صالة أسعار صرف الدولار وباقي العملات ليوم الاثنين 15-7-2013

[Dynamic Pulse]

اقتباس: المشاركة الأصلية كتبت بواسطة الياطر    مساء الخير للجميع سلام خاص لابو محمد الحبيب وسلام موصول للبطحيش سلامي للاخ باسل بعرف انكن مبسوطين وانا معكن انشاء الله بكرا بكمل السعر نزول يا رب

وتحياتي وتحيات البطحيش إلك
أنا بحيي فيك مصداقيتك
صحيح كل إنسان بيتأثر بشغلتو
فكيف إذا كان شغلك الذهب؟

[Dynamic Pulse]

يلا بعتذر منكم بدي لحق التراويح

[باسل غ]

بعتذر اخي ابو حماده على الرد على رسالتك الخاصه على صفحة العام انا عندي مشكله بالرسائل كرمال اطمن

انو ردي وصلك على الاكيد


اخي الكريم

مباركه طاعتك انشا الله تكون انت والعائله الكريمه بالف خير

قسم المبلغ يلي معك على عشر اقسام وابداء بالشراء بعد بكرا

بكرا في جلسه تدخل المركزي بالسوق ابداء الشراء بالقسم الاول بعد اول يوم من جلسة التدخل

وكل يوم او يومين اشتري بجزء

الله يوفقك[/quote]

[مجد]

اقتباس: المشاركة الأصلية كتبت بواسطة aymtal    أخي و شقيقي و حبيبي أبو عمر انت المعلم و يلي بتعلمنا كيف نشكر و مين نشكر أنا مقدر شعور البعض بالمنتدى يلي استغربو طرحي المفاجئ اليوم بشكر المركزي بس نحنا تعودنا نقول الصدق فلما ما كان المركزي يتدخل و تارك الامور عالغارب اكيد ما كنا نشكرو و الكثير بالمنتدى كان يتهمو بالتقصير بس لما بالفعل عمل خطة منيحة و تدخل و أوقف انهيار الليرة و بدأ عملية اعادة السعر الى قواعده الحقيقية صار من المطلوب شكرو و كتير أنا المشاهد يلي شفتا الاسبوع الماضي أبل التدخل ما بنساها كانت الناس تحاكي حالها راح تجن و الفقير صار على كف عفريت فعلاً بس لما صار التدخل و توقف الانهيار و عاد السعر بالتدريج أدراجه حسيت فعلاً بارتياح الناس يلي عميتابعو اخبار نزول الليرة بكل فرح و صار عندن أمل حقيقي بالحياة لهيك الت نشكر المركزي اليوم و فعلاً يستحق الشكر يعني بالمختصر و بعد كالهلأزمة الامور ماشلحال هيك و خلي كل واحد فينا يلي عميعترضو عالشكر يفكر لو ما صار التدخل و مرت عدة أيام كنا شفنا الدولار ب ألف ليرة و أنا متأكد من هالحكي و سامحنا أبو عمر و الله يوفق المسؤولين لمصلحة الناس يا رب

بالعاده بغألبية الدول يتم رفع الرواتب بشكل يتناسب مع ارتفاع الاسعار

وايضأ تكون نسبة الفائده تقريبا اكثر من نسبة التضخم

واذأ على مبدا الذي يسرقك ب مليون ويرجع اليك 100الف لازم تشكره .ففي حالة المركزي فهو يستحق السشكر اذا
لنخرج من نطاق التصفيق الاعمى لنخرج من الازمةوهذه النصيحة لنا جميعا وليس مقصود احد بعينه

[oumar]

شباب قديه سعر الاقفال ؟؟؟
و تنصحوني بالبيع بكرا ؟؟؟

[shereen]

