المتابعة اللحظية لجلسة تداول الأربعاء 17-08-2011

[manar]

اقتباس: المشاركة الأصلية كتبت بواسطة m3maher    أهلاً أخي منار أنا دائماً موجود بكل متابعة معكم ولكن مو دائماً بشارك بسبب متابعة العمل

الله يعطيك العافية
شو هو عملك

[Salam L]

اقتباس: المشاركة الأصلية كتبت بواسطة m3maher    رجاءً رجاءً رجاءً أتمنى من المتشائمين أن لا يجروا معهم المتفائلين بسبب تعليقاتهم وكل متشائم يتشائم لوحده وما يسحب حدا لعنده

كل شخص هون حقه يحكي اللي بدو ياه...

وبنفس المنطق رح جاوبك..هل حق المتفائل يسحب الباقي لعنده ويساهم بأنو يخسر مصاريه مثلا؟؟

هي متل هي........ ومتل مافي ناس عم تقول السوق رح يطلع... في ناس حقها تقول السوق مارح يطلع...او رح ينزل... او بكل بساطة الوضع مجهول

هو بالاخير احتمال خمسين بالمية!! ليش بدكن تسمعوا لاحتمال واحد بس!! او الانسان بيحب يسمع الكلام اللي بيريحه حتى لو كان بالواقع عم يسببله اذى!!

[M3Maher]

اقتباس: المشاركة الأصلية كتبت بواسطة m3maher    السلام عليكم ورحمة الله وبركاته وصباح الخير للجميع أخي أبي نادر كيفك وكيف حمص وأهلها اليوم ؟ أتمنى عليك لو تغيرلنا هالصورة يللي حاططها والله منظرها بكشش البدن وياريت تحط صورة رمزية لمعلم من معالم حمص الجميلة كساحة الساعة مثلاً مجرد إقتراح والله يحمي هالبلاد

ما جاوبت أخي أبي نادر
بس ما تكون زعلت من إقتراحي

[economic opinion]

اقتباس: المشاركة الأصلية كتبت بواسطة mouayad    كأنوا تجميع يعني ما حدا كان يتوقع الاسلامي ب 510 ليرات يا بلاش و الجلسة القادمة ب 500 على الاكتتاب المباشر ما بعرف لوين رايحين

والله ما لي فهمانة شو صاير بكل هالسوق مبارح واليوم

[وائل77]

سعر الاسلامي بالاحلام بس الواح حاسس حاله شايف كابوس

[M3Maher]

اقتباس: المشاركة الأصلية كتبت بواسطة salam    كل شخص هون حقه يحكي اللي بدو ياه... وبنفس المنطق رح جاوبك..هل حق المتفائل يسحب الباقي لعنده ويساهم بأنو يخسر مصاريه مثلا؟؟ هي متل هي........ ومتل مافي ناس عم تقول السوق رح يطلع... في ناس حقها تقول السوق مارح يطلع...او رح ينزل... او بكل بساطة الوضع مجهول هو بالاخير احتمال خمسين بالمية!! ليش بدكن تسمعوا لاحتمال واحد بس!! او الانسان بيحب يسمع الكلام اللي بيريحه حتى لو كان بالواقع عم يسببله اذى!!

إيه طولي بالك علينا يا أخت سلام
أنا أقصد الطرفين
يعني المتفائلين كمان ما يعطوا نصائح لحدا كمان
وكل واحد حر برأيه وما يحاول يفرضه على الطرف الثاني

[Salam L]

اقتباس: المشاركة الأصلية كتبت بواسطة economic opinion    والله ما لي فهمانة شو صاير بكل هالسوق مبارح واليوم

بصراحة في شي غريب... اغرب من العادة...خصوصي بالاسلامي...

لاحظوا انو في عدة اسهم كان لونها اخضر فاتح او غامق مبارح او اليوم... بس الاسلامي عم يتكسر تكسير... علما انو المتفائلين كانوا متوقعين ارتداد من يومين خصوصي بعد تجميع كتير كبير صار بجسلتين او 3... قام نزل السهم 5%...

حاسة في حدا عم يهرب منو... يارب كون غلطانة...

والهوامير اللي عم تشتري مابعرف ليش لهلق مابلشت ترفع السعر.... في إن بالموضوع... المفروض بصراحة مبارح واليوم اخضر اخضر... وبعدها الاسبوع الجاية كان رجع فات بدورة الانخفاض...

[ابي نادر]

اسف انشغلت شوي

انا مضطر للخروج

سلام عليكم

[M3Maher]

اقتباس: المشاركة الأصلية كتبت بواسطة economic opinion    والله ما لي فهمانة شو صاير بكل هالسوق مبارح واليوم

لا تحاولي تفهمي لأنه ما حدا عم يقدر يفهم شيئ
ويبدو الدهانات الخضر كتير مغشوشين
وعم يبهت اللون بسرعه

[ابراهيم طاهر]

الاسهم بأسوء احولها والامور معومة