صالون سيرياستوكس للعطلات(1-2-3-4-5-6) -5-2013

[عابر مجيب]

اقتباس: المشاركة الأصلية كتبت بواسطة لقماان    مساء الخير أخي أبو طارق .... في شي مقياس للنجاح عندك غير المادة و المصاري.......

يعني عم تتقاوى على ابو طارق لأنو عم يكتب من الموبايل

رح اتدخل

المصاري هي الدليل الملموس على النجاح بس مو هيه كل النجاح لوحدها
كتير بتساعد على الاستقلالية والتفرد بالقرار
وهي خادم أمين ، إذا قدرنا نسخرها ، بس هي بلوة إذا صارت مجرد هدف .
شي مر معي شخصيا
لما توفي أبي وكان هو كل شي بحياتي ، كنت حس انو يوم وفاته رح تنهار الدنيا .
كان علي شغلات كتيرة لازم ساويها وكلها بدها مصاري
من تقرير الطبيب لأجور سيارة دفن الموتى لفتح القبر ، لشراء قبر بدل اللي سرقولنا ياه للقهوجي للمشايخ للغدا بعد الدفن ، بانزين للسيارة ، لغداء الخميس ..... بدي قول ألخ بس ما خليت شي .
انبلا طبع النعوات ونسيان بعض الأهل اللي بينطمزو
كانت يومها جيوبي عامرة وكنت عم اسحب وفت
متل مابيقولو الله بيبلي وبيعين .
طبعا بكيت كتير بس كنت عم تابع من خلال الدموع بوعي وثقة .
تراجعت الأمور وبعد سنتين دخلت والدتي المستشفى وكلفتني بقرة جحي
اتسلو فينا الأطباء ، وصار بدها عمليات ما اقتنعت إلا لإسكات خالي هلأ ما بتجوز عليه غير ..... موطالعة معي
توفيت والدتي وهي عزيزة جدا ، مو بمستوى ابي أكيد ( يمكن مومن جهة المحبة ) بس أمي كانت عبئ وأبي كان دعم ووفاته كانت كسر ظهر حقيقي .
بوفاة أبي كنت حر ببكي ما ببكي أنا حر ما حدا بيزاود
أمي كان خالي عم يراقبني كنت مقيد لدرجه قرفت ابكي
الأهم انو كان يوم وفاتها باقي معي 700 ليرة لاغير
يعني موت وخراب ديار سوا
كبرت بموتها سنوات ، انهديت حقيقي وبكيت أكتر لما خليت لنفسي
يمكن كنت عم ابكي على حالي أكتر
دبرت من هون لهون ومشيت على روس الأضرع .
كل المشاكل كانت مضاعفة
بيكفي بلا ما اتوسع وديق خلقكم
كل الناس بتعرف ان المال مهم بكل شي ما بدو دعاية .

أديش حزنت على الثوار البحرينيين لما جاء لعندي واحد هو وزوجته ومعهم طفل ياحرام لساتو رضيع ، طافشين من بلدهم ، وحجزتلهم طيران وفندق خمس نجوم بتركيا ( منتجع ياحرام )لمدة شهر( رخيص 200 دولار بس ورح يحشرولهم الطفل بنفس الغرفة ) ليريحو اعصابهم من اللي عم يصير ببلدهم ( الله يكون بعونهم )، تخيلو قتلولهم كم شرطي بس ، يا حرام فقراء ومو عاملين شي ، يا حرام على هالشنططة والتشرد ، لو معهم قرشين تانيات ما كانوا اشترو قصر يلدز ياحرام ؟ الله يكون بعونهم كل ما بتذكرهم ، وبتذكر الرفاه اللي عايش فيه شعبنا ومهجرينا بزعل عليهم أكتر .
بس الله ما بيقطع هلأ سافرو على اسبانيا وكتير مرتاحين لا تقلقوا ، شو طيبين بعتولي وتشكروني على اقامتهم على الرغم من تواضعها ، قنوعين الله يهنيهم على هالنفسية السمحة .

[رندة]

"انتظار شيء ويتأخر ونعتاد الانتظار، حتى نألفه ويصبح جزءا من حياتنا ، وعند حصول ما كنا نريده نكون قد مللنا وزهدنا حلمنا ، ويتحقق باهتا ."

"ان الانتظار غير موثوق النتائج ولا قرار لنا فيه فيكون مملاً ."

عابرمجيب
18-5-2012

[رندة]

من الجرائم التي لا يعاقب عليها القانون

أن ترى رجلا يهدم ما بنيت

و يقتل ماضيك و يهدد مستقبلك

من وحي العمل - مؤيد عطفه

[رندة]

بما أنو أبو عمر مش هون
هي اقواله ونكتة بدال الي كان بدو يحطلنا ياهن

[BISO]

اقتباس: المشاركة الأصلية كتبت بواسطة غالب    ظهر الخير طمنونا عنكم حاج بيسو شو اخباركم

الحمد لله مازلنا اون لاين وهاد الاهم

والبقية من كماليات الحياة كالامان والكهرباء والماء والهواء و .... لم يعد يهتم بها احد ...

نسأل الله فرجا قريبا

[رندة]

اقتباس: المشاركة الأصلية كتبت بواسطة biso    الحمد لله مازلنا اون لاين وهاد الاهم والبقية من كماليات الحياة كالامان والكهرباء والماء والهواء و .... لم يعد يهتم بها احد ... نسأل الله فرجا قريبا

أهلا حاج بسام
ما بتضيق الا لتفرج بعون الله

[BISO]

الرحمة لشهداء الوطن ... المجد والعزة لسورية

مساء الامل بغد مشرق ...

[رندة]

مطعم مورا

[رندة]

مما قرأت‎


الدقيقَة الَأشد ظَلمَة هيَ التي’ تسبقَ الشُروقَ بِ لَحظةَ

لـ باولو كاولو

[رندة]

أجنحة الملائكة لازالت تحُّوم فوق سماء البيضا
Mohammad A. Alloush



لم أضع صور لشهداء البيضا

لاني بحثت بين جميع الصور حول شهداء البيضا لم أجد صور صالحة لأن يراها وحش لا بشر