صالة أسعار الدولار والذهب مقابل الليرة السورية ليوم الثلاثاء 8-10-2013

[تيسير ابو محمد]

سؤال للاخ رامي العطار :لماذا التدخل كان له تأثير عكسي

[روميو]

مسا الخير يا اكابر
لك شبكن يا جماعة نص الالف خسمية والله قلقان عليكن شايفكن نايسين كتير اكيد كلو قاعد عم يفكر ويحسب خلوها عالله وانشالله الله بيعوض الخسران والله يهني الربحان
مدري هالجو الزمهرير هاد مأثر عليكن وعسيرة الجو عنا بحومص برررررررررررررررررررررد كيف الجو عندكن
برأي بكرة السوق للمراقبة حتى نعرف اذا رح تنكسر نقطة ال185 او لا واذا انكسرت المقاومة التانية عند ال 200
والله الموفق

[حكيم الزمان]

أكد رئيس الوزراء، وائل الحلقي، يوم الثلاثاء، أن "الحكومة مستمرة بسياستها في دعم المواد الأساسية للمواطنين"، مشيرا إلى أن "كل ما يشاع عن تخليها عن هذه السياسة أو رفع سعر المازوت عار عن الصحة".
سيريانيوز

[pop75]

شباب شو مشان انه اليوم شركة بيكو قامت بترجيع مبلغ الخمسين الف دولار التي تم شرائها امبارح لمصرف سوريا المركزي بعد موافقه الحاكم على طلب الترجيع على نفس سعر الشراء 166.34 بدعوه انه من امبارح للحظة عملية ترجيع ال 50 الف دولار للمركزي ما قدرو يبيعو غير 500 دولار حسب التعليمات الجديد المقيدة لعملية البيع يعني رجع مبلغ التدخل الى 100 الف دولار فقط من اصل 10 مليون 50 الف عند المتحده اللي ما باع شي منها و 50 الف عند مكتب باهم و شامي اللي بالحريقة و ما بعرف شو صار معه

و على قولت الشركات اللي شاركت بالتدخل و لم تقم بالشراء انه السوق فيه حاجته من الدولار شو رأيكم باللي عم يصير و تدخل اخر صيحة اليوم اشتري و بكره رجعهم

[hasan ash]

كان عنا شروة و في صراف وعدنا ع 178 بعدين فقست الشروة و فقسنا معو رجعت الشروة صار بدو 180

[البحر الهائج]

مبروك عودة شبكة الانترنيت لأهالي حلب وناطرين مشاركاتكن الحلوة

[golden]

شباب الملاحظ السوق عبيبرد المسا وبيفتح الصبح بالعلالي
عند المسا صار في عرض دولار كتير
ان شاء الله تصير شي مفاجئة وينزل سعر الدولار الكل بستفيد وبترخص الاسعار وبيكسر الجمود

[روميو]

اقتباس: المشاركة الأصلية كتبت بواسطة pop75    شباب شو مشان انه اليوم شركة بيكو قامت بترجيع مبلغ الخمسين الف دولار التي تم شرائها امبارح لمصرف سوريا المركزي بعد موافقه الحاكم على طلب الترجيع على نفس سعر الشراء 166.34 بدعوه انه من امبارح للحظة عملية ترجيع ال 50 الف دولار للمركزي ما قدرو يبيعو غير 500 دولار حسب التعليمات الجديد المقيدة لعملية البيع يعني رجع مبلغ التدخل الى 100 الف دولار فقط من اصل 10 مليون 50 الف عند المتحده اللي ما باع شي منها و 50 الف عند مكتب باهم و شامي اللي بالحريقة و ما بعرف شو صار معه و على قولت الشركات اللي شاركت بالتدخل و لم تقم بالشراء انه السوق فيه حاجته من الدولار شو رأيكم باللي عم يصير و تدخل اخر صيحة اليوم اشتري و بكره رجعهم

شي بحط الأعل بالكف

[حكيم الزمان]

جريدة الوطن :

60 قاطرة ومقطورة محملة بالمواد الغذائية والمحروقات دخلت حلب منذ دقائق

[أحمد الأحمد]

اقتباس: المشاركة الأصلية كتبت بواسطة انس الحموي    اخي احمد السعر من الصباح وحتى الساعة الخامسة عصرا الشراء كان من قبل الصرافين 175 ....مبيع 180 ومن قبل الغير الصرافين 176 شراء...180 مبيع وكان سعر 180 للمبيع متوفر بمنتهى السهولة .... حتى 180.5 محد يرضى يشتري بهدا السعر وفي ناس كتير بحماة تعرفت عليها ومتابعتنا وبتاكدلك هل الشي ... لانو السعر الرائج كان 180 وكان الناس عما تبحث على 179 ....والى الان سعر المبيع لم يشهد الا تغير طفيف 182 ومتوفر بمنتهى السهولة واذا ما ملاقي انا بساعدك وبدلك على اماكن بتحصل فيها بهل السعر

أخي أنس مشكور على التوضيح . الكل يعتبرك قمة في النشاط والدقة والحرفية وتشكر على ذلك , ووضع ملاحظتي على مشاركتك ليس معناها الاعتراض او الشك بمصداقيتك . انت تعرف ان الأمكنة ليست واحدة وهناك عدة مراكز قد يكون هناك فروقات بالاسعار ولو بسيطة , وهذا ماحصل وكتابتي الملاحظة هي للاطلاع والافادة وأن هناك تغير قد حصل ....
( وبشككرك على خدماتك وعلى أولة أخينا داينميك بلس نحنا لانبيع ولانشتري وكلو عالسمع )