ما الهدف من تغيير طرابيش المنتدى

[manar]

اقتباس: المشاركة الأصلية كتبت بواسطة economic opinion    وأخيراً أخي أبو حكيم مناقشة لموضوع الطرابيش وهون أعود وأذكر بالسؤال الرئيسي للمفكر أبو حكيم الدين يلي كان مفاده: "ليش رامي غير كل الطرابيش بلمنتدى وماغير طربوشوا" لأنا شخصياً ملا حظتي العامة على الصور الجديدة إنو معظمها سيمتها "الزور" يعني كلو حاطط العئدة فيا ترى هل لهذا الموضوع "العئدة يلي تعلو الوجوه والزور" علاقة مباشرة بالموضوع ؟؟؟؟؟

حاسس بداية ....... على رامي ولا شو؟؟؟؟

[Tareq]

أخ لقمان شامم ريحة انقلاب على الأخ رامي ؟؟؟؟؟؟؟؟؟؟؟؟؟؟؟؟

[economic opinion]

اقتباس: المشاركة الأصلية كتبت بواسطة manar    حاسس بداية ....... على رامي ولا شو؟؟؟؟

على فكرة...... أنا أعلن ومن منبري هذا...... إني أنا مع رامي في حال كان في أي محاولة إنقلاب ...
أنا فقط عم بسأل لمحاولة فهم الأسباب المباشرة وغير المباشرة التي دعت بروكرنا لتغيير الطرابيش عدا طربوشو
بعدين لاتنسوا إنو لما مؤيد اتهم رامي بأنو مستأصدو بتغير طربوشو بمحاولة من رامي لتشويه صورة مؤيد بتبديلها بزورة ما إلها حل وعنجد بترعب، أنا دافعت عن بروكرنا بقولي "أنا ما بعتقد إنو رامي مصتأصدك، اتطلع على معظم الصور الجديدة الباقية "
وممنوع حدا يعمل انقلاب على رامي

[لقماان]

اقتباس: المشاركة الأصلية كتبت بواسطة manar    حاسس بداية ....... على رامي ولا شو؟؟؟؟

شو شامم ريحة انقلاب ما انقلاب......
هي ريحة مقلوبة بالبيتنجان و الجوز
الله يخليك هاد الحكي(انقلاب ) بيودي لورا الشمس................
يعني وأت برشح حالي للانتخابات ما راح انتخب حالي راح انتخبوا لأبو حازم من كتر اخلاصنا لألو ....................
هاد أبو حازم هاد ..................

[BROKER]

