سعر صرف الدولار والذهب مقابل الليرة السورية ليوم الأثنين 14 - 04 - 2014

[أبو صطيف]

جزاكم الله خيرا ً جميعا
مع شكر خاص للأخ تيسير أبو محمد

[رشاد حج علي]

مسا الخير
اغلاق بيروت
170/171__________171,5
طبعا في محلات 168 بشكل عام اغلب الصرافين كامشين ايدن ع البلدي بحجة مافي ولسا مااجت بضاعة بتوقع مسلسل الانخفاض جاري

[عابر مجيب]

ماذا كانت محصلة الأيام الماضية ، هل انتهينا بهبوط أم صعود ؟
الحد الأدنى للسعر ، أظهر منطقة دعم عصية على الاختراق ، مع منطقة مقاومة بقيت مفتوحة !
ما دلائل تسعيرة الذهب ؟
هيك بنختصر كتير من العي .

[جوليت]

اهلين سيد تيسير والله حطيت قلبي على ايدي انك تروح تنزل كل مشاركة لحالها ,والله عم دوخ انا وعم اقراهون ,,,, شفت هيك مااحلاهون ورا بعض , جد بجننون وبنفهم الحركة أكتر , شكرا لك سيد تيسير
-------------
سيد غولدمان بشرفني انو معتبرني اخت (وحقيقة انا انثى مو رجل ) , بس بدي الك شغلة رقم الحوالات اليومية أكبر من 7 مليون .... وهذه حقيقة
بعد اذنك ليش السيد ميالة قال 20 بالمية من التحويلات ؟؟؟؟ ورجع قال اي بين 2.5 -3 مليون ؟؟؟؟
طيب ال20 بالمية تبع الست مليون بيطلعو 2.5 الى 3 مليون ؟؟؟
سيد غولدمان بالنسبة للشفافية ..أرجو منك فقط ان تقرأ الادعية التي يقولها السيد الياطر يوميا عند افتتاحية الصالة واتمنى ان تقول أمين ( والعفو منك طبعا أنا لا أشك انك تقولها ولكن فهمك كفاية )
سيد غولدمان راجع مشاركتك لما صار الدولار 183 وارجو انو تتطلع بمن استنجدت بعد الله (عالقلية هيك انا فسرتا أنو استنجدت ) .... شكرا لك اخ غولدمان كاخ عزيز
-----------
تنويه : طبعا بدون العذر من الاعضاء عالاطالة .. لأنو بكل بساطة يلي مو حابب لا يقراها

[Tomy]

اقتباس: المشاركة الأصلية كتبت بواسطة hasobman    وهي ادني متل حلبي لماذا كل هالغموض من مبارح لليوم شي تدخل اليوم وشي تدخل الاسبوع الجاي وشي مستوردات وشي ما بعرف شو انا زلمي بسيط وعالبركة بمشي الحيط الحيط وبقول يارب اشوف شو ورا ما بعرف دوخ ولا بحب حدا يدوخني السوق طلع وشحطولو فرام بالتدخل على عيني وراسي ومشكورين كتير بيطلع القرار تدخل يوم الاثنين بمبلغ كذا وبسعر كذا على ان يتم التدخل القادم يوم الاثنين الي بعدو والخ تانيا كان التدخل للبيع للمواطنين صار التدخل لبيع المواطن وللمستوردات بكرة التدخل بيصير لكل شي مصروفات بالعملة الصعبة والله العظيم 3 ما في بمخي حاليا سوى شغلة وحدة بس ما رح قولها خليها مفاجئة تالتا فعليا نحنا طلعنا من 155 الى 175 بس احساسنا بعد الطلعة لل 185 عم يقول الحمد لله نزل السوق وما سفح لفوق يعني عم نرضا بالواقع والحمد لله على كل حال بس فيلم الاكشن الي كل فترة رح نشوفو ومن فترة توقعت انو رح نمر بفترة قادمة مليئة بالمفاجئات بس كلو على حساب المواطن الغني والفقير والمضارب والمدخر والمسافر والمقيم بالاخر الله يهدي البال والاحوال بس تعبنا والله العظيم تعبنا يا ارحم الراحمين ارحمنا والى غيرك لا تكلنا يا رب العالمين

والله كلام حلو الله يقويك

ويارب امين

[alternative]

دمشق اغلاق
174 - 176
يعني كل هالظيطة والظمبليطة
ومدري كم جلسة تدخل مشان 5 ليرات
بس مع هيك هاد الرقم انجاز كبير للمركزي

[تيسير ابو محمد]

ياشباب
بنفس السوق احيانا بتلاقي مين يشتري باسعار متفاوتة
مثلا اليوم للشراء
175//174//172.5//173// ما في سوري
لكن نحن ننقل السعر الاكثر تداولا ولو بدي اقسم الاسواق للاسعار كنت حطيت خمس للست اسعار بنفس الوقت
لكن الشي الوحيد الذي نركز عليه هو المبيع لانه يوضح السوق
دمتم بخير

[عبدالقادر]

لسا القطيع ما اشتها .عالنزوك لساتو متكركب وشاري بالرخيص .والصرافه كذلك

[تيسير ابو محمد]

سعر اغلاق اليوم مشابه لافتتاح البارحة
باغلب المناطق
هذا يدل ان المركزي الغى يوم من الطلوع

[عبدالقادر]

من يوم مالمركزي اعلن عن تدخل والحيط بقربنا اليه .حسينا المركزي ملك ايدينا واذ طلعنا ملك ايدييه...