عابر مجيب

تسلملي عينك والله مهضوم وحباب وأكابر
يوم حطيت هديك المداخلة من غير اليوم ، وأن الدولار محسوب على 80 ، وكان في طبخة على النار ، انت رحت قلبت علبة الملح كلها على الطبخة

لا حدا تدخل ولا في تسريب خفي ولا كانت فقاعة

بس كم غشيم لعبوا فيهم الصرافين ورعبوهم واللي كان معو شوية سوري من الصرافين حفظ الدولار الداخل ليكمل رأس ماله بعملة ثابته عالميا . أما بقية البيع فكانت هات وخود متل المنشار
ما حدا اشترى أو باع إلا بعد الاتصال ونثبيت مع زبون مقابل .

الله يديم عليك خفة ظلك ونضج عقلك ويجعل أيامك كلها فرح وسعادة وضحك .

شريفي

لسا ما انعرض والأسعار هيك

shereen

مساء الخير للجميع دقيت على ساعة 7 لاسئل على دولار بالشام اقل من 142 ليرة مالقيت قولتكم اشتري هللق او استنى للاحد بركي بيصير ب80 ناطرة اجاباتكم وتحليلاتكم

__________________
يارب

شريفي

5200ش
5350ب
الذهب

Dynamic Pulse

اقتباس:

المشاركة الأصلية كتبت بواسطة عابر مجيب تسلملي عينك والله مهضوم وحباب وأكابر يوم حطيت هديك المداخلة من غير اليوم ، وأن الدولار محسوب على 80 ، وكان في طبخة على النار ، انت رحت قلبت علبة الملح كلها على الطبخة لا حدا تدخل ولا في تسريب خفي ولا كانت فقاعة بس كم غشيم لعبوا فيهم الصرافين ورعبوهم واللي كان معو شوية سوري من الصرافين حفظ الدولار الداخل ليكمل رأس ماله بعملة ثابته عالميا . أما بقية البيع فكانت هات وخود متل المنشار ما حدا اشترى أو باع إلا بعد الاتصال ونثبيت مع زبون مقابل . الله يديم عليك خفة ظلك ونضج عقلك ويجعل أيامك كلها فرح وسعادة وضحك .

يسعد مساك أخ عابر
أنا دائما بحب أقرأ مداخلاتك وأستفيد من خبرتك لأنك بتوصلنا أفكارك بطريقة راقية وسلسة ولأنو نحنا الشباب بدنا فت خبز كتير لنتعلم من المخضرمين متل حضرتك
يمكن أنا دائما متفائل بالمستقبل لأني واثق أنو ربنا عم يبتلي أهل سوريا وهنن صابرين ودائما عم يحمدو ربهم مع كل مصايبهم ولا بد أنو يكرمهم بالنهاية

__________________
<<أبو محمد>>

عمار اللامي

اللاذقية إغلاق
136 ......... 138

غسان

باقترابه من 134 عاد بسرعة الى ال140 مايدعو للتساؤل عما حدث ؟؟
ببساطة يمكن ان يكون استغلال من قبل الصرافة على موجة الذعر ومحاولتهم لم الدولار باخفض سعر ممكن ....لساعات ثم معاودة لبس الوجه بالمقلوب ورفع السعر مجددا ولكن ذلك يستدعي تنسيق جيد بين الصرافة في المحافظات واشارة خضراء من شيخ الكار

او ان ماحدث هو عادي جدا ...: نشر خبر ادى لموجة بيع اولية استغلها الصرافة وفي نهاية اليوم عادو لرفع السعر قليلا ليربحو فرق الرعب ....دون تنسيق وتآمر

عنجد لا احب نظرية المؤمرات لانها تجعلنا نترك الاسباب ونتحدث بالمجهول وغير المؤكد لكن اليوم يمكن ان نتخيل مؤامرة مريخية مثلا بان المركزي فرح مبدئيا بنزول السعر ولكن هبوطه الشديد ازعجه فما كان منه الا ان اتصل بشيخ الكار ابو الليل و جماعته قائلا ...: هلأ وقت صار بدي بيع يورو بدككم تكسرو السعر ؟؟؟
نزلو السعر بس مو كتير مشان اربح كم ليرة انا التاني .......

قمة الخيال والمؤامرة ......

shereen

شو هاد

__________________
يارب

الليرة السورية

مساء الخير للجميع
يعني بنام ساعتين بيقوم بيفلت السوق على طلوع ؟
ما علينا
بالظاهر في ناس متئذية من انفخاض الدولار لان الامل بالارتفاع الدائم عندها يعني ارباح متزايدة بحجة الحفاظ على المدخرات
مع اني بشوف الضغط نحو ارتفاع دائم هو تدمير " معلوم مسبقا و مبيت " للعملة و بالتالي للاقتصاد الوطني
تآكل قيمة الصرف مو من مصلحة اي مواطن مانو مغطي حالو بمصادر دخل خارجية
و الأحلى من هيك انو في بعض الأشخاص بيضلو نايمين فترات طويلة ما منشوفن غير لما يكون في نقاش مستفز لاشخاص تانيين حصرا
او لما يصير انخفاض بيسالوك " وين في هيك سعر " ...... من بروفايلات احتياطية " لأغراض التدخل "
طبعا الصعود من مصلحتن فما بيسالوك وين
ولو بتتركلن مجال بيومين بيبيعوك بالزايد 100 ليرة او حتى بنفس اليوم
طبعا باعتبار المتوقع مني كون مؤدب بحديثي رح حافظ على نفس المستوى
و طبعا باعتبار بكره حدا يجرحني فما رح اجرح احد
على كل حال التدخل امر واقع
و قد ما حصل تمسك بسعر الصرف حاليا " بيع و شراء " بلحظة رح يكون قائم على فراغ و يسقط عموديا
و السقوط العمودي مؤذي حاصل نتيجة العناد
متل ما في " مواطن معاند خسر قيمة مدخراته " في بالمقابل " مضارب معاند خسر قيمة مدخراته "
تمنياتي للجميع بالخير
فردا فردا دون استثاء
انا مجرد مراقب متعاطف مع كلا الطرفين فارى حق المواطن ان يعيش بكرامة و بحبوحة و ارى حق التاجر في زيادة مرابحه ولا ناقة ولا جمل لي من كل هذه السوق على الصعيد الشخصي سوى ما ذكرت

__________________
دمشق صبرا على البلوى فكم صهرت
سـبائـك الـذهـب الغـالـي وما احـتـرقـا

omar1964