلامو على كل حال بالوضع الاستثنائي بتتغير الأولويات المشكلة بهذا المنتدى لا يوجد موضوعية و ولا تتخيل أن المركزي سيفلس من عملية التدخل لأن بعملية التدخل لن يخسر دولار واحد لإنه مرة بائع و مرة مشتري و المضحك في تحليل بأن المركزي يضارب بالدولار منشان يجمع رواتب الموظفين و كأنو المركزي مافي مصاري سوري أبدا مع أنو المركزي ليس له علاقة برواتب الموظفين و الله شيء مضحك

شغلة رواتب الموظفين كانت توجه باتجاه معاكس بس أنت ما عم تشوف الطريق التاني
مو المركزي اللي عم يرفع السعر ليلم رواتب موظفين ، الموظفين اللي عم تروح بأول الشهر وتشتري أخضر ^_^
وشلون بقا هلأ أكثر أهمية من قبل ؟
عفوا؟
المضحك أنك تناقض نفسك ، اذا كانت المهمة الرئيسية لاي بطيخ مركزي هي ضبط التضخم وضبط أسعار الصرف (باعتبارها مؤثرا على التضخم) ، شو عمل من مهماته ؟
ولا شي !
وأي كلام بعد ذلك لا يهم ..
المركزي خسر من تمسك بالعملة السورية القوة الشرائية لها وخسر من قلب أمواله للدولار للتحوط ضد التضخم قيمة الدولار الحقيقية وبالتالي أفقر الجميع بلا استثناء وأغنى المضاربين ومحتكري الاسواق
سياسة تجويع الشعب تعود للواجهة من جديد ، ويبدو أنها مهمة المركزي حاليا ..
فلم يعد اسمه مركزي سوريا بل مضارب النظام لتجويع الشعب !
برافو ميالة

[مجرد إنسان]

اقتباس: المشاركة الأصلية كتبت بواسطة amh_sy    ياحبيبي مو ناقصنا غير الخبز اذا هلأ عميصير مجازر امام الافران شايفة كل هالشي لأنه مامنعترف انو نحن على خطأ للأسف

بدكن حرية ؟؟؟؟؟؟؟؟؟

[غالب]

اقتباس: المشاركة الأصلية كتبت بواسطة mak    متل ما بقول المثل......ما في شي ببلاش غير العمى و الطراش! و الله يسترنا من أزمة المازوت و البنزين القادمة

الازمات فقط للمواد المدعومة والبنزين غير مشمول

[غالب]

الاقتصاد الحقيقي يجب تصحيح الانحرافات فيه والدعم كله انحراف

[ahmadmmmmm5]

اقتباس: المشاركة الأصلية كتبت بواسطة مجرد إنسان    شغلة رواتب الموظفين كانت توجه باتجاه معاكس بس أنت ما عم تشوف الطريق التاني مو المركزي اللي عم يرفع السعر ليلم رواتب موظفين ، الموظفين اللي عم تروح بأول الشهر وتشتري أخضر ^_^ وشلون بقا هلأ أكثر أهمية من قبل ؟ عفوا؟ المضحك أنك تناقض نفسك ، اذا كانت المهمة الرئيسية لاي بطيخ مركزي هي ضبط التضخم وضبط أسعار الصرف (باعتبارها مؤثرا على التضخم) ، شو عمل من مهماته ؟ ولا شي ! وأي كلام بعد ذلك لا يهم .. المركزي خسر من تمسك بالعملة السورية القوة الشرائية لها وخسر من قلب أمواله للدولار للتحوط ضد التضخم قيمة الدولار الحقيقية وبالتالي أفقر الجميع بلا استثناء وأغنى المضاربين ومحتكري الاسواق سياسة تجويع الشعب تعود للواجهة من جديد ، ويبدو أنها مهمة المركزي حاليا .. فلم يعد اسمه مركزي سوريا بل مضارب النظام لتجويع الشعب ! برافو ميالة

