صالون سيرياستوكس للعطلات(1-2-3-4-5-6) -5-2013

[غسان]

صباح الخير مما قرات انفجار ضخم في مستودعات الوقود في مطار دمشق

فعلا لا ادري ماذا يمكن ان يقول الواح عندما يشاهد بلده تدمر جزء جزء مطار مطار جسر جسر حاره حاره جامع جامع بيت بيت زنكه زنكه .....من انتم .....من انتم

[ياسمينة]

صباح الورد
بيجيني الرد بالتويتر انو صباحاتنا دائما مؤلمة
برد وبقول ولو مؤلمة عنا خيارين نبتسم ونحنا عم نبكي او ينحرق قلبنا مع دمعة هيك شي تقريبا مو حرفيا يعني .. خياري دوما افرح وانتظر الاحسن من اليوم باولتو وما اتوقع شو ناطرني دايما بقول الله مخبيلي الاحسن .
انت موجود بحياتي يعني حياتي اجمل يعني يومي احلى يعني كل دقيقة بتمر علي هي نعمة بحد ذاتها ، كل انسان منا عندو هاد الشخص الي بيوقف جنبو وبيعطي لحياتو طعم والوان ممكن ابوك ممكن امك ممكن ابنك ممكن زوجك او حبيبك .. الحياة كلها اشياء وهدايا صغيرة موجودة على الطريق بس الي بيقدر يشوف وينتبه لكل تفصيلة هو الي رح يكون سعيد .
كل شخص يطلع بعيون هاد الانسان الي ملون حياتو ويقلو شكرا انك موجود بحياتي
اوقاتكون أمل وأمل وأمل بعيدا عن الألم مع انون نفس الاحرف بس بترتيب مخالف الشاطر الي بيرتبون متل ما بدو لهالاحرف .

[عابر مجيب]

شو هاد ياه
ساعة عم اكتب ومحص واتصل ، وبس اعتمدت المشاركة ، قال شو ؟ الموضوع مغلق !
طيب انا كنت جوا ، قبل ما يسكر الصندوق !
بس على مين ، عملت اناريير ، ونسخت ، وحملت حمالي وبوشي لهون .
تفضلوا :

اقتباس: المشاركة الأصلية كتبت بواسطة لقماان    صباح الخير كم سعر الدولار من صباحية الله... هللأ بيسألوني مستغربين ...اي لسا ما فتح السوق.... بس على حد علمي انو سوق الهال اليوم فتح من الساعة 4.5 بكير كان في بيع و شراء!!!!!!

على ذكر سوق الهال
ضيعة لبنانية يعني شغلة متل صيدا الفوقى مثلا وفتحين متلهم
كانوا يوردوا محصولهم لسوق الهال بالبلدة وكانوا في الغرب والمدينة بالشرق
وهنن رايحين الشمس بوشهم وتزعج عيونهم صباحا
عند المسا يرجعوا والشمس بوشهم
طبعا أهل المنطقة بيقولو سمس
القصة حقيقية وممكن جبلكم اسم البلدة بس نسيانو
اتصلت برفيقي وسألتو ، شوف هالخزوة ، طلعوا أهالي راس بيروت ، وأنا عملتهم من غير منطقة وعم ألف من عقلي .
نعم أهالي راس بيروت وكانوا كلهم فلاحين ، ومناطقهم زراعية خضار وبصل وبقدونس ، شي متل ريف دمشق وكفرسوسة مثلا
وكلامهم متل أهالي الشام القدامى ، طلعت السمسة ، وقطفنا الزوزة ... ألخ
والله الجماعة قرروا يشتكو للمحافظ من الشمس
وفعلا ( القصة حقيقية مو مزح والله )
استقبلهم المحافظ واشتكوا على السمس
قال لهم محافظ بيروت : طيب انتو ليش ما بتنزلو بضاعتكم المسا وبتبيعوها وبيرجعوا الصبح وبتكون الشمس وراكم بالمرتين
طار عقلهم ورجعوا فرحانين وعم يقولوا : اشتكينا للمحافظ وشكانا ، يعني قبل الشكوى وحل مشكلتهم .

ياما في الجراب يا حاوي

شوفو لما بحكي مع أولادي وقت كانوا صغار ، تجي امهم تقلهم يلا عالعشا . يأشرو بأيدهم بعصبية أن تسكت هلأ ، والله تقول عم يتابعوا مسلسل تلفزيوني أو خبر مهم وعم تقطعلهم المتعة . ههههههههههههههههه

[abu mhd]

صباح الخير
صباح ويوم نرجو ان يمر بدون دماااااااااااااااااااااااااء
فقد تعبنا و هرمنا

[abo haydara]

صباح الخير جميعا

[Big H]

السلام عليكم ورحمة الله وبركاته - صباحكم أمن وخير

سلام على صوت "الوزّازة" وهي الطائرة التي تقوم بالاستطلاع
والتصوير أولاً
ورحمة على صوت "الميغ" وهي تقصف ثانياً
وأمن على صوت المدفعية تضرب
وخير على أخبار الدولار والغلاء