اقترحت "وزارة التجارة الداخلية وحماية المستهلك"، على الحكومة في كتاب رسمي ضرورة تعديل سعر أسطوانة الغاز المنزلية الفارغة سعة 12.5كغ ليكون 5000 ليرة بدلاً من 2200 ليرة، والأسطوانة الفارغة سعة 20كغ للعموم بـ7250 ليرة بدلاً من 3330 ليرة، وذلك نظراً لزيادة تكاليف إنتاج أسطوانة الغاز الناتجة عن زيادة بعض بنود التكلفة، وطلبها تعديل السعر النافذ بما يعادل هذه الزيادة في التكلفة.
وأوضح مصدر مطلع لصحيفة "الوطن"، أنه عقد مؤخراً اجتماعاً في مديرية الأسعار التابعة للوزارة، وبحضور ممثلين عن كافة الجهات المعنية "مؤسسة معامل الدفاع والشركة السورية لتخزين وتوزيع المواد البترولية محروقات- مديرية المواد- مديرية حماية المستهلك"، تم خلاله إجراء مقارنة ما بين التكلفة الجديدة "المقترحة" أعلاه وحسب الأسعار الحالية وتبدل القطع الأجنبي والتكلفة النافذة "المعتمدة" ونسب الزيادة المقترحة، حول ما يخص الرواتب والأجور والمستلزمات السلعية والخدمية وغيرها من الأمور.
وذكر أن هناك منعكسات سلبية سوف تترتب على هذه الزيادة، التي من المتوقع أن تكون كبيرة على المستهلك ولاسيما أنها ستكون بنسبة زيادة تصل لحدود 118%
أما المنعكس الإيجابي - حسب المقترح - فهو يهدف إلى ضمان استمرار عملية الإنتاج، وعدم انقطاع المادة من السوق بسبب الارتفاع الكبير في مستلزمات الإنتاج "المستلزمات السلعية"، والتخفيف ما أمكن من المتاجرة في الأسطوانة في السوق غير النظامية.

[ابو حمادة]

اقتباس: المشاركة الأصلية كتبت بواسطة dynamic pulse    أهلين أخي العزيز للأسف أنا مالي صراف بس دائما بحب أضطلع عالسعر منشان تسعير بضائعي المستوردة لذلك مابحسن ساعدك غير بنقل مركز السوق لسببين الأول أنو قوانين المنتدى ما بتسمح والثاني لأني خايف أنو شهامتي الزايدة توديني لبيت خالتي نحنا بالمنتدى منخدم بعض تحت أسماء مستعارة تقبل إعتذاري

اخي العزيز
اولا شكرا لزوقك ولشهامتك
ما بدو الموضوع كل هالقد ومتل ما قلت نحنا بنخدم بعض ولو باسماء مستعارة او غيرها ..
على كلا مركز السوق الذي تقصده هو الحريقة ام هنالك مركز مخفي ومستعار غيره ..

[essamks]

ضخ المصرف المركزي السوري الدولار بسعر 240 امر ساعد الحكومة السورية على استمرار تدفق الدولار والحد من خسائر النقد الاجنبي بينما كان يضخ الدولار بسعر 99 وبعدها ارتفع الى 122 والفرق بين الامرين يعطي المصرف المركزي السوريالقدرة على الصمود للمدى القريب ضد انهيار الليرة السورية وهذا امر نبحث عنه للحفاظ على عملة بلدنا سورية وشكرا

[ابو حمادة]

اقتباس: المشاركة الأصلية كتبت بواسطة باسل غ    انو ردي وصلك على الاكيد

[/quote]
شكرا اخ باسل
وصل الرد
ورمضان مبارك على الجميع

[متابع بصمت]

المركزي عم يلعبها صح ......... مع احترامي للسادة يلي عم يضاربوا عالعملة ويلي ما بيهمهم لقمة الناس ..... بس بحب طمنكم انو المركزي كان عم يتفرج عليكم وانتو عم ترفعوا السعر حتى صار من البديهي انو تشتروا الدولار ب 300 وهلا تحملوا نتيجة طمعكم .....
جاء قرار خفض سعر الدولار مترافقا مع طرح كميات كبيرة من السلع للسيطرة على الاسعار ودفعها نحو الانخفاض لانه من المؤكد انو التاجر يلي بلا ضمير ما راح ينزل السعر وللاسف تعودنا على هالتجار يلي بلا ضمير .... ويلي براسو مخ يحسبها ويشوف كمية الدولار المطروح من المركزي ويضربها ب عدد جلسات التدخل المتوقعة الى سنة من الان ويشوف كمية الدولارات المطلوبة بيعرف انو المركزي اتخذ قرار الدفاع عن الليرة بالوقت المناسب ..... اما بالنسبة للبعض يلي عم يقول للناس لاتبيعوا راح يطلع الدولار فبحب خبره انو من امنياته او احلامه يطلع الدولار ليربح او عالاقل ما يخسر اكتر لانه اشترى بسعر عالي .... اكيد راح يهاجموني بس دفاعي عن حالي هو الايام بينننا وراح تتفاجؤوا من قرارات المركزي يلي ما راح تتوقعوها ابدا ........ مع تحياتي