سعر صرف الدولار مقابل الليرة 28-3-2012 بالسوق السوداء

[Eng. Hassan]

اقتباس: المشاركة الأصلية كتبت بواسطة hakeem    شكرا لردك اخ أحمد بس أنا ما عمفكر أني ضارب أو ارجع أشتري دولار كنت عمفكر أني بيعهم وأشتري ليرات دهب..؟؟؟؟

أخي حكيم إذا قررت أن تشتري بالمبلغ ذهب فأقترح عليك ان تشتري الذهب بالدولار مباشرةً من دون تحويله لليرة سورية تفادياً لخسارة الفارق بين سعر البيع والشراء

[shereen]

اقتباس: المشاركة الأصلية كتبت بواسطة ahmad hamdi alsharif    أشكر باسمي وباسم جميع الاعضاء والزوار في المنتدى المشرفين والادارة لحذفهم المشاركات التي لاتحمل في مضمونها مصدر رسمي وصحيح 100% وشكرا لكم مرة أخرى

حذفولي مشاركتي بس خليها ببالك للمشاركة مشان تتذكر حكيي صحي بقديش سكر السوق نهائيا شراء على 68 او 69

[Ahmad Hamdi AlSharif]

سعر صرف الليرة السورية أمام ال$
شراء 68 - 68.5
بيع 69.5 - 70
سعر صرف الليرة السورية أمام اليورو
شراء 90
بيع 92.5
سعر صرف الدولار مقابل الليرة حسب نشرة المركزي هو :
بيع 70 + عمولة 0.002 بالألف لشركة الصرافة
المحافظة : دمشق - التوقيت 9:12 مساء
ملاحظة هذا السعر هو سعر إغلاق اليوم وإن شاء الله سنكون غدا بإنتظار سعر التدخل الجديد والمتوقع أن يكون إن شاء الله 68.5 أو 69 بيع إلا في حال أراد المركزي أن يقوم بلعبة صغيرة

[$ABOUD]

اقتباس: المشاركة الأصلية كتبت بواسطة shereen    حذفولي مشاركتي بس خليها ببالك للمشاركة مشان تتذكر حكيي صحي بقديش سكر السوق نهائيا شراء على 68 او 69

اذا الأغلاق صحيح 68\69 معناها بكرا ويكند رح يكون 65\66 والله اعلم .

[Eng. Hassan]

اقتباس: المشاركة الأصلية كتبت بواسطة ahmad hamdi alsharif    أخي العزيز يوسف شركات الصرافة قامت ببيع الدولار بشكل لحظي من أجل أن تحمي نفسها من أي خسارة لأنها تعرف أن الدولار سيهبط بعد قليل يعني مثال توضيحي إنت معك مليون دولار وسعر الدولار مثلا 100 يعني اذا بعتهم هلأ بتاخذ 100 مليون ليرة وإنت بتعرف إنه بعد ساعة رح يصير سعر الدولار 50 يعني رح تخسر 50 مليون ليرة اذا خليتهم معك بهل الساعة بتقوم إنت بتبيع واحد خاروف أو مابيهمه بسعر 100 ليرة وبترجع بتشتريهم منه أو من غيره بعد ساعة بنصف السعر وهيك بتكون حملت الطربوش لغيرك وطلعت ربحان big grin يعني المغزى من كلامي إنه شركات الصرافة باعوا المركزي بس رجعوا اشتروا مع تحقيق ربح لحظي وتحميل الطربوش للغير

أخي أحمد بس بها الحاله شو مصلحة المركزي يشتري بها السعر وهو عرفان أنو رح يخسر ؟!!
شكلها مو ظابطه...

[HAKEEM]

والله اخاف يا جماعة الخير (لاسمح الله ) هالنزول الكبير للدولار وبهالسرعة تكون رقصة الموت بالنسبة لليرة ( الله لا يقدر)....

[HAKEEM]

اقتباس: المشاركة الأصلية كتبت بواسطة eng. Hassan    أخي حكيم إذا قررت أن تشتري بالمبلغ ذهب فأقترح عليك ان تشتري الذهب بالدولار مباشرةً من دون تحويله لليرة سورية تفادياً لخسارة الفارق بين سعر البيع والشراء

شكرا أخ حسان رح حاول ودورلي على شي صايغ منيح بحلب (ابن حلال)
لأنو حسب علمي ليرة الدهب فيا غش كتير..

[Salam L]

شكر خاص على مشاركات الاخوة

هشام طيارة...

بشر...

احمد الشريف..

ماهر ابو عدنان...

والاخ اللي من اللاذقية بس للاسف مابعرف اسمو هههههه

ولكل مين عم يحط الاسعار وبالاخير بتطلع صحيحة.....

وطبعا والمشرف محمد... كنا رح ننساه ههههههههههههههههههه

[Ahmad Hamdi AlSharif]

اقتباس: المشاركة الأصلية كتبت بواسطة Eng. Hassan    أخي أحمد بس بها الحاله شو مصلحة المركزي يشتري بها السعر وهو عرفان أنو رح يخسر ؟!! شكلها مو ظابطه...

صديقي العزيز اذا المركزي اشتراهم ورجع باعهم رح يخسر ليرتين وهنن 5 مليون دولار يعني رح يخسر فعليا 10 مليون ليرة سورية بس بالمقابل هو حط خبر وإعلان بالصحف إنه شركات الصرافة تبيع المركزي 5 مليون دولار فائض عن حاجة السوق يعني بهذا الكلام العالم كلها رح تصدق وتفكر إنه السوق صار مستقر وبالعكس فيه فائض بالدولار والدولار رح ينهار امام الليرة يعني المكسب الاعلاني كبير جدا بمقارنة حقه 10 ملايين ليرة هذه ناحية الناحية الثانية من ورا هذا الاعلان فيك تتصور كم عدد الاشخاص الموجودين في سوريا والذين سيقومون ببيع دولاراتهم خوفا من وصول الدولار الى 60 يعني يمكن المركزي ماعاد يحتاج ليضخ دولار بس بحط سعر التدخل والعالم بتنزل السعر لحالها وضاعت الطاسة تحياتي وإذا خربطت أنا في تحليلي فلكل مجتهد نصيب من أجتهد فأصاب فله أجران ومن أجتهد ومن لم يصب له أجر واحد تحياتي ودمت بود

[HAKEEM]

أرجوا من المشرفين رفع الحظر عني لأني مسجل بالمنتدى من حوالي ال5 شهور ...!!!!!
وشكرا سلفاٌ