مطلوب إبداء الرأي

[NetPro]

اقتباس: المشاركة الأصلية كتبت بواسطة غالب    -المبلغ الاساسي يتناقص شهر بعد شهر وسيكون من الصعوبة بالمبالغ التي تتناقص ان يبقى يحقق ربح شهري اكثر من 4000 وخصوصا بعد ان يقل اساس المبلغ للنصف وسيكون الشهر الاخير مثلا صعب جدا

طبعاً أخي هي متناقصة ولكن المفروض تكون محسوبة على مجمل الفترة وليس فقط عن آخر شهر فإذا كانت بمجمل الفترة رابحة فلتكن.
أنا هيك حسبتها واشتريت بيت بهذه الطريقة.
يعني انا وانت تقريباً نحن متفقين بالنقطة الأولى.
النقطة الثانية بالنسبة للدولار انا أرى أن احتمال الانخفاض (ليس 50% أبداً) وأيضاً مقداره بحال حصل أقل بكثير من احتمال الارتفاع ومقداره. (هذا رأيي وقد أكون غلطان)

طبعاً القرار النهائي لصاحب السؤال أنا فقط بينت رأيي وما قمت أنا شخصياً بعمله

[Dr Imado]

الاخوة الأعزاء فهد و نت برو و مجد :
كل الشكر على الإهتمام , أنا متأكد من الأرقام المذكورة حيث أن هذا القرض يسمى القرض الشخصي و هو بمعدل فائدة ثابت حوالي 8 % على أساس المبلغ الأصلي وهو 600000 ل.س وعلى عدد السنوات و هي ثلاثة .
وهذا عرض خاص حالياً من البنك إذا تم تسديد المبلغ المتبقي دفعة واحدة يعفى من كامل الفوائد وحتى الرسوم . مع العلم أن المبلغ هو فقط بالدولار ولا يوجد أي استثمار .

[Dr Imado]

أخي الكريم نجم :
والله هذا احساسي ولولا ذلك لكنت سددته فوراً
شكراً لإهتمامك

[Dr Imado]

الأخ المحترم عابر:
شكراً جزيلاً للإهتمام
فهمت من كلامك انو الترقب أفضل حالياً
وعلى مبدأ لا تموت ليجيك الموت بعكس الأخ غالب
دمتم بخير

[najm]

اقتباس: المشاركة الأصلية كتبت بواسطة Dr Imado    أخي الكريم نجم : والله هذا احساسي ولولا ذلك لكنت سددته فوراً شكراً لإهتمامك

على راسي دكتور
بدون حلفان انا اول من تنبئ بسوريا ان الدولار سيصل الى 100
والصراف يليي قلتله هل الحكي بوقتها فكرني مجنون .
والان مابدي قول لوين الاوضاع الاقتصادية رايحة املا ان لا يتحقق ظني

[BROKER]

لا يمكننا التوقع في ظل عدم وجود مؤشرات بيانية

لكن الحدس يقول ( ان تسدد بشكل شهري) ولا ترف الدولار

طالما ان هنالك 11 شهر متبقي ( يخلق الله ما لا تعلمون )

والقدر يقع بدقيقة

بالتوفيق الله ييسرلك الخير دكتور عمار

[عابر مجيب]

اقتباس: المشاركة الأصلية كتبت بواسطة Dr Imado    الاخوة الأعزاء فهد و نت برو و مجد : كل الشكر على الإهتمام , أنا متأكد من الأرقام المذكورة حيث أن هذا القرض يسمى القرض الشخصي و هو بمعدل فائدة ثابت حوالي 8 % على أساس المبلغ الأصلي وهو 600000 ل.س وعلى عدد السنوات و هي ثلاثة . وهذا عرض خاص حالياً من البنك إذا تم تسديد المبلغ المتبقي دفعة واحدة يعفى من كامل الفوائد وحتى الرسوم . مع العلم أن المبلغ هو فقط بالدولار ولا يوجد أي استثمار .

بتفتكر عزيزي البنك كريم كتير حتى يعطيك عروض لمصلحتك ؟
لو ما كان الأفضل إلك ، انك تستمر بالقرض ما كان عطاك إغراءات .

[SyrianWolf]

أخي الكريم, بس لمعلومك القرض تبعك وفي حال المعلومات ياللي ذكرتها حضرتك صحيحة فهاد القرض نهب بنهب وسرقة موصوفة كمان.
قيمة القرض 600000 لمدة 3 سنين مع دفعة شهرية 20700 بيكافئ فائدة سنوية مركبة قيمتها 14.66%.

أنا مارح فوتك بمتاهات وأسس حسابات القروض بس البنك غشك لأنو أقنعك أنو لما بتكون الفائدة ثابتة 8% ولمدة 3 سنين وبالتالي قيمة الفوائد الكلية 144000 ل.س.
بس هاد الحكي بيكون صحيح لما إنت بترجع القرض بعد 3 سنين بقيمة 600000+144000 (دون تقسيط), بس لما بتكون عم تقسط القرض فقيم الدفعات الإجمالية بيكون أقل بكتير من 600000+144000.

يمكن مارح تفهم عليي بس يللي بيشتغل بالبنوك وبيعرف كيف بتنحسب القروض المفروض يفهم عليي.

للأسف أديش في عنا استغلال لجهل الناس بحسابات القروض

وأنا بضم صوتي للفريق يللي نصحك تحتفظ بدولاراتك وماتفرط فيهم, والله يوفقنا جميعاً ويوفقك.

[غالب]

ما رح ناقشك برأيك حول السداد ام لا بس بحب قلك انو انا تعبت كثير لاحاول اقناع الناس المقترضين انو البنوك نصابة لما بتقلك فائدة 12% سنويا والتسديد شهري للقرض والفائدة ولمدة خمس سنين يعني هي لنص المدة كل المبلغ بضعف الفائدة .

يعني كأنك ماخذ كل المبلغ لسنتين ونص بفائدة 24% وما كان حدا يصدق او يقنع بما فيهم موظفي البنوك .

البنوك تسرقنا بجهلنا .

[SyrianWolf]

أستاذ غالب, في تشريع بأميركا من سنة 1968 -يعني من القرن الماضي وقبل مانخلق!!- اسمه TILA - Truth in Lending Act (تشريع الثقة والصدق في الإقراض http://en.wikipedia.org/wiki/Truth_in_Lending_Act) بيلزم فيه البنوك أنو تبين وبشكل واضح للمواطن/المقترض قيمة القرض والفائدة السنوية وطريقة الاحتساب. وأي بنك بيخالف هالتشريع بينخرب بيتو وبيفلس.

أنا براهنك -وبكل احترام ومحبة- أنو إذا هاد التشريع بيتطبق على البنوك يللي عنا وبالأخص البنوك الخاصة لييسكر معظمها وهالحكي على مسؤوليتي.

وسبب هالمشكلة -برأيي- هو مناهج التدريس والتعليم يللي كان المفروض تعلم الناس حتى ماينضحك عليها أصول حسابات القروض (طالب ثانوي علمي بيقدر يستوعبها). بينما الشي الموجود حالياً بالمناهج بما يخص موضوعنا هو شي كتير بسيط وبدائي وغير عملي.

أمّا موظفي البنوك فأنا بأيّدك, وهنن مدربين متل المكنات. وبتكون كتير غلطان إذا بتغلط وبتستفسر معون عن شي بيشبه موضوعنا لأنو رح بيضيعوا هنن ويضيعوا وقتك.

هاد الموجود!!...