صالون سيرياستوكس للعطلات(31ت1-1-2-3 ) تشرين الثاني-2013

[رندة]

اقتباس: المشاركة الأصلية كتبت بواسطة هزار    يسعد أوقاتك سيدتي بس عفوا سيدة رندا أنا بحترم الجميع و السيد عابر و السيد عمر عندي ياهن أنا كمان من الأشخاص المميزين الي بتهمني آرائن و مشاركاتن و لولا مو شايفتة أغلب مشاركاتن مهمة ومفيد و راقية كنت ما بعلق و بحاول ناقش حضراتن بس أنا لما بكون عندي فكرة بطرحا بغض النظر عن الشخص الي قدامي فاني غير أفكاري بسبب الشخص الي طرح هالفكرة فأنا بعتذر لأن هاد الشي مو بس انا ما برضاه انتو كمان ما بترضوه و بعتذر اذا أزعجت أي حدا بتعليقاتي بس انا قلت للسيد عمر اني ما كنت متقصدة ولا حتى متذكرة اذا علقتلو اكتر من مرة ولا لا و لا حتى شو كان مضمون تعليقاتي عم اتعامل بعفوية مع احترام الجميع مو تمثيل لا و الله الجميع دخل قلبي مع اني ما بعرف حدا شخصيا وشكرا لألك :-)))

عظيم اذا اتفقنا
اعتراضن مو على الفكرة بيحق لاي مشارك انو يطرح فكرته متل ما بدو
بس االاعتراض كان على الاسلوب
بدك تاخذي بعين الاعتبار فرق العمر والخبرة

[هزار]

اقتباس: المشاركة الأصلية كتبت بواسطة رندة    عظيم اذا اتفقنا اعتراضن مو على الفكرة بيحق لاي مشارك انو يطرح فكرته متل ما بدو بس االاعتراض كان على الاسلوب بدك تاخذي بعين الاعتبار فرق العمر والخبرة

طيب ماشي حقن عليي
أنا مو شايفة حضراتن شخصي مشان هيك نسيت انهن أكبر مني
مع اني مو قاصدة باسلوبي سخرية ابدا كنت آخدة عخاطري لأن.. يعني كنت زعلانة مو سخرية

بعتذر من حضراتن " سيد عمر و سيد عابر" وصلتن كلماتي بطريقة خاطئة كمان يمكن لأن هنة نسيو اني صغيرة بالعمر وبحاجة لعطفن لأن بعرف قلبن كبير :-)))


وصباح مبارك للجميع و خص نص السيد عابر و السيد عمر
أكتب لكم باللون الأحمر لتدوم المحبة أكثر

;-)))

[رندة]

[رندة]

کاریکاتورها

[رندة]

حواجز سوق الحميدية-١٩٢٥
المتحف الفوتوغرافي السوري

[رندة]

مما قرأت

" الناس " سواسية " في وقت النعم ، فإذا نزل البلاء " تباينوا..!
الحسن البصري

[رندة]

مما قرأت

لا تسعى لتكن ناجحا فقط، وإنما لتكون ذا قيمة
لـِ أينشتاين

[رندة]

تعيش الذئاب في قطعان و لذلك تبدو قوية ، و لكن إذا جُرح أحد الذئاب و بدأ بالعرج فإن البقية ستأكله بدون تردد !!
برهان واضح على أن المصلحة أساس القطيع الذي تقوده الغريزة ، و هذا ليس تضامن و صداقة و مساعدة متبادلة فالطبيعة لا تعترف بهذا .
علي عزت بيجوفيتش : هروبي الى الحرية

[رندة]

مما قرأت

الكرم العربي ظاهرة غذائية
لـِ غازي القصيبي

[omar1964]

اقتباس: المشاركة الأصلية كتبت بواسطة hany basha    شكراً جزيلاً أخي العزيز أموري الصحية والحمد لله في إستقرار نسبي و رأفت بخير و الحمد لله أرجو منكم جميعاً الدعاء لنا ولرأفت خاصة بالشفاء العاجل

أخي العزيز
الطبيب يعالج و الله يشفي و ان شاء الله الشفاء العاجل لكم و لرأفت
صارت عندي قصة مرض لأحد الشغيلة آخر رمضان
المرض كان كتلة متوضعة على العصب البصري في الدماغ ..
بصراحة انا لما شفت صور المرنان و قرأت التقرير المرفق تشائمت كتير
بسبب موقع الورم و صعوبة الوصول اليه .. ونسب النجاح في مثل هذه الجراحة
نظراً لانو فقير و معدم زودوه أهل الخير بشوية مصاري و ذهب إلى مشفى المجتهد بدمشق
لوجود بعض الاطباء من معارفنا في مرحلة الاختصاص .
بصراحة لما سافر انا ودعتو و كأني عم ودعو لآخر مرة
و كنت كل يوم اتصل فيه الصبح و المسا ..
بعد دراسة حالته من قبل الاطباء قرروا اجراء الجراحة
و عمل العملية ..
والحمد لله كانت ناجحة جدا مع انها لا تحتمل اي خطأ حتى لو كان بسيط جداً
و عاد قبل عيد الاضحى لبيته و لأولاده و حاليا في طور النقاهة ..
ارجو من الله العلي القدير ان يمن بالشفاء العاجل لكم و لولدكم رأفت و أن يرده لك سالماً معافى موفور الصحة .