اقتباس: المشاركة الأصلية كتبت بواسطة لقماان    أعزائي المشاهدين أعزائي الحضور لفت نظرنا في الآونة الأخيرة قيام السيد رامي العطار بتبديل طرابيش جميع الكادر الموجود معه في المنتدى ........... مالهدف من ذلك و ماهي تصوراتكم عن الوضع هذا ما سنناقشه في هذا الملف الشائك في برنامج الطربوش و الطربوش الآخر فمن لديه مشاركة تفيد الموضوع نرجوا أن لا يبخل بها علينا : أولا سنبدأ بمداخلة السيد لقمان حدو : يقول السيد لقمان متحدثا بالعامية /أي يكتب كما يلفظ /: راح احكي عن الصور وحدة وحدة نبدأ بصورة الأخ غالب أبو النور يعني صورتو أبل كانت فيا ابتسامة و مريحة و كنا وأت نشوف رد للأخ غالب لا نقوم الا بتأيويله على المنحى الحسن ...........حتى و لو كان عميهاجمنا ......... بالفعل كانت في ابتسامة ود و طيبة على الوجه بس بعد تغيير الصورة يا جماعة و الله ماعدت أعرف احكي معو و حسيتوا واحد ديكتاتور................ هيك متل شي ضابط مخابرات حاطط ايدو على كمروا و عميتفرج علينا من فوء لتحت و ما في شي عاجبو .............. أناشدكم تغيير الصورة الأخ العريس المسكين مؤيد صورتو بالأول بتخلي مين يشوفوا يفرحلوا انو في حدث سعيد بحياتو .........و بتخلي الواحد يتفائل بس صورتو هللأ للأسف متل شي واحد الهم و الحزن آخد منو مأخد و بتخلي الواحد يؤول حسبي الله و نعم الوكيل و تذكرت هي الصورة المتداولة لشخص فرحان و مكتوب جنبا قبل الزواج بعدين بتئلب الصورة بيطلعلك واحد الهم آتلوا و مكتوب جنبا بعد الزواج ...................... أناشدكم تغيير الصورة لأنو عنجد صعبة ادام عيلتو............... فراس السكري : كنا راسمينلوا صورة حسب تسريباتو هوة انو شاب رشيق الاطلالة .... هللأ تبين انو شاب رشيق ........... بس رشيق بالكلمات ....بس الصورة حلوة الأخ أبو طلال صورتو حلوة و اجاني طلبات كتير من العذال مشان أسعى في شيلة صورتو ...... الأخ وائل 77 مبين أكبر بالعمر بكتير من الصورة الأولى ............... الأخ هشام على ما يبدوانو مدعوم طالعة الصورة تمام التمام و باين عريس المنتدى الأخ عبد الكريم صورتو كأنا مصورة باليونان لأنو فرء من السما و الأرض بين الصورتين و التانية أحلى بكتير من الصورة الأولى يلي مصورة من على دور فرانسا أما الصورة المنورة فهي للأخ فواز.....بالفعل هيئة الوقار ما شاء الله باينة على وجه و بيرتحلوا الواحد من النظرة الأولى .......و أنا كتير تشجعت اتعرف عليه هللأ الاخوة البائيين لسا ما اطلعت مظبوط على صورن لنحكم عليون أخيرا أقول للأخ رامي لصالح من هذا التغيير و ماهو هدفك ............ بالفعل صرنا ما عاد نعرف نحكي مع و لا واحد من يلي غيرتلون الصورة كأنون أشخاص أول مرة بنشوفون ..... و بدنا وأت طويل لنتعود نحكي معون لأنو لازم نمحي الانطباع الأديم يلي تكون عنا وهاد يعني انو راحت كل حصيلتون التراكمية عبر السنين يلي تعبوا عليا تعب ............ بس صورتك (يعني صورة الأخ رامي ) يا سلام محفورة بالذاكرة و ماعاد نأدر غير نحكي معاك براحتنا لأنو بتوحيلنا أنو في ثبات على المواقف ......

اممممممممم

يا اخ ابو حكيم الدين ... قبل كل شي وقبل ما تحكي لازم تشكر ربك وتتصدق بــ 20 كيلو لحمة أني لم أعطي الاوامر بتغيير صورتك ، وذلك لغاية في نفس يعقوب ...

اما الاهداف والغاية والاسباب فهي اسرار امنية

واقرب رأي للنية هو راي الاخ غسان

- اما عن سبب عدم تغيير طربوشي ..... لأني بصراحة لن أضع صورة جديدة أكثر ابتسامة نظراً لحزننا على شهداء بلدنا ..... ولا احب "الزور" فارتأيت ان تبقى كما هي ...

- اما عن اكثر راي اعجبني هو رأي مؤيد ...

- والدفاع الذكي هو دفاع الانسة روان .... لانها اول من الف الانقلابات و أول من اعترض و حرض على تبديل الصور ... والآن تقول ( انا ضد الانقلابات ) هي دبلوماسية بحق

[لقماان]

اممممممممم

(يا اخ ابو حكيم الدين ... قبل كل شي وقبل ما تحكي لازم تشكر ربك وتتصدق بــ 20 كيلو لحمة أني لم أعطي الاوامر بتغيير صورتك ، وذلك لغاية في نفس يعقوب ... )

20 كيلو لحمة .............20 كيلوا لحمة عشرين يا أبو حازم
اي بزمناتوا مشان كيلو لحمة كنت ألتو الله يرحموا ................

