المتابعة اللحظية لجلسة تداول الثلاثاء 21-06-2011

[Rihab]

اقتباس: المشاركة الأصلية كتبت بواسطة salam    الكلام صحيح...والخروج اليوم لم يكن اختياري وهالشي تعمم على الموظفين من مبارح.....وفي ناس تعبت وماقدرت توصل فرجعت على بيوتها بعد مابلشت المسيرة...وفي ناس ماقدروا يوصلوا لاماكن العمل اساسا بسبب انقطاع المواصلات بشكل شبه كامل في بعض المناطق..وانا شخصيا رجعت مشي على البيت.... ومافي داعي حدا يعصب على حدا ويقول صح ومو صح....

معك حق بس كمان في ناس ما طلعت بنوب وهنن بيشتغلو بالقطاع العام، وفي ناس مالها ولا بأي قطاع وطلعو ليعبرو عن مشاعرن

ما فينا نقول غير الله يهدي البال وتنحل الأمور

[Salam L]

اقتباس: المشاركة الأصلية كتبت بواسطة economic opinion    يا سيدي أنا موظفة بقطاع خاص وبالشام وبصراحة ماحدا طلب مننا نطلع وكلنا منعرف إنو يلي مابدو يطلع بيقدر مايطع ليش مين شايف من وقف بالمسيرة ومين ما وقف بعدين حضرتك شوبتشتغل وين متواجد هلأ يعني بالشغل ولا مجبور توقف بالمسيرة؟؟؟؟؟ ولا يمكن حضرتك مو موظف؟

روان ليش معصبة عليه...الاخ ماغلط بكلامه...

[BROKER]

اقتباس: المشاركة الأصلية كتبت بواسطة الأدهم    بركي لأن في مسيرة أو بركي لأن الإنترنت مقطوع عند الكل تفائلو ياناس مشان الله شوية تفائل بركي بتفائل معكم لك حتى أنا متشائم حسبي الله ونعم الوكيل صار الوضع مأساوي جداً جداً جددددددددددددددداً

يمكن ما عم تزبط لانو كلكون عم تكتبوا الهمزة غلط .....

لهيك ما عم يسمعنا التفاؤل ويجي ....

تفاءلوا ......
تفاؤل .......

[economic opinion]

اقتباس: المشاركة الأصلية كتبت بواسطة salam    الكلام صحيح...والخروج اليوم لم يكن اختياري وهالشي تعمم على الموظفين من مبارح.....وفي ناس تعبت وماقدرت توصل فرجعت على بيوتها بعد مابلشت المسيرة...وفي ناس ماقدروا يوصلوا لاماكن العمل اساسا بسبب انقطاع المواصلات بشكل شبه كامل في بعض المناطق..وانا شخصيا رجعت مشي على البيت.... ومافي داعي حدا يعصب على حدا ويقول صح ومو صح....

معناها أخت سلام إنتي رجعتي وما حدا منعك

[Salam L]

اقتباس: المشاركة الأصلية كتبت بواسطة rihab    معك حق بس كمان في ناس ما طلعت بنوب وهنن بيشتغلو بالقطاع العام، وفي ناس مالها ولا بأي قطاع وطلعو ليعبرو عن مشاعرن ما فينا نقول غير الله يهدي البال وتنحل الأمور

90% من القطاع العام طلع اليوم...خصوصي الوزارات والجهات اللي الها طابع اداري ومافي داعي لتواجدهن بشكل مستمر متل الاطباء والمشافي الخ.... ونحنا بشغلي سكرنا كل شي وماحدا بقي...

واكيد في ناس كتير مالها بأي قطاع وطلعت.....وهالشي كتير طبيعي....

[أبواليمان]

لو كانت المسيرات عفوية ما كان السوق هيك أكيد كان لازم يكون أخضر بإمتتياز، الي بيعرف كيف بتتسير المسيرات هن نفسهن هوامير السوق والله أعلم.

بعدين مين آل أنو الموظفين مجبرين على الحضور ؟ ما في شي من هاد أبداً بيطلع الموظف بكل ديمقراطية بس بال ...... أجلكم الله، أنا مو موظف بس بدكن تسألو الي ما طلع المرة الماضية شو انبسطو منو .... حتى انهن كافؤوه على ديمقراطيته ...... في ناس ثقة كتير حكتلنا بس بجوز يطلعو مندسين وفقاً لرواية الإعلام السوري.

على كل حال أحلى شي بهاد المنتدى أنو ما في سماح للحوار السياسي وهي فعلاً أكتر شغلة حكيمة من إدارة المنتدى.

لهيك أنا بطلب من إدارة المنتدى تحذف أي شي دخلو بالسياسة وممكن يعمل خلاف بوجهات النظر وأولهن تعليقي هاد.

انا بعتذر بجد بس الخطأ مو من الرد، الخطأ من الي فتح الموضوع.


خلونا نحكي اقتصاد ونشير إشارة بس للأوضاع السياسية

[Salam L]

اقتباس: المشاركة الأصلية كتبت بواسطة economic opinion    معناها أخت سلام إنتي رجعتي وما حدا منعك

اكيد ماحدا واقف بحواجز عسكرية يقول للناس تعوا وروحوا...

بس انتي بدك العنب او بدك تقاتلي الناطور....

القطاع العام طلع بشكل جماعي وكل الدوائر مسكرة وبعدين في ناس كملت مشي وناس رجعت وناس ماقدرت توصل...وهاد واقع ...

[economic opinion]

اقتباس: المشاركة الأصلية كتبت بواسطة salam    روان ليش معصبة عليه...الاخ ماغلط بكلامه...

وحياتك يا سلام مالي معصبة.. بس يعني عم حاول ناقش بالمنطق

[ملك]

اقتباس: المشاركة الأصلية كتبت بواسطة economic opinion    يا أخي بس حدا يقللي مين بيقدر يشوف إنك وقّفت بالمسيرة أو ما وقفت؟ لا تقللي حاطين جهاز بصمة عالساحة؟

كل مؤسسة او شركة في الها مكان للتجمع بالقرب من الساحة الرئيسية للتجمع ومن ثم كل واحد بيبدأ يتفقد من حوله وكل ما مشوا للامام كل واحد بكون في حالة مراقبة للاخر

...........

[BROKER]

اقتباس: المشاركة الأصلية كتبت بواسطة salam    يمكن هيك وقتها كان الحد الادنى او شي قريب منه.... انا هلق عم قاوم اغراء رفع سماعة التلفون وبيع كل شي.... تذكرت الاخ طارق لما قلي انو عمل هيك....والله كان موقف شجاع وطلع صحيح 100%

ومن يومين رجع عاد الكرة لباقي الاسهم

احلى شي بيعملها وهوى بالطريق بدون ما يعرف الاسعار ولا الارقام