المامونية

[ranakar]

اقتباس: المشاركة الأصلية كتبت بواسطة غالب    المامونية قد وقدين وقد الاثنين هي هي المأمونية قد (سميد)كوب قدين(سكر)كوبين قد الاثنين(ماء)4 اكواب المامونية اكلة كثير طيبة اخت رنا سلم ايديك . لا تنسوا انا نصي الثاني حلبية . بدنا صورة الاكلة بلا صورة لا يعتمد عليها في مسابقة الطبخ في مطبخ المضاربين . انتظروا الصورة .

الله يسلمك اخ غالب ....
بقا هيك طلعنا قرايبين سلمنا على المدام بنت البلد ...
وبالنسبة للصورة ....الجمعة منبعتلكن صورة لايف

اقتباس: المشاركة الأصلية كتبت بواسطة rihab    شو هالمامونية الطيبة والله شهتينا نطلع على حلب

أنت حضري أول.....وبتلاقي أكلات حلب كلا حضرت.......بتشرفي

اقتباس: المشاركة الأصلية كتبت بواسطة sawt al watan    خييت ايشو وين الشعيبيات والجبنة المشللة ايشو حاف هيك بدون شي اي وين الفستق الحلبي المطحون على الوج والقشطة كمان.. بدنا مجئجئ بلبن كمان اكيد كتير ناس ما بتعرف ايشو هالاكلة مو هيك. مشكورة على الموضوع وعلى فكرة كل يوم جمعة مرة فول وحمص وفته ومرة مامونية.

طبعا مابيصير بلا الشعيبيات والجبنة المشللة
بس مجئجئ بلبن هي ما عرفتا لاتواخذني

اقتباس: المشاركة الأصلية كتبت بواسطة broker    يعني هي الاكلة .... تابعة للحلويات ولا للأكل العادي ..فول وحمص ؟؟؟؟ خربطنا ... مو بزماني ابو هيثم قلتلك على اكلة مجقجق باللبن وما عرفتا ؟؟؟؟

حلويااات
أخ أبو هيثم عم يوضح العادة عند الأغلبية ...أنو جمعة فطورن فول وفتة ....وجمعة فطورن مامونية

[سمير]

يسلمو ايديكي أخت رنا
ورح نجيب القشطة
والخبز مناخده سخن من الشرق الأوسط
وأحلى فطور

ذكرتني المامونية بنهفة صارت معي من زمان (ايام الشباب)
بعد ماتجوزت بشهر ذهبت لفرنسا للدراسة ومعي زوجتي وخطر ع بالنا نطبخ مامونية(ايامها مافي أنترنت والاتصالات صعبة،والرسائل نتطول لتوصل)
وتساءلنا : عجب بيحطولها مي والا حليب:patch_punnch: وبعد النقاش قررنا حليب
والله لا يوريكن
حطينا نص كيلو سميد وليتر حليب...راح الحليب ..ضفنا حليب وكترنا سكر ..تم امتصاص الحليب ...ضفنا حليب..اتعبت الطنجرة................المهم بالنتيجة....:patch_balon:....كبيناها وما أكلنا مامونية .
ug4;

[غالب]

اقتباس: المشاركة الأصلية كتبت بواسطة سمير    يسلمو ايديكي أخت رنا ورح نجيب القشطة والخبز مناخده سخن من الشرق الأوسط وأحلى فطور ذكرتني المامونية بنهفة صارت معي من زمان (ايام الشباب) بعد ماتجوزت بشهر ذهبت لفرنسا للدراسة ومعي زوجتي وخطر ع بالنا نطبخ مامونية(ايامها مافي أنترنت والاتصالات صعبة،والرسائل نتطول لتوصل) وتساءلنا : عجب بيحطولها مي والا حليب:patch_punnch: وبعد النقاش قررنا حليب والله لا يوريكن حطينا نص كيلو سميد وليتر حليب...راح الحليب ..ضفنا حليب وكترنا سكر ..تم امتصاص الحليب ...ضفنا حليب..اتعبت الطنجرة................المهم بالنتيجة....:patch_balon:....كبيناها وما أكلنا مامونية . ug4;

صحتين ابو احمد , ولهلء المدام بتحطلها حليب ؟؟

[Sawt Al Watan]

اقتباس: المشاركة الأصلية كتبت بواسطة broker    يعني هي الاكلة .... تابعة للحلويات ولا للأكل العادي ..فول وحمص ؟؟؟؟ خربطنا ... مو بزماني ابو هيثم قلتلك على اكلة مجقجق باللبن وما عرفتا ؟؟؟؟

له يا ابو حازم انا اللي بعرفها واذا بتاكلها مرة رح تعجبك كتييييييير اكيد

[Sawt Al Watan]

اقتباس: المشاركة الأصلية كتبت بواسطة ranakar    أخ أبو هيثم عم يوضح العادة عند الأغلبية ...أنو جمعة فطورن فول وفتة ....وجمعة فطورن مامونية

بالزبط اختي رنا

[سمير]

اقتباس: المشاركة الأصلية كتبت بواسطة غالب    صحتين ابو احمد , ولهلء المدام بتحطلها حليب ؟؟

انت شو رأيك ؟

[غالب]

اقتباس: المشاركة الأصلية كتبت بواسطة سمير    انت شو رأيك ؟

اذا بالحليب بتكون صارت مهلبية طيبة كثير كمان

[houssamk]

اقتباس: المشاركة الأصلية كتبت بواسطة lemonanita    انا جاهزة ... المشكلة انو مالي مراق بالمامونية .. بدي كبة بالمدري شو هي تبعكن ... (شحاد ومشارط)

إذا كان الفطور مامونية

والغدا كبة مشوية ( مفيدة كتير مشان الكولسترول )
والعشى من حواضر البيت مشان الريجيم

من وين مابدنا نكررررش...

[سمير]

اقتباس: المشاركة الأصلية كتبت بواسطة غالب    اذا بالحليب بتكون صارت مهلبية طيبة كثير كمان

أنا عم اسألك شو رأيك أنت كجواب لسؤالك:
ولهلء المدام بتحطلها حليب ؟؟

[غالب]

اقتباس: المشاركة الأصلية كتبت بواسطة سمير    أنا عم اسألك شو رأيك أنت كجواب لسؤالك: ولهلء المدام بتحطلها حليب ؟؟

انا توقعتك تقلي تعال لعنا وجرب المامونية وشوفها مع حليب ولا مع ماء يا ابو احمد ؟؟