(اما الاهداف والغاية والاسباب فهي اسرار امنية
واقرب رأي للنية هو راي الاخ غسان )
هو الأخ غسان في عندو ميول أمنية هو و أصحابوا أبو سعد و أبو الهول (الله يكسر من أمثال واحد منون على أولة التاني

(- اما عن سبب عدم تغيير طربوشي ..... لأني بصراحة لن أضع صورة جديدة أكثر ابتسامة نظراً لحزننا على شهداء بلدنا ..... ولا احب "الزور" فارتأيت ان تبقى كما هي ...
هاد هو الثبات على المواقف ................... )
- اما عن اكثر راي اعجبني هو رأي مؤيد ...
و هيك بتكون أثبتت بشكل عملي المثل يلي بيؤول على مبدأ ما بعرف خيرو لتجرب غيروا
- والدفاع الذكي هو دفاع الانسة روان .... لانها اول من الف الانقلابات و أول من اعترض و حرض على تبديل الصور ... والآن تقول ( انا ضد الانقلابات ) هي دبلوماسية بحق
شفت شلون هي أكبر صدمة يعني الأخت روان هي شعلت الفتنة ووأت اجا تلفزيون المنتدى عملت حالا عمتطفي النار حتى بدموع عينا من كتر اخلاصا لمقام جنابكون .......................
أخيرا تبين لي أنو:
هدا الطريق يلي عم أمشي في غلط هو طريق غلط ....و راح يؤدي للخراب ........
و تبين لي انو المصاري يلي مولتني فيا الجهات المغرضة
كنت عمأصرفا على الملذات الشخصية ...........
و تبين لي أنو أنا ندمان على هالعملة......الشنيعة ............
و تبين لي أنو المنتدى كلوا بيحبكون .............
و انو المنتدى ما فيو روان وحدة .........المنتدى كلوا روان ..

[economic opinion]

اقتباس: المشاركة الأصلية كتبت بواسطة BROKER    - اما عن سبب عدم تغيير طربوشي ..... لأني بصراحة لن أضع صورة جديدة أكثر ابتسامة نظراً لحزننا على شهداء بلدنا ..... ولا احب "الزور" فارتأيت ان تبقى كما هي ... - والدفاع الذكي هو دفاع الانسة روان .... لانها اول من الف الانقلابات و أول من اعترض و حرض على تبديل الصور ... والآن تقول ( انا ضد الانقلابات ) هي دبلوماسية بحق

اقتباس: المشاركة الأصلية كتبت بواسطة لقماان    شفت شلون هي أكبر صدمة يعني الأخت روان هي شعلت الفتنة ووأت اجا تلفزيون المنتدى عملت حالا عمتطفي النار حتى بدموع عينا من كتر اخلاصا لمقام جنابكون ....................... و انو المنتدى ما فيو روان وحدة .........المنتدى كلوا روان ..

في بيان عن مواقفي.... بحب أول شي رد على تعليق بروكرنا حول كوني أول شخص بلش بفكرة الإنقلابات "صح، بس كان الإعلام المغرض خادعني _هون بكون عم بتنصل من المسؤولية_" وبكوني أول من حرض على تبديل الصور ذلك لأني بشوف إنو، مع إني مع رامي، بس هي "مطالب محقة" مافيني اغفل عنها
أنا مع الإصلاح بس ضد الفوضى والإنقلابات، ورامي كلنا منعرفوا متفهم وبيلبي المطالب المحقة
وعلى فكرة أما عن جملتك "
- اما عن اكثر راي اعجبني هو رأي مؤيد ... "
فأنا بشوف إنو هي دبلوماسية بحق

