سعر صرف الليرة مقابل الدولار 21-7-2012 في السوق السوداء

[beshr]

مساء الخير جميعا
دمشق :

شراء 71
بيع 73

ومتوفر بيعا وشراء

[ماهر محمد]

شو كمان هون الشلل لحقنا
يا شباب يلي نازل يجيب شي من هل شغلات لا ينزل
بيض
جاج
لحمة
لبن عادي
خبز
رقائق عجين

بنزين
مازوت
غاز

.
يضل صايم أحسلوا

[tarek]

حلب 70.5 71 متوفرالذهب الكسر 3135 3145

[mak]

كيلو الخيار ب 90

[loai]

قال الاقتصادي السوري سمير سعفان "إن حدود التدهور للعملة السورية لا يمكن توقعه أو تقديره، لعدة أسباب من بينها لجوء النظام لمعالجة سعر صرف العملة على الاقتراض الداخلي عبر الاستدانة من البنوك المحلية المودعة لدى المصرف المركزي، بالإضافة لطباعة المزيد من العملة وهو ما يعرف بالعلاج بالتضخم".

وأضاف "شهدنا مثل هذا الأمر يحدث في العراق، حيث بدأ انخفاض العملة تدريجياً من 10 إلى 30 ثم 100%، وبعدها وصل التدهور إلى مستويات حادة، أما اليوم فالحكومة السورية قد تلجأ للتمويل بالتضخم، فقد قاموا بطبع كميات كبيرة من النقود في روسيا، وفي حال إنفاقها سنرى مزيداً من التدهور".

وأشار الخبير الاقتصادي السوري إلى أن مجمل الأحداث تأتي في سياق التصعيد في العاصمة دمشق وتترافق مع الخوف بشكل عام من تدهور الليرة، وهو ما يخلق تأثيراً سلبياً يقود لتآكل قدرة الدولة المالية، بما لا يجدي معها التصدير أو التجارة أو حتى الدعم من إيران أو العراق، وتبقى قدرة النظام على الدفاع عن سعر صرف الليرة محدودة".

[GoldMan$]

الاتحاد الاوروبي ينوي تشديد العقوبات على سورية الاثنين

ديروا بالكم بيجوز يوقفوا تصدير قطع صيانة جاطات الفلافل وجلدات غاز
ويمكن كمان يوقفوا تصدير سيارات مرسيدس وفيراري ... وجب التحذير
والله عيب يروحوا ينضبوا ببيوتهم ويخلونا بحالنا ...

[GoldMan$]

اقتباس: المشاركة الأصلية كتبت بواسطة tarek    حلب 70.5 71 متوفرالذهب الكسر 3135 3145

والله غريب هالشي باللاذقية السعر اقل كمان وعم يوصل الشراء لحدود 69 والبيع 70

شو هالسر الغريب وراء قوة الليرة

نزوح عائلات من دمشق الى بيروت برأيكم اخدين معهم سوري ولا دولار وهيك شي تقدير كام المبالغ الطالعة برات البلد بهالكم يوم الماضييين

عرفت السبب ... يمكن ما بقي حدا بالبلد كلو بح كل واحد بطريقته .... لهيك خف الطلب على الدولار

[حسان]

اقتباس: المشاركة الأصلية كتبت بواسطة a_khateeb82    والله غريب هالشي باللاذقية السعر اقل كمان وعم يوصل الشراء لحدود 69 والبيع 70 شو هالسر الغريب وراء قوة الليرة نزوح عائلات من دمشق الى بيروت برأيكم اخدين معهم سوري ولا دولار وهيك شي تقدير كام المبالغ الطالعة برات البلد بهالكم يوم الماضييين عرفت السبب ... يمكن ما بقي حدا بالبلد كلو بح كل واحد بطريقته .... لهيك خف الطلب على الدولار

انت شوف قوه الليره لما يصير كيلو الخيار ب 90 وهو انتاج محلي...
ومثلما قال حاكم المصرف (بما معناه) : المهم سعر الدولار (كرقم فقط) ومن بعدها الطوفان!!!...

[مجرد إنسان]

ربطة الخبز تباع ب 400 ليرة سورية ..
مبروك

[tarek]

اقتباس: المشاركة الأصلية كتبت بواسطة a_khateeb82    والله غريب هالشي باللاذقية السعر اقل كمان وعم يوصل الشراء لحدود 69 والبيع 70 شو هالسر الغريب وراء قوة الليرة نزوح عائلات من دمشق الى بيروت برأيكم اخدين معهم سوري ولا دولار وهيك شي تقدير كام المبالغ الطالعة برات البلد بهالكم يوم الماضييين عرفت السبب ... يمكن ما بقي حدا بالبلد كلو بح كل واحد بطريقته .... لهيك خف الطلب على الدولار

يا اخي مو غريب ابدا وهاد الشي المتوقع ولسا اكثر ....في مين درس السوق منيح وعرف كام العرض والطلب وعمبحرك السوق بشغلة 100 مليون دولار اضافة الى الاشاعات و اللي انتشرت كتير بين التجار وفي كل اشاعة كان السعر بيرتفع بشكل كبير وبعدين بينخفض بشكل مفاجئ يعني في مين عمبستغل عواطف المواطنين وببلش بيقول العملة الجديدة وصلت والعملة انهارت مع تخفيف العرض بشكل مقصود متل لما منعوا تمويل المستوردات ولما بيوصل السعر للحد المناسب بيبلش ضخ الدولار زيادة عن احتياج السوق مما يؤدي الى انخفاض في سعر الصرف بشكل تدريجي لا يلبث ان تعقبه حركة بيع جماعي بسبب الخوف من النخفاض اكثر مما يؤدي الى انخفاض السعر بشكل كبير وعندها يتدخلوا ليشتروا الدولار باسعار منخفضة جدا وتحقيق ارباح هائلة