صالة أسعار صرف العملات والذهب ليوم الاحد 7 -7 -2013

[المضارب الحسكاوي]

اذا قلبنا على دولار والقطاع الخاص ما حدا يشتغل الا بالدولار 0000 الموظف بدو يطل واردو سوري ويتضرر 00 خليه يتحمل شوي الشعب صار متحمل موظفنا عقود 00 والمزارع يحاول يبيع انتاجو بداخل بدولار او يتلاقى مخرج يبعو برا بدولار 00000000 متلنا متل لبنان وهاي هي مافي غيرها مين عندو غير حل

[princess]

اقتباس: المشاركة الأصلية كتبت بواسطة louis_16th    طولو بالكن يا جماعة .. نص الالف دولارين شبنا

يا راجل تف من تمك
فال الله ولا فالك

[ADIB]

مرة يا شباب كنت بلبنك المركزي محتاج فرط 100- 50
عطيتن الوف عطومي رزم ميات وخمسينات جداد مجلتنين
الغريب من هيك مكتوب على الرزم جنيهات سورية وليس ليرات

[AYMTAL]

اقتباس: المشاركة الأصلية كتبت بواسطة shereen    اخي الناس ماعم تشتري الدولار هواية او للتسلية عم تشوف البلد عم يضيع والليرة بالاراضي والدولة ماعم تعمل اي شيء لك باي دولة بالعالم بتنهار عملتها بيستقيل حاكم المركزي نحنا مافي غير اشاعات وكذب

أختي معك حق الدولة هلا مسؤولة تماماً و مطالبة بهل يومين تعمل شي حقيقي فعال و اذا ما عملتا فباي باي للفقراء يلي ما رح يكون معن ثمن الاكفان
بس انا رأي كمان في مسؤولية عالشعب لو الكل خلا معو نصف مدخراتو سوري و النصف دولار ما كان ارتفع الدولار لهل الحد يعني يلي معو نفد بريشو بالكامل لانو حول و يلي ما معو هاد الله يرحمو
لازم بأا نعترف انو أهم سبب للارتفاع الدولار هو تقصير المصرف المركزي
بس تاني سبب هو انو الناس تعودت على مبدأ أنا و من بعدي الطوفان و رمت عملتا الوطنية مع انو بعتقد متل الكل انو الدولة قوية جداً و مسيطرة و خاصة على معظم المدن و عمتتقدم هلا بشكل سريع
و بحب ضيف في مسؤولية على رجال الدين يلي ما طلعو و كلمو الناس بهل موضوع مو شرط تحريم التحويل بس على الاقل جعلو مكروه