صالون سيرياستوكس للعطلات(16-17-18-19)-آيار2013

[عابر مجيب]

اقتباس: المشاركة الأصلية كتبت بواسطة لقماان    كان الخليفة العباسي يلقب بالسفاح.... و الكل يعلم أنه كان سفاكا للدماء و بالأخص دماء الأمويين... لكن جاء من حاول طمس معالم التاريخ... بأن برر و شرح كلمة سفاح بأنه خليفة كريم جد ...يده ممدودة للخير و من كثرة ما كان يرمي النقود في وجه المحتاجين فشبه بأنه يسفح النقود سفحا ... فسمي السفاح ... و أنت يا أخونا عابر نازل على الشغل ...و بالسياحة كمان ..... بالفعل هللأ منتعشة السياحة ... من سياحة الدم .... فعندما تموت الألاف من أبناء هذا الوطن.. فان دماؤهم ...تسيح سياحة على مختلف أرجاء الوطن هائمة على وجهها.. ... احفظها ..في جرابك الحاوي أخي عابر ... و عندما تعود السياح...خذهم الى أماكن سياحة دماء أبناء البلد... كانت القنيطرة مقصدا سياحيا سياسيا بامتياز و ذلك بالحفاظ على تهدم عمرانها ................ ---------------------------------------------------------- ---------------------صباح الخير للجميع------------------

الله يسعد صباحك
يافتاح ياعليم ، طاحش علينا من الصبح !
وينك مبارح وقت كانت مفتوحة عندي القريحة ؟
بس مو غلط تغيير التعريفات ، هاد اسمو دبلوماسية
يعني بدل ما تقول لواحد انت عم تكذب ، بتقلو انت عم تضحك علينا ، بيقوم بينتفش وبيفرح بذكاءو
والمتل قال : انفشو وشوف ما أجحشو
مرة ملك شاف منام
طلب المفسرين واحد ورا واحد ، يقولوا يامولاي جايتك كارثة وبدهم يموتوا كل أهلك ، طبعا كان يمن عليهم بالاعدام .
أخيرا ( مدري ليش القصص بتخلي هيك واحد دائما بالآخر ) المهم أخيرا جاء مفسر ابن حفيانه ، قله يا مولاي منامك كتير حلو ، الله بدو يمن عليك بطول العمر ورح يطول عمرك سنين وسنين ، والكل من حولك يموتوا وانت تضل بعمرك المديد .
فرح الملك وتفاءل ، وعطاه كمشة دولارات بس ذهبيه صفراء مو خضراء متل تبع هالأيام .
طبعا المفسراتي راح يصرف عملة الملك عند الصراف ، مو تاريلك كانوا مانعين التعاطي بالعملة والذهب ! الملك بيعرف ، غمز واحد ، أن إلحقو وشوف مين بدو يتجرأ ويشتري منو ! والله الرجال على هينتو ومهلو راح وفتل شي حارتين ودخل لعند واحد من صرافين السوق السوداء يالطيف ، حط الداسوس علامة على الباب واختفى ، طلع الرجل وراح على بيتو .
رجع جاسوس الملك ودخل على الصراف وشحطو لعند الملك ، شلحوه كل شي معو الأول والتالي .
بدي طولها أكتر بس حرام منشان المتابعين اللي عم يستنوا شي فكرة أو حكمة بيكفي ، لأني بس عم قض قض بلا طعمة .
ههههههههههههههههههه

[Big H]

اقتباس: المشاركة الأصلية كتبت بواسطة sana    إرضاء الناس .. غاية لا تدرك ...! سبحان الله كل شخص بيفكر بطريقة ... و كل شخص عندو عقليتو... و كل شخص بيحاكم الامور بطريقة مختلفة عن التاني .... و بالتالي كتييير صعب انو نتصرف بطريقة ترضي كل الناس ... و إذا كان همنا من خلال تصرفاتنا تحقيق هاد الهدف ... معناها بنكون عم نحلم بالمستحيل ...! لذلك " برأيي " أهم شي انو الشخص يتصرف بالطريقة يلي بيقتنع فيها...و يلي بيكون من خلالها هو و ضميرو مرتاحين ...... و أكيد مهم جدا أنو نحاول نكون متوازنين و معتدلين بكل شي ... لانو خير الامور اوسطها ^_^

السلام عليكم ورحمة الله وبركاته - نهاركم آمن بدون قذائف هاون

سيدتي ... أنا أعلم قصدك بالضبط عن التصرف بقناعة من منظور الحق
والخير والجمال ولكن للتوضيح : لا يكفي في كثير من الأحيان أن تكون
التصرفات تبعاً للقناعات فقط إلا إذا كان ذلك الشخص على قدر من العلم
والفهم ... فمثلاً نجلس مع شخص مقتنع أن المال الذي أخذه من أخيه
هو ماله ويبيت وهو مرتاح الضمير وعندما نستمع لكامل القصة نرى
أن قد غبن أخيه في ماله ... والمقصود هو أن القناعات لا تكفي لوحدها
بل يجب أن تكون مدعومة بخلفية أخلاقية ودينية واجتماعية وحتى مع
عادات وتقاليد غير متعارضة مع كل ذلك ..
أما عن موضوع الاتزان والاعتدال , قال تعالى : ( وَكَذَلِكَ جَعَلْنَاكُمْ أُمَّةً
وَسَطاً لِتَكُونُوا شُهَدَاءَ عَلَى النَّاسِ وَيَكُونَ الرَّسُولُ عَلَيْكُمْ شَهِيداً ) وهي
سورة البقرة/143 .
ووسطاً هنا ليس كما يفهمها أغلب الناس وإنما بمعنى العدل كما في أغلب
التفاسير أما ابن كثير فقد أضاف أن وسطاً بمعنى الأجود والأخيَر ...
فإذاً خير الأمور أوسطها أي خير الأمور أعدلها
وشكراً

