صالون سيرياستوكس للعطلات(1-2-3-4-5-6) -5-2013

[غالب]

ظهر الخير

طمنونا عنكم

حاج بيسو شو اخباركم

[لقماان]

اقتباس: المشاركة الأصلية كتبت بواسطة غسان    سبحان الله ايام بتكون اللقمه قريبه جدا من فم الواح وتكاد تدخل المغاره ثم تقسم لغيره بس انو متل ماصار معك انو اخدت الصحن كلو انت حبيبي وكتبت الموضوع باسمك بالطابو كمان ،،،،،،،شي حلو وجميل وعاطفي ربما كان بدايه انقلاب تاريخي ارستومنطقيلوجيكال انتركانتيناشونال توشيبا في ترتيب احداثيات الظروف معك لا استبعد ان يصلك مبلغ العشره ملايين دولار على شكل حواله ارسلت لمواطن ثان ستستولي عليها انت بسبب تشابه الاسماء عند التقاء نجمك الصاعد مع محور نبتون بلوتو المريخ وتوافق زهره وعطارد على خط واحد مستقيم ملتوي لا اعرف المنجمين كيف يخبصون ويأتي من يصدقهم ويشتري كتبهم ايضا ........استغفر الله العظيم المهم بلا طول سيره عند الصبح وكلمتين نضاف احسن من جريده وسخه وكل ماهنالك من هذا الكلام ولست انا من يقول ذلك على قوله حكم حلبه المصارعه فيصل قاسم ان حظك مواتي هذه الايام ويوم السعد الاربعا الساعه اربعه ابو حكيم سنتين من متابعه اخبار بلدنا بتخلي الواحد متلي يخربط اكتر من هيك فكيف بمن تنكسر الجره على رأسه بقي سؤال كم سترتفع اسعار السلع الغذائيه بعد هذا الانحدار السريع في قيمه الليره والى متى هذا التدهور في قيمتها ؟ شهر شهرين ثلاثه .....سنه ؟ وعم تقولو ليش هالخربطه بالحكي شي بيخربط يلي عمرو ماتخربط .....امت وخلصت

صباح الخير أبو يزن ....
معناتو حسب زحل يلي زاحل أعلو(عقلو )
و حسب عطارد يلي ما بعرف مين عميطاررد.....
و حسب جرزة البقدونس يلي متوضعة بمدار المجدرة ...المتقاطعة مع اهليليج درب تبانة السلطة
انو العشرة ملايين دولار جايين ...جايين ....
الحمد لله رب العالمين ....
يا سيدي فرحتني كتير ...و بالأخص هي الأيام الدولار 140
راح مارس دوري الوطني و ادعم العملة المحلية بهالمبلغ ...
و بالتالي الله يستركون ...معناتو لوين راح وصلكون الدولار ...
ميالة دعم الدولار ووعد ,,,,ووفى .....و صار ب 140
وأنا و أعوذ بالله من كلمة أنا سأدعم الدولار و راح وصلكون ياه الى .......؟؟؟؟؟؟و لا الكون ......!!!!!!!!!
خليلكون ياها مفاجأة ........

[لقماان]

اقتباس: المشاركة الأصلية كتبت بواسطة abo haydara    صباح الخير جميعا

جميعا أهلين أبو حيدرة ............

[لقماان]

اقتباس: المشاركة الأصلية كتبت بواسطة عابر مجيب    شو هاد ياه ساعة عم اكتب ومحص واتصل ، وبس اعتمدت المشاركة ، قال شو ؟ الموضوع مغلق ! طيب انا كنت جوا ، قبل ما يسكر الصندوق ! بس على مين ، عملت اناريير ، ونسخت ، وحملت حمالي وبوشي لهون . تفضلوا : اقتباس:المشاركة الأصلية كتبت بواسطة لقماان صباح الخير كم سعر الدولار من صباحية الله... هللأ بيسألوني مستغربين ...اي لسا ما فتح السوق.... بس على حد علمي انو سوق الهال اليوم فتح من الساعة 4.5 بكير كان في بيع و شراء!!!!!! على ذكر سوق الهال ضيعة لبنانية يعني شغلة متل صيدا الفوقى مثلا وفتحين متلهم كانوا يوردوا محصولهم لسوق الهال بالبلدة وكانوا في الغرب والمدينة بالشرق وهنن رايحين الشمس بوشهم وتزعج عيونهم صباحا عند المسا يرجعوا والشمس بوشهم طبعا أهل المنطقة بيقولو سمس القصة حقيقية وممكن جبلكم اسم البلدة بس نسيانو اتصلت برفيقي وسألتو ، شوف هالخزوة ، طلعوا أهالي راس بيروت ، وأنا عملتهم من غير منطقة وعم ألف من عقلي . نعم أهالي راس بيروت وكانوا كلهم فلاحين ، ومناطقهم زراعية خضار وبصل وبقدونس ، شي متل ريف دمشق وكفرسوسة مثلا وكلامهم متل أهالي الشام القدامى ، طلعت السمسة ، وقطفنا الزوزة ... ألخ والله الجماعة قرروا يشتكو للمحافظ من الشمس وفعلا ( القصة حقيقية مو مزح والله ) استقبلهم المحافظ واشتكوا على السمس قال لهم محافظ بيروت : طيب انتو ليش ما بتنزلو بضاعتكم المسا وبتبيعوها وبيرجعوا الصبح وبتكون الشمس وراكم بالمرتين طار عقلهم ورجعوا فرحانين وعم يقولوا : اشتكينا للمحافظ وشكانا ، يعني قبل الشكوى وحل مشكلتهم . ياما في الجراب يا حاوي شوفو لما بحكي مع أولادي وقت كانوا صغار ، تجي امهم تقلهم يلا عالعشا . يأشرو بأيدهم بعصبية أن تسكت هلأ ، والله تقول عم يتابعوا مسلسل تلفزيوني أو خبر مهم وعم تقطعلهم المتعة . ههههههههههههههههه

