صالون سيرياستوكس للعطلات(31ت1-1-2-3 ) تشرين الثاني-2013

[رندة]

[لقماان]

اقتباس: المشاركة الأصلية كتبت بواسطة omar1964    صباح الخير ان شاء الله بترجع سورية متل اول و احلى شكراً روميو و الله سورية بلا حماصنة مو حلوة و الله رزقنا بالمنتدى بحماصنة من الطف و احلى الناس ابو حكيم الدين ( المقل بهاليومين ) و حضرتك و الاخ حمصي مع سبق الاصرار

صباح النور للجميع
صباح الخير أخونا أبو عمر السلموني....
ترى انا شايفكون ها ...
بس هالكام يوم مصاب بكريب الترشيح الافتراضي...
و بتعرف وئت الواحد بيرشح ما عاد يطلع صوتوا ....
------------------------------
سوريا بلا الحماصنة مو حلوة..!!مو أكيد
بس الاكيد انو حمص بلا الحماصنة مو حلوة ...

[Hany Basha]

اقتباس: المشاركة الأصلية كتبت بواسطة هزار    مسا النور سيد هاني معقول في هيك ناس يا لطيييف الله لا يبلينا :-)))

صباح النور للست هزار
صباح النور للجميع
أخت هزار في أسوء من هيك كمان

[ياسمينة]

بونجورنو يا اصدقاء

[Hany Basha]

اقتباس: المشاركة الأصلية كتبت بواسطة omar1964    وعليكم السلام أخي هاني إن شاء الله الامور الصحية الك و للمحروس رأفت بخير؟

شكراً جزيلاً أخي العزيز
أموري الصحية والحمد لله في إستقرار نسبي و رأفت بخير و الحمد لله
أرجو منكم جميعاً الدعاء لنا ولرأفت خاصة بالشفاء العاجل

[رندة]

اقتباس: المشاركة الأصلية كتبت بواسطة hany basha    شكراً جزيلاً أخي العزيز أموري الصحية والحمد لله في إستقرار نسبي و رأفت بخير و الحمد لله أرجو منكم جميعاً الدعاء لنا ولرأفت خاصة بالشفاء العاجل

يسعد أوقاتك أخ هاني
والله يعافيك ويعافي رأفت ويحميلك ياه

[رندة]

اقتباس: المشاركة الأصلية كتبت بواسطة ياسمينة    بونجورنو يا اصدقاء

100 بونجورنو

[ياسمينة]

اقتباس: المشاركة الأصلية كتبت بواسطة رندة

في ناس عايشين بيناتنا الهون صفة اول تلت احرف منها هية منحبـــ.... عايشين تحت ...شايفين الدنيا متل ما بيحبو يفرجوهون ياها .. المصيبة بقى انو العلم بيخليك تشوف الاشيا على حقيقتا بس مو هون المصيبة الي قصدتا ..المصيبة الي قصدتا انو فعلا في ناس متعلمة واكلة الكتب اكل بس وقت اجى وقت الطبيق كلو تبخر ... منرجع لفكرة حكيتو فيها بالصالون انو مو كل مين حمل شهادة بيفهم والله في كل ............................ معوشهادة بدو حلم الله

اقتباس: المشاركة الأصلية كتبت بواسطة عابر مجيب    فكرتنا عن الديمقراطية كانت خطأ الديمقراطية ، هي انك ينفرض عليك شخص ، وإذا ما عرف يعمل شي ، بينعطى فرص ومعو معو بيتعلم ، وبيجوز يطلع معو شي ، وإذا ما طلع معو شي منيح بيكون أمرنا لله ، وإذا طلع معو شي سيء بنسامحو ، ليش العجلة ؟!

شو مشان فئعتني ضحككككككككككك عن جد عن جد هيك الديموكراسي عنا ... هاد موجود بيفهم اوك ...ما بيفهم منعملو بيفهم... ما زبط ..هاد الحاضر ...بتصير انت تفهم متل ما هو بدو يفهمك... ما العلة فينا ...هو جلالتو بيفهم ..

