صالة أسعار صرف العملات والذهب ليوم الخميس 4 -7 -2013

[سوريا الله حاميها أكيد]

اقتباس: المشاركة الأصلية كتبت بواسطة مجرد إنسان    شكرا للادارة بس شو مشان السياسة ؟؟ مو عأساس من الثماني الموبقات ؟ أخي مؤيد شغلي مقصك وخليني ما آكل تنبيه رقم ١٠٠١ احسن الله اليك كلام شيرين صحيح ومتداول اليوم بس السوق برد شوي المسا كعادته ونزل شوي لانو ما حدا بالشوارع الا من يقطن مركز البلد

شغل مقصك : هادا اسمو كم الافواه لأنو مابنفدر نحكي مع بعض الا بلغات التجريح اما نحكي بلغة منطقية تقربنا من بعض أكيد لا لازم يضل القتال شغال لحتى نفنا كلنا اما نحكي أكيد لا ولازم نشغل المقص (بتمنى من الادراة اذا بتشوف اي مشاركة مني غلط تحذفا فورا وشكرا الكن)

[Dynamic Pulse]

السلام عليكم
من خلال قراءتي للأسعار اليوم لمعظم الأعضاء لاحظت تخبط وتفاوت كبير في الأسعار حتى في المحافظة الواحدة
الغريب أن سُعر الحميدية اليوم إفتتح على 220-223 ليرتفع ظهرا إلى 221-223 ثم عصرا إلى 222-224 ثم 222-225 لينخفض قبل المغرب بقليل إلى 221-223 وبعد ذلك لا أعلم
يعني عمليا سوق الحميدية كان أكثر إستقرارا من أمس
فما سبب الإرتفاع الجنوني في حلب والقامشلي
لا أنكر اليوم قلة المعروض ولكن كان هناك من يبيع طوال النهار
الله يفرج عنا وعنكم ويهدي هالسوق شوي

[الليرة السورية]

شكرا على حذف مشاركتي الاخيرة يلي ما بعرف سبب حذفها
لم اتعدى على احد و كل ما طلبته وقف التسليح لوقف استنزاف سوريا بشريا ووطنيا
و طرحت وجهة نظري بوجوب الالتقاء على برامج سياسية تمهيدا لانتخابات مقبلة تفرز الاقلية و الاغلبية " السياسية "

هل في ذلك تعدي ؟

في حال كان الحذف بسبب عدم التطرق الى المواضيع السياسية فارجو على المدير الذي حذف انو يعود فيحذف " شرش " الموضوع بكل تفريعاته و ليس تعليقاتي فقط

شكرا لكم " للمرة المليون بعد المليون "

[ابن البلد البار]

مسا الخير للجميع
أسعار مختلفة بالشام ويبدو أنها تراوحت بين ال222و ال226 مع بيع بسعر أكتر وشراء بأقل بمرات قليلة
بالنسبة لقرار تشديد العقوبة عالصرافين برأيي المتواضع يرفع السعر لأن دائماوأبداً الممنوع مرغوب وطبعاً الحاجة للعملات الأخرى أمر طبيعي لكتيرين والمركزي ما بيبيع فمن وين بدو يتوفر ..أكيد من السوق السودا يعني مع خطورة أعلى يعني أغلى
والاقتصاد بشكل عام يحتاج أمان وثقة لا تخويف لأن رأس المال جبان وشكراً لوقتكم بالقراءة والتفهم.

[أبو عناد]

اقتباس: المشاركة الأصلية كتبت بواسطة عابر مجيب    تم البيع والشراء على اسعار متدنية من قبل صرافين صغار ولكميات صغيرة لعدم توفر سيولة لدى الصغار وكانوا رابحين تم الشراء على 220 والبيع على 225 وقلب الصراف رأسماله عدة مرات ( رأسمال بحدود 200 ألف ) اما الكبار فلا يبيعون تحت 230 - 235 للمبالغ الكبيرة . الآنسه شيرين صادقة دوما ورؤياها مستقبلية ، وهنيئا لها حكمتها وسداد رأيها . كم مرة تبينا صحة ماتقول بعد ان تم نقدها بسبب استباقها للخبر لا توهوا انفسكم ارجعوا لتاريخها وأعتبروا أنا لا أعرفها ولا مصلحة لي بتتويه رأي أحد وكل مرة أحاول تخيل من قد تكون لفترة ظننت انها تعمل في سوق التجارة على قدها وربما بالماكياج المستورد ثم عندما أوردت ان خالتها اشترت اوباعت دولار لم أعد أذكر، تخيلتها من تلك العائلات النشطة التي تملك ذوقا في استيراد ما يليق من الملابس ويبيعونها في اطار المنزل ولها معارف واصدقاء كثر. أخيرا ذكرت عن سفرها الدائم مع اهلها إلى لبنان فقررت انها بنت تاجر وهي على اطلاع وصديقة ملازمة لوالدها . أي كانت ، هي تورد لنا الحقائق دون مواربة ، والحقيقة تكون مؤلمة عادة . ينزعج البعض منها ويسيء الظن ، وينسى ان ناقل الكفر ليس بكافر .