والله حكياتك كتير حلوين و حتى نحن عمنسمع هيك وبتلائينا مبتسمين وفاتحين تمنا ...و عميرجع فينا الزمان لورا
طيب سؤال أخي عابر ....
هللأ وئت كنت تحكي مع ولادك و هنن صغار و تجي أمون تعزمون على العشا كانو يعصبوا و يأشرولا بايدون أنو تسكت .....
طيب بعد ما كبروا الولاد وئت تحكي معون و يصير وئت العشا شو يكون تصرفون
بدي الجواب بصراحة ...
و كمانة سؤال ...أكيد ضللت وجبة عشا وحدة انت و عمتحكي ..مو كل عشر دقائق يجي حدن و يؤول يالله ناكل عشا تاني .....من بعد ما كبروا الولاد

[رندة]

أسعد الله أوقاتكم جميعاً
جمعة مباركة

[رندة]

خيط صدق رفيع يشدني أن أغرس الكلمات كالمبضع

كسليل الفرسان دون كيشوت يحارب طواحين الهواءويعود رابحاً

يستل مكاناً تهشمت فيه أرواحنا جميعاً

بكت سمائنا مطراً سخياً لم ينضب

من مسام حجارتنا عويل دماء لم يزل يسكب

كأن شغف الحياة يعلنها صرخة أن صبرنا لم ينفذ

وان براعم الربيع آن أن تتفتح

[رندة]

ما الكلمات اللائقة بعد حدوث مجزرة !!!
الجواب لايوجد
كل ما يحدث إننا نخسر انسانيتنا أكثر
ويتجردون من أقنعتهم أكثر
كلنا مدانون حتى نفعل العكس

[عابر مجيب]

اقتباس: المشاركة الأصلية كتبت بواسطة لقماان    والله حكياتك كتير حلوين و حتى نحن عمنسمع هيك وبتلائينا مبتسمين وفاتحين تمنا ...و عميرجع فينا الزمان لورا طيب سؤال أخي عابر .... هللأ وئت كنت تحكي مع ولادك و هنن صغار و تجي أمون تعزمون على العشا كانو يعصبوا و يأشرولا بايدون أنو تسكت ..... طيب بعد ما كبروا الولاد وئت تحكي معون و يصير وئت العشا شو يكون تصرفون بدي الجواب بصراحة ... و كمانة سؤال ...أكيد ضللت وجبة عشا وحدة انت و عمتحكي ..مو كل عشر دقائق يجي حدن و يؤول يالله ناكل عشا تاني .....من بعد ما كبروا الولاد

والله كل شي على حالو ، أحيانا بدل ما أحكي بقلهم تعالو شوفوا شوكتبت ، بعد ما كون قريت أنا بنرجسيتي شي تلت أربع مرات
بالنسبة للعشا ، والله صاروا تلاته وأحيانا أربعة ، الله يلعن اللي اخترع الميكرو ويف
المشكلة بيضلو نحاف متل اللي عم ياكل من زيت الجامع ، وأنا كل فترة بشتري بنطلون أوسع ، مو بيقولوا مفتاح البطن لقمة !
بحس ولادي مرايتي ، وبيفهو عليي عالطاير
لما بيروحو مع امهم ، بتقلي والله كأنك كنت معنا ما افتقدناك ، هاضمينك وماشي بدمهم هههههههه

[ابو الحسن عمر]

السلام عليكم ورحمة الله وبركاته
جمعة مباركة للجميع
تسلم اخ رامي والله يفرج همك وترجع الوالدة بخير وسلامة
ان شالله بيرجع الامان لبلدنا وبنعزمك انت والشباب ع المكتب واحلى غدا وعشا وسهرة للجميع
شباب انا ناوي بس تخلص ها الازمة ببلدنا انو نام بالشارع لمدة عشر ايام متواصلة لأنو كنت متعود كل يوم اسهر للساعة وحدة برا البيت

[رندة]