بس رامي تعليقاً على جملتك تبع مابدك تحط زورة شو تعليقك على صورة الأستاذ الغالب وعريسنا مؤيد، يعني ليش هدول بدلت ابتسامتون بزورة؟؟
وهي الوردة هدية مني لبروكرنا
وهي كمان وردتين هدية مني لأخي أبو حكيم الدين

[لقماان]

اقتباس: المشاركة الأصلية كتبت بواسطة economic opinion    في بيان عن مواقفي.... بحب أول شي رد على تعليق بروكرنا حول كوني أول شخص بلش بفكرة الإنقلابات "صح، بس كان الإعلام المغرض خادعني big grin _هون بكون عم بتنصل من المسؤولية_" وبكوني أول من حرض على تبديل الصور ذلك لأني بشوف إنو، مع إني مع رامي، بس هي "مطالب محقة" مافيني اغفل عنها

اقتباس: المشاركة الأصلية كتبت بواسطة economic opinion    أنا مع الإصلاح بس ضد الفوضى والإنقلابات، ورامي كلنا منعرفوا متفهم وبيلبي المطالب المحقة بس رامي تعليقاً على جملتك تبع مابدك تحط زورة شو تعليقك على صورة الأستاذ الغالب وعريسنا مؤيد، يعني ليش هدول بدلت ابتسامتون بزورة؟؟ وهي الوردة هدية مني لبروكرنا وهي كمان وردتين هدية مني لأخي أبو حكيم الدين

أنا مصدوم ..........................
و لا بعشرة دولارات عفوا وردات بأبل .......................
هيك يا أخت روان ..................هيك .........
هيك بعد ما بلشنا النضال و الكفاح بروح الطليعة النخبوية التي تحسن قراءة واقع الحدث للتعامل مع بؤر الرجعية البرجوازية التي سنوصلها الى الليبرالية الراديكالية .........
(علي الحلال اي أنا ما فهمت ولا كلمة من يلي ألتون أنا فوء )

هللأ أنا عمعاني من وهن عام في احساسي النهضوي بعد الاطلاع على حقيقة المواقف الفئوية الضيقة للرفيقة الأخت روان

(علي الحلال اي أنا ما فهمت ولا كلمة من يلي ألتون أنا لا فوء و لا هللأ)
الله يخليلنا هالمصطلحات يعني تنقذ الواحد وأت الأزمات وأت ما بيعرف حالو شو بدو يحكي
و بيكون خايف من أنو تنحسب عليه أي كلموة بيؤولا

[economic opinion]

بروكرنا أبو حازم أنا أعلن إنو أخي الرفيق أبو حكيم الدين طلَّع إيدو من الموضوع وإنو هو بكل روحو النضالية بصفك، وليس له أي علاقات مباشرة أو غير مباشرة بمواقفي، حتى إنو متل مالك ملاحظ بتعليقه الذي يسبق تعليقي هاد، فرض عليي عقوبات وقطع علاقاته الدبلوماسية معي، وما قدرت ارشيه .... عفواً عفواً..... راضيه بوردتين مو بوردة وحدة
وهيك بضل أنا لحالي... وبدون دعم.... وبدون ضهر على مواقفي نفسها
:patch_pleur1::patch_pleur:

[لقماان]

اقتباس: المشاركة الأصلية كتبت بواسطة economic opinion    بروكرنا أبو حازم أنا أعلن إنو أخي الرفيق أبو حكيم الدين طلَّع إيدو من الموضوع وإنو هو بكل روحو النضالية بصفك، وليس له أي علاقات مباشرة أو غير مباشرة بمواقفي، حتى إنو متل مالك ملاحظ بتعليقه الذي يسبق تعليقي هاد، فرض عليي عقوبات وقطع علاقاته الدبلوماسية معي، وما قدرت ارشيه .... عفواً عفواً..... راضيه بوردتين مو بوردة وحدة وهيك بضل أنا لحالي... وبدون دعم.... وبدون ضهر على مواقفي نفسها :patch_pleur1::patch_pleur:

الهلوكست الثانية ..............