[Big H]

اقتباس: المشاركة الأصلية كتبت بواسطة غسان    صباح الخير مما قرات انفجار ضخم في مستودعات الوقود في مطار دمشق فعلا لا ادري ماذا يمكن ان يقول الواح عندما يشاهد بلده تدمر جزء جزء مطار مطار جسر جسر حاره حاره جامع جامع بيت بيت زنكه زنكه .....من انتم .....من انتم

تتمه سينمائية :
.... من أنتم ....لا رجوع ....إلى الأمام .... إلى الأمام
موسيقى مكتوبة :
آخ .... طج .... بف .... أي .... روّء أبو الشباب ....
عيني .... أنا مادخلني .... طلاع عالباص ولا ....
مشاهدات مكتوبة :
فردة صبّاط منتوره .... زر وائع بالأرض .... قلم
بيك مكسور .... ولون أحمر .... ولون أحمر ....
ولون أحمر .. أحم .. أح .. أ ..
معلّق "مايكل مور" مثلاً :
ما داء خلئكون من هالموسالسال الماكاسيكي الأحمر...

[غسان]

لنفترض ان انفجارا كبيرا ادى لهدم بناء كامل علي رؤوس قاطينه في دوله ما على كوكبنا الجميل العاطفي،،،،،،،،،

اجتمع المحققون من الشرطه المحليه ثم المركزيه ثم جاء محققون من الانتربول الدولي ومن الامم المتحده ومن منظمات معنيه ومن الااف ب اي وال ك جي بي والاز تي عين


وابتدأت الاراء :

¥ الاهم عدم لمس اي نقطه من الموقع حتي يتم مسح الادله الجنائيه

¥ بل الاهم انقاذ الناس الموجودين فهذا بديهي

¥ بل الاهم من ذلك معرفه الجاني وتفسير الموضوع وملاحقته قبل ان يقوم بتفجيرات اخطر.

¥. يا جماعه الاهم هو ان نعرف الان كيف حدث التفجير هل هو عبوات ناسفه ام هاون ام قصف طيران ام سيارات انتحاريه لان ذلك يساعد على ايجاد الفاعل وبالتالي وقف الدم

¥ الاهم هو ان نحاول لملمه الموضوع وايجاد ارضيه مشتركه ليجلسوا بدلا من هذا الجنون

¥ الاهم هو الاتصال بشرطه وجيش اندرو ميدا فهو الاقدر على التدخل السريع

¥ الاهم هو كشف من يساعد الفاعل سواء بالكلام او الفعل وكشفه وتعريته وتعريضه لعوامل الحت والتعريه

¥ الاهم هو ان نستنكر هذا الفعل وندينه باشد العبارات القاسيه على مختلف وسائل الاعلام

رئيس فرق المحققين :لم يعد كل ماتقولنه مهما لانه حدث قبل ثوان انفجارا اقوى واشد

والاهم الان في هذه المرحله الوصول لمكان الحدث واكمال الحوار هناك قبل ان نضطر للمغادره لموقع اخر،،،،،،،،،،يضغط على اللاسكلي ::: نعم قادمون للموقع باسرع وقت ،،،،،،،حسنا لنسمح للاسعاف ان ينتشل من بقي حيا ،،،،،،،،،، بسرعه شباب

[BROKER]

اقتباس: المشاركة الأصلية كتبت بواسطة ياسمينة    صباح الورد بيجيني الرد بالتويتر انو صباحاتنا دائما مؤلمة برد وبقول ولو مؤلمة عنا خيارين نبتسم ونحنا عم نبكي او ينحرق قلبنا مع دمعة هيك شي تقريبا مو حرفيا يعني .. خياري دوما افرح وانتظر الاحسن من اليوم باولتو وما اتوقع شو ناطرني دايما بقول الله مخبيلي الاحسن . انت موجود بحياتي يعني حياتي اجمل يعني يومي احلى يعني كل دقيقة بتمر علي هي نعمة بحد ذاتها ، كل انسان منا عندو هاد الشخص الي بيوقف جنبو وبيعطي لحياتو طعم والوان ممكن ابوك ممكن امك ممكن ابنك ممكن زوجك او حبيبك .. الحياة كلها اشياء وهدايا صغيرة موجودة على الطريق بس الي بيقدر يشوف وينتبه لكل تفصيلة هو الي رح يكون سعيد . كل شخص يطلع بعيون هاد الانسان الي ملون حياتو ويقلو شكرا انك موجود بحياتي اوقاتكون أمل وأمل وأمل بعيدا عن الألم مع انون نفس الاحرف بس بترتيب مخالف الشاطر الي بيرتبون متل ما بدو لهالاحرف .

انتي متأكدة انو موجود عند كل انسان ؟؟

[BROKER]

صباح الخيـــــر والأمان

وعودة السلام