اقتباس: المشاركة الأصلية كتبت بواسطة حكيم الزمان    تشـاهدون في هذه الصـورة أخطر كائـن على وجه الأرض بـ اللون الأسـود , لأنه يتسبب في مقتل الملاييـن كـل عـام , وبجانبـه يسبـح قـرش أبيـض مسـالم لطيـف !!

صدقت

اقتباس: المشاركة الأصلية كتبت بواسطة omar1964    الابداع ان تقول الكثير في القليل من الكلمات. ---- صموئيل بتلر كاتب بريطاني 1835م - 1902

يعني التويتر ^_^

اقتباس: المشاركة الأصلية كتبت بواسطة هزار    صحيح تماما هي الفكرة التانية الي كنت بدي اطرحا الي ما انتظرها الاستاذ عابر انو الدولة تساعد بخلق فرص عمل جديدة ديما لحتى يحسن الاشخاص الي مو كتييييييييييير مميزين يحصلو على عمل و يتميزو هلأ في شي جديد خلق فرص عمل جديدة هية البنوك الصغيرة الي بتعطي قروض تنمية و قروض صغيرة فتح أكتر من شركة بهالخصوص و بجد عم تحقق وظايف لكتير أشخاص فاذا بتكتر هيك أفكار كتير بتساعد لحل مشكلة البطالة عننا بصراحة أنا بلاقي كأن خريجين الاقتصاد فرصن بالعمل أسهل من المهندسين و غيرو ... هيك بحس ما بعرف اذا فكرتي صحيحا بحسن كيف ما شلفتن بيمشو حالن :-)

الدولة .. انو دولة .. انت وين عايشة ؟
دليني على هي الدولة لهاجر عليها الله يرضى عليك .. ولا تقليلي يابان انا لهلا عم غص بالموضوع تبع اليابان .. واذا انت باليابان بروح بس بدي بادجت هالقد قدها لانو من اغلى بلدان العالم .. دليني ماشي ....

هلا اذا انت فرضا فرضا ها عم تحكي عن سوريا ما بتعمليا بس اذا فرضا عن جد عم تحكي عليها اي بتعطي فرص على ابو جنب لناس ما بتعرف الله وين حاطتها ..بس لانو بتعرف فلان ..وبنت فلان ...او المعلم هيك بدو... بيكون شقفة كاتب تقارير ما بيسوى فرنجين... فمنشوف نص ممرضين/ات واذنة او حتى موظفين/ات البلد هيك شغالين وتاركين الي بيسحتقو يموتو جوع .. بيستاهلو ما هنن ما زقفو وكانو من صف سعادتو .. اذا قصدك عن هي الفرص... بهي معك حق فيها ...بتعطي ...بس بدها تكسير ايدين على هالاعطية .. وعلى هالمقياس .

اقتباس: المشاركة الأصلية كتبت بواسطة روميو    تعا نتذكر سوريه سوا .. سوريه يعني ...... لعبة طابة بالحارة والنتيجة 23- 26 سوريه آكلة فول يومالجمعه بأقل من 50 سوريه كاسة السكر + 5 ليرات بتاخود كيس غزل البنات سوريه برمضان تدق عجيرانك تقلون امي اشتهتلكن هالطبخة سوريه تدق عجارك تقلو بدي رغيف خبز نقطعنا يعطيك ربطة سوريه رمضان كريم من جرس الكنيسة سوريه ميلاد مجيد من مآدنة الجامع سوريه شب بياكل اتلة لانو لطش بنت سوريه كاسة تمر هندي من البياع يلي لابس عربي سوريه العراضة والسيف والترس سوريه وطي الصوت جارنا مريض ما حلوة سوريه شب ماسك ايد ختيار وعم يقطعو الشارع سوريه نفس اركيلة وكاسة مته ودربكه حلوه عالكورنيش سوريه تفيق عصوت فيروز وفنجان القهوة سوريه تسمع اصابيع الببو يا خيار وغاز غاز وعالمكسر يا بطيخ هههه سوريه العرس لـ 4 الصبح سوريه العيد من قبل يوم الوقفة لخامس يوم ولك شو بدي احكي لاحكي والله بدا كتب لتوصف سوريه سوريه الام يلي بتلم والاب يلي بيربي سوريه جنة الله على الارض لك الله يعافي جروحك يا وطني ..

