طلب مساعدة - قنينة غاز-

[Salam L]

هههههههههههههههههههههههههههههه


طيب اذا راحت شي صبية حلوة على مركز توزيع الغاز بيعطوها ياترى دور متقدم وبتحصل على المطلوب خلال دقائق؟؟

[غسان]

اقتباس: المشاركة الأصلية كتبت بواسطة salam l    هههههههههههههههههههههههههههههه طيب اذا راحت شي صبية حلوة على مركز توزيع الغاز بيعطوها ياترى دور متقدم وبتحصل على المطلوب خلال دقائق؟؟

لأ ....مابنصح العنصر النسائي يروح عالمركز ابدا ابدا
بالازمة الماضية والتي حدثت السنة الماضية
انقتلت رجال مشوربة مشان قنينة غاز وقت صار خناقة عالدور ( انقتلت يعني ماتت مواكلت اتلة)

[Tareq]

أبشر ابو النور. القنينة جاهزة ازا بتحب. اشتريت قنينة من فترة وبعدها مليانة ويلي عم يستخدموها بالبيت بدها فترة لتخلص. انا حاليا مو موجود بالشام بس ازا بتحب بدلك على البيت تاخدها لبين ما تخلص يلي عندي بتوقع ازمة الغاز بتنحل.

لك يلي عم يحرق قلبي انو هون عم يحرقو الغاز المرافق للنفط لانون ما بيستخدموه ولك أأأأأخ لو فيني عبيه. كمية الغاز يلي عم تنحرق يوميا بتغطي حاجة سوريا كلها.

[Tareq]

اقتباس: المشاركة الأصلية كتبت بواسطة salam l    هههههههههههههههههههههههههههههه طيب اذا راحت شي صبية حلوة على مركز توزيع الغاز بيعطوها ياترى دور متقدم وبتحصل على المطلوب خلال دقائق؟؟

والله يا اخت سلام ازا منخلي اي صبية تروح فعيب على الشوارب يلي بوجوهنا. منوقف ساعات ولا منحيجكون لهيك موقف.

[غسان]

اقتباس: المشاركة الأصلية كتبت بواسطة tareq    أبشر ابو النور. القنينة جاهزة ازا بتحب. اشتريت قنينة من فترة وبعدها مليانة ويلي عم يستخدموها بالبيت بدها فترة لتخلص. انا حاليا مو موجود بالشام بس ازا بتحب بدلك على البيت تاخدها لبين ما تخلص يلي عندي بتوقع ازمة الغاز بتنحل. لك يلي عم يحرق قلبي انو هون عم يحرقو الغاز المرافق للنفط لانون ما بيستخدموه ولك أأأأأخ لو فيني عبيه. كمية الغاز يلي عم تنحرق يوميا بتغطي حاجة سوريا كلها.

حبيبنا طارق لاينحرق قلبك ولاشي

مالعرب من ميت سنة عم يحرقوا الثروة يلي الله عطاها لهم وهالحرق عم يكون بمطارح واساليب مختلفة ....لنشوف لايمتى هالجنان ؟؟؟

طيب المرة الجاية جبلنا شوية غازمعك وانت جاية من البصرة ونتقاسمهم عند ابو شفيق

[Salam L]

اقتباس: المشاركة الأصلية كتبت بواسطة غسان    لأ ....مابنصح العنصر النسائي يروح عالمركز ابدا ابدا بالازمة الماضية والتي حدثت السنة الماضية انقتلت رجال مشوربة مشان قنينة غاز وقت صار خناقة عالدور ( انقتلت يعني ماتت مواكلت اتلة)

ماتوا عن جد؟؟ اوف لهي الدرجة الحالة هنيك صعبة...

قلت لحالي اذا اجى شي عنصر نسائي بيبعدوله هالناح وهالناح وبيعطوه طريق .. وبيمدوله سجادة حمرا كمان هههه

بس يمكن عصر المعجزات انتهى من زمان ههههه

[Salam L]

اقتباس: المشاركة الأصلية كتبت بواسطة Tareq    والله يا اخت سلام ازا منخلي اي صبية تروح فعيب على الشوارب يلي بوجوهنا. منوقف ساعات ولا منحيجكون لهيك موقف.

هدول الناس اللي بيحكوا هيك للأسف صاروا عملة نادرة....

أحيانا كتير بشوف بالليل على طريق بيتي نسوان وبنات صغار حاملين ربطات خبز جنب المخبز وواقفين عم يبيعوا... :k::k::k:

[M.Watson]

اقتباس: المشاركة الأصلية كتبت بواسطة Tareq    والله يا اخت سلام ازا منخلي اي صبية تروح فعيب على الشوارب يلي بوجوهنا. منوقف ساعات ولا منحيجكون لهيك موقف.

لفت نظري تعليقك مسيو ...حضرتك بالصورة مالك مربي شوارب بقا كيف قسمك بدو يتنفذ !!!!

[M.Watson]

وانا بدي انينة

بس باعتقادي الازمة تمثيلية مشان يرفعوا السعر قنينة الغاز

بس ترتفع سعرها بتخلص الازمة لذلك محا وقف على الدور و دافش العالم

[غالب]

اقتباس: المشاركة الأصلية كتبت بواسطة tareq    أبشر ابو النور. القنينة جاهزة ازا بتحب. اشتريت قنينة من فترة وبعدها مليانة ويلي عم يستخدموها بالبيت بدها فترة لتخلص. انا حاليا مو موجود بالشام بس ازا بتحب بدلك على البيت تاخدها لبين ما تخلص يلي عندي بتوقع ازمة الغاز بتنحل. لك يلي عم يحرق قلبي انو هون عم يحرقو الغاز المرافق للنفط لانون ما بيستخدموه ولك أأأأأخ لو فيني عبيه. كمية الغاز يلي عم تنحرق يوميا بتغطي حاجة سوريا كلها.

اخي طارق شكرا لك موقفك نبيل - مو مثل بعض جماعة -

بعدين جماعة المنتدى بالمشروع مساويين نقطة تفتيش اي واحد غريب بيشلحوا قناني الغاز الفاضية والمليانة.
- بحمد الله تم تأمين قنينة امس عصرا عن طريق محل فروج جيراننا بالمنطقة بسعر 800 ليرة وهلء بتقضينا بين 25-30 يوم ولوقتها بيفرجها الله .

قصة حرق الغاز المصاحب للنفط يمكن فنيا مختلفة عن غاز الطبخ المنزلي وهذا بدو معامل لاستخراجه وتسييله وقصص فنية كثيرة .

وبدك تروح على كركوك وتشوف النار الازلية موجودة قبل ما يوجد الانسان ومستمرة منذ الاف السنين .
شكرا لك اخي طارق نرد لك اياها بالافراح .