أخي الكريم إذا بدك تحكي سياسة فهذا وضع ثاني
فسياسة التجويع متبعة من زمان بس أنا عم حاكيك كلام مهني تخصصي
لك يازلمة خاف الله الموظفين بدهن يروحو يشترو أخضر لك يازلمة الموظفين كيلو بندورة ما عم يئدر يشترو
المركزي لم يستطيع انجاز مهمته بكبح جماح التضخم و أنا أبصم لك بالعشرة بس بنفس الوقت لم يسمح بالإنهيار الكامل يعني المريض خلاه عايش ولو بالابر والحبوب
لأنوا وضع مثل وضع هالبلد لا شك كان المتوقع انهيار اقتصادي كامل

[عابر مجيب]

اقتباس: المشاركة الأصلية كتبت بواسطة expert    الاخ ابو سفيان ابن مدينة ويمكن مابيعرف شغلى انا تلمتها اذا الارض زراعية بدك تكون من اهل الضيعة يللي الارض فيها او فيحدا داعمك من كبارية الضيعة او بيفلتولك الغنم و المعز يرعى فيها وبيخربولك ياها خاصة اذا فيها شجر عن تجربة هاد الكلام وتعلق بمشاكل مع اهل الضيعة (بيكونو حاطين عينهم على الارض وجيت انت اخذتها) واذا ارض بالمدينة كمان ممكن تجي شي يوم تلاقي واحد معمر في ارضك بيت بلوك شلون ماكان وساقفه ومسكن فيه شي تلات عيل (30 ولد عندهم) سلبطة وبوضع اليد وبيضل فيها ماشاء الله ويوم بدك تعمرها بدك تدفعله مصاري و تراضيه وكمان عن تجربه وهي مصلحتي وانا فيها ادري ولا تقلي قانون وشرطة منقبل ما حسنوا يعملوا شي بهيك حالات فيكف الان...... اوعى الارض الها ناسها وارباحها خيالية وخسائرها خيالية احيانا بعرف ناس اشتروا اراضي بضواحي حلب بالغالي على اساس تغلى اكتر واكلوا كم

ماشاء الله عليك ، كفيت ووفيت . بس استكمالا للمعلومات : من يملك أرضا في منطقة منظمة ، فعليه بناؤها أو يغرم بنسبة 10% من قيمتها لمدة خمس سنوات، حيث تصل الغرامة نصف قيمة الأرض، ويتم طرحها للبيع بالمزاد العلني .
بالله مو كأن ابن حرام مستلط لإيذاء المواطن بأي وسيلة ؟!
من الجدير بالذكر أن القانون يسمح للمالك الأول بالبيع بينما الشاري لا يمكنه سوى البناء .
وأغفلت أيضا تحول أرضك إلى مكب نفايات في دولة القانون ههههههههههه .
وشر البلية ما يضحك .
تحياتي .

[mak]

اقتباس: المشاركة الأصلية كتبت بواسطة غالب    الازمات فقط للمواد المدعومة والبنزين غير مشمول

ما بظن بس شغلة الدعم هي السبب....انتاجنا من البنزين لا يكفي...و غير مسموح لأحد ان يبيعنا....و اذا حدا باعنا ..مو سهل ندفعلو حقو.....برأيي الشخصي في أزمة بانزين قادمة....و من فترة مو بعيدة صار نفس الشي ...بيجوز هون بالشام ما حسينا كتير فيها...بس بحلب مثلا صار ينباع اللتر بمئة ليرة..... و اذا ما وصلتنا شي باخرة تانية من شي دولة صديقة رح نصير نقضيها مشي

[غالب]

اقتباس: المشاركة الأصلية كتبت بواسطة mak    ما بظن بس شغلة الدعم هي السبب....انتاجنا من البنزين لا يكفي...و غير مسموح لأحد ان يبيعنا....و اذا حدا باعنا ..مو سهل ندفعلو حقو.....برأيي الشخصي في أزمة بانزين قادمة....و من فترة مو بعيدة صار نفس الشي ...بيجوز هون بالشام ما حسينا كتير فيها...بس بحلب مثلا صار ينباع اللتر بمئة ليرة..... و اذا ما وصلتنا شي باخرة تانية من شي دولة صديقة رح نصير نقضيها مشي

المشي للصحة كثير منيح