كانت سوريا هيك وحلوة كتير... بس بتعرفو انو ما حدا بيتغنى بهي السوريا غير الي ما صابو شي من كل شي صاير... مو معقول واحد بيتو وتهدم بيحن يسهر للاربعة الفجر بشي عرس
ولا وحدة ولادها استشهدو نفسها كابسة على اكلة فول .. صحيح ولا انا عم حشش وخبص كتير !!!
بدنا سوريا الي الاخ ما بيدبح اخوه ولما حدا يعترض بيصير هو الخطأ
بدنا ام ما تبكي ولادها واحد ورا التاني على قضية اصلا خسرانة تبعتو عالموت ليقتل اخوه
بدنا سوريا الي الكل فيها بيهتم باخوه مو بيحرمو لقمة الخبز وبيشوف اولادو عم يموتو جوع ..
بدنا السوري لما يكون خايف مو خايف من الناس الي المفروض تحمينا وادافع عنا
بدنا سوريا الي ما توصلنا نفرح لموت كتير سوريين جربو يقتلونا .يدبحونا.. يهجرونا ..يقصفونا.. ويضحكو فوق جثثنا
هي السوريا ..مو الوهم الي كنا عايشينو.. ولو مو موجود ما كان صار كل شي عم يصير هلا
كنا عايشين كذبة وفقنا وهلا عايشين حقيقة
كلو بيحلم انو يكون هلا عايش كابوس ويجي حدا يفيقو يقلو فيق فيق طلع كابوس.. انا بقول منيح فقنا هلا لنلحق حالنا شوي على حياة عيني شوف سوريا عم تنضف حقيقي وقد ما كان التمن غالي

[رندة]

اقتباس: المشاركة الأصلية كتبت بواسطة هزار    طيب سيد عمر شو رأيك تحددلي بالورقة والقلم بشو شارك هيك بترتاحو من مشاركاتي و انا بريح راسي لأن مو معقول هالحكي لحتى تكون بالأول المشاركة الي انا علقت عليها جوهرية وقتا بيكون حقك عليي شكرا قلك :-)))

يسعد أوقاتك أخت هزار

نحن فخورين انو في عنا مشاركات مفيدة وراقية متل مشاركات الاساتذة عابر و عمر
( ومشاركات معظم المتابعين المثابرين في الصالون هيك )

وهنن مكسب للصالون بوصفن ثقافة عميقة مع تواضع ونشاط

بدك تاخدي هالشئ بعين الاعتبار وقت بدك تعلقي على مشاركاتن اذا كان ولابد

[هزار]

اقتباس: المشاركة الأصلية كتبت بواسطة رندة    يسعد أوقاتك أخت هزار نحن فخورين انو في عنا مشاركات مفيدة وراقية متل مشاركات الاساتذة عابر و عمر ( ومشاركات معظم المتابعين المثابرين في الصالون هيك ) وهنن مكسب للصالون بوصفن ثقافة عميقة مع تواضع ونشاط بدك تاخدي هالشئ بعين الاعتبار وقت بدك تعلقي على مشاركاتن اذا كان ولابد

يسعد أوقاتك سيدتي

بس عفوا سيدة رندا أنا بحترم الجميع و السيد عابر و السيد عمر عندي ياهن أنا كمان من الأشخاص المميزين الي بتهمني آرائن و مشاركاتن و لولا مو شايفتة أغلب مشاركاتن مهمة ومفيد و راقية كنت ما بعلق و بحاول ناقش حضراتن

بس أنا لما بكون عندي فكرة بطرحا بغض النظر عن الشخص الي قدامي فاني غير أفكاري بسبب الشخص الي طرح هالفكرة فأنا بعتذر لأن هاد الشي مو بس انا ما برضاه انتو كمان ما بترضوه

و بعتذر اذا أزعجت أي حدا بتعليقاتي بس انا قلت للسيد عمر اني ما كنت متقصدة ولا حتى متذكرة اذا علقتلو اكتر من مرة ولا لا و لا حتى شو كان مضمون تعليقاتي

عم اتعامل بعفوية مع احترام الجميع
مو تمثيل لا و الله الجميع دخل قلبي مع اني ما بعرف حدا شخصيا

وشكرا لقلك :-)))