سيد عابر ممكن توضحلنا الجملة بلاحمر يعني هل السعر المبيع وصل فعلياً لل 230-235 للمبالغ الكبير ...و اذا صح الكلام مو لازم يكون العكس المبالغ الصغيرة غالية و المبالغ الكبيرة هي الأرخص

[مجرد إنسان]

أبو عمر الحبيب لساتني ناطرك
احسن الله اليك
حبيبنا ايو عمر مؤيد الغالي
وحبيبو لحبيبنا كمان
زميلي سوريا الله حاميها شو رأيك انو تروح تسعى باخراج والدة اخونا رامي العطار من السجن ؟؟؟
وهي التي اوذيت بسبب الحرية في المنتدى ؟؟
وبعدين تعا قلي كم افواه !
طالما عينك سالمة ما رح تسأل عحدا بس المتل بقول ...
حط اصبعتك بعينك متل ما بتجعك بتجع غيرك ..
وبكفي لهون

[سوريا الله حاميها أكيد]

اقتباس: المشاركة الأصلية كتبت بواسطة مجرد إنسان    أبو عمر الحبيب لساتني ناطرك احسن الله اليك حبيبنا ايو عمر مؤيد الغالي وحبيبو لحبيبنا كمان زميلي سوريا الله حاميها شو رأيك انو تروح تسعى باخراج والدة اخونا رامي العطار من السجن ؟؟؟ وهي التي اوذيت بسبب الحرية في المنتدى ؟؟ وبعدين تعا قلي كم افواه ! طالما عينك سالمة ما رح تسأل عحدا بس المتل بقول ... حط اصبعتك بعينك متل ما بتجعك بتجع غيرك .. وبكفي لهون

والدتو للسيد رامي أكيد رح تطلع بس أخي فيك ترجعو بعد مامات

[أبو عناد]

اقتباس: المشاركة الأصلية كتبت بواسطة مجرد إنسان    أبو عمر الحبيب لساتني ناطرك احسن الله اليك حبيبنا ايو عمر مؤيد الغالي وحبيبو لحبيبنا كمان زميلي سوريا الله حاميها شو رأيك انو تروح تسعى باخراج والدة اخونا رامي العطار من السجن ؟؟؟ وهي التي اوذيت بسبب الحرية في المنتدى ؟؟ وبعدين تعا قلي كم افواه ! طالما عينك سالمة ما رح تسأل عحدا بس المتل بقول ... حط اصبعتك بعينك متل ما بتجعك بتجع غيرك .. وبكفي لهون

لا حول ولا قوة الا بالله ...و الله خبر سجن والدة السيد رامي العطار آلمني ...

ربي يفك اسر المظلومين ....يارب فرجك من هذا الظلم يلي نحن فيه

[omar1964]

سجلت البورصة المصرية أكبر مكاسب يومية في تاريخها مع إغلاق تعاملات اليوم الخميس مدعومة بالتفاؤل الكبير بين أوساط المستثمرين بعد عزل الرئيس المصري الدكتور محمد مرسي وإبعاد نظام الإخوان عن الحكم.
وربح رأسمال السوقي لأسهم الشركات المقيدة بالبورصة المصرية نحو 7ر22 مليار جنيه ليبلغ مستوى 42ر355 مليار جنيه وهو أعلى مستوى له منذ شهر وسط تداولات بلغت نحو 7ر459 مليون جنيه.

وقفز المؤشر الرئيسي للبورصة /إيجي اكس 30/ بنسبة 31ر7 في المئة ليبلغ مستوى 54ر5334 نقطة، بينما ربح مؤشر "إيجي اكس 70" ما نسبته 39ر9 في المئة ليبلغ مستوى 62ر422 نقطة، فيما ارتفع مؤشر /إيجي اكس 100/ 56ر7 في المئة إلى قيمته ليبلغ مستوى 91ر728 نقطة.

[حمصي مع سبق الاصرار]

مساء الخير للجميع