[رندة]

اسعد الله أوقاتكم

[رندة]

سنقترب ونبتعد عن بعضنا
ونحن نلوح بالمناديل
كأن كلا منا مسافر في قطار!
وهذا يحتاج إلى تنهدات ونفقات


محمد الماغوط

[عابر مجيب]

وين العالم ؟
رحت قلعت ضرسي ورجعت قلت هلأ بلاقي سابقين عشر صفحات
يا عيب الشوم
الكل الظاهر ملتهيين بصفحة الدولار ، ويل لكل همزة لمزة .....
ما بتستفيدو شي السعر نظري ما في صرافين
حدا عندو رقم سجن عدرا لنسأل على الاسعار ؟

أما شو ضرس ! هاد ضرس العقل ، بس لا تخافو نزلت معلوماته على فلاشة وحطيتها بالجراب
بس شو طلع تحتو حكي ! الدكتور صار يضحك وما عاد عرف يشتغل

[رندة]

“لا معنى للفرحة مالم تقسمها مع أحد فتصبح أكبر على عكس قانون القسمة”

عمر طاهر

[عابر مجيب]

اقتباس: المشاركة الأصلية كتبت بواسطة big h    السلام عليكم ورحمة الله وبركاته - نهاركم آمن بدون قذائف هاون سيدتي ... أنا أعلم قصدك بالضبط عن التصرف بقناعة من منظور الحق والخير والجمال ولكن للتوضيح : لا يكفي في كثير من الأحيان أن تكون التصرفات تبعاً للقناعات فقط إلا إذا كان ذلك الشخص على قدر من العلم والفهم ... فمثلاً نجلس مع شخص مقتنع أن المال الذي أخذه من أخيه هو ماله ويبيت وهو مرتاح الضمير وعندما نستمع لكامل القصة نرى أن قد غبن أخيه في ماله ... والمقصود هو أن القناعات لا تكفي لوحدها بل يجب أن تكون مدعومة بخلفية أخلاقية ودينية واجتماعية وحتى مع عادات وتقاليد غير متعارضة مع كل ذلك .. أما عن موضوع الاتزان والاعتدال , قال تعالى : ( وَكَذَلِكَ جَعَلْنَاكُمْ أُمَّةً وَسَطاً لِتَكُونُوا شُهَدَاءَ عَلَى النَّاسِ وَيَكُونَ الرَّسُولُ عَلَيْكُمْ شَهِيداً ) وهي سورة البقرة/143 . ووسطاً هنا ليس كما يفهمها أغلب الناس وإنما بمعنى العدل كما في أغلب التفاسير أما ابن كثير فقد أضاف أن وسطاً بمعنى الأجود والأخيَر ... فإذاً خير الأمور أوسطها أي خير الأمور أعدلها وشكراً [/center]

الله يوفقك لا تدعيلنا
بالعكس
الله يجعل كل أيامنا هاون ، بضل أحسن من المهباج والجرن ههههههه

[عابر مجيب]

يالله عن أذنكم رايح شوف شو صاير بهالخمس ميت صفحة للدولار وبرجع بعد ما خلص

[رندة]

اقتباس: المشاركة الأصلية كتبت بواسطة Big H    السلام عليكم ورحمة الله وبركاته - نهاركم آمن بدون قذائف هاون سيدتي ... أنا أعلم قصدك بالضبط عن التصرف بقناعة من منظور الحق والخير والجمال ولكن للتوضيح : لا يكفي في كثير من الأحيان أن تكون التصرفات تبعاً للقناعات فقط إلا إذا كان ذلك الشخص على قدر من العلم والفهم ... فمثلاً نجلس مع شخص مقتنع أن المال الذي أخذه من أخيه هو ماله ويبيت وهو مرتاح الضمير وعندما نستمع لكامل القصة نرى أن قد غبن أخيه في ماله ... والمقصود هو أن القناعات لا تكفي لوحدها بل يجب أن تكون مدعومة بخلفية أخلاقية ودينية واجتماعية وحتى مع عادات وتقاليد غير متعارضة مع كل ذلك .. أما عن موضوع الاتزان والاعتدال , قال تعالى : ( وَكَذَلِكَ جَعَلْنَاكُمْ أُمَّةً وَسَطاً لِتَكُونُوا شُهَدَاءَ عَلَى النَّاسِ وَيَكُونَ الرَّسُولُ عَلَيْكُمْ شَهِيداً ) وهي سورة البقرة/143 . ووسطاً هنا ليس كما يفهمها أغلب الناس وإنما بمعنى العدل كما في أغلب التفاسير أما ابن كثير فقد أضاف أن وسطاً بمعنى الأجود والأخيَر ... فإذاً خير الأمور أوسطها أي خير الأمور أعدلها وشكراً [/center]

كلام سليم 100%
بالفعل التفكير المنطقي والصحيح متاح لأي انسان مهما كان ثقافته وانتمائه
لكن بعض الناس يوافق هواهم وطبائعهم استسهال الخيارات

شكرا أخ حسام واخت سنا حوار مفيد

[omar1964]

ولقد سئمت مآربـي

فكأن أطيبها خبـيث

إلا الحـديث فـإنـه

مثل اسمه أبداً حديث


يمكن لابن الرومي