دردشة صالة سعر صرف الدولار والذهب اليوم الجمعة 15-3-2013

[Hany Basha]

اقتباس: المشاركة الأصلية كتبت بواسطة sajed    السلام عليكم ورحمة الله وبركاته جلست اليوم أستذكر أحوال الليرة السورية قبل عامين وماجرى عليها خلال هذه المدة من صعود متفاوت ثم صعود حاد ونزول حاد ثم ارتفاع تدريجي....، فرأيت بأن وراء كل صعود حاد وسريع هناك هبوط حاد وسريع (اما بسبب تدخل البنك المركزي أو بسبب خوف المدخرين أو أسباب أخرى) خلال العشرة أيام الماضية جرى صعود سريع حيث ارتفع الدولار أكثر من عشرة ليرات (بمعدل 1.30 ل.س كل يوم) هل هو صعود سريع وحاد؟؟ هل بعده نزول حاد وسريع؟؟ هل يتدخل البنك المركزي؟؟ أسئلة يجب أن تأخذ بعين الاعتبار

أهلاً أخي ساجد
هذا الصعود و من وجهة نظري الخاصة المستندة للوقائع أعتبر هذا الصعود بأنه صعود غير حاد
أما بالنسبة للنزول فالقاعدة الشعبية تقول كل طلعة في مقابيلها نزلة ولكن رأي يقول أن كل يوم يمر يظهر لنا السعر الحقيقي للدولار بناءا على الوضع على الأرض
أما هل يتدخل المركزي فأنا أرجح القول نعم و لكن تدخله له نتائج آنية نوعاً ما و سيعاود الدولار صعوده المؤكد
وفيني قلك ماعرفت ولا جواب حاسسس حالي بفحص البكلوريا
عجزت

[Hany Basha]

good afternoon

عصر الخيـــــــــــــــــــر
هههههههه
يسعد أوقات الموجودين معنا

[عابر مجيب]

كل كام يوم الدولار بيطلع والليرة بتنزل هادا شي الأعمى شايفو ، بدون لزوم لعلم أو معرفة أو اطلاع على الحقائق الأكيدة حول انعدام الموارد ووفرة الانفاق. لا تصدقوا في دعم ، مافي هيك شي إلا من الأب أو الأم . الدولة اللي بدها تساعدنا كانت بتصرف على شعبها الجربان بيضلوا ابدى بلحم تورهم .
ومع كل هالشي بيطلع حدا بيسأل :
ياترى الدولار رح يطلع ؟
بيع بلكي رح ينزل ؟
شوبتنصحونا ؟ رح يتدخل المركزي ؟
خلص بيكفي تساؤل ! الموضوع واضح . بس لا حدا يحاول يضارب لأن فترات النزول المؤقته بين الحين والحين غير واضحة المعالم ، يعني صارت المضاربة مرادفة للمقامرة ، لا بيقبلها لا الدين ولا الضمير، وخصيت الضمير للي ما عنده رادع ديني وبيعتمد على الأخلاق وانه فوق الشبهات من مجرد انسانيته وأخلاقه، وتضخم الأنا المتورمة .
المضاربة تضر الاقتصاد ولو من باب النية ، بمعنى ان الذبابة بالصحن ما بتسمم بس بتقرف . بلاها دخيلك، أصلا الربح الأكبر للصراف . واللي عم يعتبر المضاربة بتسبب انهيار العملة بظن بيقدر يكتشف ان السكران ما بدو دفشة بيوقع لحالو ، لا تتوهونا وحاج قصة نظرية المؤامرة ضد دولتنا العظمى اللي حيرت الأوصاف ، وفجرت عقول المتآمرين .
مهما ارتفع السعر اللي عنده مدخرات يشتري اليوم قبل بكرا إذا ما ارتفع الدولار بيكون ضمن الحفاظ على قيمة موجوداته .
دخيل الله حاج تكرروا نفس التساؤلات وترجعونا للمربع الأول .

[F.alkhatib]

اقتباس: المشاركة الأصلية كتبت بواسطة adib    اخي انا ما فهمت شو قصدك من الخوف ؟؟؟ الامتناع او التحفظ متل ما ذكرت عن البيع بيرفع الدولار وتاني شي مبارح الصياغ كانت فاتحة طول الوقت تشتري بهل الخشر لانو الدهب طالع بطلوع الدولار

اخي العزيز : الخوف من وصول الدولار لهيك مستويات ... يعني الشعب اكل هوا بالمعلقة و الدولة ما قادرة تعمل شي .
في حال الدولة ما تدخلت و حدت من صعود الدولار متل ما بتعرف الاسعار رح تصيير بتخوووف .
و الله يعين المواطن الي اكلها من جميع الجهات

[الدولار الادلبي]

شو توقعاتكم لسعر
الذهب العالمي

[karmawii]

انا بتوقع السعر حينخفض شوي هالاسبوع او حيستقر شوي ... واذا ما تدخل المركزي حنشوف الاسبوع الجاية الجنان ع اصوله